Si të shqetësoheni më pak

Edhe pse largimi nga stresi i mendimeve nuk është gjëja më e lehtë, psikologët zbulojnë hapat që do të na japin liri, gëzim dhe një ndjenjë lehtësie më të madhe.

Hapi 1. Vëreni me dyshim dobinë e shqetësimit

Ndonjëherë mendojmë se kur mendojmë vazhdimisht për diçka, kjo na ndihmon të zgjidhim problemet tona ose të jemi të përgatitur. Megjithatë, shumicën e kohës, shqetësimi nuk ofron asnjë avantazh.

Hapi 2. Kthejeni vetëdijen tuaj në të tashmen

Praktika e ndërgjegjes mund të bazojë të menduarit në “tani”. Lejoni përvojat tuaja shqisore t’ju ndihmojnë të përqendroheni në atë që po ndodh tani. Ndjeni këmbët tuaja duke u përplasur në tokë dhe trupin tuaj të ulur në karrige.

Hapi 3. Pranoni atë që keni frikë

Mos u përpiqni të zgjidhni të gjitha shqetësimet tuaja – sepse thjesht është e kotë. Në vend të kësaj, pranoni se ajo për të cilën jeni të shqetësuar mund të ndodhë. Njihni kufijtë e asaj që kontrolloni, megjithatë, dhe nëse shqetësimi juaj realizohet, do ta përballoni atë me forcën dhe vendosmërinë që ju solli këtu.

The post Si ta jetoni jetën me më pak shqetësime appeared first on Albeu.com.

Mendimi i parë që mund të vijë për shkakun e gjendjes së tij këtë mëngjes, lidhet me rrezikun për eliminin e Kiarës nga “Big Brother Vip.”

Luizi ka deklaruar shpesh se nuk do t’i rrëfejë emocionet dhe jetën personale dhe ai nuk është shprehur se çfarë e mundon. Gjithsesi, në një bisedë me Valbonën pak ditë më parë tha se e ka marrë malli për të ëmën. Ajo jeton në SHBA dhe që kur ka hyrë në BBVA Luizi nuk ka marrë asnjë mesazh prej nënës e cila ka edhe probleme shëndetësore.

Fansa të tjerë spekulojnë se shpërthimet e tij emocionale lidhet me presionin dhe rëndesën e madhe në format.

Ende asnjë surprizë nuk është bërë për Luizin brenda shtëpisë së ‘Big Brother VIP Albania’. Mbetet të shohim mos vëllai i madh bëhet zemër mirë dhe i lejon Luit një takim apo telefonatë me të afërmit e zemrës.

The post Çfarë e shqetëson? Luiz Ejlli shihet i përlotur brenda shtëpisë appeared first on Albeu.com.

Megjithatë, rritja e temperaturës ditët e fundit në shumë shtete evropiane po shkakton shqetësim tek ekspertët, siç shkruan gazeta britanike “Guardian”.

Ditët më të nxehta të janarit në Evropë janë regjistruar në vende si Polonia, Danimarka, Republika Çeke, Holanda, Bjellorusia, Lituania dhe Letonia , sipas të dhënave të mbledhura nga Maximiliano Herrera, një klimatolog që monitoron temperaturat ekstreme, shkruan botimi britanik.

Për shembull, në Korbielow, Poloni, termometri shënoi 19 gradë Celsius, një temperaturë e regjistruar zakonisht në maj, e cila është 18 gradë Celsius mbi mesataren vjetore për muajin në të cilin ndodhemi.

Zakonisht në janar temperatura nuk kalon 1 gradë Celsius.

The post Temperaturat e larta në janar, shqetësojnë ekspertët appeared first on Albeu.com.

Alimehmeti, nëpërmjet një postimi në rrjete sociale i ka bërë thirrje qytetarëve të qetësohen dhe mbi të gjitha të mos bien preh e dezinformimit në media duke shpjeguar dhe arsyet pse ata nuk duhet të shqetësohen për ripërhapjen e virusit, duke shtuar se: Tri gjëra nuk mund të fshishen dot gjatë: dielli, hëna dhe e vërteta.

