shqiper Archives - Albeu.com

Mbyllet pjesa e parë 0-0/ Kuqezinjtë ‘kërcënojnë’ portën rivale, por pa rezultat

M C — Thu, 13 Nov 2025 20:40:00 +0000

Ka përfunduar pjesa e parë e ndeshjes Andorra–Shqipëri me rezultatin 0-0. Një duel vendimtar ku fitorja mund t’i japë kuqezinjve biletën për Play Off-in e Botërorit 2026, por Kombëtarja jonë nuk ka arritur të gjejë rrugën e rrjetës.

Skuadra e drejtuar nga Sylvinho kërkon vetëm fitoren për të mbajtur gjallë ëndrrën e madhe, ndërsa sytë janë gjithashtu edhe nga “Wembley”, ku Anglia pret Serbinë. Kuqezinjtë vijnë në këtë përballje pas fitores historike ndaj Serbisë, ndërsa trajneri Sylvinho ka kërkuar përqendrim maksimal, duke paralajmëruar se përballja ndaj Andorrës “nuk është aspak e lehtë”.

Sipas kompanive ndërkombëtare të basteve, Shqipëria është favorite absolute për të marrë tre pikët në këtë transfertë. Fitorja e kuqezinjve kuotohet me koeficient 1.29, bBarazimi vlerësohet me 5.00 ndërsa fitorja e Andorrës, që do të ishte një surprizë e madhe, ka koeficientin 13.00./

The post Mbyllet pjesa e parë 0-0/ Kuqezinjtë ‘kërcënojnë’ portën rivale, por pa rezultat appeared first on Albeu.com.

“Skuadra mos të ngarkohet emocionalisht”, presidenti Duka: Fitorja kundër Serbisë, do të më gëzonte sikur kualifikimi në Botëror

M C — Sat, 07 Jun 2025 15:47:34 +0000

Në prag të ndeshjes ndaj Serbisë, Presidenti i FSHF-së, Armand Duka, në një intervistë për Klan News me gazetaren Viola Spiro, ka folur për përmbylljen me sukses të Europianit U-17 të zhvilluar në Shqipëri dhe për sfidat e radhës kualifikuese të Kombëtares për Kupën e Botës.

INTERVISTA E PLOTË:

Arritjet e këtij viti – Në këtë ditë të rëndësishme, para një sfide kaq të rëndësishme si kjo me Serbinë, është e vështirë që të flasësh për gjëra të tjera. Sapo kemi përfunduar një kampionat europian për 17 vjeçarët, i rëndësishëm dhe i suksesshëm nga të gjitha këndvështrimet, përveç rezultatit të ekipit tonë kombëtar, i cili nuk arriti të ishte në nivelet e 7 konkurrentëve të tjerë. Nga pikëpamja organizative, logjistike apo edhe nga numri i tifozëve në stadiume, ishte vërtetë shumë e bukur. Ishim afër rekordeve, sepse në historinë e organizimit të kampionateve europiane të 17-vjeçarëve, vetëm një herë në Gjermani ka pasur më shumë sesa kaq. Në Europianin e zhvilluar në Shqipëri kishim një mesatare prej 4500 tifozësh për ndeshje. Çdokush nga futbollistët, stafet, skautët, specialistët që vizituan Shqipërinë u larguan me mbresa positive. Ishte një event i suksesshëm. Kurse sot, jam i emocionuar, i përqëndruar, i ngarkuar për këtë ndeshje të rëndësishme.

Emocionet e ditës së sotme – Çdo ndeshje e Kombëtares ka emocione dhe ngarkesë, pritshmëri të ndryshme sipas kundërshtarit dhe gjendjes. Por ndeshja e sotme kundër Serbisë është pak ndryshe, më e ndjeshme por është e rëndësishme për këtë fazë eliminatore sepse jemi dy ekipe që pretendojmë për t’u renditur të dytët në grup. Rezultati i ndeshjes së sotme mund të përcaktojë vazhdimin për të siguruar vendin e dytë dhe play-offin per në Botëror. Përveç kësaj, dihet sesa sensibël është si ndeshje, për përballjen, historinë, politikat etj, që shpresoj mos ta ngarkojnë emocionalisht skuadrën. Uroj që ta ndjekin të gjithë në stadium dhe tifozët ta shtyjnë ekipin drejt fitores.

