Cutra tha se Shqipëria tashmë ka kaluar në avantazh dhe do të duhet që ta administrojmë avantazhin, me qëllim që të kemi mundësi kualifiki nga faza e grupeve.

Igli Cutra: “Qazim Laçi ka shënuar një gol fantastik ndaj Kroacisë. 1-0 në Hamburg dhe është një festë e jashtëzakonshme. Është një gol që na shërben për ta administruar mjaft mirë këtë ndeshje. Një gol i jashtëzakonshëm, që shpresojmë shumë që të korrigjojmë gabimet që bëmë në sfidën ndaj Italisë.

Ndeshja është shumë e rëndësishme. Një sukses sot na fut në lojë për kualifikimin, por do të presim fundin e 90 minutave. Në shesh kishte avacion kur u shënua goli. Tre pikë vlejnë shumë për grupin B. Në formacion kemi dy ndryshime, Laçi është në vend të Seferit dhe në sulm është Manaj në vend të Brojës”.

The post Atmosfera elektrizuese në sheshin Skënderbej/ Flet gazetari: Një sukses me Kroacinë na fut në lojë për kualifikim appeared first on Albeu.com.

Grupi ka qenë i plotë dhe asnjë prej lojtarëve nuk ka shfaqur shqetësime fizike. Atmosfera te kuqezinjtë është pozitive, ndërsa dje skuadrës iu desh që të stërvitej në shi në stadiumin ku luan skuadra gjermane e St. Paulit.

UEFA kishte sinjalizuar FSHF-në, që stërvitja e fundit e ekipit nuk mund të kryehej në stadiumin ku do të zhvillohet ndeshja e sotme, pasi për shkak të rreshjeve të shiut, fusha mund të dëmtohej. Ky vendim i UEFA-s ishte sigurisht për të dyja skuadrat, pasi edhe Kroacia nuk mund të stërvitej në stadium.

Sulmuesi i krahut të majtë, Arbër Hoxha, pritet të jetë risia e formacionit të Shqipërisë në ndeshjen e sotme. Lojtari që aktivizohet me Dinamon e Zagrebit në Kroaci, ka fituar besimin e Silvinjos dhe gjasat janë që të marrë vendin e Taulant Seferit ose Jasir Asanit, gjithmonë me këtë të fundit duke parë edhe gjendjen fizike, pasi dëmtoi kaviljen kundër Italisë.

Gjithsesi, stafi mjekësor ka komnfirmuar se Jasiri do të jetë gati. Në majën e sulmit do t’i besohet Brojës, ndërsa në mesfushë nuk do të ketë ndryshime, me Ramadanin, Asllanin dhe Bajramin që rikonfirmohen. Në mbrojtje, një dilemë e vogël është tek Ajeti, ndërsa Ismajli është gati për ta zëvendësuar.

Megjithatë, kjo do të vendoset vetëm në orët e fundit. Sa u përket pozicioneve të tjera, në portë do të jetë sërish Strakosha, ndërsa në të djathtë, pavarësisht situatës së Hysajt, sërish shkodrani ka më shumë mundësi për ta nisur titullar.

Alternativë për krahun e djathtë është Ivan Balliu, i cili nuk u aktivizua kundër Italisë. Me Gjimshitin dhe Mitajn, kompletohet reparti i mbrojtjes.

Silvinjo punoi më shumë faktikisht në seancën e fundit, ndërsa iu kushtua rëndësi të madhe goditjeve standarde, që ishin një pikë e dobët me Italinë.

Stërvitjen e fundit e ndoqi me një kuriozitet të madh edhe vetë presidenti i FSHF-së, Armand Duka, i cili ishte i shoqëruar nga homologu i tij kosovar, Agim Ademi, si dhe zyrtarë të federatës.

The post Sot përballja Shqipëri-Kroaci/ Si do të ndryshojë formacioni i kuqezinjve appeared first on Albeu.com.

Kuqezinjtë humbën sfidën me shifrat 1:2 pavarësisht entuziazmit dhe mbështetjes që kishte kombëtarja.

Mirëpo, befasia ndodh në “betejën” e dytë të Shqipërisë në Hamburg. “Volksparkstadion” nuk do të ketë zotër shqiptarët, por kroatët.

Gazetari i News24, Kristi Sejatllari, i cili po ndjek nga afër kombëtaren shqiptare në Euro2024, raportoi detaje interesante nga ajo që pritet të ndodhë sot në skajin verior të Gjermanisë.

“Tifozë shqiptarë në stadium pritet të jenë 15 mijë. Stadiumi i Hamburgut ka një kapacitet prej 49 mijë vende. Numri më i madh do të jetë i tifozëve kroatë”, u shpreh Sejatllari.

