Vendimi u mor në mënyrë unanime nga trupa e KPK e kryesuar nga Xhensila Pine, me relator Olsi Komicin dhe anëtare Firdes Shulin.

Gjyqtarja Pitaku, nuk ishte e pranishme në seancën e shpalljes së vendimit, por u përfaqësua nga avokatja e saj, Romina Zano.

Gjatë seancës dëgjimore më 24 korrik, Pitaku u pyet dhe dha shpjegime për bilancet negative në vlera të mëdha në shumën totale 65 milionë lekë, si dhe për probleme të tjera për pasurinë, kriterin e vetëm për të cilin është përmbyllur hetimi paraprak.

Ajo pretendoi se përmbysi barrat e provës për pasurinë dhe kërkoi riçeljen e hetimit administrativ, për figurën dhe profesionalizmin.

Kryesuesja Pine njoftoi të premten se ishte rrëzuar kërkesa e subjektit për riçeljen e hetimit, pasi gjetjet e konstatuara në kriterin e pasurisë, ishte të mjafueshme për vendimarrjen.

Shpëtime Pitaku, e ka nisi karrierën në sistemin e drejtësisë në vitin 1993 dhe punoi prej më shumë se dy dekadash si gjyqtare pranë Gjykatës së Rrethit Durrës.

Në vitin 2015, Pitaku u kallëzua në Prokurori nga Inspektoriati i Lartë i Deklarimit dhe Kontrollit të Pasurive për dyshime për fshehje pasurie, por hetimi u mbyll pa rezultat.

The post Gjyqtarja Shpëtime Pitaku shkarkohet nga detyra, arsyeja appeared first on Albeu.com.

Mësohet se të tre janë autorë të vjedhjes në shtëpinë e gjyqtares Shpëtime Pitaku.

Pitaku denoncoi se më 4 qershor  kishte dalë shëtitje me bashkëshortin dhe kur janë kthyer në banesë kanë gjetur të dëmtuar bravën e derës. Menjëherë bashkëshorti i saj ka denoncuar në polici, vjedhjen e 2 mijë eurove dhe disa bizhuterive. Pitaku rezulton një ndër më të pasurat në sistemit e drejtësisë, e denoncuar për fshehje pasurie 8 vite më parë, por asnjëherë e hetuar.

Njoftimi i policisë: 

Durrës/Finalizohet operacioni policor i koduar “Metoda”.

Operacioni, rezultat i hetimeve intensive, të kryera në bashkëpunim me Prokurorinë e Durrësit, për zbardhjen e 7 vjedhjeve të kryera gjatë një viti.

Përdornin shkallë dhe litarë, për të ngjitur katet e pallateve, ku vidhnin shuma të konsiderueshme parash, bizhuteri floriri dhe aksesorë të tjerë, identifikohen dhe arrestohen 3 shtetas.

Të arrestuarit vepronin si grup dhe mbanin në vëzhgim banesat e biznesmenëve dhe të shtetasve me funksione publike, që t’i kryenin vjedhjet kur nuk kishte njerëz në këto banesa.

Sekuestrohen rreth 115 000 lekë, bizhuteri dhe aksesorë të tjerë të vjedhur, si dhe veshje të përdorura nga të arrestuarit, gjatë vjedhjeve, 2 celularë dhe 3 automjete.

Si rezultat i hetimeve të thelluara të kryera në bashkëpunim me Prokurorinë e Durrësit, menjëherë pas denoncimeve të disa qytetarëve, se në banesat e tyre, në lagje të ndryshme të qytetit të Durrësit, iu kishin vjedhur para dhe sende me vlerë, specialistët e Seksionit për Hetimin e Krimeve të Komisariatit të Policisë Durrës, në bashkëpunim me shërbimet e Forcës së Posaçme Operacionale të DVP Durrës, finalizuan operacionin policor të koduar “Metoda”.