Si e përjetoni ju si President ndeshjen? – Çdo njeri ka emocione para ndeshjes së Kombëtares. Një drejtues ka edhe më shumë, përveç ndjenjës dhe tifozllëkut, ka edhe përgjegjësinë për të gjithë kompleksitetin e organizimit të një eventi të një rëndësie të veçantë siç është ky i sotmi. Jam i emocionuar pak më shumë se herët e tjera, për të gjitha rrethanat dhe arsyet. Por më shumë për rezultatin sportiv, si edhe mbarëvajtjen e ndeshjes, sigurinë, organizimin dhe gjithçka që ta mbyllim me sukses. Ajo që vërtetë i jep një mbyllje të lumtur kësaj ndeshje është rezultati pozitiv.

Suksesi në këtë sfidë vlen sa i gjithë Botërori? – Jo sa i gjithë Botërori, por gëzimi që do të kisha nga rezultati i ndeshjes së sotme do të ishte i barabartë me gëzimin që do të kisha nga kualifikimi i Shqipërisë në Botëror.

Kualifikimi në Botëror – Botërori është një gjë që ne nuk e kemi arritur kurrë. Dikur kishim ëndërr Europianin, utopike, e realizueshme ose jo. Pastaj kualifikimi për herë të dytë na e ktheu si një normalitet apo detyrë. Botërorin nuk e kemi shijuar, është një gjë ndryshe. Është më i vështirë kualifikimi për në Botëror, megjithëse mund të arrihet duke pasur të gjithë komponentët bashkë. Po të kishim pasur një short mbase pak më të mirë, mos të kishim Anglinë, që bën pak hapa fals në kualifikuese ose aspak. Mbase një short ndryshe si ai që kishim në kualifikueset e Europianit, do na bënte që të shkonim mbase edhe nga vendi i parë. Tashmë mbetet e vetmja rrugë përmes play-off-it, një rrugëtim sërish shumë i vështirë, për kundërshtarin që ne kemi sot përballë. Ka kualitet, histori në futboll, ka suksese, pjesëmarrje në turnetë finalë të Kupës së Botës, ndërsa në Europian ka më pak sukses se ne. Ne kemi marrë pjesë dy herë, Serbia vetëm një herë. Mbetet një skuadër me kualitete, shumë e fortë. Ndeshje shumë e vështirë, uroj të kemi një performancë pozitive, çunat mos të kenë mbingarkesë dhe të shprehin atë që dinë. Uroj dhe shpresoj të arrijmë një rezultat pozitiv.

Problemet brenda ekipit të Serbisë – Niveli i skuadrës dhe stafit të ekipit serb është i lartë. Pavarësisht se nga jashtë duket sikur ka konflikte. Unë uroj që të ketë përçarje të unitetit të tyre. Para një ndeshje të ekipit kombëtar, në një rast të tillë, ku hedh një hap të rëndësishëm në këtë rrugëtim, besoj se i harron këto probleme. Unë jam i gëzuar që ne nuk kemi nga këto probleme, skuadra është e bashkuar me stafin dhe të gjithë publikun dhe uroj që të gjithë të qeshim e të gëzojmë.

Kërkesat për të ndjekur ndeshjen në stadium – Është shtuar interesi për të ndjekur ekipin kombëtar, jo vetëm në këtë derbi nëse do ta quaja kështu. Është një derbi ballkanik, por edhe për arsye të pozicionit në tabelë që ne kërkojmë. Edhe në ndeshje të një niveli tjetër, sërish ka shumë kërkesë për të ndjekur kombëtaren. Nuk e kishim parashikuar që do të kishim kaq shumë kërkesa, që të kishim një stadium akoma edhe më të madh. Jemi të dënuar që të pranojmë kritikat që nuk plotësojmë dot të gjitha kërkesat e biletave që besoj nuk do të përballoheshin edhe në një stadium edhe më të madh se ky.

