Pak para mesnatës automjeti i policit të qarkullimit rrugor Lulëzim Muçës, u hodh në erë në Kavajë.

Një sasi tritoli ishte vendosur në pjesën e pasme të makinës së tij.

Në dyqanin e rrobave në Durrës të reperit Noizy, shpërtheu një sasi tjetër tritoli rreth orës 4 të mëngjesit.

Por këto janë 2 nga 17 shpërthimet me tritol që kanë ndodhur brenda 5 muajve të fundit.

Në 4 raste kanë qenë në shënjestër efektivë policie.

“Alarmi parë është që është rikthyer tritoli në Shqipëri, ngjarjet po bëhen me eksploziv, është rikthyer viti 2013-2014. Janë shumë të lakmuara nga grupet kriminale, pasi shpërthimi me eksploziv nuk lë gjurmë. Alarmi dytë pastaj është që këto eksploziv po vihen ndaj funksionarëve publikë, ndaj efektivëve të policisë së shtetit. Sinjali më i madh është që grupet kriminale kanë ngritur dorë kundër shtetit”, thotë Ervin Karamuço, profesor i kriminologjisë.

Shkodra, Tirana, Durrësi dhe Vlora janë qytetet ku ndodhin më shumë shpërthime me tritol, por nga sigurohet eksplozivi?

“Duhet bërë një hetim mbi inventarin e eksplozivëve në Shqipëri. A është një inventar që vjen nga kompanitë e licencuara që merren me shpërthime në gurore etj., apo është një inventar që ne e kemi nga 1997 apo është një eksploziv që vjen nga jashtë. Kemi pasur grupe që e kanë sjellë nga Mali i zi.

Është një alarm, një rrezik i shtuar për sigurinë publike”, shprehet Karamuço.

Sipas statistikave të këtij viti, çdo 9 ditë në vend ndodh një shpërthim me tritol por në asnjë rast nuk është zbuluar autori.

The post Në shënjestër edhe policë, 17 shpërthime me tritol brenda 5 muajve appeared first on Albeu.com.

Mësohet se makina e cila ka shpërthyer është e një punonjësi policie, i cili sapo ka shkuar të banojë në pallatin ku edhe ishte parkuar automjeti.

Gjithashtu bëhet e ditur se shpërthimi ka qenë shumë i fuqishëm, aq sa është dëgjuar në thuajse gjithë qytetin./albeu.com/

The post Shpërthimi në garazhin në Kavajë, zbulohet kujt i përket makina appeared first on Albeu.com.