Një i afërmi i familjes bën me dije se ndezën bombolën për të bërë një kafe dhe më pas ndodhi shpërthimi.

Zef Zefi thotë për mediat se ata kishin ardhur vetëm një ditë më parë në hotelin e tyre në Velipojë, për ta pastruar dhe për t’u përgatitur për sezonin turistik. Sipas të afërmit të familjes Gjoka, ka qenë kryefamiljarja Alketa e cila ishte ngritur për të bërë një kafe në një nga bombolat e vogla, ndeza e së cilës shkaktoi më pas shpërthimin.

Ai thotë se dy prej 4 të plagosurve i kishte gjetur në pishinë pas shpërthimit, ku kishin hyrë për të lehtësuar dhimbjet nga djegia.

“Po vija rrugës dhe e ndjeva shpërthimin, kur vij këtu i gjej në pishinë. Gruaja ishte ngritur për të bërë kafe në kuzhinë dhe mesa duket do ketë patur ndonjë rrjedhje dhe ajo ka shkaktuar shpërthimin. Gjendja e tyre është shumë e rëndë. Ata mbrëmë erdhën, burrin e ka në Itali, ata erdhën për të pastruar për të punuar më pas për të filluar sezonin”, tha ai.

The post Flet i afërmi i familjes Gjoka: Kur erdha i gjeta në pishinë, po lehtësonin dhimbjet nga diegia appeared first on Albeu.com.

Shkak është bërë shpërthimi i bombolave të gazit që ndodheshin në një magazinë në pjesën e pasme të hotelit dhe mësohet se të lënduar kanë mbetur katër anëtarë të familjes që zotëron hotelin.

Mes të plagosurve janë 2 të mitur, një 18 vjeçare dhe një 30 vjeçare. Ata janë transportuar drejt Tiranës pasi kanë pësuar djegie të rënda.

Pamjet që shihni më poshtë janë pas shpërthimit të bombulës në fjalë, ku duket qartë dëmtimi shumë i lartë nga flakët që përfshi në hotelin dhe lënduan 4 shtetas.

Shpërthimi la të plagosur katët anëtarët e familjes Gjoka, Klarisa Gjoka 15 vjeç, Danjela Gjoka 18 vjeç, Enriko Gjoka  19 vjeç dhe Alketa Gjoka 30 vjeç, ndodhi mëngjesin e sotëm rreth orës 7 të mëngjesit, ndërsa ende nuk dihen shkaqet.

The post Pamje tmerri! Shihni çfarë ka mbetur nga shpërthimi i bombolës ku u plagosën 4 familjarë në Velipojë (FOTO LAJM) appeared first on Albeu.com.