Sipas marrëveshjes, të gjitha automjetet me targa të Shqipërisë dhe Kosovës nuk i nënshtrohen procedurave të kontrollit për një periudhe nëntë mujore, nga katër muaj që ishte dy vitet e fundit.

Udhëtarët thonë se marrëveshja lehtëson kalimet në kufi dhe shmang ndalesat e panevojshme.

Këtë fillim maji një pjesë e qytetarëve nga Kosova, kanë zgjedhur të udhëtojnë drejt qyteteve bregdetare të Shqipërisë.

Pavarësish kalimit pa kontrolle, në kufi ditën e parë të majit nuk pati fluks qytetarësh.

Sipas policisë kufitare, në orët e para të së mërkurës hynë rreth 4 mijë persona me afro 1 mijë e 300 mjete.

The post Shqipëri-Kosovë, pa kontrolle në kufi/ Për 9 muaj qytetarët do të udhëtojnë pa kontrolle appeared first on Albeu.com.

Në këtë mbledhje, fjalën para ligjvënësve do ta kenë kryetarja e Kuvendit Lindita Nikolla dhe kryetari i Kuvendit të Republikës së Kosovës, Glauk Konjufca.

Mbledhja do të vijojë me fjalimin e kryeministrit Edi Rama, i cili do të pasohet nga homologu i tij, Albin Kurti. Nga një fjalë përshëndetëse do të mbajnë edhe kryetarët e grupeve parlamentare të Kuvendit të Shqipërisë dhe Kuvendit të Kosovës.

Në shënim të këtij përvjetori, pritet të mbahen edhe aktivitete të tjera kulturore.

The post 110-vjetori i Pavarësisë/ Sot mbahet mbledhja e dy kuvendeve Shqipëri-Kosovë në Tiranë appeared first on Albeu.com.

Kështu turistët do ta kenë më të lehtë të vinë nga Kosova në Shqipëri dhe anasjelltas pa krijuar radhë trafiku.

Kryeministri, Edi Rama ka postuar një video në faqen e tij zyrtare ne Facebook ku ndan periudhat se si ka qenë pika kufitare dhe si është në ditët e sotme.

Në mbledhjen e përbashkët mes dy qeverive u miratuan 16 marrëveshje bashkëpunimi që kishin të bënin që nga ekonomia, tek shëndetësia dhe siguria mes dy vendeve./albeu.com

The post Heqja e pikës kufitare në Morinë, Rama: Pushimet e para pa kufi mes Shqipërisë dhe Kosovës appeared first on Albeu.com.

Ministri i Brendshëm Bldi Çuçi ka prezantuar sot marrëveshjen që do nënshkruhet për krijimin e lehtësirave të kalimit në kufirin Shqipëri-Kosovë dhe anasjelltas.

“Protokolli i parë që do nënshkruajmë me homologun Svelça që përgjatë periudhës së verës dhe gjatë fundjavave kur ka fluks lëvizjeje nga të dyja krahët ne do ta lehtësojmë plotësisht. Nëpërmjet protokollit të parë që do nënshkruajmë do përcaktojmë që prej 1 qershorit deri në 1 shtator, për çdo fundjavë dhe çdo ditë feste shtetërore në kufijtë tanë shtetasit e Kosovës dhe Shqipërisë do kalojnë pa qenë nevoja e regjistrimit nga organet kufitare në mënyrë që të mos krijohet asnjë radhë apo vonesë për qytetarët në të dyja anët”, tha ministri Çuçi

Çfarë parashikon marrëveshja?

Para 3 muajsh, në mars të këtij viti, kuvendi i RSH miratoi marrëveshjen që mundësonte kalimin e kufirit për banorët e zonave kufitare të dy shteteve, në vendkalime dhe në zonat më të afërta për banorët përgjatë vijës kufitare, edhe jashtë pikave të kalimit kufitar. Kalimi i kufirit për ta do të bëhet në çdo orë përgjatë 24 orëve, pa nevojën e vulosjes apo regjistrimit të dokumenteve të identifikimit dhe pa nevojën e mbikëqyrjes direkt të autoriteteve të kufirit.

