Shqipëria U-21 do të zhvillojë sot ndeshjen miqësore ndaj Ukrainës, në stadiumin “Szentmarjay Tibor” të Hungarisë. Takimi është programuar të nisë në orën 15:30.

Trajneri Alban Bushi pritet të ketë në dispozicion pjesën më të madhe të skuadrës, pavarësisht disa mungesave. Në formacionin kuqezi pritet të shfaqen edhe dy prurje të reja, Numan Ajeti dhe Omer Bunjaku, të cilët synojnë debutimin me Kombëtaren U-21.

Për kuqezinjtë, kjo përballje përbën një provë me rëndësi në kuadër të përgatitjeve për kualifikueset e Europianit të ardhshëm. Sfida ndaj Ukrainës shihet si një mundësi për ekipin që të fitojë ritëm dhe të përgatitet sa më mirë për ndeshjet e ardhshme.

The post U-21 e Shqipërisë përballet sonte me Ukrainën në Hungari appeared first on Albeu.com.