Sipas BE-së, Qeveria e Kosovës duhet të ndjekë një sërë procedurash përpara përfundimit të procesit, sepse shpronësimi është një proces i ndjeshëm nga natyra.

“Procedurat ligjore parashikojnë hapa të tillë si njoftimi i avancuar dhe informacioni gjithëpërfshirës i pronarëve të pronave, e drejta e tyre për të paraqitur komente mbi shpronësimin e kërkuar, mundësia e një mjeti të përshtatshëm juridik dhe kompensimi adekuat i tyre përpara se procesi të përfundojë”, nënvizon deklarata e BE-së.

Më 10 maj, Qeveria e Kosovës ka miratuar vendimin për shpronësimin e tokave në komunat me shumicë serbe në veri të Kosovës, Leposaviq dhe Zubin Potok.

Siç është paralajmëruar nga autoritetet kosovare, shpronësimi kryhet me qëllim të “realizimit të projekteve infrastrukturore me interes publik”.

Aksionet përgatitore për shpronësimin e tokës në Leposaviq kanë filluar në fillim të vitit, por popullata vendase serbe e kundërshton ashpër atë, duke pretenduar se është një “proces i paligjshëm”.

Ata po ashtu theksojnë se problemi më i madh për serbët në veri është se qëllimi i shpronësimit është ndërtimi i një baze për policinë kufitare të Kosovës.

Policia e Kosovës më herët ka konfirmuar për Radion Evropa e Lirë se në fshatin Dren, në Komunën e Leposaviqit, ka filluar puna për ndërtimin e stacionit policor kufitar, “me qëllim të sigurimit të qytetarëve, menaxhimit të kufirit dhe parandalimit të kontrabandës në atë rajon”.

BE-ja thotë se e sheh me shqetësim ndërtimin e bazave, dhe bëri u thirrje autoriteteve për adresim adekuat të procesit.

Sipas BE-së “themelimi i katër bazave të Policisë së Kosovës në tokë private dhe shoqërore – në disa raste para fillimit të procedurave të shpronësimit – ngre shqetësime për të drejtat pronësore në veri të Kosovës dhe duhet të adresohet në mënyrë adekuate nga autoritetet”.

Në mes të shkurtit, përfaqësuesit e Qeverisë së Kosovës mbajtën një seancë të hapur dëgjimore në Leposaviq dhe Zubin Potok pasi serbët vendas kundërshtuan shpronësimit.

Po ashtu, pronarët e parcelave që janë objekt i shpronësimit kanë paraqitur padi në gjykatat kompetente në Prishtinë për të parandaluar atë që ata e konsiderojnë si proces të kundërligjshëm./rel

The post BE: Qeveria e Kosovës ta respektojë ligjin për shpronësim në veri appeared first on Albeu.com.

Ministrja e Infrastrukturës dhe Energjisë Belinda Balluku deklaroi se ndërtimi i akseve rrugore është shumë i rëndësishëm por vuri theksin se duhet ndjekur me përpikmëri ligji i shpronësimeve.

Balluku shtoi se shpreson që t’i përmbahen duke vënë theksin te procedura dy palëshe mes shtetit dhe pronarët e objekteve që do shpronësohen.

“Preken 60 objekte që janë miks. Disa janë të legalizuara dhe disa janë të palegalizuara. Do të ketë një akomodim të pronarëve të banesave. Koha e dorëzimit të veprës është 11 muaj. Është një afat shumë ambicioz që shpresoj që ta mbajnë duke pasur parasysh edhe afatin e shpronësimeve. E them dhe e përsëris që procedura që shteti bën është një procedurë dypalëshe. E bëjmë me pronarin e truallit që do shpronësohet. Krijohen vonesa në përfundimin e procesit duke mbajtur peng edhe kantieret. Jemi të gatshëm për të ndihmuar edhe pronarët e shtëpive që do të shpronësohen. Nëse ky projekt dorëzohet brenda një viti Tirana do marrë frymë lehtësisht. Të gjitha akset do të lidhen në këtë unazë të përfunduar duke i dhënë frymëmarrje qytetit. Është e rëndësishme që informimi i qytetarëve është shumë i rëndësishëm. Shteti shpronëson në bazë të ligjeve të shpronësimeve. Ndërtimi i akseve rrugore është i rëndësishëm por nuk duhet të harrojmë që edhe një banesë e vetme të trajtohet në bazë të ligjit”, tha Balluku.

The post Nis puna për Unazën Veriore, Balluku: Çdo banesë për shpronësim të trajtohet me kujdes appeared first on Albeu.com.