Të enjten u zhvillua në Monaco ceremonia e shortit të UEFA Champions League, ku 36 skuadrat pjesëmarrëse mësuan përballjet e tyre, mes dueleve tepër të forta.

Në këtë aktivitet ishte i pranishëm edhe Armand Duka, president i Federatës Shqiptare të Futbollit dhe zëvendëspresident i UEFA-s.

Duka publikoi në rrjetet sociale një foto nga vendi ku u hodh shorti i Champions League, aty ku gjatë ditës së sotme do të përcaktohen gjithashtu çiftet e Europa League dhe Conference League.

“Nga Monaco merr formë rruga drejt lavdisë europiane”, shkroi Duka në postimin e tij.

The post Armand Duka merr pjesë në ceremoninë e Champions League në Monaco appeared first on Albeu.com.

Në “Shtëpinë e Futbollit” është përcaktuar përmes shortit kalendari i kampionatit të Kategorisë së Dytë për edicionin 2026-2027. Skuadrat e ndara në grupet A dhe B kanë mësuar programin që do të ndjekin gjatë sezonit të ri futbollistik.

Përfaqësuesit e klubeve pjesëmarrëse ndoqën ceremoninë, ndërsa procedura e shortit u drejtua nga Endi Hyka, specialist i Departamentit të Garave në FSHF.

Ndeshjet e javës së parë të kampionatit “Kategoria e Dytë” janë përcaktuar si më poshtë.

Në Grupin A do të luhen përballjet: Vllaznia B-Tërbuni, Erzeni – Shiroka, Luz i Vogël 2008 – Partizani B, Basania – Eagle Football, Lushnja – Veleçiku dhe Naftëtari – Gramshi.

Në Grupin B janë programuar takimet: Bylis B – Këlcyra, Apolonia – Tomori, Albpetroli – Maliqi, Devolli – AF Luftëtari dhe Delvina – Butrinti.

Sezoni i kampionatit “Kategoria e Dytë” do të hapet më 12 shtator 2026, ndërsa përfundimi i tij është caktuar për më 25 prill 2027.

Programi i plotë i ndeshjeve për të dyja grupet gjendet në kalendarët përkatës.

Kalendari Kategoria Dyte Gr A 26-27: https://fshf.org/app/uploads/2026/08/Kalendari-Kategoria-Dyte-Gr-A-26-27.pdf

Kalendari Kategoria Dyte Gr B 26-27: https://fshf.org/app/uploads/2026/08/Kalendari-Kategoria-Dyte-Gr-B-26-27.pdf

The post Përcaktohet me short kalendari i Kategorisë së Dytë për sezonin 2026-2027 appeared first on Albeu.com.

Këtë të premte, në orën 11:00, u zhvillua shorti i Kategorisë së Parë për sezonin 2026-2027, nga i cili u përcaktua edhe programi i javës së parë.

Edicioni i 79-të i këtij kampionati do të ngrejë siparin më 5 shtator 2026, ndërsa përfundimi është parashikuar në fund të muajit maj të vitit 2027.

Që në nisje, shorti ka prodhuar disa duele interesante. Flamurtari i Olitjon Kërnajës do ta presë Sopotin në Vlorë, kurse Pogradeci i Emiljano Çelës do ta luajë takimin e parë në transfertë ndaj Burrelit.

Në sfidat e tjera, Iliria do të jetë pritëse kundër Kastriotit dhe Kukësi do të masë forcat me Korabin. Bylisi do të ndeshet me Besën, ndërsa Oriku do të përballet me Besëlidhjen.

JAVA 1

ILIRIA – KASTRIOTI

KUKËSI – KORABI

BYLISI – BESA

BURRELI – POGRADECI

FLAMURTARI – SOPOTI

ORIKU – BESËLIDHJA

The post Kategoria e Parë/ Zbardhet kalendari i sezonit 2026-2027, Oltijon Kërnaja nis me Flamurtarin në Vlorë, Pogradeci luan jashtë fushe appeared first on Albeu.com.

Shorti që do të përcaktojë kalendarin e sezonit të ri të Kategorisë së Parë 2026–2027 do të organizohet të premten nga Federata e Futbollit.

Sipas njoftimit të Departamentit të Komunikimit në FSHF, ceremonia do të zhvillohet në ambientet e “Shtëpisë së Futbollit” dhe do të fillojë në orën 11:00.

Të interesuarit mund ta ndjekin eventin drejtpërdrejt në kanalin zyrtar të FSHF-së në YouTube, si edhe në FSHF TV.

Edicioni i ri i kampionatit do të ngrejë siparin më 5 shtator 2026, ndërsa mbyllja e tij është parashikuar për në muajin maj 2027.

Në garë do të jenë këto skuadra: KF Bylis, FC Flamurtari, KF Pogradeci, KF Iliria, KF Besa, KF Kastrioti, KF Burreli, KF Korabi, KF Kukësi, KF Besëlidhja, KF Oriku dhe KF Sopoti.

The post Kategoria e Parë 2026–2027, FSHF njofton klubet për shortin e kalendarit appeared first on Albeu.com.

Në Nyon të Zvicrës është përcaktuar me short faza “playoff” e UEFA Europa League. Egnatia ka mësuar skuadrën që mund të ketë përballë në rast se eliminon Shamrock Rovers të Irlandës në raundin e tretë kualifikues.

