“Kemi një fushatë intensive. Unë si kryetar duhet të jem prezent kudo dhe jam i përqendruar në Tiranë, ku kam bërë fushatë që prej vitit 2005,” tha Idrizi, i cili vetë garon në listën e hapur.

Ai u shpreh optimist për rezultatin që PDIU pritet të ketë në këto zgjedhje, duke theksuar kontaktin e drejtpërdrejtë me qytetarët dhe adresimin e problemeve reale të tyre. “Zgjedhjet janë momenti më serioz i marrëdhënies mes qytetarit dhe politikës. Në atë ditë, është qytetari që merr fuqinë dhe delegon të ardhmen”, tha Idrizi.

Në lidhje me programin ekonomik, kreu i PDIU theksoi nevojën për një kthim drejt prodhimit vendas, duke e konsideruar atë një rrugë të rëndësishme drejt rritjes së punësimit dhe qëndrueshmërisë së sistemit të pensioneve.

“Një vend si Shqipëria nuk mund të mbahet vetëm nga ndërtimi. Prodhimi i brendshëm krijon punësim dhe ndihmon në zgjidhjen e çështjes së pensioneve. Jam për një sistem taksimi uniform dhe neutral”, përmbylli ai.

The post Zgjedhjet e 11 majit/ Shpëtim Idrizi: Shqipëria duhet të kthehet te prodhimi i brendshëm, PDIU fokus të veçantë në Tiranë appeared first on Albeu.com.

Ai u shpreh se heqja e këtij ligji është shumë me rëndësi dhe peshë për çamët, por jo për nga ana materiale, por atë të emocioneve dhe përjetimeve njerëzore.

Për herë të parë Idrizi rrëfeu dhe një histori të familjes së tij, kur në vitin 1989, në Tiranë mbërritën dy shtetas grekë që kërkonin gjyshin e tij.

Sipas Idrizit, ata jetonin në shtëpinë e gjyshit të tij, të marrë pas dëbimit dhe kërkonin ta takonin pasi i kishte dërguar i ati.

“Duam ose t’i marrim hallallin, ose t’i japim paratë”, kanë thënë ata sipas tij, duke treguar më tej se raporti njerëzor me qytetarët e sotëm grek apo qeverinë, nuk është konfliktual, por çamët kërkojnë që të ketë një ndjesë publike për masakrën.

“Çështja e shqiptarëve të Çamërisë, është e fundit çështja e pronës. Nuk po mbajmë kujtimin gjallë për një shtëpi aty. Ka qenë vend i begatë me pasuri, sigurisht që ka një kalkulim, deri para 1990 llogaritej e gjithë pasuria e lënë atje ishte rreth 2 mld euro, imagjinoni tani. Por është e fundit përballë jetëve njerëzore… ndaj ne duam që në radhë të parë të kemi një falje publike, sot nuk bëjmë përgjegjës popullin dhe qeverinë greke. Ne kërkojmë statusin që kishin para ‘45, të kthehemi në vendin tonë, aty ku kemi shtëpitë.

Shtëpia ime ka një histori që po e rrëfej për herë të parë. Në ‘87 vijnë dy njerëz nga Greqia në hotel ‘Tirana’, kërkonin shtëpinë e Mero Saliut, gjyshi im, dhe i dalin këta që i gjëmonin dhe u thonë ‘për çfarë keni ardhur? Ne jetojmë në shtëpinë e tij kemi qenë gjitonë, na ka çuar babai jonë dhe duam ta takojmë dhe t’i marrim ose hallallin ose t’i japim paratë’. Nëse do shkoja sot atje, si do sillesha me ata? Nuk do t’i nxirrja, ose do t’i thoja të ta ‘ndërtoj një shtëpi në fund të bahçes më të mirë se kjo, se këtë e kam për kujtim’. Jam shumë mirënjohës për kolegët e mi që e votuan”, tha Idrizi.

The post “Duam ose t’i marrim hallallin, ose të japim paratë”, Idrizi rrëfen për herë të parë historinë e familjes: Dy grekë erdhën na kërkuan dhe… appeared first on Albeu.com.

I ftuar në “Kjo Javë” në News24, ai tha se PDIU nuk mban qëndrim pro Bashës apo pro Berishës, por shtoi se PD-ja duhet të unifikohet sa më parë brenda vetes.

