1. Hennessey Venom GT (435 km/h)

Makina Hennessey Venom GT është e para në listë me shpejtësi maksimale 435.311 km/h. Makina ka motor V8 turbo të dyfishtë me 1,244 kuaj fuqi. Edhe pse është makina më e shpejtë në botë, kjo makinë nuk ka hyrë akoma në librin e rekordeve Guinness.

2. Bugatti Veyron Super Sport (434 km/h)

Bugatti Veyron Super Sport është cilësuar si makina më e shpejtë në botë që nga 4 korriku 2010. Ajo përmban motor ë16 turbo të katërfishtë me 1200 kuaj fuqi. Shpejtësia maksimale që mund të arrijë kjo makinë është 434.298 km/h. Bugatti Veyron Super Sport kushton 2.2 milionë dollarë.

3. Koenigsegg Agera R (418 km/h)

Koenigsegg Agera R përmban motor V8 5.0 litra turbo të dyfishtë. Makina luksoze mund të arrijë 100 km në orë në 2.9 sekonda dhe ka një shpejtësi maksimale prej 418.429 km në orë. Koenigsegg Agera R kushton 1.6 milionë dollarë.

4. 9ff GT9-R (413 km/h)

GT9-R ka motor V6 4.0 litra turbo të dyfishtë, e cila prodhon 1120 kuaj fuqi dhe bazohet tek platforma Porsche 911. Shpejtësia maksimale që mund të arrijë kjo super-makinë është 413.601 km/h. GT9-R kushton 695 mijë dollarë.

5. SSC Ultimate Aero (412 km/h)

E pesta në listë është makina SSC Ultimate Aero me motor V8 6.8 litra turbo të dyfishtë, e cila prodhon 1,268 kuaj fuqi dhe lëviz me shpejtësi 412.282 km/h. Kjo makinë kushton 654,400 dollarë./albeu.com/

The post Të apasionuar pas shpejtësisë? Mësoni 5 makinat më të shpejta në botë appeared first on Albeu.com.

Në pranga është vënë L. Sh, 52 vjeç, pasi ka ushtruar dhunë fizike dhe psikologjike ndaj bashkëshortes së tij, një person për armëmbajtje pa leje dhe tre të tjerë për drejtim të mjetit në gjendje të dehur.

Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme.

Njoftimi i Policisë:

Vihen në pranga 5 shtetas, për vepra të ndryshme penale.

Specialistët për Hetimin e Krimit në Komisariatin e Policisë Nr.6 në bashkëpunim me Seksionin për Hetimin e Narkotikëve bënë ndalimin të shtetasit S. Gj, 21 vjeç, pasi Gjykata e Rrethit Gjyqësor Tiranë, ka caktuar masën e sigurisë “Arrest me burg”, për veprën penale “Prodhimi dhe shitja e narkotikëve”, e kryer në bashkëpunim.

Po nga specialistët për Hetimin e Krimit në Komisariatin e Policisë Nr.6 u bë arrestimi në flagrancë i shtetasit L. Sh, 52 vjeç, pasi ka ushtruar dhunë fizike dhe psikologjike ndaj bashkëshortes së tij.

Nga specialistët për Hetimin e Krimit në Komisariatin e Policisë Nr.2 u bë arrestimi në flagrancë i shtetasit F. Ç, pasi gjatë kontrollit fizik iu gjet dhe iu sekuestrua një armë e ftohtë.

Specialistët e Qarkullimit Rrugor bënë arrestimin në flagrancë të shtetasve A. L, 49 vjeç dhe M. Z, 41 vjeç, pasi u kapën duke drejtuar mjetet përkatëse në gjendje të dehur. Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme”, njofton policia./albeu.com/

The post Nga trafiku i narkotikëve te rrahja e gruas, prangosen 5 persona në Tiranë appeared first on Albeu.com.

Kanë qenë vetë qytetarët që e kanë bërë publike videon e tij në rrjetet sociale.

Ndërkohë policia ka proceduar dhe 4 persona të tjerë për gara shpejtësie apo zhurma shqetësuese.

