Filozofi francez, Zhylien Benda, shkroi gati njëqind vite më parë atë që njihet si “Tradhtia e intelektualëve”. Ai parashikoi se e keqja e shoqërive të sotme do të kulmonte me shkatërrimin moral të atyre që paguhen për të edukuar breza.

Dhe sot, në vend të debatimit për nevojat morale e kulturore të shoqërisë, debatohet për treg, për blerje dhe shitje, duke kaluar në plan të parë argëtimin. Kjo “tradhti intelektuale” ka sjellë më pas edhe djerrinën e madhe të autoritetit të tyre.

Shoqëria shqiptare të paktën ka kohë që nuk i referohet ndonjë kënaqësie të debatit intelektual e as nuk i drejtohet më atyre për zgjidhje. Aq më pak duket e i merr në konsideratë politika, pasi autoriteti i tyre për të përballur jetën me dinjitet ka rënë, duke i dhënë fuqinë botës së spektaklit.

Në këtë betejë kanë kaluar në thuajse në mosqënie edhe autoritetet fetare, të cilët nuk gjejnë hapësirën e duhur për t’u përballur publikisht me shqetësimet e sotme të shoqërisë. Ata kanë mbetur peng i së shkuarës së fitoreve historike dhe thirrjet e tyre janë si në fundin e një shpelle, ku i dëgjohet jehona, por jo fuqia e vërtetë e asaj që dëshirojnë të thonë.

Madje, me përfaqësuesit e institucioneve të së shenjtës është krijuar një situatë cinike, pasi janë kthyer në koncepte muzeale të shoqërisë, pasi në mënyrë krejt të hapur kthehen në panair vizitorësh vetëm në raste festash, ndërkohë që në përditshmërinë tonë zëri i tyre është i papërfillshëm.

Në këtë kryqëzim, ku as elitat intelektuale e as ato fetare nuk mundet dot të frenojnë këtë dëshirë për argëtim – që nuk është veçse një dëshirë për t’iu larguar realitetit dhe vetes- manipulimi i mendjes rrezikon të bëhet gjithnjë e më i lehtë nga ata që duan të dominojnë jetët tona.

Kjo, edhe për faktin se mosdëgjimi i zërit të elitave dhe autoriteteve fetare i ka zhdukur kufijtë mes së mirës e së keqes dhe mes së vërtetës dhe gënjeshtrës. Një zhdukje e tillë kufiri na sjell në skenë atë njeri të parashikuar nga shkrimtari i madh Dostojevski, “njeriun që nuk do të ketë turp nga asgjë”.

Dhe njeriu që nuk ka turp nga asgjë, është njeriu që me shumë kënaqësi i ikën së vërtetës për të jetuar në argëtim, në harresë. Për një njeri të tillë, debati moral nuk ekziston dhe pyetjet që kanë dominuar që në fillesat e saj botën, si “Përse ia vlen të rrojmë?”, “Përse të vdesim?”, “Çfarë është e shenjtë?”, “Çfarë është e drejtë?”, rrezikojnë të përfundojnë në një muze të së shkuarës.

Për të shpëtuar nga kjo djerrinë, është e rëndësishme të gjejmë shtegun e pyetjeve morale. Kjo nuk do të thotë të shmangim komunikimin, por në syrin e kamerës të mos lejojmë të fitojë imitimi, por të bëjmë çdo përpjekje që të triumfojë bindja se njeriu është i lirë.

Të paktën, elitat fetare kanë detyrë që të gjejnë çdo hapësirë për t’i kujtuar njeriut se nga çdo krijesë tjetër e dallon liria për të vendosur, liria për të gjykuar. Dhe këto elita duhet t’u drejtohen sidomos atyre që paguhen për të edukuar brezat. /albeu.com

The post Intelektualët shqiptarë të harruar, shoqëria pa “frena” drejt të pamoralshmes appeared first on Albeu.com.

Ndërsa Salianji i tha se nëse vendoset do ikë dhe se do zbatojë ç’do vendimmarrje.

Fevziu: Kemi gjithë këto ditë që presim ndonjë gjë nga fronti i inceneratorëve, por do na shkosh ti në burg më duket.

