Në Serbi u raportua fillimisht se Veljko Paunoviç do të jetë pasuesi i Stojkoviç. Tashmë duket se kanë ndryshuar mendje, pasi emri i ri shfaqet Vladan Milojeviç.

Ky i fundit drejton Crvena Zvezdën ng aviti 2023. Gjithçka do të zyrtarizohet këtë të premte, siç federata serbe ka njoftuar.

55-vjeçari si futbollist luante vetëm në Greqi dhe Serbi. Në anën tjetër karrierën si trajner e ka pasuruar me eksperiencat në Arabi dhe Qipro.

The post Serbia me pasoja të rënda nga Shqipëria, ndryshon mendje për trajnerin appeared first on Albeu.com.

Serbët kanë marrë masa të shumta për të pasur një ndeshje me qetësi, teksa nuk kanë munguar as problemet siç ishte vendosja e flamurit shqiptar në stadium, apo edhe pretendimet se shqiptarët kanë tentuar të shesin flamuj e fanella, pavarësisht se në Serbi nuk do të ketë tifozë shqiptarë.

Sikur të mos mjaftonin këto, serbët kanë një tjetër frikë. Ata i tremben faktit se shqiptarët janë duke blerë bileta, për të qenë në stadium dhe diçka të tillë po e bëjnë shqiptarët që zotërojnë një pasaportë serbe.

Të shumtë janë ata që kanë mbetur jashtë kufijve zyrtar të Kosovës, në Luginën e Preshevës apo Bujanoc, ndërkohë që ka edhe shqiptarë në Nish e Leskovac.

Duke përfituar nga pasaporta serbe, këta mund të blejnë bileta për të qenë në stadium, gjë e cila do të sillte jo pak probleme për sigurinë e ndeshjes, duke qenë se çdo incident që mund të ndodhë nga tifozët, i faturohet palës serbe, pavarësisht se mund të ketë shqiptarë nëpër tribuna.

The post Serbët të shqetësuar: Shqiptarët po blejnë bileta, i sigurojnë nëpërmjet… appeared first on Albeu.com.

Kombëtarja shqiptare, ka zhvilluar stërvitjen e fundit nën urdhrat e trajnerit Sylvinho, i cili pritet të zbresë në fushë me formacionin më të mirë të mundshëm.

Nga ajo që raportohet, kuqezinjtë pritet të nisin me Strakoshën në portë, mbrojtjen me Hysaj, Ajeti, Gjimshiti dhe Mitaj, në mesfushë Laçi, Asllani dhe Shehu, ndërsa në sulm Broja, Bajrami dhe Manaj.

Ndeshja nuk do të luhet në stadiumin e Beogradit, por në Leskovac, aty ku mund ta shohin direkt vetëm 8000 tifozë.

Të dy skuadrat do të përballen me njera-tjetrën, teksa ndodhen në grup në vendin e dytë dhe të tretë, përkatësisht me 8 dhe 7 pikë të grumbulluara.

Kujtojmë se masat kanë qenë të rrepta pasi futbollistët shqiptarë shkelën në tokën serbe. Hoteli ku qëndron kombëtarja shqiptare në Nish është rrethuar dhe blinduar nga forca të shumta policore, për të garantuar sigurinë maksimale të skuadrës kuqezi në prag të sfidës.

The post Përballja e Shqipërisë me Serbinë, masa të forta sigurie në stadiumin me 8 mijë vende appeared first on Albeu.com.

Ndërkohë është bërë i ditur numri i lojtarëve që do jetë sot në stol, 22. Ndërsa një lojtar do ta ndjekë sfidën nga tribuna, sipas zgjedhjes së trajnerit Silvinjo.

Bëhet fjalë për fantazistin Nazmi Gripshi, i cili udhëtoi nga Kazakistani ku luan me Astanën, për t`ju bashkuar Kombëtares.

Trajneri brazilian tregonte në konferencë se e ndiqte Gripshin prej disa muajsh, por tashmë ka vendosur që ende nuk është koha e tij për të luajtur në Kombëtare.

The post Sfida Shqipëri-Serbi/ ja cili lojtar i Kombëtares përfundon në tribunë appeared first on Albeu.com.

Ndeshja me Serbinë. Çfarë duhet të presim nga kjo ndeshje?

Po patjetër që do të presim rezultat pozitiv, asgjë tjetër.

E ka Shqipëria kualitetin për ta marrë?

Po, përderisa po luftojmë për një vend, pse të mos e ketë?