Europiani U-21 – Për ne është e rëndësishme sot është kjo ndeshja që do luhet sonte. Pas kësaj do të kemi kohë për të folur për të tjerat. Kampionati Europian që ne presim të zhvillojmë në 2027 me Serbinë është një ngjarje historike dhe e rëndësishme për ne. Tashmë kemi dhënë prova dhe kemi eksperiencën e duhur që të bëjmë organizime të tilla. Jam i bindur që do ta bëjmë mirë edhe atë dhe do të kemi një Europian model dhe pse jo të shohim edhe organizime të tjera.

The post “Skuadra mos të ngarkohet emocionalisht”, presidenti Duka: Fitorja kundër Serbisë, do të më gëzonte sikur kualifikimi në Botëror appeared first on Albeu.com.

Ja si pritet të jetë moti, ja çfarë do të ndodhë me temperaurat

M C — Thu, 02 Jan 2025 15:19:15 +0000

Territori shqiptar që në orët e para të ditës do të jetë nën ndikimin e intervaleve të gjata me kthjellime në të gjithë vendin.

Orët e mesëm dhe pasdita do të sjellin vranësira të cilat më shumë do të bëni në zonat Verilindore dhe Juglindore. Ndërkohë që shumë vijë bregdetare si edhe në qytetet e zonave të ulëta do të ketë temperatura të larta dhe të larta në ajër duke bërë që i nxehti të ndjehet më shumë.

Temperaturat e ajrit do të vijojnë të rriten në mëngjes, dhe në mesditë duke luhatur vlerat ditore nga 2°C deri në 14°C. Era do të fryjë e lehtë paradite por gjatë pasdites duke arritur shpejtësinë maksimale 3 km/h duke krijuar në brigjet detare dallgëzim mbi 3 ballë.

The post Ja si pritet të jetë moti, ja çfarë do të ndodhë me temperaurat appeared first on Albeu.com.

Fitorja ndaj Gjeorgjisë, Asllani: Ishim më të motivuar, e dinim që do të merrnim pikë

M C — Mon, 14 Oct 2024 18:42:57 +0000

Kristjan Asllani, autori i golit të fitores 1-0 të Shqipërisë ndaj Gjeorgjisë, pas ndeshjes analizoi me entuziazëm paraqitjen e ekipit të tij. Ai theksoi rëndësinë e golit të tij dhe vështirësinë e ndeshjes kundër një skuadre të organizuar si Gjeorgjia.

Asllani përmendi motivimin e lartë të skuadrës dhe përmirësimin nga ndeshja e mëparshme kundër Çekisë. Ai shpjegoi edhe strategjinë e tij në fushë, duke preferuar të tërhiqej për të prekur më shumë topa dhe për të krijuar hapësira, si dhe momentin kur shënoi golin vendimtar pas pasimit të Tuci-t.

Asllani gjithashtu vlerësoi përpjekjet e ekipit për t’u mbrojtur dhe për të qëndruar të bashkuar gjatë një ndeshjeje të vështirë. Ai përfundoi duke theksuar rëndësinë e fitores dhe se skuadra duhet të dalë e lumtur nga kjo përballje.

The post Fitorja ndaj Gjeorgjisë, Asllani: Ishim më të motivuar, e dinim që do të merrnim pikë appeared first on Albeu.com.

A do të ketë reshje shiu? Parashikimi i motit për ditën e nesërme, ja çfarë pritet të ndodhë me temperaturat

M C — Thu, 03 Oct 2024 15:17:05 +0000

E enjtja e kësaj jave ka sjellë motin e paqëndrueshëm në vend shoqëruar me vranësira dhe shira lokalë.