A mund të ketë një afrim me Ramën? Keni votuar edhe ligje të qeverisë…

PDIU në konfliktin e brendshëm që ka PD-ja nuk mbajmë anë. Në betejën me Bashën apo Berishën dhe Gaz Bardhin, PDIU si një parti aleate e PD, e spektrit opozitar, ne nuk përfshihemi dhe nuk ndërhyjmë. Ata kanë detyrim që të bashkohen mes tyre për hir të demokratëve por edhe sepse vendi ka nevojë që të ketë opozitë. Një opozitë me 3 vjet probleme nuk i bën mirë vendit. PDIU nuk mund të përfshihet midis palëve.

Po drejt 2025 ju ku jeni?

Është larg 2025. PDIU nëse nuk merr pjesë midis palëve nuk ka ndryshuar pozicion. PDIU ka kauzën dhe specifikën e saj. Më është bërë pyetja “a do shkosh në këtë miting?”. Nëse një parti do ishte solidare me PDIU për çështjen çame, do të shkoja. Në 2017 kryetari i PD thotë “votat e PDIU hidhini në lumë”, ndërkohë që morën 6 ministra në qeveri. E njëjta situatë ishte edhe në 2021. Asnjëherë nuk mu tha në 2021 se pse LSI dhe PD nuk bënë marrëveshje, në momentin e fundit 1 muaj para zgjedhjeve prisnim që të kishte marrëveshje. Ne kuptonim që nga shifrat ishim fitues. Unë do shkoj të gjëmoj këta nga mbrapa? Kam edhe punë të tjera. Ne bashkëudhëtijmë, por unë nuk jam martuar me këta. Këta duhet të rregullojnë njëherë veten e tyre. Përsa i përket mbështetjes në Parlament, ne mbështesim edhe nismat e fundit për komisionet hetimore.

Ka një qejfthyerje?

Nga ana politike është normale që në momente të caktuara secili ka interes për kauzat e tij. E patë që u votua dje ligji për nënshtetësinë nga 97 deputetë? U bë shumë mirë. Marrim ligjin për gjykatën Kushtetuese, nuk mund të shtrohet pyetja a do ta votoni apo jo. Pyetja është, a keni një debat real brenda Parlamentit në mënyrë që të kuptojmë që 7 milionë lekë për kryetarin e Gjykatës Kushtetuese a janë shumë në raport me pagat dhe pensionet?

Me sytë drejt 2025, ju si PDIU çfarë kërkoni nga opozita?

Nuk ka ngelur t’ia kërkojmë ne se ia kërkon gjithë opinioni, ata duhet të gjejnë arsyen për tu bërë bashkë në PD. nganjëherë më duket e qëllimshme, diskutohet vazhdimisht Basha- Berisha- Bardhi, ndërkohë që receptorët duhet të jenë te mazhoranca. Ne e dimë që të fitosh zgjedhjet duhet të jesh alternativë. Duhen edhe ca figura të tjera që të ngjallin shpresë.

A është opozita alternativë?

Jo nuk është. Ju do thoni pse nuk u ftua PDIU në koalicion? Sepse u bë marrëveshje me Belerin dhe ja ku kemi peshqeshin e Belerit. Nëse kjo situatë do jetë prapë deri në 2025, do dalim më vete.

Një afrim drejt Ramës ka?

Ajo që di unë shumë mirë është që kjo mazhorancë nuk ka nevojë. Me mënyrën si po sillemi ne, kjo mazhorancë nuk do ketë nevojë.

The post Deklaratë e fortë e Idrizit: Nëse opozita vijon me Belerin, në 2025 dalim vetëm në zgjedhje appeared first on Albeu.com.

Në reagimin e tij, Idrizi i ka cilësuar politikanët grekë të pranishëm në protestë si pinjollë të Napolon Zervës.

Idrizi shkruan më tej se, Napolon Zerva ishte krimineli që në krye të paramilitarëve grekë në periudhën Qershor 1944 – Mars 1945, bëri Gjenocodin më të tmerrshëm në histori ku masakroi 20 % të popullsisë dhe përzuri e spastroi etnikisht  90 % të çamëve nga trojet e tyre.

Reagimi:

Në Himarë erdhën si krushq, pinjollët e Napolon Zervës!

Në mes të gushtit në Himarë u kërcënua  me integrimin e Shqipërisë dhe helenizimin e jugut!

Drejtësia e harruar për Çamërinë, është drejtësi e munguar!

