Por paralelisht me prestigjin e një evenimenti të tillë, për Shqipërinë do të ketë edhe një premio të majme në lojë.

Një premio që vjen direkt nga FIFA, e cila ka zbuluar se ka rritur shifrën që do t’u paguajë të gjitha skuadrave pjesëmarrëse në Botërorin që zhvillohet në SHBA, Kanada dhe Meksikë.

Këshilli i FIFA-s, i mbledhur në Doha të Katarit me rastin e finales së Kupës Interkontinentale, ka miratuar një pagesë rekord prej 10 milionë eurosh, për çdo ekip i cili merr pjesë në Botërorin 2026.

Kjo është shifra më e lartë e akorduar ndonjëherë për ekipet përfaqësuese në një kompeticion të tillë, ku janë rritur edhe shpërblimet për çdo fazë që kalohet në turne, për të arritur deri në 50 milionë euro më shumë që do të përfitojë skuadra e cila shpallet Kampione Bote.

The post Zbulohet shpërblimi nga FIFA për Shqipërinë nëse shkon në Botëror appeared first on Albeu.com.

Hoxha siguroi se Ministria e Brendshme, ka propozuar një akt për heqjen e kritereve që pengonin shpërblimet për punonjësit e Policisë së Shtetit.

“Unë besoj se të hënën, Këshilli i Ministrave do të miratojë aktin dhe projektvendimin për dhënien e shpërblimeve për punonjësit e Policisë së Shtetit”, deklaroi ai.

Sipas Hoxhës, të gjitha orët shtesë dhe suplementare janë të parashikuara në Aktin Normativ, tashmë të miratuar dhe shpërblimet do të jepen sipas rregullave ligjore.

“Nuk ka asnjë keqkuptim apo mosrakordim midis strukturave dhe vendimeve të qeverisë për këtë çështje. Çdo gjë është e përputhur me ligjin dhe do të zbatohet sipas vendimeve të parashikuara”, shtoi ministri.

Hoxha përmbylli fjalën duke theksuar se efektivët do të marrin shpërblimet e tyre pa vonesa të mëtejshme, bazuar në dispozitat ligjore të miratuara.

Pyetje: A jeni në dijeni të ankesave të efektivëve të policisë që ende nuk kanë marrë lekët e shpërblimit, ato për orët shtesë. Çfarë do të ndodhë për këta?

Ministri Hoxha: Ministria e Brendshme ka bërë një propozim për heqjen e kritereve dhe përjashtimit të Policisë së Shtetit sa i përket një kriteri i cili vitet e tjera nuk ka qenë i realizuar për shkak të buxhetit.

Unë besoj se të hënën, Këshilli i Ministrave do të miratojë aktin dhe projekt-vendimin, të cilin ne e kemi propozuar për dhënien e shpërblimit të punonjësve të Policisë së Shtetit.

Orët shtesë dhe suplementare janë të gjitha të parashikuara në Aktin Normativ, i cili është miratuar dhe të gjitha orët shtesë do të jepen sipas parashikimeve ligjore. Nuk ka asnjë keqkuptim e mosrakordim të strukturave dhe të projekt-vendimeve të dala nga qeveria në raport me dhënien e shpërblimit dhe orëve suplementare të Policisë së Shtetit. Çdo gjë është sipas asaj që neve kemi thënë dhe çdo gjë do të ndodhë sipas këtyre vendimeve të parashikuara në ligjin përkatës. Faleminderit.

The post Shpërblimi i fundvitit për policinë/ Ministri Hoxha: Këshilli i Ministrave do të miratojë aktin dhe projekt-vendimin ditën e hënë appeared first on Albeu.com.

Anëtarët e emëruar në Komisionin e Licencave për kultivimin e cannabis-it për qëllime mjekësore përfitojnë një pagesë prej 25.000 lekësh për pjesëmarrjen dhe kontributin e tyre në këtë komision. Por sipas vendimit, anëtarët nuk mund të marrin më shumë se 12 pagesa në vit.

Vendimi hyn në fuqi nga momenti i bërjes efektiv të komisionit dhe buxheti do të dalë nga Ministria e Shëndetësisë dhe Mbrojtjes Sociale.

‘1. Anëtarët e emëruar në Komisionin e Licencave për kultivimin e cannabis-it për qëllime mjekësore përfitojnë një pagesë për pjesëmarrjen dhe kontributin e tyre në këtë komision, në masën 25 000 (njëzet e pesë mijë) lekë për mbledhje, por jo më shumë se 12 (dymbëdhjetë) pagesa në vit.

2. Ky vendim i shtrin efektet financiare nga momenti i bërjes efektiv të komisionit dhe këto efekte përballohen brenda buxhetit të Ministrisë së Shëndetësisë dhe Mbrojtjes Sociale.
3. Ngarkohet Ministria e Shëndetësisë dhe Mbrojtjes Sociale për zbatimin e këtij vendimi.’- thuhet në vendimin e qeverisë.

