shpërblimet Archives - Albeu.com

Kryeministri Rama: Shpërblimet janë nisur drejt pensionistëve, ja sa lekë do të marrin gjyshërit dhe gjyshet, nga janari nis edhe rritja, paga minimale 500 euro për sektorin publik dhe privat

V K — Sun, 30 Nov 2025 09:39:00 +0000

Në podcastin e tij “Flasim”, kryeministri i vendit Edi Rama, shprehet se shpërblimi për pensionistët ka nisur dhe kush ka një pension deri në 20 mijë lekë të reja do të marrë një shpërblim 150 euro, ndërsa kush e ka pensionin mbi 20 mijë lekë të reja do të shpërblehet me 100 euro.

Gjithashtu, kreu i shtetit u shpreh se nga janari do të nisë edhe rritja e pensioneve, për t`u pesëfishuar në vitin 2030.

Po ashtu, nga janari nis edhe rritja e pagës minimale 500 euro për sektorin publik dhe privat.

“Miratuam këtë javë shpërblimin e fundvitit për pensionistët, duke i dhënë fund zërave të kënetës së madhe politike e mediatike, që helmuan gjyshër e gjyshe me informacionin e rremë se shpërblimi i këtij fundviti do të ndahej çdo muaj të vitit tjetër dhe këtë vit nuk do të kishte shpërblim. Jo, shpërblimet janë nisur drejt pensionistëve dhe kush ka një pension deri në 20 mijë lekë të reja do të marrë një shpërblim 150 euro, ndërsa kush e ka pensionin mbi 20 mijë lekë të reja do të shpërblehet me 100 euro.

Ndërkohë, me hyrjen e vitit të ri 2026 nis edhe historia e re e rritjes së pensioneve, të cilat do të nisin të rriten nga janari e do të dyfishohen në janar 2027, do të trefishohen në janar 2028, do të katërfishohen në janar 2029, e do të pesëfishohen në janar 2030.

Më 1 janar 2026 do të rritet edhe paga minimale, tamam ashtu siç jemi zotuar. Ajo do të jetë 500 euro, qoftë në sektorin publik, qoftë në sektorin privat”, u shpreh kryeministri Rama.

The post Kryeministri Rama: Shpërblimet janë nisur drejt pensionistëve, ja sa lekë do të marrin gjyshërit dhe gjyshet, nga janari nis edhe rritja, paga minimale 500 euro për sektorin publik dhe privat appeared first on Albeu.com.

Qeveria miraton shpërblimet për festat e fundvitit, kategoritë që përfitojnë. Ja sa do të shpërblehen pensionistët

D Marku — Wed, 26 Nov 2025 17:33:17 +0000

Tiranë- Këshilli i Ministrave në mbledhjen e ditës së sotme vendosi të shpërblejë financiarisht pensionistët dhe përfituesit e kategorive të veçanta me rastin e festave të fundvitit. Është vendosur 15,000 lekë për pensionistët me pension deri në 20,000 lekë dhe disa kategori të tjera përfituesish. Ndërsa 10,000 lekë është për pensionistët me pension mbi 20,000 [...]

“Do të dëmshpërblehen qindarkë për qindarkë”/ Rama: Të gjithë ata që kanë humbur banesat dhe bagëtitë duhet të jenë të qetë

D Marku — Sat, 04 Oct 2025 07:59:01 +0000

Kryeministri Edi Rama ka bërë me dije se të gjithë ata që kanë humbur banesat dhe krerët e bagëtive nga zjarret do të dëshmpërblehen qindarkë më qindarkë.
“Angazhimi moral dhe ligjor lidhur me banesat dhe krerët e humbur të bagëtive do të mbahet pikë për pikë. Tani është inventari i plotë dhe të gjithë ata që kanë humbur banesat apo krerë bagëtish duhet të jenë të qetë për faktin se me kalimin e aktit normative do të dëmshpërblehen qindarkë për qindarkë. Kjo është shumë e rëndësishme ashtu siç është e rëndiëshme që të gjithë të fillojnë të mendojnë për të marra masa për tu përfshirë në skemë e re të sigurimit për faktkeqëistë natyrore që do të sanksionojmë dhe në ligj, jemi i vetmi vend në Europë që se ka një ligj të tillë, ka ardhur koha të japim mundësi të gjithëve që për një kontribut modest të jenë të siguruar nga fatkeqësitë. Këtu nuk është fjala për shtëpitë por dhe për sipërmarrjet për njësite e biznesit të cilat duhet të sigurohen edhe nga përmbytjet pasi koha në të cilën jetojmë në mbarë botën, është një kohë ku ndryshimet e klimës po sjellin gjithmonë sfida të mëdha të fatkeqësive natyrore dhe emergjencave civile si përmbytjet dhe zjarret”, tha Rama

The post “Do të dëmshpërblehen qindarkë për qindarkë”/ Rama: Të gjithë ata që kanë humbur banesat dhe bagëtitë duhet të jenë të qetë appeared first on Albeu.com.