Meta shtoi se i ka dhënë opinionet e tij ambasadores Yuri Kim gjatë takimit që ka zhvilluar me të, lidhur me shpalljen “non grata” të ish-kryeministrit.

A ndodheni përballë dy zgjedhjeve, mes SHBA dhe Berishës? Cili ka qenë mesazhi i Kim?

“Unë s’mund të flas se cilat ishin mesazhet e ambasadores, ata flasin vetë kur kanë diçka për të thënë. Unë mund t’iu them juve se çfarë i thashë ambasadores për këtë çështje. Unë thashë mendimin tim që kam për çështjen e shpalljes “non grata” të Berishës. I shpreha dhe bindjen time se kjo është vepër e Bashës dhe Ramës. I thashë që të thotë në Uashington, që të paktën unë personalisht e vlerësoj efektin pozitiv të këtij vendimi që as nuk kam qenë as nuk jam dakord. Pa një vendim të tillë do të kishim Lulzim Bashën kryetar të PD. Kjo nuk është më një sekret. Ne nuk bëjmë zgjedhje mes zotit Berisha dhe Amerikës. Ne kemi programin tonë i cili është i pavarur. Ne respektojmë vendimet që marrin anëtarët e PD apo ët çdo partie tjetër”, u shpreh Meta./albeu.com/

The post Kë do të zgjidhni mes SHBA dhe Berishës? Përgjigjet Ilir Meta appeared first on Albeu.com.

Komentet Balla i bëri teksa po fliste nga foltorja e Kuvendit, ku hodhi akuza ndaj Berishës se ka bërë gjithçka kundër interesave të Shqipërisë.

Balla theksoi se është “turp” për Kuvendin që ai të jetë i pranishëm në një kohë ku është shpallur “non grata” nga SHBA dhe Britania e Madhe.

“Është për turpin e këtij kuvendi që një “non grata” të shpallur nga SHBA, dhe Britania e Madhe dhe mos u habisni edhe nga BE. Vijon të livadhisi i qetë. Ai përbetim që opozita do të bëjë namin, mesa duket vetëm dasma është lajmi i madh i kësaj”, tha Balla./albeu.com/

The post Paralajmëron Balla: Saliu shumë shpejt do shpallet “non grata” edhe nga Bashkimi Europian, mos u habisni appeared first on Albeu.com.

Balliu tha se non-grata për Berishën vjen pas lobimeve të forta majtiste në botën perëndimore.

Komentet Balliu i bëri teksa ishte i ftuar në emisionin “Log.” në Abc.

Balliu: Ndjeva keqardhje të madhe që një shtet i madh si ai të bëhet qesharak me këtë deklaratë. Të thuash për Sali Berishën që futi bandat në pushtet, dhe erdhi ky tani dhe i nxori nga burgu dhe i futi në bashki. T’i thuash Sali Berishës se ke përdorur krimin e organizuar, një njeriu që nuk e ka drejtuar partinë. T’i thuash një njeriu që ka denoncuar kriminelët. A biem dakord se përballë Ramës sot është Sali Berisha, nëse biem dakord kë duan të godasin, opozitën? Cili vend demokratik në botë godet opozitën. Unë kam një merak, qytetarët nuk duhet të ngatërrojnë lobimet me shtetin.

Xhafo: Po por është akt shtetëror.

Balliu: SHBA-të apo Britaninë e Madhe nuk duhet t’i ngatërrojnë me lobimet majtiste./albeu.com/

The post Shpallja “non grata” e Berishës nga Britania e Madhe, Balliu: Keqardhje për këtë shtet të madh që u bë qesharak appeared first on Albeu.com.

Berisha është shprehur se shpallja e tij “non grata” erdhi si pasojë e një akti korruptiv të tmerrshëm të George Soros dhe Edi Ramës.

Komentet Berisha i bëri gjatë një takimi që zhvilloi me demokratët e Fierit.