Banorët e zonave kufitare do të pajisen me lejen kufitare, duke plotësuar një formular të thjeshtë dhe unik në portalin qeveritar e-Albania. Qytetarit do ti dërgohet leja e miratuar elektronikisht në adresën e tij e-mail brenda 5 ditëve. Kjo leje është e vlefshme deri në 5 vjet dhe pa asnjë kosto për shtetasit shqiptar;
 Autoritet kufitare do të përcaktojnë gjithashtu korsi dhe hapësira të dedikuara, nëpërmjet të cilave banorët e pajisur me lejen kufitare do të kalojnë pa kontroll dhe jashtë radhëve që mund të ketë në kufi, duke u dhënë përparësi kalimit të tyre.

Cilat janë përfitimet?

Nga kjo marrëveshje përfiton një popullsi prej më shume se 98 mijë banorë e shtrirë në 3 qytete, Kukës, Krumë dhe Tropojë dhe në 19 njësi administrative të Qarkut së Kukësit.

Protokolli për kontrollin e përbashkët kufitar në PPKK Morinë, Kukë

Çfarë është

Duke u nisur nga rritja e fluksit të lëvizjeve në të dy anët e kufirit, me qëllim që ti shërbejmë sa më mirë lëvizjes së qytetarëve mes dy shteteve, me nënshkrimin e këtij protokolli do të lehtësojmë edhe më procedurat e kalimit të kufirit për shtetasit e Kosovës dhe të Shqipërisë në pikën kufitare Morinë.

Si do të funksionojë?

Me këtë protokoll ne vendosim që për periudhën nga 1 Qershori deri më 30 shtator, ditëve të fundjavave gjatë gjithë vitit dhe ditëve të festave shtetërore, shtetasit e Kosovës dhe të Shqipërisë të kalojnë kufirin pa qenë nevoja e regjistrimit nga organet kufitare. Kjo bëhet me qëllim shmangien e radhëve dhe përshpejtimin e lëvizjes së qytetarëve;
 Aspekti i dytë i këtij protokolli, prek aspekte të integrimit dhe unifikimit të shërbimeve kufitare me Republikën e Kosovës. Në këtë kuadër janë përcaktuar përgjegjësitë e secilës palë në administrimin e godinave dhe të ambienteve dhe procedura të detajuara për veprimtarinë e përditshme të përbashkët të personelit të kufirit.

The post Nënshkruhet marrëveshja, Shqipëri – Kosovë pa kufij për festa zyrtare dhe në fundjavë appeared first on Albeu.com.

Mbledhja e fundit u mbajt më 26 nëntor në Elbasan.

Ajo ishte mbledhja e parë mes dy qeverive shqiptare me Albin Kurtin kryeministër.

Në takimin që u zhvillua në Elbasan u nënshkruan një sërë marrëveshjesh, ku më kryesorja ishte unifikimi i abetares, heqja e lejeve të qëndrimit të përkohshëm, njohja e sigurimeve shoqërore dhe lehtësira të ndërsjella në procedurat doganore të hyrje-daljes së mallrave.

Ndërkohë më 8 qershor u zhvillua në Ohër samiti i nismës “Ballkani i Hapur”.

Për herë të parë, morën pjesë së vëzhgues Mali i Zi dhe Bonjë Hercegovina.

Ndërsa kryeministri Kurti refuzoi ftesën për të qenë i pranishëm në samit.

The post Mbledhja e dy qeverive Shqipëri – Kosovë, caktohet vendi dhe data appeared first on Albeu.com.

Njoftim i Institucionit të Presidentit të Republikës

Presidenti i Republikës, Sh.T.Z. Ilir Meta, ka dekretuar me shpallje këto ligje:

– Ligj nr. 22/2022 “Për ratifikimin e marrëveshjes ndërmjet Republikës së Shqipërisë dhe Bashkimit Europian për pjesëmarrjen e Republikës së Shqipërisë në programin Europa Krijuese (2021-2027)”.

Aderimi i Republikës së Shqipërisë në Programin “Europa Krijuese: krijon një dritare të re, që u mundëson të drejtën subjekteve juridike të së drejtës shqiptare, të cilët operojnë në fushën e kulturës e artit, të aplikojnë dhe të marrin pjesë në aktivitetet e Programit Europa Krijuese (2021-2027), duke përfituar mbështetje financiare, ndërvepruar dhe shkëmbyer praktikat më të mira me aktorë të tjerë të fushave prioritare të këtij programi në nivel europian.