Nëse ekipi i drejtuar nga Nevil Dede arrin të kalojë Shamrock, kundërshtari i radhës do të jetë Lillestromi i Norvegjisë. Takimet e para janë planifikuar për më 20 gusht, ndërsa përballjet e kthimit do të luhen më 27 gusht.

The post Short i favorshëm për Egnatian, kampionët shqiptarë njohin rivalin e mundshëm në “playoff”-in e Europa League appeared first on Albeu.com.

Egnatia do të zbresë sërish në fushë të martën, në orën 21:00, për ndeshjen e parë ndaj Shamrock Rovers në raundin e tretë kualifikues të Europa League. Takimi do të zhvillohet në “Tallaght Stadium” të Dublinit.

Skuadra e Nevil Dedes pritet të përballet me një provë të vështirë, duke marrë parasysh forcën dhe formën e kundërshtarit. Në pesë javët e fundit, ekipi irlandez ka regjistruar tri fitore, një barazim dhe vetëm një humbje.

Rrogozhinasit i kanë të gjithë futbollistët në dispozicion, përveç Arbenit Xhemajlit, i cili ka zyrtarizuar largimin drejt Malajzisë. Kampionët e Superiores marrin besim edhe nga fakti se sfida e kthimit do të luhet në Rrogozhinë, ndaj në Irlandë do të kërkojnë të paktën një barazim surprizë.

Ndërkohë, Egnatia do ta ketë vëmendjen edhe te shorti që hidhet sot në orën 13:00, ku do të përcaktohet kundërshtari i radhës në rast se kapërcehet pengesa Shamrock.

The post Egnatia sfidon nesër Shamrock Rovers në Europa League, vëmendja edhe te shorti appeared first on Albeu.com.

Egnatia tashmë e di se në Europa League do të ketë përballë Shemrock Rovers, por vëmendja e saj do të jetë edhe te shorti i së hënës, më 3 gusht. Prej tij, kampionët e Shqipërisë do të kuptojnë më qartë strategjinë që duhet të ndjekin për ta kthyer në realitet objektivin e madh të kualifikimit në “playoff”.

Nëse skuadra e drejtuar nga Nevil Dede eliminon pengesën irlandeze, rrogozhinasit do të pozicionohen mes favoritëve në shortin për kundërshtarin e fazës më të ndërlikuar dhe vendimtare.

Në të kundërt, një humbje në këtë përballje do ta kalonte Egnatian në grupin e ekipeve jofavorite, duke ia vështirësuar ndjeshëm rrugëtimin në Conference League. Për këtë arsye, Dede duhet të gjejë mënyrën për të nxjerrë nga gara një prej klubeve më “komplekse” të këtij rrugëtimi, në mënyrë që skuadra, përveç të ardhurave të garantuara, të sigurojë edhe praninë në një prej kompeticioneve më të forta të Europës.

The post Egnatia synon eliminimin e rivalit irlandez, shorti i jep një avantazh në garën për “playoff” appeared first on Albeu.com.

Skuadra e Dritës tashmë njeh emrin e kundërshtarit të mundshëm në turin pasardhës, me kusht që të dalë fituese ndaj klubit maltez, Floriana.

Në shortin e hedhur në Nyon të Zvicrës për raundin e tretë të Ligës së Konferencës, kampionët kosovarë janë vendosur përballë formacionit sanmarinez, Tre Fiori.

Takimi i parë me Florianën zhvillohet në Maltë të martën në orën 19:30, ndërsa dueli i kthimit në Gjilan është caktuar për datën 28 korrik, duke filluar nga ora 20:00.

The post Shorti i favorshëm për Dritën, kampionët e Kosovës gati për një sfidë të kapërcyeshme pas testit maltez appeared first on Albeu.com.

Hedhja e shortit për raundin e tretë kualifikues të Ligës së Kampionëve i ka dhënë Egnatias emrin e kundërshtarit të mundshëm, i cili do të jetë fituesi i çiftit mes Ararat Armenia dhe Shamrock Rovers. Kjo përballje do të bëhet realitet vetëm nëse skuadra shqiptare arrin të mposhtë më parë NK Celjen.

Ky raund do të përbënte një duel delikat për ekipin e drejtuar nga Nevil Dedes, ndërsa kalimi i rivalit slloven shihet si hapi i domosdoshëm për të vijuar rrugëtimin në këtë kompeticion prestigjioz.

The post Egnatia njeh skuadrën që do ta presë në raundin e tretë të Champions, një sfidë delikate për Nevil Dedes pas pengesës sllovene appeared first on Albeu.com.

Ashtu si Egnatia që po vijon rrugëtimin në kualifikueset e Champions League, duke u ndeshur me NK Celjen në Rrogozhinë, edhe Dinamo synon të arrijë të njëjtin objektiv në Conference League, atje ku sfidë ka skuadrën sllovene Aluminij.

Përpara se të përqendrohet në këtë përballje vendimtare, ekipi i drejtuar nga Ilir Daja do të mësojë sot se çfarë fati i ka rezervuar shorti në Nyon të Zvicrës, i cili fillon në orën 14:00.

Të enjten, dinamovitët do të luajnë takimin e parë në transfertë, një sfidë që është programuar të zhvillohet në orën 20:00, ndërsa ndeshja e kthimit do të luhet në “Elbasan Arena” më datë 30 korrik.

The post Dinamo pret shortin e Conference League, sonte zbardhet sfida e radhës për skuadrën e Ilir Dajës në rast avancimi appeared first on Albeu.com.