Postimi i plotë:

Tri gjëra nuk mund të fshishen dot gjatë: dielli, hëna dhe e vërteta.” Cit.: Buddha. Asnjë arsye për t’u shqetësuar nga Kina miqtë e mi mbi COVID-19! Kur një shtet prej rreth 1.4 miliardë persona ndryshon menjëherë strategjinë nga Covid-zero në hapje në dimër, nuk ka asnjë dyshim çfarë do të ndodhte.

Nivelet minimale të imunitetit natyrore dhe nivelet e ulëta të imunizimit me vaksina të dobëta kineze do të thonin vetëm një rritje të rasteve në Kinë. Kujdes: Vala që goditi Kinën dhe që është aktualisht në rënie nuk shkaktohet nga ndonjë variant i ri, por janë sërish forma të ndryshme të Omicronit që e kemi prej mbi një viti në Shqipëri dhe Europë. BF.7 dhe BQ.1 janë të dyja nënvariante të BA.5 e pranishme prej të paktën 8-9 muajsh në Shqipëri dhe Europë.

Në Shqipëri dhe Europë imuniteti kolektiv tashmë është i vendosur gjerësisht dhe asnjë nënvariant i Omicronit nuk gjen dot terren të virgjër, pra nuk mund të bëjë më dëme masive. Edhe në Kinë po të shohim të dhënat vërejmë të paktën dy elemente kyçe: Vala e rasteve të infektimeve ka të paktën dy javë që është në rënie (grafiku i sipërm). 

Humbjet e jetës ishin shumë më të larta me variantet e para (grafiku i poshtëm), ndërkohë që janë praktikisht pothuajse të papërfillshme gjatë valës së fundit të dhjetorit. Këto elemente i kemi shpjeguar më herët: Sa më shumë të jetë e imunizuar popullata (imunitet natyror kryesisht) aq më pak të dëmshme do të jenë valët e infektimeve. 

Sa më shumë të përshtatet virusi me njerëzit, aq më shumë infektime do të ketë por do të ketë gjithmonë e më pak humbje jete (fenomeni i homplazisë, ndryshe i njohur si evolucioni konvergjent). 

Si përfundim, rrini të qetë miqtë e mi dhe gëzoni festat me familjet. Fikni televizorët dhe bojkotoni çdo lajm, portal, televizion apo deklaratë që ka prirjen vetëm t’ju fusë në panik të panevojshëm.

The post Alimehmeti: Nuk ka arsye për t’u shqetësuar mbi koronavirusin në Kinë appeared first on Albeu.com.

Wigemark ka shkruar në Twitter se është i shqetësuar me incidentet e djeshme në veri dhe se “çdo protestë duhet të jetë paqësore dhe të gjithë duhet të qëndrojnë të qetë dhe të përmbajtur”.

Ai tha se EULEX-i do të vazhdojë ta monitorojë situatën në koordinim të ngushtë me Policinë e Kosovës dhe KFOR-in.

Ambasadori gjerman në Kosovë, Jorn Rohde, ka shpërndarë postimin e Wigemarkut në Twitter, dhe ka shkruar “vërtet shumë shqetësuese”, duke shtuar që ai mbështetë protestat paqësore, por duhet të ketë “zero tolerancë ndaj dhunës”.

“Dhuna e djeshme ndaj zyrave të komisioneve komunale zgjedhore është e papranueshme”, ka thënë Rohde.

Komentet vijnë një ditë pasi grupe të qytetarëve serbë në veri penguan hapjen e zyrave të Komisionit Qendror të Zgjedhjeve, duke shkaktuar edhe incidente me armë zjarri dhe granata.

Ambasadori amerikan në Kosovë, Jeffrey Hovenier, tha se siguria e të gjithë qytetarëve të Kosovës “duhet të jetë prioriteti më i lartë”, dhe se aktualisht nuk ka kushte për mbajtjen e zgjedhjeve në veri të Kosovës.

Zgjedhjet në katër komunat e banuara me shumicë serbe – Mitrovicë e Veriut, Zubin Potok, Leposaviq e Zveçan – janë planifikuar të mbahen më 18 dhjetor.

Ato u shpallën pasi kryetarët e tyre dhanë dorëheqje në fillim të nëntorit, në shenjë kundërshtimi ndaj planit të Qeverisë së Kosovës për t’i riregjistruar makinat me targa ilegale serbe në veri.