Protestës së organizuar për t’i kërkuar drejtësisë shqiptare lirimin e Belerit, ju bashkuan të ardhur nga Greqia dhe një grumbull dishepujsh të Napolon Zervas të dalë nga zgafellat e Luftës së Dytë Botërore , që s’kanë asnjë lidhje me popullin e Himarës apo me ata që ndjehen minoritet grek.

Në mes të zhegut të Gushtit kërcënuan Shqipërinë me duart e forta të integrimit dhe jugun e Shqipërisë me helenizim.

Kësaj skote naconaliste të verber greke i printe kryetari i bashkisë së Athinës, Bakojanis dhe kryetari i bashkisë së Selanikut  Kostandinos Zervas dhe sigurisht s’mund të mungonte dhe “dhuleja” i Greqisë, Vangjel Dule që me zërin e hollë kërcënonte që:

“Ju nuk dini me kë po ngatarroheni” ?!

Banorët e Himarës mund të kenë plotësisht të drejtë që të jenë të pakënaqur me punën e Goros.

Ata që ja u bënë peshqesh Fredi Belerin nuk e vunë për të zgjidhur hallet e problemet e tyre, por si “kryedash” për helenizim e jugut dhe nxitjen e tensioneve ndër etnike në Himarë.

Prandaj ju erdhën si krushq, pinjollët e Napolon Zervës.

Kyetari i bashkisë së Athines, Bakojanis i cili ka inaguruar në Athinë, Muzeun e Luftës dhe shtëpinë e Kriminelit që masakroi e përzuri shqiptarët e Çamërisë nga trojet e tyre. ( foto 1- 2 )

Kryetari i bashkisë së Selanikut, Kostandin Zervas që në biografinë e tij shkruan:

“babai im ishte njeri i afërt i Napolon Zervas dhe që gjyshi i tij ishte nga Korca e Vorio Epirit” ?!!! ( foto 3)

Për të gjithë ata që “se dinë” ;

Napolon Zerva ishte krimineli që në krye të paramilitarëve grekë në periudhën Qershor 1944 – Mars 1945, bëri Gjenocodin më të tmerrshëm në histori ku masakroi 20 % të popullsisë dhe përzuri e spastroi etnikisht  90 % të çamëve nga trojet e tyre.

U rrafshuan 68 fshatra, 159 të tjere u grabitën …

Drejtësia e harruar është drejtësi e munguar !

Të drejtat universale të njeriut s’mund të jenë për disa po e për disa jo!

Ne nuk Harrojmë !

#camerianukharron

#PDIU

The post Politikanët grekë në protestën për Belerin, Idrizi: Erdhën si krushq, pinjollët e Napolon Zervës appeared first on Albeu.com.

Sipas tij ky veprim është presion mbi drejtësinë shqiptare dhe cënim mbi shtetin ligjor, ndërsa u shpreh se kjo protestë cënon marrëdhëniet mes dy vendeve.

Idrizi shprehet prej kohësh Greqia po kërcënon Shqipërinë me bllokimin e integrimit në BE përmes funksionarëve të saj në lidhje me rastin e Fredi Belerit, i cili mbahet në qeli prej muajsh pasi akuzohet për shit-blerje votash në zgjedhjet e 14 majit.

Deklarat e plotë:

Protesta e lajmëruar nesër në Himarë është ndërhyrje në punët e brendëshme të një vendi sovran, anëtar i NATOS dhe me statusin Kandiat i BE-së .

Protesta e nesërme në Himarë është presion mbi drejtësinë shqiptare, cënon shtetin ligjor.

Si e tillë ajo është e papranueshme, cënon marëdhëniet midis dy vendeve.

U bë kohë që Greqia me aradhën pa fund të funksionarëve të saj, me dërgatat e zv/ministrave, deputeteve, etj,  kërcënon Shqipërinë me bllokimin e integrimit neë BE, madje ministri i jashtëm grek arriti deri aty sa me një gjuhë aspak europiane e aq më pak diplomatike,  perdori gjuhën e andartëve grekë kur u shpreh që:

Shqipëria po qëllon këmbën e vet me rastin Bejleri …?!

Ata kërkojnë betimin dhe marrjen e detyrës nga Bejleri, i lënë me arrest në burg nga të gjitha shkallët e gjyqësorit.