“Ju e morët vesh se para 3 ditësh njoftohem se jam shpallur non grata. Mund t’ju them një gjë, Hasan Zyko Kamberi ishte gjeni kur shkruante: “Me para ia hyn qabesë, shemb vakëfin e Fatimes”! Ky miqtë e mi është një akt i tmerrshëm korruptiv. Mbetem i vendosur të luftoj për ju korrupsionin me të gjithë forcën tim nga cilido qoftë. Akti vjen në vazhdim të një akti të lobuar në mënyrë korruptive nga Soros dhe Edi Rama gjatë të cilit 1 vit rresht nuk nxorën një fakt të vetëm dhe ju jap fjalën se edhe për 100 vjet nuk nxjerrin dot një fakt të vetëm. Pas këtij ju duhej edhe një tjetër akt që thonin se e ka bërë edhe Britania. E gjithë bota po ta bëjë mbi bazë korrupsioni do ta denoncoj. Asgjë s’më tërheq mua nga kauza e drejtë e përbashkët, lufta kundër korrupsionit e Edi Ramës, lufta kundër korrupsionit të qeverisë, lufta kundër bandave dhe krimit. Por këto nuk janë agjenda jonë. Agjenda jonë është rrëzimi i kësaj qeverie”, u shpreh Berisha./albeu.com/

The post U shpall “non grata” nga Britania, Berisha zbulon “fajtorët” appeared first on Albeu.com.

Sipas tij, ShBA dhe Britania e Madhe duan sërish Enver Hoxhën në Shqipëri, por ata nuk do të ndalen.

“Sali Berisha ka 10 vjet në opozitë. Asnjë akuzë zyrtare, asnjë fakt dhe asnjë provë nuk ka kundër tij. Është lideri më pro-perëndimor që ka pas e ka Shqipëria. I deklaruar armik i papajtueshëm është Rusia, i Putinit dhe i skemave të tyre në Ballkan.

Sali Berisha transformoi Shqipërinë, e anëtarëve të shitjes në Këshillin e Evropës, në OSBE, në NATO, liberalizoi vizat dhe ndërtoi autostrada me 1 milion Euro kilometri. Dyfishoi rroga e pensioneve, risolli liritë kryesore për shqiptarët dhe riktheu Shqipërinë e vendeve demokratike të Evropës.

Luftoi me zero tolerancë bandat dhe krimin e tyre dhe vendosin përpara. Nuk promovoi asnjë kriminel për kryetar bashkie e si për deputet.
I kundërti i tij Edi Rama e ktheu Shqipërinë në Kolumbi të Evropës. Parlamentin dhe bashkitë i mbushi me kriminelë, vrasës së trafikut drojë, vend e bëri protektorat të krimit.

Edi Rama i futi në Kosovë thika dhe çështjet kombëtare për interesa të Vuçiqit.

Shqiptarët ama shohin.

Shqiptarët nuk bëjnë të lejojnë një Enver Hoxh të dytë, nuk e bëjnë këtë gjë.

Protesta historike e 7 korrikut tregoi se sovrani në Shqipëri ka parë dhe ka lexuar shqip gjithçka.

Sovrani nuk pyet çfarë iu shkruajnë e iu trillojnë kancelarive dyshja Rama-Basha.

Ngado të urdhërojnë, nuk do të mund ta frenojnë sovranin në këtë rrugë për rikthim të demokracisë dhe rivendosjes në Shqipëri!

Ai ndërton autostrada me 23 milion euro/km. Shpiku inceneratorët që të vjedhin një milion euro “me ligj”. Edhe përmes të vdekurve po vjedh por s’e shikon kush, madje shpallin “mbret të antikorrupsionit”.

Revolucioni demokratik do të shpëtojë Shqipërinë dhe shqiptarët”, shprehet përmes një postimi Flamur Noka.

The post Flamur Noka: ShBA dhe Britania e Madhe duan përsëri Enver Hoxhën në Shqipëri appeared first on Albeu.com.

Grenell ka kritikuar shpesh administratën e presidentit aktual Joe Biden lidhur me qëndrimet që ka mbajtur ndaj Rusisë pas pushtimit të Ukrainës.

Përmes një postimi në rrjetin social tëitter, ai thotë se administrate e Biden ka shpallur non grata ish kryeministrin Berisha në Shqipëri, ndërkohë që nuk i ka vendosur asnjë sanksion të dashurës së Vladimir Putinit.

“Administrata e Joe Biden ka vendosur sanksione mbi liderin e partisë konservatore në Shqipëri, por jo mbi dashnoren e Putinit. Media amerikane është e falimentuar”, shkruan Richard Grenell në mesazhin e tij në Twitter.

The post “Godet” ish-këshilltari i Trump: Administrata e Biden shpalli “non grata” Berishën, por jo të dashurën e Putinit (FOTO LAJM) appeared first on Albeu.com.

Bushati shton se Kim është “më e dështuara” që SHBA-të kanë sjellë ndonjëherë në Shqipëri.

Komentet Bushati i bëri në emisionin “Të Paekspozuarit”, ku ishte i ftuar.