Lista Serbe – partia më e madhe e serbëve në Kosovë, e cila me mbështetjen e Beogradit zyrtar i udhëhoqi këto komuna – i kundërshton këto zgjedhje.

Udhëheqësit e Kosovës i dënuan incidentet e së martës, ndërsa kryeministri Albin Kurti paralajmëroi shtim të forcave në veri.

Zyrtarë të KQZ-së thanë, po ashtu, se në rrethana të tilla, “nuk mund të punohet sipas planeve të parapara”./REL

The post Shefi i EULEX-it dhe ambasadori gjerman të shqetësuar për situatën në veri appeared first on Albeu.com.

“Është shumë indinjuese“, tha zoti Biden të shtunën duke folur në Uilmington të shtetit të Delauerës të shtunën.

Zoti Biden foli disa orë pasi Rusia njoftoi se do të ndalonte menjëherë pjesëmarrjen në marrëveshje, duke pretenduar se Ukraina ndërmori një sulm me dron të shtunën kundër anijeve të flotës ruse të Detit të Zi në brigjet e Krimesë së pushtuar. Ukraina e ka mohuar sulmin, duke thënë se Rusia ka goditur gabimisht me armët e veta.

Marrëveshja për grurin që u nënshkrua në korrik ka bërë të mundur eksportin e sigurt nga portet ukrainase të më shumë se 9 milionë tonëve grurë me 397 anije.

Sekretari i Përgjithshëm i OKB-së Antonio Guterres është “thellësisht i shqetësuar” për pezullimin e marrëveshjes dhe shtyu udhëtimin e tij në Algjer për Takimin e Nivelit të Lartë të Lidhjes Arabe me një ditë për t’u marrë me këtë çështje, tha të dielën një zëdhënës i OKB-së.

“Sekretari i Përgjithshëm vazhdon të angazhohet në kontakte intensive që rikthimin e Rusisë tek marrëveshja” tha në një deklaratë zëdhënësi i OKB-së Stephane Dujarric.

Zoti Guterres u kishte kërkuar të premten Rusisë dhe Ukrainës të rigjallëronin marrëveshjen. Zoti Guterres u kërkoi gjithashtu vendeve të tjera, kryesisht në Perëndim, të përshpejtojnë heqjen e pengesave që bllokojnë eksportet ruse të grurit dhe plehrave kimike.

Sekretari i Përgjithshëm i OKB-së nënvizoi urgjencën e rinovimit të marrëveshjes që skadon më 19 nëntor, “për të kontribuar në sigurinë ushqimore në mbarë botën dhe për të zbutur vuajtjet që kjo krizë e kostos globale të jetesës po shkakton tek miliarda njerëz”, tha zëdhënësi Dujarric.

Marrëveshja e grurit ka arritur të ulë 15 për qind çmimet globale të ushqimeve, nga kulmi i tyre në mars, sipas Kombeve të Bashkuara.

Presidenti ukrainas Volodymyr Zelenskyy e quajti vendimin rus të parashikueshëm dhe tha se Moska e ka përkeqësuar qëllimisht krizën ushqimore që nga shtatori. Aktualisht, rreth 176 anije të ngarkuara me grurë nuk po lejohen të lundrojnë nga portet e Ukrainës, tha ai.

“Është ushqim për më shumë se 7 milionë konsumatorë. Pse një grusht njerëzish diku në Kremlin mund të vendosin nëse do të ketë ushqim në tryezat e qytetarëve në Egjipt apo Bangladesh?” tha ai të shtunën në fjalimin drejtuar vendit.

Një anije me 40,000 ton drithëra e nisur për në Etiopi në kuadër të programit të ndihmës së Kombeve të Bashkuara nuk mund të largohej nga Ukraina të dielën si rezultat i pezullimit të marrëveshjes nga Rusia, tha Oleksandr Kubrakov, ministri i infrastrukturës i Ukrainës.

Shefi i politikës së jashtme të Bashkimit Evropian, Josep Borrell, i kërkoi Rusisë të anulojë vendimin e saj në një postim në Twitter të dielën.