Përtej tifozëve është edhe vetë federata, që po merr disa masa ndoshta drastike. Ndalimi i çdo simboli kombëtar në stadium është ndoshta pak e tepërt…

Populli serb nga ai popull, ta lidhim me ata pjesëtarë të federatës. Ata nuk është se vijnë nga një komb tjetër dhe ata të federatës, të tillë njerëz janë. Ato gjëra do bëjnë, dhe ata mendojnë se duke marrë masa për simbolet shqiptare, ata e quajnë se qetësojnë gjendjen. Është një gjendje që ata duhet ta kalojnë për veten e tyre. Ata mbrojnë veten, duke ditur kërcënimin që kanë. Kur shikojnë flamujt shqiptarë, ata mbrojnë veten e tyre nga egërsia. Prandaj, ndoshta, si thuash: “Po i jap ilaç vetes, të qetësoj veten, se unë jam njeri i sëmurë mendor” Flamujt tanë, simbolet tona janë diçka acaruese për ata. Është normale për ne. Kush e di historinë, nuk duhet ta çajë kokën, sepse është normaliteti i tyre, egërsia.

The post Ndeshja Shqipëri-Serbi/ Sokol Kushta: Serbët janë të sëmurë, janë skuadra më e dobët në histori dhe egërsohen nga ne appeared first on Albeu.com.

Motivimi te kuqezinjtë nuk mungon, për vetë historinë mes dy skuadrave, për atë që ndodhi në Beograd 11 vite më parë dhe për atë që është më e rëndësishmja, për objektivin që ka Shqipëria.

Ndeshja ndaj Serbisë, do të luhet në Leskovc, vetëm pak kilometra larg Kosovës, teksa në stadium nuk pritet që të ketë më shumë se 5 mijë tifozë, për shkak të dënimit që FIFA i ka dhënë federatës serbe të futbollit.

UDHËTIMI NË SERBI- Shqipëria ka fluruar ditën e djeshme në drejtim të Nishit, aty ku edhe është vendosur për ndeshjen e sotme. Fluturimi ka qenë direkt nga Tirana, teksa në aeroport janë shmangur edhe kontrollet e pasaportave dhe çdo procedurë tjetër burokratike, në mënyrë që të shmanget çdo incident diplomatik dhe gjërat të acarohen edhe më shumë. Nga aeroporti, ekipi është vendosur menjëherë në një nga aeroportet e qytetit, duke shmangur ndalesat.

SHOQËRIMI- Deri në mbrëmjen e djeshme, gjithçka ka shkuar mirë për kuqezinjtë, të cilët janë vendosur në hotel e më pas kanë zhvilluar seancën e fundit stërvitore në stadiumin e Leskovcit, ku edhe do të luhet ndeshja e sotme. Gjatë rrugëtimit për në hotel e për në stadium, nuk janë raportuar incidente, teksa të shumta kanë qenë forcat e sigurisë që kanë shoqëruar Kombëtaren tonë në udhëtimin e tyre.

GJENDJA E SKUADRËS– Fatmirësisht, skuadra është në gjendje optimale dhe të gjithë futbollistët që kanë udhëtuar në drejtim të Serbisë, janë të gatshëm për ndeshjen e sotme. Skuadra ka zhvilluar ditën e djeshme stërvitjen e fundit, aty ku trajneri Silvinjo ka pasur mundësinë që të provojë edhe idetë e tij të fundit, si edhe të ndajë formacionin me të cilin do të zbresë në fushë sot në orën 20:45.

TRANSMETIMI- Ndeshja mes Serbisë dhe Shqipërisë, do të transmetohet në Shqipëri nëpërmjet kanaleve Klan TV dhe Supersport. MOTI- Serbia dhe Shqipëria do të luajnë sot në mbrëmje në një kohë të freskët, ideale për një ndeshje futbolli. Temperaturat pritet të arrijnë në 12 gradë celcius, teksa nuk pritet të ketë reshje shiu, duke bërë që të luhet në kushtet më të mira të mund shme atmosferike.

HISTORIA- Shqipëria ka luajtur në Serbi 11 vite më parë, ku ndeshja në Beograd u mbyll pak minuta para fundit të pjesës së parë. Në qiellin e Beogradit, u shfaq flamuri i Shqipërisë Etnike, duke bërë që tifozët të hyjnë në fushë dhe të ndërpresin përfundimisht takimin. KASi vendoste asokohe që t’i jepte fitoren në tavolinë kuqezinjve me rezultatin 0-3, duke e ndihmuar jo pak në kualifikimin në Europian.