“Ajo mori detyrën që Berishën ta fusë në arkivol, ti fusë gozhdët dhe ta nxjerrë nga politike. Në këto 7 muaj ajo vetëm ka shkulur gozhdët dhe nga një Sali të vdekur na ka sjellë një Sali të ringjallur. Ajo e ka bastarduar detyrën që i kanë dhënë shefat e saj”, tha Bushati.

Bushati tha se ambasadorja “pozon me të korruptuarit”.

“Në raport me detyrën që i është dhënë, ambasadori është për të ekzekutuar detyrat që i janë dhënë nga lart.

Ajo duhet të nxirrte Berishën me sa më pak kosto anti-amerikanizmi në këtë vend. A e patë para dy muajsh sondazhin e Euroneës? Ka dalë BE në pëlqyeshmëri shumë më lart se SHBA. Kjo ka ardhur nga mënyra si kanë luajtur hipokrizisht diplomatët amerikanë në këtë vend.

E mbani mend krizën e bojkotit të zgejdhjeve lokale në 2019? Palmeri tha zgjidheni këtë punë qetë dhe pastaj e merr Gjykata Kushtetuese.

Pritëm një vit, të zbatohej formula e Palmer. Doli Gjykata tha nuk kemi kompetencë ta gjykojmë këtë çështje. Ata që besuan se Palmeri kishte shkopin magjik, u ndjenë të tallur.

Këto kanë bërë që njerëzit të ngrenë pyetjen, po na thonë të vërtetën apo po i shërbejnë një loje të shtrembër?

Kjo zonja nuk ka ditë që nuk boton foto buzagaz me cdo të korruptuar të këtij vendi, që është i njohur që bën tendera. Nuk e shqetëson korrupsioni i këtyre që vjedhin sot, por e shqetëson korrupsioni para dhjetë viteve”, tha Bushati.

Ndërsa Armand Shkullaku tha se ambasadorja përfaqëson politikën zyrtare të DASH, që e ka shpallur Berishën non-grata, por “ajo nuk ka të drejtë të shantazhojë dhe kërcënojë” një parti politike.

“Ndërhyrja qe flagrante. Edhe në raste të tjera, si deklarata e të ngrënit bar. Ambasadorja përfaqëson politikën zyrtare të Biden. Ata e kanë shpallur ish kryeministrin non-grata. Është vendim i tyre, nuk na takon ta gjykojmë. Mund ta komentojmë dhe të themi është i padrejtë.

Por, sa i takon mënyrës si kjo përcillet në vende si Shqipëria, që duket sikur është koloni që një ambasadori i lejohet të bëjë gjithçka.

Një ambasador nuk ka të drejtë të shantazhojë dhe kërcënojë një forcë politike dhe as të bëhet palë në një konflikt, për më tepër të ndërhyjë në një moment që çështja për lidershipin e PD ka marrë udhë dhe gjykata ka marrë një vendim.

Mund ta pyesnim ambasadoren, kush e ka caktuar kryetar të komanduar Alibeajn? Cili forum? Cili organ?”, tha ndër të tjera Shkullaku.

The post Çudit Andi Bushati: Yuri Kim kishte detyrë të fuste në arkivol Berishën, por e ringjalli appeared first on Albeu.com.

Vizitën në Tiranë zyrtari i lartë amerikan e nisi me liderin e PD-së. Takimi që zgjati më shumë se një orë me kryedemokratin dhe kupolën drejtuese të PD-së u pasua me një bisedë të shkurtër kokë më kokë mes Escobarit dhe Bashës.

Por cfarë u bisedua në takim?

Një burim i tha gazetarit të “ABC” Juxhin Mustafaraj se Gabriel Escobar i tha Lulzim Bashës se “SHBA do të punojnë me institucionet shqiptare për të identifikuar biznesmenët që kanë vënë pasuri duke u ndihmuar me politikanë të korruptuar”. Pas shpalljes “non grata” të Sali Berishës, ky është hapi i radhës, i dyti që ndërmerr Amerika për të goditur korrupsionin.

Lëvizja amerikane është pjesë e një mbështetje të fortë për Ballkanin për ta çliruar nga korrupsioni. Dje ishte vendimi i fundit në lidhje me biznesmenët ku shënjestëroi grupin e afaristit serb Zvonko Veselinoviç në veri të Kosovës.

Po në Shqipëri kush e ka radhën? /abcnews.al/

The post Kush e ka radhën? Pas Berishës, zbulohet hapi i radhës i SHBA-së appeared first on Albeu.com.