Fredi Bejleri që “fitoi”me një grusht votash dhe me shumë autobuza nga Greqia, Bashkinë e Himarës, është i akuzuar nga SPAK për krime zgjedhore, për blerjen e pikërisht të atij grushti votash që e shpalli fitues.

Nesër taborrit të deklaratave që nga Kryeministri, Ministri i  Jashtëm, deputetëve, vizitave speciale në burg të Bejlerit është lajmëruar se do jetë në proteste  edhe Kryetari i Bashkisë së Athinës Bakojanis.

Greqia po përdor duart e forta dhe arrogancën me Shqipërinë m.gj.th. se ata e dinë që rasti Bejleri është çështje e drejtësisë.

Por qëllimi ështe rikthimi i tensioneve etnike në Himarë të harruara prej 10 vjetësh.

Himara nuk është zonë minoritare si Finiqi e Dropulli dhe 36 fshatrat që Shqipëria i ka njohur që në kohën e mbretit Zog, kur u bë pjesë e Lidhjes së Kombeve.

Himara s’ka asnjë kontinuitet tokësor me Greqinë siç ka p.sh krahina e Çamerisë me Shqipërinë.

Kjo është arsyeja pse u kandidua dhe një personazh butaforik si Bejleri, me edukimin më të lartë si hidraulik në Kretë dhe jo ndonjë intelektual që minoritetit grek nuk i mungojnë.

Apo si personazh me ngarkesa të larta penale, si i akuzuar për masakrën e Peshkëpisë, ku u vranë dy ushtarë,  dëshmorë të atdheut dhe i dënuar nga Gjykata e Vlorës për dhunim të simboleve Kombëtare (djegien e flamurit shqiptar).

Prandaj Fredi Bejleri del pa teklif me flamurin e Republikës së Vorio – Epirit te vitit 1914, që përfshinte dhe Gjirokastrën, Korçën dhe një pjesë të Jugut, apo këput broçkulla si shqiptarët e kanë prejardhjen nga Kaukazi apo që do punojë për helenizmën në Himare, apo si deklarata e fundit që do mbrojë tokat “greke” në Himarë.

Fatkeqesisht ketë skenar e mundësoi dhe kandidimi i Bejlerit nga forca politike shqiptare, por sot e në vazhdim po ja shohim e do t’ia shohim sherrin.

PDIU i kërkon Ministrisë së Jashtme të kërkojë shpjegime dhe të ndalojë në rrugë diplomatike ardhjen e Kryetarit të Bashkisë së Athinës,  Bakojanis, deputeteve apo funksionarëve grekë mosndërhyrjen në një problem që ka të bëjë me zgjedhjet në Shqipëri.

PDIU i kërkon Ministrisë së Jashtme të reagojë për presionet dhe ndërhyrjen mbi sistemin e drejtësisë Shqiptare.

PDIU i kujton Presidentit të Republikës, Kryeministrit, Ministrit të Jashtëm, Parlamentit dhe forcave politike shqiptare që mardheniet e mira me Greqinë duhet të bazohen mbi parimin e reciprocitetit, dialogut dhe dinjitetit dhe çështje të tilla si:

Abrogimi i Ligjit të Luftës nga Greqia;

Zgjidhja e drejtë e çështjes së shqiptarëve të Çamërisë;

Zgjidhja e problemit të pensioneve të emigrantëve shqiptarë në Greqi, që kanë 30 vjet që kontribojnë në sistemin e pensioneve në Greqi dhe që rezikojnë të mbeten pa pensione;

Marrëveshja për regjimin e kufijve tokësor dhe piramidave;

Çështja e Zonave Eskluzive Ekonomike dhe Shelfit Kontinental;

Të mos shtyhen në kalendat greke por të trajtohen me përparësi e dialog me parimin e reciprocitetit dhe dinjitetit kombëtar.

The post Protestë për Fredi Belerin në Himarë, Idrizi: Ndërhyrje nga shteti grek, cënohet marrëdhënia e dy vendeve appeared first on Albeu.com.

Idrizi shprehet se, drejtësia të marrë parasysh ligjin dhe provat që e akuzojnë Fredi Belerin dhe se nuk duhet të intimidohet, duke iu referuar ultimatumeve dhe thirrjeve të Greqisë për lirimin e tij.

“Fredi Beleri, personi i fundit që do duhej të kandidohej si kryetar bashkie në Himarë, për turpin e atyre që e kandiduan dhe ndezën tensionet e harruara në Himarë.