Në kuadër të këtij operacioni u identifikuan dhe u arrestuan shtetasit I. Sh., 26 vjeç, A. R., 32 vjeç dhe A. N., 55 vjeç, të tre banues në Durrës, pasi rezulton se:

-më datë 05.06.2023, kanë vjedhur në banesën e shtetases V. P. (me detyrë gjyqtare), 3 çanta dhe 3 000 euro;

-më datë 16.10.2022, në banesën e shtetasit N. R., kanë vjedhur 40 000 lekë dhe 2 bizhuteri floriri;

-më datë 21.01.2023, në banesën e shtetases A. L., kanë vjedhur 11 000 euro dhe bizhuteri me vlerë 5000 euro;

-më datë 09.05.2023, në banesën e shtetasit S. A., kanë vjedhur 1 000 000 lekë dhe bizhuteri me vlerë 200 000 lekë;

-më datë 15.07.2023, në banesën e shtetasit Y. Ç., kanë vjedhur 4000 euro dhe 150 000 lekë;

-më datë 31.08.2023, në banesën e shtetasit E. K., kanë vjedhur 1500 euro;

-më datë 30.09.2023, në banesën e shtetasit A. S., kanë vjedhur 100 000 lekë dhe bizhuteri floriri.

Vijojnë hetimet për të zbardhur vjedhje të tjera që mund të kenë kryer këta shtetas.

Materialet procedurale i kaluan Prokurorisë pranë Gjykatës pranë Shkallës së Parë të Juridiksionit të Përgjithshëm Durrës, për veprime të mëtejshme.

/Albeu.com 

The post Vodhën para dhe bizhuteri në banesën e gjyqtares Shpëtime Pitaku dhe në shtëpi të tjera, 3 të arrestuar në Durrës appeared first on Albeu.com.

Jashtë kamerave, Pitaku ka treguar për gazetarët se si ka ndodhur ngjarja. Sipas saj, ditën e dielë, ka qenë jashtë së bashku me të shoqin. Kur janë kthyer, kanë gjetur derën e jashtme të shtëpisë hapur dhe më pas kanë bërë denoncimin në polici.

Pitaku: Të dielën në mbrëmje kishim dalë me bashkëshortin dhe kur jam kthyer pas disa orësh gjeta të thyer derën e jashtme të banesës. Bëra denoncim në polici. Kanë marrë nje shume te vogel parash që i mbaja në shtëpi për konsum të përditshëm dhe disa buzhuteri. Nuk më kanë bërë dëm të madh” ka thënë gjyqtarja për gazetarët jashtë kamerave.

Denoncimin gjyqtarja e ka bërë pikërisht atë ditë dhe kur ka ndodhur grabitja. Sakaq, nuk dihet pse kjo ngjarje është mbajtur e fshehtë nga policia. Edhe pas publikimit në media nuk ka një reagim zyrtar nga uniformat blu./Albeu.com.

The post Misteri që fshihet pas 5 ditëve! Policia “hesht”, gjyqtarja e Durrësit: Banesa më është vjedhur të dielën appeared first on Albeu.com.

Pitaku, e cila ushtron detyrën pranë Gjyaktës së Durrësit ka pretenduar se hajdutët i kanë vjedhur një shumë prej 2 mijë euro si dhe bizhuteri, por nga ana e policisë ende nuk ka një njoftim zyrtar në lidhje me shumën që i është vjedhur.

Pitaku është një nga gjyqtaret më të pasura në sistemin e drejtësisë në Shqipëri dhe është hetuar për prejardhjen e pasurisë.

“Në përfundim të kontrollit të plotë rezultuan fshehje të pasurive, deklarime të rreme të interesave private, falsifikime dokumentash, mungesë burimesh të ligjshme financiare dhe dyshime për pastrim parash në shumën rreth 1 milion usd”, thuhej në njoftimin e ILDKPI.

ILDKPKI i kërkoi organit të Prokurorisë një hetim të plotë e të gjithanshëm për subjektin deklarues Shpëtime Pitaku, pasi është kallëzuar edhe më parë nga për veprën penale të falsifikimit të dokumenteve zyrtare.

A po del në pah një Alda Klosi tjetër?

Rasti i vjedhjes së gjyqtares të sjell ndërmend Alda Klosin, zyrtaren e Kryeministrisë, e cila u vodh nga pastruesja e saj, dhe nxorri në pah se ajo kishte korruptuar mijëra euro duke shpërdoruar detyrën.