Edhe Ministri i Mbrojtjes i Turqisë, Hulusi Akar është në bisedime me homologët e tij në Moskë dhe Kiev në përpjekje për të rigjallëruar marrëveshjen, tha ministria të dielën.

Ai u ka kërkuar palëve që të shmangin çdo “provokim” që mund të ndikojë në vazhdimin e marrëveshjes, thuhet në një deklaratë.

“Inspektimi i anijeve të ngarkuara me grurë që presin pranë Bosforit do të vazhdojë sot dhe nesër,” thuhet në deklaratë./ Zëri i Amerikës

The post Shqetësime për furnizimin ushqimor global, pas pezullimit nga Rusia të marrëveshjes për grurin appeared first on Albeu.com.

Të shtunën u lëshua sateliti BlueWalker 3, i cili është aq i madh sa mund të jetë më i ndritshëm se çdo trup tjetër në qiellin e natës përveç Hënës. Ky fakt ka shqetësuar veçanërisht astronomët dhe adhuruesit e qiellit të natës. Gjegjësisht, seria e satelitëve të sapolansuar tashmë po ndërhyjnë në vëzhgimet shkencore nga Toka dhe disa sinjale radio, shkruan Futurism .
Më e ndritshme se Venusi

BlueWalker 3 është ndërtuar nga AST SpaceMobile me bazë në Teksas. Është projektuar për testimin e teknologjisë celulare, duke përfshirë internetin 4G dhe 5G. Është sateliti më i madh i komunikimeve komerciale i lëshuar ndonjëherë, me peshë rreth 1500 kilogramë.

Më vonë, kompania synon të vendosë një antenë të gjatë tetë metra mbi të, domethënë një objekt të madh reflektues që shqetëson mjaft astronomët, sepse BlueWalker 3, gjatë kalimit të tij, praktikisht mund të errësojë të gjithë yjet dhe planetët përreth gjatë natës. qielli.

“Jemi të shqetësuar. Mund të jetë objekti më i ndritshëm në qiellin e natës, potencialisht më i ndritshëm se Venusi”, thotë astronomi John Barentin nga Dark Sky Consulting në Arizona, sipas New Scientist .

“BlueWalker 3, ndërkohë që dërgon të dhëna nga orbita në celularin e dikujt, mund të shkaktojë probleme për pajisjet e radioastronomisë. Ne jemi të shqetësuar për sasinë e energjisë që do të emetojë”, shtoi ai.

The post Pse astronomët janë të shqetësuar për satelitin e ri të madh të lëshuar mbi Tokë? appeared first on Albeu.com.

Sipas vendimit të Këshillit të Lartë Gjyqësor, nga 22 gjykata të shkallës së parë do të mbeten vetëm 13 të tilla, nga 6 gjykata administrative vetëm dy, ndërsa për të gjthë vendin do të funksionojë vetëm një gjykatë apeli.

Sipas Qendrës për Fuqizimn e Ligjit (CLE) “çdo nismë e ndërmarrë duhet të ketë si qëllim të sjellë drejtësinë sa më afër qytetarëve dhe jo ta largojë e vështirësojë atë”, thuhet në një deklaratë të saj.

Ndërsa, Instituti për Studime Publike dhe Ligjore (ISPL) i cili në muajin shkurt iu drejtua KLGJ-së me një raport vlerësimi mbi propozimin për hartën e re vë në dukje në një postim në Tëitter se “vendime të rëndësishme politike, si rikonfigurimi i hartës së gjyqësorit në vend duhet të marrin në konsideratë duke bërë një analizë më të detajuar, edhe të aspekteve të eficiencës financiare dhe vlerës së kthyer për publikun”.

Sipas KLGJ-së një ndër objektivat e hartës së re është dhe “ulja e kostove”. Por ISPL vëren se “nga pikëpamja e eficiencës financiare, të dhënat e përfshira në raport janë të pamjaftueshme për të vlerësuar vërtetësinë e pohimeve, aq më tepër në kushtet kur pjesa kryesore e shpenzimeve gjyqësore është e lidhur në shpenzime për paga dhe nuk pritet të ulet më konsolidimin e gjykatave, meqenëse numri i gjykatësve dhe stafit tjetër gjyqësor nuk pritet të reduktohet”.