I përfshirë në masakrën e Peshkëpisë dhe i dënuar për dhunimin e simboleve kombëtare, dalja me flamurin e republikës së Vorio – Epirit të vitit 1914 që aneksonte Jugun e Shqiperise dhe Protokollin e Korfuzit, thirrja për helenizimin e Jugut, do të ishin të mjaftueshme për institucionet e sigurisë kombëtare dhe të drejtësisë.

Fredi Bejleri është sot i akuzuar dhe me prova të pakundërshtueshme si blerës votash dhe shkatërrues i zgjedhjeve në Himarë.

Si kurrë ndonjëherë ka presion nga një shtet anëtar i BE-së si Greqia, por edhe nga një pjesë e politikës së vendit, individë të cilët duan të helmojnë marrdhëniet me gjitonin, që të mbyllin sytë organet tona të drejtësisë e të lirojnë këtë individ recidivist në krime të rënda penale.

Janë të paparanueshme vizitat e funksionarëve të lartë të shtetit grek për burgaxhiun përsëritës Fredi Beleri.

Për to kam vetem një pyetje?

Atë ligjin e luftës 83- vjeçar me Shqipërinë kur do e heqi Greqia? Apo është e zënë me vizitat speciale në burgun e Belerit?!

I bëj thirrje institucioneve tona të drejtësisë të mos intimidohen nga asnjë lloj shantazhi e ndërhyrje në punën e saj.

E vetmja gjë që duhet të marrin parasysh është ligji dhe provat që e akuzojnë këtë individ.

Në Shqipëri duhet të marrë fund njëherë e mirë kultura e shantazhit të organeve të drejtësisë nga aktorë të brendshëm a të jashtëm qofshin.

Ligji është i vetmi që duhet respektuar ndaj sot me shumë se kurrë institucionet tona duhet të jenë në respektim të rolit të tyre të rëndësishëm e të vlerësojnë vetëm provat që vërtetojnë akuzën ndaj tij”, shprehet Idrizi./albeu.com

The post Beleri në burg, Shpëtim Idrizi: U bëj thirrje institucioneve të drejtësisë të mos intimidohen nga asnjë lloj shantazhi appeared first on Albeu.com.

Ministria e Jashtme greke njoftoi se me urdhër të ministrit të Jashtëm grek Nikos Dendias, ambasadorja greke në Tiranë Kostandina Kamici, do të dorëzojnë në ministrinë e jashtme shqiptare një notë proteste.

Nëpërrmjet një reagimi në Facebook, Idrizi shprehet i revoltuar për ndërhyrjen e ministrisë së Jashtme Greke në çështjen e arrestimit të Belerit.

“Po kandidon shteti grek në Himarë apo Fredi Beleri?”, kjo është pyetja që Idrizi parashtron në Facebook.

/albeu.com/ 

The post “Greqia të mos ndërhyjë në punët e brendshme të Shqipërisë”/ Idrizi reagon për arrestimin e Fredi Belerit, thirrja për Xhaçkën appeared first on Albeu.com.

Kryetari i PDIU-së, Shpëtim Idrizi së bashku me kandidatët për këshilltarë prezantuan pikat e programit politik që përbashkon në zgjedhjet lokale të 14 majit, vizionin për Qarkun e Vlorës, po aq sa edhe për idealin patriotik.

Në fjalën e tij, Idrizi theksoi se ekonomia duhet të jetë kryefjala, e pastaj vjen edhe Open Balkan, për paqe e bashkëjetesë në rajon.