Situata do të përkeqësohet të premten kur i gjithë territori pritet të përfshihet nga rrebeshet e shiut me intensitet të lartë.

Sipas parashikimeve, Ultësira Perëndimore rrezikohet nga përmbytjet.

“Reshjet e shiut do bëjnë që herë pas herë të kemi vërshime dhe përmbytje. Qarqet me reshje me intensitet të lartë janë Shkodra, Lezha, Tirana, Kruja, Dibra, Vlora, Gjirokastra”, thotë sinoptikani Hakil Osmani.

Për rrjedhojë temperaturat e ajrit pritet të bien.

“Duke bërë që maksimumet të zbresin rreth vlerës 26-27 gradë Celsius në rang territori. Në orët e para kemi rënie duke bërë që të shkojnë deri në 6 apo 7 gradë Celsius”.

Moti do të nisë të përmirësohet gradualisht nga pasditja e së premtes.

“Fundjava mbetet në mbizotërimin e vranësirave të shpeshta të cilat do të sjellin reshje të pakta, kryesisht në gjysmën lindore të territorit, ndërsa Ultësira do të ketë edhe kthjellime”.

Problematike këto dy ditë do të jetë fuqizimi i erës, shpejtësia e së cilës pritet të shkojë deri në 80 km për orë.

Për rrjedhojë Kapiteneria e Durrësit ka pezulluar lundrimin për flotën e peshkimit.

The post A do të ketë reshje shiu? Parashikimi i motit për ditën e nesërme, ja çfarë pritet të ndodhë me temperaturat appeared first on Albeu.com.

Bilanci i infektimeve nga COVID-19 në Shqipëri gjatë 24 orëve të fundit

E S — Fri, 27 May 2022 15:50:48 +0000

Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Çdo qytetar mbi 12 vjeç, mund të vaksinohet në qendrat shëndetësore.
MSHMS apelon të gjithë qytetarët e vaksinuar me dy doza, të drejtohen në qendrat shëndetësore ose pikat e vaksinimit të përqëndruar, për t’u vaksinuar me dozën e tretë përforcuese.
Qytetarët mbi 60 vjeç dhe ata me imunitet të dobët, që kanë kaluar 4-6 muaj nga kryerja e dozës së tretë, mund të marrin dozën e katërt të vaksinës anti-Covid, sipas rekomandimit të mjekut të familjes.
Nëse dyshoni se jeni të prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.
Ju informojmë për situatën në 24 orët e fundit, si vijon: Janë kryer 616 testime, nga të cilat kanë rezultuar pozitivë me COVID19, 36 qytetarë, në këto bashki:
22 në Tiranë, 3 në Sarandë, 2 në Mat, Fier, Korçë, 1 në Durrës, Rroskovec, Vlorë, Delvinë, Kuçovë.
Janë 304 qytetarë aktivë me Covid19 në gjithë vendin.
Aktualisht në spitalin COVID3 po marrin trajtim 3 pacientë. Në 24 orët e fundit nuk ka asnjë humbje jete me Sars-Cov2.
Janë shëruar 23 qytetarë gjatë 24 orëve të fundit, duke e çuar numrin e të shëruarve në 272,247 që nga fillimi i epidemisë.

Statistika (27 Maj 2022)

Raste të reja ditore          36
Të shëruar në 24 orë       23
Të shtruar në spitale         3
Humbje jete në 24 orë      0
Testime ditore                 634

Testime totale               1,826,354
Raste pozitive                  276,048
Raste të shëruara            272,247
Raste Aktive                         304
Humbje jete                        3,497

Shpërndarja gjeografike e rasteve aktive sipas qarqeve:

Tiranë            202
Fier                  18
Korçë               18
Vlorë                17
Shkodër           15
Gjirokastër      13
Durrës              7
Elbasan            6
Berat                3
Dibër                3
Kukës              1
Lezhë              1/albeu.com

The post Bilanci i infektimeve nga COVID-19 në Shqipëri gjatë 24 orëve të fundit appeared first on Albeu.com.