TIFOZËT– NË stadiumin e Leskovcit, pritet të ketë rreth 5 mijë tifozë, nga të cilët do të mungojnë ultrasit ose huliganët. Kjo për shkak se federata serbe ka vendosur të bëjë shpërndarjen e biletave nëpër shoqatat rajonale. Për shkak të marrëveshjes mes dy federatave, do të mungojnë tifozët shqiptarë, ashtu siç munguan edhe serbët në ndeshjen në Tiranë.

The post Përballja Shqipëri-Serbi/ Nga droni në Botëror, historia kërkon vazhdim appeared first on Albeu.com.

Kuqezinjtë renditen në vendin e dytë në grup, me 8 pikë pas 5 ndeshjesh, ndërkohë që Serbia e sheh veten e treta me 7 pikë, por me një ndeshje më pak se kuqezinjtë.

Një fitore e jona në Leskovc, do të ishte një hap i madh për të marrë vendin e dytë në grup duke qenë se Shqipëria luan ndeshjen e radhës ndaj Andorrës dhe të fundit ndaj Anglisë, ndërkohë që Serbia luan ndeshjet e saj ndaj Andorrës, Letonisë dhe Anglisë.

Një fitore e mundshme e Serbisë ndaj kuqezinjve, do të shuante ëndrrën tonë për vendin e dytë, dhe vetëm nëse Serbia humbet 2 ndeshje e Shqipëria fiton të paktën njërën, atëherë do të ishim të dytët në grupin tonë.

Anglia tashmë e ka blinduar vendin e parë në grup dhe i duhet vetëm një fitore për të kaluar matematikisht në Botëror, teksa ndeshja jonë me “3 luanët”, do të luhet në nëntor dhe është sfida e fundit kualifikuese, që në rast se Shqipëria fiton të dyja ndeshjet e radhës, atëherë edhe për ne do të ishte vetëm për statistikë.

Sa i përket golaeverazhit, kuqezinjtë janë më të favorizuar se Serbia pasi ka shënuar 5 gola dhe ka pësuar 3, ndërkohë që Serbia nga ana tjetër ka shënuar 4 gola dhe ka pësuar 5, duke pasur një rekord negativ.

Bie në sy fakti se serbëve iu ka shënuar vetëm Anglia në fitoren 0-5 dhe në 3 ndeshjet tjera, nuk ka pësuar asnjë gol.

The post Fitorja kundër Serbisë i jep Shqipërisë frymëmarrje dhe vendin e dytë appeared first on Albeu.com.

Trajneri i Serbisë, u shfaq i bindur se e di si do të rreshtohet Shqipëria. Stojkoviç nuk pret surpriza nga Silvinjo, ndërsa foli për dy ndryshime në formacion.

“Ata nuk mund të na surprizojnë për sa i përket formacionit titullar, i dimë dy ndryshimet që do të kenë, por nuk besoj se do të ndryshojnë diçka në këtë aspekt. Do të ketë rotacion për shkak të lëndimeve, por nuk do të ndryshojnë asgjë në sistem. Do të luajnë me katër në vijën e mbrojtjes, kjo është e sigurt.

Kur është kaq e rëndësishme, të gjithë kërkojnë të tregojnë cilësinë që kanë dhe që ajo cilësi të jetë një avantazh. Futbolli është një lojë dhe nuk mund ta hamendësosh se çfarë mund të ndodhë. Zoti na ruajt nga një karton i kuq, pastaj gjithçka shembet. Do të bëjmë gjithçka për ta paraqitur Serbinë si duhet”, u shpreh trajneri i Serbisë ndër të tjera në konferencë për shtyp.

The post Shqipëria nuk do na surprizojë/ Trajneri i Serbisë: I dimë dy ndryshimet appeared first on Albeu.com.

Kovash është një ndër arbitrat më të mirë në Europës, teksa po ashtu atij iu besua edhe gjykimi i finales së Champions Ligës mes Paris Sent Zhermenit dhe Interit.

Në një atmosferë të ngarkuar nga tensionet politike dhe kujtimet e përplasjeve të kaluara, ndeshja mes Serbisë dhe Shqipërisë, e vlefshme për kualifikueset e Botërorit 2026, UEFA ia ka besuar drejtësinë e kësaj përballjeje një arbitri ekspert dhe me eksperiencë.