“Çështja e shqiptarëve të Çamërisë është një çështje kombëtare, ashtu siç është çështja e Kosovës, çështja e të drejtave të shqiptarëve kudo ku janë. Janë një çështje e të gjithë shqiptarëve. Se sot ne po flasim për atë që po ndodh në Kosovë por ne në radhë të parë duhet ta shohim çëshjten e shqiptarëve nga ekonomia. Prandaj kemi bërë thirrje që ne t’i drejtohemi COMMONËEALTH-it ekonomik të shqiptarëve. Ne nuk kemi frikë që të lexojmë kushtetutën e Shqipërisë ku shkruhet e zeza mbi të bardhë për identitet dhe bashkim kombëtar. Hajde ta bashkojmë nga ekonomia. Të bëjmë një studim se kush janë avantazhet e ekonomisë shqiptare, kush janë avantazhet e ekonomisë së Kosovës dhe t’i bëjmë ato komplementarë. Se sot shohim që ka një konflikt mes Shqipërisë dhe Serbisë, ju duhet të dini se partneri më i madh tregtar dhe importuesi më i madh i mallrave në Kosovë, është Serbia. Pra, ka një nonsens shumë të madh. Sot, ne flasim për njohje apo mosnjohje, Kosova importon rreth 600 milionë euro produkte me Serbinë dhe vetëm 300 milionë me Shqipërinë. Nëse doni që të mos flasim për patriotizëm folklorik, hajde t’i kthejmë sytë nga ekonomia. Këto ka shtyrë gjithmonë përpara PDIU. E kur ne flasim për problemet që ka Kosova apo shqiptarët e Maqedonisë së Veriut, apo shqiptarët kudo ku janë, ne jemi si ajo pjesa e trupit që dhemb kudo njëlloj. Jam dakord që ne duhet të kemi një paqe të madhe, sociale, historike, në të gjithë Ballkanin. Edhe me Open Balkan. Po ne s’mund të kemi Open Balkan nga sipër dhe ta lemë këtu nga poshtë me Greqinë. Jam dakord që të kemi një dakordësi të madhe si vende ku nuk kemi ku ta çojmë njëri-tjetrin, por të respektojmë të drejtat e minoritetit, të drejtat e shqiptarëve të Çamërisë, liritë dhe të drejtat e njeriut. Ta bëjmë pikërisht Ballkanin nga një fuqi baruti në një zonë të lirë ekonomike. Por kjo vlen për të tërë dhe jo vetëm për një pjesë”, theksoi Idrizi.

Këtë thirrje Idrizi e kishte për të gjitha forcat politike si përgjegjëse për këtë ideal përbashkues të shqiptarëve. Duke e vlerësuar Qarkun e Vlorës si një bastion jo vetëm të shqiptarëve të Çamërisë, por edhe si qytetin e flamurit, e patriotëve dhe qarkun që është bekuar me natyrën e potencialin e madh të zhvillimit, kryetari i Partisë Drejtësi Integrim dhe Unitet theksoi se sa rëndësi ka që parlamenti i bashkive në këtë qark të punojë për t’i dhënë alternativë të rinjve të mos largohen nga vendi.

“Nuk bën punë vetëm kryetari i bashkisë. Sot jemi në demokraci. Është kryetari i bashkisë që duhet të zbatojë politikat e këshillit të bashkisë, e parlamentit të qytetit, që të japë llogari, që duhet të bëjë transparencë për ta parë Vlorën jo si një vendbanim, por si një perlë e turizmit dhe si një zonë ekonomike me potenciale të jashtëzakonshme”.

Nga qyteti i flamurit edhe deputeti i Parlamentit shqiptar nga qarku i Vlorës, Z. Gëzim Ademaj bëri thirrje që shqiptarët të bashkohen në këto zgjedhje për t’u bërë faktorë ndërkombëtarë me historinë e një kombi që qytetarët i ka anembanë botës. Ndërsa deputeti i qarkut të Fierit në Parlamentin e Shqipërisë, nga Vlora ftoi të gjithë patriotët të ndikojnë me votën e tyre për të mbështetur një kauzë kombëtare.

Nga ana tjetër kandidatët për këshilltarët në bashkitë e qarkut të Vlorës, shumë prej të cilëve janë të rinj që vijnë nga Klubi i Patriotëve premtuan se do të jenë zëri jo vetëm zëri i kauzës së PDIU-së, por i gjithë shqetësimeve të komunitetit.

Kryetari i PDIU-së në degën e Vlorës, Besmir Brahimi njëkohësisht edhe i pari në listën e këshilltarëve theksoi se misioni që i përbashkon, atë, me mjeken Rajmonda Zoto, Puen Bajramin, Ergin Mersinin, Dritan Gargajn në Selenicë, Shkëlqim Sulon nga Babica dhe gjithë emrat për këshilltarë bashkiakë nga PDIU, është një mision shumë më i fortë se çdo interes personal.

The post PDIU në Vlorë, Idrizi: Ta bëjmë Ballkanin nga një fuqi baruti në një zonë të lirë ekonomike. appeared first on Albeu.com.