Shqipëria goditet nga 6 tërmete në pak orë

E B — Tue, 11 Jan 2022 17:53:40 +0000

Një tjetër goditje tërmeti është regjistruar në orën 18:01:27 minuta në Follorinë të Greqisë, por që është ndjerë edhe në pjesën e territorit shqiptar, Bilisht dhe zonat përreth.

Lëkundjet sizmike ditën e sotme

Lëkundja ishte me magnitudë 3.6, me thellësi 11 km, 46 km në verilindje të Bilisht, që ndodhet Follorina, e cila nuk po gjen qetësi prej dy ditësh nga tërmetet.

Goditja më e fortë sot në Follorinë u regjistrua në orën 16:14, me magnitudë 4.3. Në total brenda 10 orësh në këtë zonë janë shënuar 6 pasgoditje.

Mbrëmjen e së dielës u regjistrua tërmeti më i fortë 6 ballë që u ndje thuajse në pjesën më të madhe të territorit të Shqipërisë.

The post Shqipëria goditet nga 6 tërmete në pak orë appeared first on Albeu.com.

Asnjë viktimë dhe 3 raste të reja me koronavirus në vendin tonë

admin — Sun, 27 Jun 2021 15:10:29 +0000

Gjatë 24 orëve të fundit në vendin tonë nuk është shënuar asnjë humbje jete si pasojë e koronavirusit teksa janë konfirmuar tre raste të reja.

Mësohet se janë kryer 2444 testime, nga të cilat kanë rezultuar pozitivë me 2 raste në Tiranë, 1 rast në Durrës.

Aktualisht janë 66 pacientë aktivë me COVID19 në vend. Vetëm 1 pacient po merr trajtim spitalor të specializuar.
Janë shëruar 8 qytetarë gjatë 24 orëve të fundit, duke e çuar numrin e të shëruarve në 129,990 që nga fillimi i epidemisë.

Statistika (27 Qershor 2021)
Raste të reja ditore 3
Të shëruar në 24 orë 8
Të shtruar në spitale 1
Humbje jete në 24 orë 0
Testime ditore 2444

Testime totale 795,322
Raste pozitive 132,512
Raste të shëruara 129,990
Raste Aktive 66
Humbje jete
2,456

Shpërndarja gjeografike e rasteve aktive sipas qarqeve:
Tiranë 27
Shkodër 16
Durrës 6
Lezhë 5
Elbasan 4
Berat 3
Dibër 2
Kukës 1
Fier 1
Vlorë 1

The post Asnjë viktimë dhe 3 raste të reja me koronavirus në vendin tonë appeared first on Albeu.com.

Konjufca sot në Shqipëri: Takohet me Ruçin, Metën dhe Bashën

admin — Mon, 07 Jun 2021 08:50:12 +0000

Kryetari Kuvendit të Kosovës, Glaug Konjufca, ditën e sotme do të zhvillojë një vizitë zyrtare në Shqipëri. Ai do të pritet fillimisht nga homologu i tij shqiptar, Gramoz Ruçi, më pas do të takohet me presidentin Ilir Meta dhe në fund me kreun e Partisë Demokratike, Lulzim Basha.

Kjo është vizita e parë zyrtare e Glauk Konjufcës jashtë vendit që prej momenti kur ka marrë postin e kreut të parlamentit kosovar.

Axhenda e vizitës:

10:05-11:15 Takim me Kryetarin e Kuvendit, Gramoz Ruçi

Vendi: Kryesia e Kuvendit

(Deklaratë për shtyp)

11:30-12:30 Takim me Presidentin e Republikës së Shqipërisë, Ilir Meta

Vendi: Presidencë

12:30-13:00 Takim me kryetarin e Partisë Demokratike të Shqipërisë, Lulzim Basha

Vendi: Selia e PD-së

The post Konjufca sot në Shqipëri: Takohet me Ruçin, Metën dhe Bashën appeared first on Albeu.com.