Për Dhomën e Avokatisë, harta e re gjyqësore, cënon qasjen në sistemin e drejtësisë dhe rrit shpenzimet për qytetarët”. Instituti për Studime Publike dhe Ligjore, thekson se “vlerësimi i kostove të rritura për individët dhe qasjen e tyre në drejtësi nuk duket të jetë përfshirë gjerësisht, ndonëse do të duhet të ishtë një aspekt I rëndësishërm (paçka se jo ngushtësisht i lidhur me temën e këtij dokumenti)”.

Në deklaratën e KLGJ-së për miratimin e hartës theksohet se “në aktin e miratuar u reflektuan sugjerimet dhe opinionet e adresuara gjatë procesit të konsultimeve publike të organizuar në bashkëpunim me Ministrinë e Drejtësisë, nga përfaqësues të dhomave vendore të avokatisë, Prokuroria e Përgjithshme, gjyqtarë dhe nëpunës civil gjyqësorë, si dhe organizatat e shoqërisë civile dhe komunitetit të biznesit”.

Por Dhoma e Avokatisë, ka deklaruar se asnjë prej sugjermeve të saj nuk është marrë në konsideratë. Po ashtu dhe Komiteti i Helsinkit. Drejtuesja e tij Erida Skendaj shprehet “e indinjuar” në një postim në Tëitter, ndërsa nënvizon se “argumentat tona kundër nuk sollën as reflektim të KLGJ e nuk u njohëm me shkaqet e refuzimit”.

Nga ana e saj dhe Qendra për Fuqizimn e Ligjit shprehet se “rekomandimet e përcjella në procesin e konsultimit nga aktorët e interesuar nuk janë reflektuar, duke e bërë jo efektiv procesin e konsultimit dhe më e rëndësishmja, duke miratuar një hartë gjyqësore e cila rrezikon të cënojë aksesin në drejtësi të qytetarëve”.

Të martën disa qindra procese gjyqësore nuk u zhvilluan ndërsa sallat e gjykatave ishin bosh për shkak të grevës së avokatëve./VOA

The post Harta gjyqësore, Zëri i Amerikës: Shqetësim dhe nga organizatat e shoqërisë civile appeared first on Albeu.com.

“Jemi duke punuar shumë për të kuptuar se çfarë duhet të bëjmë”, u ka thënë Biden gazetarëve më 22 maj, teksa është nisur nga Koreja Jugore për në Japoni.

Komentet e tij kanë ardhur teksa virusi vazhdon të përhapet dhe Izraeli e Greqia janë dy shtete që kanë raportuar rastet e para.

Organizata Botërore e Shëndetësisë ka identifikuar rreth 80 raste me linë e majmunëve në gjithë botën, si dhe rreth 50 raste të dyshimta.

Kjo sëmundje infektuese është raportuar më herët vetëm në mesin e njerëzve me lidhje në Afrikën Qendrore dhe atë Perëndimore.

Mirëpo në javët e fundit ka pasur raportime për raste të tilla në Britani, Spanjë, Portugali, Itali, Shtetet e Bashkuara, Suedi, Kanada, Australi dhe vende tjera.

Virusi është identifikuar fillimisht te kafshët e egra dhe përcillet me gunga në trup, ethe dhe temperaturë.

Shkalla e vdekshmërisë nga kjo sëmundje është nga 1 deri në 10 për qind, dhe shumica e vdekjeve raportohen te pacientët e rinj.

Aktualisht nuk ka trajtim për linë e majmunëve, mirëpo vaksinat kundër llojeve tjera të lisë besohet se ofrojnë mbrojtje nga ky virus.

The post Biden: Secili duhet të jetë i shqetësuar për linë e majmunëve appeared first on Albeu.com.

Zëdhënësi i Vatikanit Matteo Bruni tha për CNN se Papa shkoi për të shprehur “shqetësimin e tij për luftën” në Ukrainë dhe u takua me ambasadorin për më shumë se një orë e gjysmë.

Vizita konsiderohet të jetë një dukuri e pazakontë dhe nuk është në përputhje me protokollet normale.

The post Lufta në Ukrainë, Papa del nga protokolli dhe i shkon rusëve në Selinë e Shenjtë appeared first on Albeu.com.