“Kryetarët e bashkive dhe këshilltarët duhet t’u jenë mirënjohës atyre që i votojnë. Edhe atyre që nuk i votojnë, i detyrohen. Ne kemi vendosur të bëjmë një kontratë morale që të na përfaqësojnë denjësisht për atë që përfaqëson PDIU-ja por dhe të jenë në mbështetje të qytetarit. Ne kemi furnizuar edhe partitë e mëdha me këshilltarë, por në fund fare e kemi parë se i përdorin për numra, jo si PDIU. Ky nuk është rasti ynë, për ne ju nuk jeni numra, jeni histori personale e familjare. Prandaj të gjithë ne përbëjmë atë që quhet ADN-ja e PDIU-së.  Sot shohim shumë debate që akoma nuk na tregojnë kush është ai kandidat që ka një vizion për qytetin. Njëri thotë që trafiku është i rënduar, tjetri thotë bëjmë tunel. Ne kemi nevojë për ata që kanë një koncept për qytetin dhe zhvillimin”, u shpreh Idrizi.

Kreu i PDIU-së bëri thirrje edhe për referendumet duke e theksuar se shoqëria shqiptare është larguar nga demokracia direkte.

“Rasti i prishjes së teatrit mund të ishte një rast që mund të zgjdhej me referendum, të pyesim qytetarët e Tiranës a duan ta prishin apo jo?! Problemet janë të përditshme. Ne kemi problem shumë të madh me demokracinë. I jemi larguar demokracisë direkte. Sepse votojmë vetëm një herë në katër vjet, por ndërkohë që problemet janë të përditshme. Dhe kemi nevojë të dëgjojmë zërin e qytetarëve më shpesh se çdo katër vjet”.

Ndërsa sekretarja e përgjithshme e PDIU-së Mesila Doda vuri theksin në gjuhën e ashpër politike që po përdoret në këtë fushatë elektorale.

“Të flasësh për çështje të mëdha si atdheu, çështja kombëtare, rritja e të rinjve në politkë duken si gjëra shumë larg asaj që ndodh sot në skenën politike. Shikojmë që ka një gjuhë tejet joetike. Debati është i fokusuar në gjëra shumë sipërfaqësore. E megjithatë atë vazhdoj të mendoj, se ne duhet këmbëngulim të ruajmë një standard që e kemi krijuar tashmë. Dhe më shkon mendja vetëm te shprehja e Michel Obama-s që thoshte: Sa më poshtë të shkojnë ata, aq më lart ngjitemi ne!”.

Kryetari i degës së Tiranës për PDIU-në Galip Taho në fjalën e tij shumë i emocionuar i ftoi të gjithë të votojnë numrin 12, për të gjithë ata patriotë që punojnë me misionin “Veç një atdhe”./Albeu.com/

The post “I jemi larguar demokracisë”, Idrizi: Problemet janë të përditshme, qytetari dëgjohet një herë në katër vjet appeared first on Albeu.com.

Duket se kështu do të futen edhe në zgjedhjet vendore të 14 majit.

Megjithatë, ka dhe deputetë në PD që janë distancuar si nga Alibeaj ashtu dhe Berisha.

Deputeti i Vlorës Gëzim Ademaj dhe ai i Fierit, Nustret Avdullaj i janë bashkuar fushatës së Shpëtim Idrizit. PDIU ka deklaruar hapur se do të garojë e vetme në zgjedhjet lokale të 14 Majit, pasi Berisha ka në koalicion Vangjel Dulen.

Siç shihet dhe nga fotot e mëposhtme, dy deputetët demokratë të Fierit dhe Vlorës kanë zgjedhur që t’i bashkohen fushatës së Shpëtim Idrizit, duke qëndruar larg përplasjeve në Partinë Demokratike.

“Se bashku me Deputetin e Vlores Gezim Ademaj , Deputetin e Fierit Nustret Avdullaj dhe Drejtuesin e Fondacioni Çamëria “Hasan Tahsini” Alket Veliu, takim me drejtuesit e fushates per zgjedhjet vendore ne Vlore. Pdiu e Vlores sic e theksoj nje nga qendrestaret ne vite nuk eshte as e majte e as e djathte por eshte me ÇAMERINE”, shkruan kreu i PDIU, Shpëtim Idrizi.

/Albeu.com/ 

The post As me Alibeajn as me Berishën, deputetët e PD i bashkohen Shpëtim Idrizit appeared first on Albeu.com.