– Ligj nr. 23/2022 “Për ratifikimin e marrëveshjes ndërmjet Republikës së Shqipërisë dhe Republikës së Kosovës për sigurime shoqërore”.

Krijimi i mundësive të përfitimit të pensioneve nga shqiptarët që jetojnë e punojnë në Kosovë, si dhe për shtetasit kosovarë, të cilët vijnë për të punuar në Shqipëri, është i vonuar. Mes Kosovës dhe Shqipërisë, nuk duhet të ketë asnjë barrierë që pengon qytetarët nga të dy anët e kufirit, të përfitojnë nga skemat e mbrojtjes shoqërore, duke respektuar parimin e trajtimit të barabartë, me synimin parësor për mirëqenien më të lartë dhe trajtimin më të mirë të tyre.

– Ligj nr. 24/2022 “Për ratifikimin e marrëveshjes ndërmjet Këshillit të Ministrave të Republikës së Shqipërisë dhe qeverisë së Republikës së Kosovës për rregullat e regjimit të trafikut lokal të kufirit”.

Miratimi i kësaj marrëveshjeje me Republikën e Kosovës është vetëm hapi i parë drejt thjeshtëzimit e lehtësimit të procedurave dhe të masave të lidhura me regjimin e trafikut kufitar lokal e të lejeve për këtë qëllim përgjatë kufirit.

Për të mundësuar realisht lehtësimin e qarkullimin e banorëve të zonave kufitare, nevojitet që autoritete shqiptare të marrin pa vonesë masa për nxjerrjen e akteve rregullatorë në zbatim të marrëveshjes, duke shmangur çdo lloj burokracie.

Vijon…

The post Meta dekreton 3 ligje, mes tyre dhe ai për sigurimet shoqërore mes Kosovës dhe Shqipërisë appeared first on Albeu.com.

Pavarësisht rrethanave historike të ndarjes prej pushtimeve dhe vendimeve të Perëndimit, nuk fshihet dëshira për bashkim kombëtar midis Shqipërisë dhe Kosovës në të dyja vendet.

Këtë e kanë shprehur disa qytetarë nga Kosova sot në Vlorë për disa media shqiptare.

“Vijmë nga Deçani. Kemi ardhur mbrëmë do rrimë deri të hënën. Të festojmë. Festa më e mirë e kombit shqiptar. Atmosfera shumë e mirë. Presim bashkimin kombëtar. Bashkim vetëm bashkim. Komb të vetëm s’ka diskutim”, deklaron një qytetar nga Kosova.

Një tjetër qytetar nga Kosova dëshiron që të dyja shtetet të bashkohen përpara se të integrohen në Bashkimin Europian.

“Na lidh flamuri, na lidh historia. Një komb dhe vijmë ta festojmë bashkë me juve. Shpresojmë në të ardhmen më të afërt të kemi një shtet. Para se të përfundojmë në BE”, shprehet qytetari nga Kosova.

Dy shtetase të huaja nuk e fshehin adhurimin për Shqipërinë. Ata pranojnë se punojnë dhe jetojnë në vendin tonë.

“Kjo është festë shumë e madhe. Shqipëria shumë e bukur. Duam të qëndrojmë në Shqipëri. Mali, deti, plazh. Jetojmë dhe punojmë këtu”, thotë qytetarja e huaj. /albeu.com/

The post Shqiptarët nga Kosova “pushtojnë” Vlorën: Të bashkohemi para se të futemi në BE! appeared first on Albeu.com.

Sipas të dhënave të Ministrisë së Punëve të Brendshme, në dalje të Kosovës, në pikën kufitare të Vërmicës janë krijuar kolona të gjata deri në 150 metra.

Për shkak të radhëve të krijuara nga fluksi i madh i njerëzve, Pika Kufitare po punon me procedurë të përshpejtuar por megjithatë ka qënë e pamundur shkaktimi i radhëve.

The post Turistët dynden drejt bregdetit, 150 metra radhë për të hyrë në Shqipëri appeared first on Albeu.com.

Shtetasi kosovar me inicialet F.M. 40 vjeç u kap dje teksa shkonte nga Shqipëria me një makinë të tipit “Fiat Croma”.

Automjeti i tij është përzgjedhur për kontroll të vijës së dytë nën dyshimin e posedimit të substancave narkotike.