Më 15 dhjetor, Policia e Tiranës tha se shuma në cash bashkë me bizhuteritë e grabitura në banesën e saj arrin në 120.000 euro, nga pastruesja e saj Rozeta Dobi.

Policia e Tiranës ditën e arrestimit të Rozeta Dobit e cila punonte si pastruese në banesën e Alda Klosit dhe të djalit bashkëpuntor në vjedhje tha se u sekuestroi mbi 8 milionë lekë, të dyshuar të vjedhur në këtë banesë, sende me vlerë, 3 automjete, 2 prej tyre të blera me paratë e vjedhura, si dhe veshje të përdorura gjatë kryerjes së këtij krimi.

Nga rikontrolli banesës të Rozeta dhe Havier Dobi  policia tha se në tubin e aspirarorit gjeti të fsheshur 404.800 euro dhe 8.500 dollarë, para që mendohet se kanë qenë të Alda Klosit, e cila ndodhet në burg së bashku me Dobin dhe djalin e kësaj të fundit.

Shënjestrimi i të pasurve

Si duket, hajdutët tashmë nuk po mjaftohen me shumë të vogla parash nga vjedhjet që kryejnë nëpër biznese dhe banesa. Ata kanë filluar të shënjestrojnë zyrtarë dhe punonjës të sistemit të drejtësisë, me të fundit gjyqtaren Shpëtime Pitakun ku veç parave i kanë marrë në banesë dhe sende me vlerë.

Gjithashtu vlen për t’u theksuar se në Blesh janë vjedhur 4 milionë lekë të rinj nga tre persona që tashmë ndodhen pas hekurave./albeu.com

The post Vjedhjet e VIP-ave të administratës dhe gjyqësorit, çfarë fshihet pas “mësymjes” në shtëpinë e gjyqtares Shpëtime Pitaku appeared first on Albeu.com.

Pitaku, e cila ushtron detyrën e gjyqtares pranë Gjykatës së Durrësit ka pretenduar se i janë marrë 2 mijë euor dhe bizhuteri. Ende nuk dihen detajet e ngjarjes, ndërkohë që policia po punon për zbardhjen e detajeve.

Por kush është gjyqtarja Shpëtime Pitaku?

Gjyqtarja e Durrësit Shpëtime Pitaku rezulton një ndër gjyqtaret më të pasura të sistemit të drejtësisë.

Në deklaratën e saj të pasurisë, vetëm për vitin 2015 që ka dorëzuar pranë ILDKP, gjyqtarja thotë se ka 5 lokale, të cilët i kanë sjellë të ardhura të konsiderueshme. Nga qiratë e pesë lokaleve ka marrë shumat 9 600 euro, 360 000 lekë, 1 200 euro, 1 200 euro dhe 1 800 euro. Gjyqtarja deklaron edhe një sipërfaqe trualli 650 m2 dhe sipërfaqe ndërtimi 442 m2, në bashkëpronësi.

Nga veprimtaria si gjyqtare, zonja deklaron 1 426 425 lekë, të ardhura nga puna e bashkëshortit si mjek stomatolog privat 1 609 327 lekë, gjendje nga paga, 173 802 lekë, qira të klinikës dentare 120 000 lekë.

Në vitin 2015, Inspektorati i Lartë i Deklarimit dhe Kontrollit të Pasurive dhe Konfliktit të Interesave ka paditur në prokurori gjyqtaren e Gjykatës së Durrësit, Shpëtime Pitakun.

“Në përfundim të kontrollit të plotë rezultuan fshehje të pasurive, deklarime të rreme të interesave private, falsifikime dokumentash, mungesë burimesh të ligjshme financiare dhe dyshime për pastrim parash në shumën rreth 1 milion usd”, thuhej në njoftimin e ILDKPI.

ILDKPKI i kërkoi organit të Prokurorisë një hetim të plotë e të gjithanshëm për subjektin deklarues Shpëtime Pitaku, pasi është kallëzuar edhe më parë nga ILDKPKI për veprën penale të falsifikimit të dokumenteve zyrtare./Albeu.com/ 

The post Sot iu vodh shtëpia, kush është gjyqtarja milionere e Durrësit, e hetuar për pastrimin e 1 milion dollarëve appeared first on Albeu.com.