Gjithashtu qeveria ka caktuar shpërblimet për kryetarin dhe anëtarët e Komisionit të Licencave për shqyrtimin dhe vlerësimin e aplikimeve të paraqitura në lidhje me aktivitetin e lojërave të fatit.

Kryetari i komisionit do të paguhet masën 35.000 lekë për mbledhje, ndërsa anëtarët e komisionit 30.000 lekë për mbledhje. Pagesa do të jepet pasi të vërtetohet prezenca në procesverbal.

‘1. Kryetari dhe anëtarët e Komisionit të Licencave për shqyrtimin dhe vlerësimin e aplikimeve të paraqitura në lidhje me aktivitetin e lojërave të fatit, pranë Autoritetit të Mbikëqyrjes së Lojërave të Fatit shpërblehen, si më poshtë vijon:

1. a) Kryetari i komisionit, në masën 35 000 (tridhjetë e pesë mijë) lekë për mbledhje;
2. b) Anëtarët e komisionit, në masën 30 000 (tridhjetë mijë) lekë për mbledhje.
3. Çdo pagesë e anëtarëve të komisionit bëhet mbi bazën e dokumentit (listëprezencë ose procesverbal), që vërteton pjesëmarrjen në mbledhjet e komisionit.
4. Efektet financiare për shpërblimin e anëtarëve të Komisionit të Licencave, sipas pikës 1, të këtij vendimi, përballohen nga buxheti i Autoritetit të Mbikëqyrjes së Lojërave të Fatit.
5. Ngarkohet Autoriteti i Mbikëqyrjes së Lojërave të Fatit për zbatimin e këtij vendimi.’- thuhet në vendimin e qeverisë.

The post Licencimi i kanabisit mjekësor dhe lojërave të fatit, zbulohet shpërblimi që përfitojnë anëtarët e komisioneve appeared first on Albeu.com.

Aktualisht Alleshi ndodhet në spitalin e traumës nën kujdesin e mjekëve jashtë rrezikut për jetën.

Ai u vizitua edhe nga Ministri i Brendshëm Taulant Balla, i cili i bëri thirrje autorit të dorëzohet.

Njoftimi:

Shërbimet e Forcës së Posaçme “Shqiponja”, shërbimet e Forcës së Posaçme Operacionale, Patrullat e Përgjithshme të mbështetura nga Renea, po vijojnë ndjekjen dhe kontrollin e zonës, për kapjen e personit të armatosur, shtetasit Klerent Bozhanaj, 42 vjeç, që plagosi punonjësin e Policisë, inspektor E. A.

Policia e Shtetit kërkon bashkëpunimin e qytetarëve që kushdo që ndeshet të bëjë kujdes pasi ky shtetas është i armatosur, dhe të njoftojnë menjëherë shërbimet e Policisë.

DVP Tiranë fton qytetarët që të japin informacion për autorin e kësaj ngjarjeje dhe vendos shpërblim 20000 euro, për çdo informacion të vlefshëm që do të çojë në kapjen e autorit.

Drejtoria Vendore e Policisë Tiranë vendos në dispozicion të qytetarëve, numrin e telefonit 0694111546, duke garantuar anonimatin e plotë të çdo telefonuesi.

The post Policia ofron shpërblim të majmë për këdo që ndihmon në kapjen 42-vjeçarit që plagosi efektivin në Tiranë appeared first on Albeu.com.

Karamuço tha se njoftimi ka mungesa të theksuara informacioni e madje mungesë edhe të vlerës së shpërblimit që do të jepet për personat që ofrojnë informacion.

“Tek faqja e Policisë së Shtetit është bërë një njoftim, ku policia e shtetit ka kërkuar ndihmë për këta 5 persona. I përmend vetëm si emra, as shumën e emrave nuk përmend se kush kushton sa”, tha Karamuço. Ndërsa gazetari Julian Kasapi pohoi se për Tao Çelën në vitin 2020 janë ofruar 10 mijë euro, Karamuço ka vijuar më të tjera detaje. “Drejtori i Policisë së Shtetit ka bërë trajnim në SHBA. A mund të shohim si është formati i SHBA. Flokët, gjatësia, raca e tij, pesha, shenja të veçanta, gjithçka. Ne nuk kemi vënë ansjë infromacion. Kush janë gjërat që mungojnë në informacionin që duhet të jepet?

Çfarë mungon tek njoftimi i policisë së shtetit? Mungojnë karakteristika të përshkrimit të jashtëm, mungojnë lokalitetet e mundshme, mungojnë të dhënat e rrrezikshmërisë shoqërore”, tha Karamuço./Opinion.al

The post Shpërblim për 5 të shumëkërkuarit, Karamuço: Policia nuk thotë kush kushton sa appeared first on Albeu.com.