Lidhur me rastin janë informuar njësitë relevante të policisë, ato të antidrogës dhe forenzikës për procedura të mëtejme hetimore.

The post Nga Shqipëria në Kosovë me 30 kg marijuanë, kapet mat 40-vjeçari në kufi (FOTO LAJM) appeared first on Albeu.com.

Prandaj, ai thotë se masat janë vendosur për të mbrojtur shëndetin e qytetarëve, megjithatë ato mund të arrijnë efektin vetëm nëse të gjithë së bashku tregojmë ndjeshmëri për ruajtjen e shëndetit.

“Sipas të dhënave zyrtare në dy ditët e fundit, të premten dhe të shtunën  janë regjistruar rreth 29 mijë persona që kanë dalë jashtë vendit në drejtim të Shqipërisë. Sa për krahasim, në vitin 2019, atëherë kur nuk kishte fare pandemi, në një fundjavë të krahasueshme, sikurse ajo e 27 dhe 28 prillit, që për shkak të Pashkëve ortodokse ishte fundjavë e zgjatur dhe me mot të ngrohtë sikurse kësaj fundjave, rreth 30 mijë persona ishin regjistruar të kenë dalë jashtë vendit në drejtim të Shqipërisë”, – shkruan ai.

Postimi i tij i plotë:

Për një kohë të gjatë Kosova ka qenë vendi i vetëm me masa tejet të liruara dhe në disproporcion me përkeqësimin e situatës epidemiologjike. Në situata të rënduara, masat kufizuese janë dëshmuar të jenë të pa zëvendësueshme.

Bizneset e prekura nga këto masa nuk janë të mbyllura plotësisht, sepse synimi është qē ekonomia të arrijë të mirëmbahet teksa shëndeti publik të përmirësohet. Ndonëse me aktivitet më të ulët ekonomik, ato vazhdojnë të punojnë përmes shërbimeve “Merr me Vete” dhe “Dërgesë me Porosi”. Por meqë këto forma mund të jenë të pamjaftueshme, për biznese është paralajmëruar ndihmë financiare përmes mbështetjes në paga të punëtorëve dhe të shpenzimeve të qirasë.

Ndërkohë, kufijtë tokësorë me shtetet fqinje janë të hapur. Qytetarët kanë të drejtë të udhëtojnë sipas nevojave të tyre, duke marrë parasysh respektimin e masave në vendin mikpritës, dhe të atyre në Kosovë me rastin e kthimit. Fluksi i madh në pikat kufitare, me theks në drejtim të Shqipërisë, i regjistruar këtë fundjavë edhe mund të jetë ndikuar nga masat e fillimit të javës së kaluar, por nuk është shkaktuar i gjithi nga to.

Sipas të dhënave zyrtare në dy ditët e fundit, të premten dhe të shtunën  janë regjistruar rreth 29 mijë persona që kanë dalë jashtë vendit në drejtim të Shqipërisë. Sa për krahasim, në vitin 2019, atëherë kur nuk kishte fare pandemi, në një fundjavë të krahasueshme, sikurse ajo e 27 dhe 28 prillit, që për shkak të Pashkëve ortodokse ishte fundjavë e zgjatur dhe me mot të ngrohtë sikurse kësaj fundjave, rreth 30 mijë persona ishin regjistruar të kenë dalë jashtë vendit në drejtim të Shqipërisë. Pra, dallimi është shumë i vogël dhe nuk paraqet trend tjetër. Kjo dëshmon që fluksi i kësaj fundjave, sado që mund të jetë ndikuar, nuk është shkaktuar nga masat kundër COVID-19, të vendosura nga 7 prilli, e as nuk shpjegohet plotësisht përmes tyre.

Masat janë vendosur për të mbrojtur shëndetin e qytetarëve, megjithatë ato mund të arrijnë efektin vetëm nëse të gjithë së bashku tregojmë ndjeshmëri për ruajtjen e shëndetit tonë dhe të tjetrit. Krahas vaksinimit, nuk duhet të ndalen asnjëherë përpjekjet e përbashkëta për zbatimin e masave mbrojtëse, si nga qytetarët ashtu edhe nga institucionet e bizneset, në mënyrë që ta fitojmë sa më shpejtë betejën në luftën globale kundër pandemisë.

The post Rreth 30 mijë qytetarë nga Kosova kaluan fundjavën në Shqipëri appeared first on Albeu.com.