Burime konfidenciale të Albanian Post e kanë zbuluar edhe identitetin e dy deputetëve. Por për arsye sigurie, redaksia ka vendosur të mos e zbardhë vendimin e plotë të SHBA-ve në këtë çast.

Vendim ky, i cili vjen vetëm pak ditë pas paralajmërimit të zëvendësndihmës Sekretarit amerikan të Shtetit, Gabriel Escobar, i cili më 25 shtator, në një intervistë për Zërin e Amerikës, e vuri theksin mbi faktin se përcaktime të tjera do të ketë së shpejti në Ballkan, përfshi Shqipërinë.

Sipas tij, kompetencat amerikane me shpallje të tilla do të përdoren për të luftuar korrupsionin në nivele zyrtarësh të lartë.

I fundit në “rrjetën amerikane” ishte ish-kryeministri dhe kreu historik i Partisë Demokratike, Sali Berisha, i cili më 19 maj 2021 u përcaktua nga Sekretari amerikan i Shtetit, Antony Blinken, si persona non grata.

Ambasadorja e SHBA-ve në Tiranë, Yuri Kim, ka qenë po ashtu një zë i fortë në qartësimin se misioni i amerikanëve për të ulur korrupsionin në Shqipëri, nuk do të ndalet.

Vendimi i papëlqyeshmërisë

Më 15 shkurt 2018, ish-kryeprokurorit të Shqipërisë, Adriatik Llalla, iu ndalua zyrtarisht hyrja në SHBA pas një njoftimi të bërë publik nga ish-Sekretari amerikan i Shtetit në administratën e Donald Trump, Rex Tillerson.

Akuzat amerikane që rëndonin mbi Llallën, ishin ato të korrupsionit ose shkeljeve të mëdha të të drejtave të njeriut.

Ky ishte edhe vendimi i parë i rëndësishëm i amerikanëve pas fillimit të Reformës në Drejtësi në Shqipëri.

Vendim, i cili u pasua nga një tjetër, më 16 prill 2018.

I akuzuar prej kohësh nga opozita për afera korruptive, DASH-i e përcaktoi ish-deputetin e Parlamentit të Shqipërisë, Tom Doshi, si non grata. Kështu, atij dhe familjes së tij iu ndalua hyrja në SHBA.

Akuzat, ishin të njëjta: Aferat korruptive.

Më 30 korrik 2019, listës së zezë amerikane do t’i shtohej një tjetër emër, po nga e majta.

Ish-kreu i Bashkisë së Durrësit, Vangjush Dako, u përcaktua si non grata.

Neni 7031(c) e futi edhe atë në thesin e zyrtarëve të lartë shqiptarë, të cilët janë të papëlqyeshëm për Amerikën.

Pas një qetësie dyvjeçare, rasti “Berisha” ishte ai i cili shkundi themelet e politikës dhe shoqërisë shqiptare.

Kjo, edhe pasi ai ishte emri më i madh i politikës, ndaj të cilit ishte marrë një masë e tillë nga Washington-i.

Radhën e kanë dy të tjerë, në një sagë që duket se nuk do të shohë dorëzimin amerikan. Të paktën, jo deri në çastin kur gjithçka të bëhet konform zbatimit të ligjit./Albania Post

The post Pas Berishës, SHBA po i “pret biletën” edhe dy deputetëve socialistë appeared first on Albeu.com.

Rama u shpreh sedi shumë gjëra për këtë çështje për shkak të detyrës por nuk mund te bëjë një koment mbi këtë shpallje pasi nuk i takon politikës së brendshme, por sipas tij është një çështje më e madhe.

Së fundi ai shtoi se Berisha nuk thotë të vërtetën kur thotë se aktorë të ndryshëm lobuan në DASH, pasi sipas kryeministrit, nuk mund të lobosh në DASH dhe SHBA për të tilla çështje.

“Për shkak të detyrës unë di shume gjera. S’kam asnjë koment pë shpalljen e tij non grata sepse është e qartë dhe çdo koment e politizon ndërkohë që nuk është politikë e brendshme.

Sikur SHBA dhe departamenti amerikan i shtetit të funksiononin me lobime imgjino sa diktatorë me arka me diamante do ta kishin blerë Amerikën deri tani.

Lobimi atje janë ca foto me kongresmenë, ndonjë artikull që paguhet dhe kaq. Nuk funksionon kështu sepse po të ishte ashtu do të ishin si ne, si gjithë të tjerët”, u shpreh Rama./albeu.com

The post “Pse nuk e kalon oqeanin Sali?” Çfarë thotë Rama për shpalljen “Non Grata” të Berishës appeared first on Albeu.com.