Njoftimi i policisë:

Nisur nga shqetësimet e përsëritura të qytetareve, për zhurmat shqetësuese dhe garat e shpejtësisë në orët e vona të darkës në rrugën “Migjeni”, Policia Rrugore e Tiranës ka  organizuar kontrolle të befasishme të alternuara edhe me mjete te pauniformuara me qëllim identifikimin e mjeteve që ishin kthyer në shqetësim dhe rrezik serioz për banorët pranë rrugës “Migjeni”.

Nga kontrollet policore, ditët e fundit  janë konstatuar dhe proceduar 5 mjete të ndryshme për gara shpejtësie dhe zhurma shqetësuese, nga të cilat dy motomjete, njëri prej të cilëve shfaqet në pamjet e adresuara nga qytetarët nëpërmjet rrjeteve sociale duke bërë gara shpejtesie dhe manovra të rrezikshme në orët e vona në rrugën “Migjeni”.

Policia e Shtetit është e vendosur dhe e angazhuar tërësisht për të krijuar një ambient social të sigurt  si dhe gjen mundësinë edhe njëherë të falenderojë qytetarët për besimin dhe denoncimet e shumta të adresuara në lidhje me rastet e shkeljes së rregullave të qarkullimit  rrugor dhe të cdo paligjshmërie tjetër që konstatohet.

Gjithashtu Policia e Shtetit apelon për më shumë kujdes nga drejtuesit e automjeteve që të zbatojnë të gjitha rregullat e qarkullimit rrugor duke mbrojtur jetën e tyre dhe të përdoruesve të tjerë të rrugës.

Policia e Shtetit fton qytetarët që të denoncojnë në numrin 112 dhe në Komisariatin Dixhital, çdo paligjshmëri duke u garantuar anonimat të plotë dhe reagim të shpejtë e profesional./albeu.com

The post “Si shigjetë”, shpejtësia e lartë i del nga hundët drejtuesit të motorit (VIDEO) appeared first on Albeu.com.

Në javën që lamë pas, vetëm në akset rrugore Kavajë-Rrogozhinë dhe Kavajë-Durrës janë gjobitur 102 shoferë të cilët kanë thyer rregullat e qarkullimit rrugor.

Gjatë kontrolleve të ushtruara nga policia rrugore, janë konstatuar makina që lëviznin me shpejtësi mbi 167km/h.

Policia ka pezulluar 25 patenta për shpejtësi tej normave të lejuara si dhe ka aplikuar gjoba të shumta.

Njoftimi i policisë:

Në zbatim të detyrave dhe masave të përcaktuara në Planin operacional  për rritjen e sigurisë rrugore përgjatë sezonit turistik e në vijimësi, Policia Rrugore e Kavajës,  ka vijuar kontrollet intensive gjatë dy muajve të fundit duke përdorur radarin në rrugën interurbane Kavajë-Rrogozhinë e Kavajë-Durrës, për të parandaluar shpejtësinë tej normave të lejuara, e cila është rrezik potencial për aksidente rrugore.

Gjatë kontrollit, në të dyja kahet e lëvizjes, gjatë  sezonit turistik janë konstatuar shpejtësi deri në 167 km/h në kulmin e fluksit shumë të shtuar.

Si rezulatat i kontrollleve  intensive  vetëm javën  e  fundit  janë  pezulluar  25 leje drejtimi për shpejtësi tej normave të lejuara që varonin nga 129 km/h deri në 152 km/h.

Gjithashtu janë vendosur 102  masa administrative për shpejtësi dhe manovra në rrugë po pa sanksionin plotësues , si dhe janë vendosur 8 masa administrative maksimale me vlerë 40.000 lekë të rinj pasi drejtuesit e mjeteve ishin shtetas të huaj./albeu.com

The post Spektakël Policisë, e pësojnë 102 persona në aksin Kavajë-Rrogozhinë dhe Kavajë Durrës (VIDEO) appeared first on Albeu.com.