Tema? Patriotizmi dikur dhe sot, ishte titulluar nga autorët e emisionit.

Çka në të vërtetë u diskutua ishin fyerjet dhe ofendimet në studio.

Protagonist ishte këngëtari Arian Agushi e përball tij gazetari Vullnet Krasniqi. Duke diskutuar rreth një komenti të gazetarit Vullnet Krasniqi, ku ai i referohej Agushit si “debill këngëtar”, Agushi shfryu në drejtim të tij.

Pothuajse i tërë diskutimi e kishte zanafillën këtu.

“A po të qeshet. A i ke pa komentet, a ta ka rrokë lemza najkan te shpia. Të ngova, mos ta ni zanin kur t’foli unë”, i tha Agushi, Krasniqi.

Sipas Krasniqit, në vend të reperit Gold Ag, në ditën e çlirimit të Skënderajt është dashur të ftohen këngëtarë më me vlera e jo një oportunist, një artist me karrierë “të dështuar në Hip Hop”.

Derisa po fliste për aktivitetet e tij në muzikë dhe u përpoq të krijonte një lidhje mes patriotizmit e këngëve të tij, Agushi u përfshi sërish në një sherr që eskaloi me fyerje të rëndë ndaj gazetarit.

“Kam këngë patriotike për secilën ngjarje. Kam këngë për shembull me Kastriot Tushën për Ushtar Kavajën. Me shkrujtë në Google, Epopeja e Dukagjinit unë dal. Shkruje Epopeja e UÇK-së, unë dal”, tha Agushi.

Krasniqi ia preu shpejt me ironi.

“Kur ta shkrujsh Epopeja del ti a? Del ti, ti, ti, tani Adem Jashari”, i tha Krasniqi, Agushit.

“Jo, jo del kanga jem, mos fol palidhje, mos kce si speci në pasul. Trus bre qaty!”, tha ai, derisa u kap nga kamerat duke e ofenduar gazetarin nën zë: “Phu ta q**a.. robtë në p** t’i q***”.

Krejt kjo ndodhi në studio pa u vënë re nga moderatori Ermal Panduri.

Por, disa minuta më vonë pasi duket se u njoftua nga bashkëpunëtorët e tij, Panduri e pyeti direkt Agushin: “A e shajte me rob shpije a? Vullnetin?”.

Agushi e mohoi.

“Jo, këta jo, këta.. pse me shajtë”, u shpreh Gold AG.

The post Plas skandali! Gold AG fyen rëndë gazetarin: T’i q* robt, mos ta ni zanin kur t’foli unë appeared first on Albeu.com.