Institucioni më i lartë i futbollit në kontinent, ka marrë masa të shtuara sigurie dhe ka përzgjedhur një nga arbitrat më të besuar të saj, për të vendosur drejtësi në fushën e lojës.

Rumuni Istvan Kovaks, është caktuar nga UEFA për të drejtuar këtë përballje të cilësuar si me rrezikshmëri të lartë. 41-vjeçari, i njohur për profesionalizmin dhe autoritetin në fushë, është ndër arbitrat më të mirë të kontinentit.

Më herët, Kovacs ka gjykuar finale të rëndësishme në arenën europiane, përfshirë edhe atë të Champions League, mes PSG-së dhe Inter-it.

Krahas Kovacs, në këtë sfidë do të jenë të pranishëm edhe tre gjyqtarë të tjerë rumunë. Bëhet fjalë për Mihai Marica dhe Ferencz Tunyogi si asistentë, ndërsa gjyqtari i katërt do të jetë Horatiu Feșnic.

Në dhomën e VAR-it do të operojnë gjermanët Bastian Dankert dhe Pascal Muller, duke garantuar kontroll maksimal mbi vendimet e fushës.

Për shkak të klimës së tensionuar dhe frikës nga huliganët, ndeshja është zhvendosur nga Beogradi në Leskovac. Qyteti në jug të Serbisë, ofron një ambient më të kontrolluar për organizimin e sfidës.

Stadiumi “Dubocica”, i cili zakonisht pret ndeshje me një publik modest, këtë herë do të jetë nën masa të rrepta sigurie. Federata Serbe e Futbollit, ka vendosur që të mos nxjerrë në shitje asnjë biletë për këtë përballje.

Në tribunat e stadiumit do të jenë të pranishëm vetëm 6500 tifozë, të gjithë me ftesa të përzgjedhura, shumica prej tyre të rinj nga akademitë e futbollit dhe përfaqësues të institucioneve sportive.

Serbia gjithashtu, është e ndëshkuar nga FIFA me një reduktim të 20% të kapacitetit të stadiumit, si pasojë e incidenteve të mëparshme, të shkaktuara nga huliganët serb.

Për të garantuar mbarëvajtjen e takimit, FIFA ka dërguar edhe dy oficerë ndërkombëtarë sigurie, të cilët do të asistojnë autoritetet vendase në monitorimin e çdo detaji organizativ dhe të rendit.

Anglia kryeson grupin K me 15 pikë të plota. Shqipëria mban vendin e dytë me 8 pikë, ndërsa Serbia, me një ndeshje më pak, ndodhet në vendin e tretë me 7 pikë. Në fund të grupit renditen Letonia me 4 pikë dhe Andorra, ende pa asnjë pikë.

The post Zbulohet gjyqtari që do të gjykojë ndeshjen Shqipëri-Serbi appeared first on Albeu.com.

Sulmuesi i Kombëtares, Armando Broja, u ndal te mungesa e golit, i cili u shpreh se rëndësi ka vetëm ndihma për skuadrën që të marrë tre pikët.

“Për mua më e rëndësishme është të fitojmë ndeshjet dhe të marrim tre pikët. Normalisht që kam qejf të bëj gola, por më bukur është të fitojmë ndeshjen dhe të ndihmoj ekipin.

Kjo është një ndeshje futbolli. Është shumë e rëndësishme, por ne jemi shumë të fokusuar sepse është ndeshje e madhe. Luajmë jashtë shtëpie. Bashkë si skuadër do bëjmë çfarë duhet në fushë.

Ka mundësi të bëj gola dhe në krahun e djathtë të sulmit. Unë kam dëshirë vetëm të ndihmoj ekipin. Edhe trajneri më thotë që duhet të jem i përqendruar, sepse rasti do të dalë. Në ndeshje mund të ketë vetëm një rast dhe të jem i fokusuar te ai rast për të shënuar.

Kemi shanse maksimale. Është grup i vështirë, sepse kemi dhe Anglinë. Do të luftojmë deri në fund. Kjo është ndeshje shumë e rëndësishme dhe jemi të fokusuar ta fitojmë”, u shpreh Broja.

Sfida do të luhet më datë 11 tetor në orën 20:45 dhe do të transmetohet drejtpërsëdrejti në DigitAlb.

The post Armando Broja para ndeshjes me Serbinë: Kemi shanse maksimale për Botëror, të luftojmë deri në fund appeared first on Albeu.com.