Në orën 15.00 Shqipëria do të luajë me Kroacinë sfidën e dytë të grupit e cila shihet si përcaktuese për të ardhmen e kuqezinjve në Euro2024.

The post Euro 2024/ Zbulohet sa shqiptarë do të jenë në stadium kundër Kroacisë appeared first on Albeu.com.

Njohësit e futbollit e shohin Kroacinë si favorite, por kjo duhet të konfirmohet në fushë, shkruan media kroate “Tportal”.

Edhe pse Kroacia pësoi një humbje më të thellë ndaj spanjollëve (0:3), sesa shqiptarët ndaj italianëve (1:2), nuk ka dyshim se skuadra e Daliçit ka statusin e favoritit në përballjen e së mërkurës.

Sigurisht që pas disfatës ndaj Spanjës, edhe trajneri kroat Zlatko Daliç është i vetëdijshëm se ka pasur lëshime dhe se për përballjen ndaj shqiptarëve do t’i duhet shumë më tepër, të jënë më aktiv e më vendimtar.

Por si i shikon përplasjet mes dy kombëtareve legjenda e futbollit nga Kosova, Kujtim Shala, sulmuesi legjendar i Dinamos së Zagrebit, i cili mund të mburret se ka luajtur për kombëtaren kroate, të parën historike kundër SHBA-së.

“Për sa i përket Shqipërisë, këtu shihen dy gjëra të ndryshme. Njëra është cilësia e lojës, e cila nuk ishte e madhe, por edhe lufta në fushë, që e zbukuron këtë ekip.

Natyrisht, ajo është shumë e disiplinuar në mbrojtje, dhe sulmuesit mbështeten në kundërsulme dhe gjysmë kundërsulme.

Nuk mendoj se ata ishin në nivelin e duhur të shtunën.

Shqipëria kaloi në epërsi pas një gabimi të madh të lojtarëve italianë. Sidoqoftë, dhurata të tilla duhet të shfrytëzohen gjithashtu.

Besoj se euforia i kaploi shqiptarët, të cilët menduan se ‘kanë italianë’. Megjithatë, më vonë gjërat shkuan në vend, domethënë Italia ngriti nivelin e lojës, e ktheu rezultatin.

Por Shqipëria pati edhe një shans për të shënuar një gol tjetër, por, kur nuk shënuan, u ndëshkuan thuajse në sekondat e fundit nga Manaj”, tha për “tportal” – 59-vjeçari Kujtim Shala.

Sa i përket paraqitjes së Kroacisë ndaj Spanjës, Shala ishte po aq kritik. “Mendoj se trajneri Daliç i tha të gjitha kur theksoi se nuk ishte i kënaqur. Nuk ka asgjë më shumë për të shtuar.

Unë personalisht besoj se ishte thjesht një ditë e keqe. Pavarësisht se Kroacia ka pasur periudha lojërash të mira. Megjithatë, Spanja i trajtoi në mënyrë të shkëlqyer mundësitë e saja. E dini, unë lexoj gazeta në Gjermani dhe këtu komentojnë lojtarë individualë. Ka sugjerime për ndryshime në skuadër dhe me sa kam dëgjuar, të njëjtën e ka bërë të ditur edhe trajneri Daliç”, tha Shala.

Në vijim ai shton se tani Kroacia duhet të kërkojë rrugën drejt fitores në dy ndeshje për të kaluar në mes të 16 kombëtareve”, tha më tej.

Kroacia kishte një mbështetje të jashtëzakonshme në Berlin, ashtu si Shqipëria në Dortmund. Si do të jetë në Hamburg, cilët tifozë do të jenë më së shumë?

‘Ata që ia dolën më mirë. Sepse në Gjermani ka shumë shqiptarë dhe në Euro vijnë edhe shqiptarë nga Franca, Belgjika, Italia. Përveç kësaj, shumë prej tyre jetojnë në Hamburg.

Kështu që unë mendoj se do të jetë gjysmë për gjysmë në tribuna’.

“Do të doja që Shqipëria të ishte kampione e botës, por duhet të jem realist.

Dhe ky realitet ende sugjeron që Kroacia, me lojtarë të klasit si Modriç, Guardiol dhe Kovaçiq, duhet ta ketë më të lehtë për të fituar”, përfundon Kujtim Shala.

The post Legjenda e futbollit nga Kosova parashikon ndeshjen Shqipëri-Kroaci: Mbrëmë nuk ishin në nivelin e duhur appeared first on Albeu.com.