Salianji: Ka një gjë që është situatë e njohur për publikun. Shoqëria ka investuar tek një reformë në drejtësi. Unë kam bërë denoncim si sekretar që i ka sjellë shoqërisë një benefit. Një njeri i dënuar shkoi dhe hyri në burg. është denoncim publik, është çështje e lirisë së fjalës. Kemi dy standarte, akuza ime të bësh inskenim duhet që t’i njohësh njerëzit. Unë kam gjetur si jepen para, ish-drejtori i Policisë së Fierit i jep para një llumi. Unë nuk i njoh ata. Nëse unë si deputet i PD kam thënë 300 mijë euro për atë çështje, nuk duhet që të isha këtu. Kjo çështje nuk ka ku të kapet. Në këtë vend njerëzit kanë sakrifikuar edhe më shumë. Do shkoj në burg dhe do e quaj medalje më shumë. Do e çoj edhe tek Gjykatat ndërkombëtare. Nuk është çështje fare. Unë po them atë që kam si detyrim në komunikim me publikun. Nuk ka diskutim që do e zbatoj ç’do lloj vendimmarrje. Nëse ka çmenduri kur unë bëj denoncim do të bëj atë që thoni./albeu.com

The post BABALE/ Salianji flet për mundesinë e burgosjes appeared first on Albeu.com.

Armina vendosi të jepte një mesazh për vajzat e reja, bazuar në një përjetim personal që shumë pak e kanë ditur, ku theksoi se është ndjerë e sulmuar në fillimet e lidhjes me Shkëlzenin, kohë kjo kur ishte edhe shumë naive.

“Unë personalisht e kam gjetur veten në një moshë shumë të re përpara sulmeve mediatike. Jeta ime, qëkur lidhja ime u bë publike, ndryshoi komplet. Unë isha një vajzë naive që adhuroja të rrija vetëm me shoqërinë time. S’kisha pasur eksperienca lidhjesh serioze më parë. Nga momenti që më ndryshoi jeta në pak ditë, fillova të kuptoj që shumë gjëra nga shoqëria ime funksiononin ndryshe. Shumë gjëra të miat personale filluan të qarkullonin, të cilat unë i kisha folur me njerëzit e mi më të afërt”, tha Armina

Në vazhdim të bisedës, blogerja dha edhe një mesazh për vajzat që e dëgjojnë: “Ajo që unë dua t’i them vajzave të reja, të paktën për sa i përket eksperiencës sime është që të tregohen të zgjuara dhe të jenë të fokusuara te jeta e tyre intime. Është një shprehje që thotë: ‘mos tregoni rrugën, jetën intime dhe planet e ardhshme”.

The post Shoqëria i nxorri sekretet, Armina Mevlani për fillimet e lidhjes me Shkëlzenin: Isha naive (FOTO LAJM) appeared first on Albeu.com.

Ata dilnin shumë shpesh me njëri-tjetrin në rrjete sociale, por pas daljes së Andit nga programi kjo gjë u rrallua dhe te ndjekësit lindën dyshime mbi marrëdhënien e miqve.

Dje Andi ka zhvilluar një interaktivitet me ndjekësit në Instagram e në InstaStory Andi u pyet nëse vazhdon shoqëria me Mevlanin.

Ai u përgjigj: Vazhdon respekti.

Andi, gjithashtu në një intervistë kur po zhvillonte një lojë e pyetën se kë do zgjidhte midis Mevlanit dhe Atdheut e ai na habiti me përgjigjen e tij. Andi tha se po ti bëhej kjo pyetje më parë do nxehej, pasi askënd se vendoste me Mevlanin, por tani zgjedh Atdheun, pasi me Mevlanin ka pasur një hatërmbetje dhe gjërat janë ftohur.

Nga ana tjetër Mevlani asnjëherë nuk ka diskutuar mbi këtë situatë dhe ka thënë se secili ka angazhimet e veta, prandaj nuk janë bashkë si më parë.

Kujtojmë se Andi ka shumë miqësi dhe me Hysenin, një ndër personazhet më të bujshme të sezonit të tretë. Ai e ka mbështetur Hysenin në situatën me Alvisën dhe ka shprehur se i njeh personalisht dhe është i sigurt se nuk ka pasur dhunë midis tyre.

The post Dikur miq të ngushtë, çfarë ka ndodhur midis Andit dhe Mevlanit? (FOTO LAJM) appeared first on Albeu.com.

Dashi

Ti je truri i festave, sepse mund ta kthesh një festë të shurdhër në një të çmendur. Ke talent për të bërë gjëra të këndshme dhe je i gatshëm për të provuar gjithçka.

Demi

Ti je njeri vërtetë i mirë dhe nëse dikush do të kishte nevojë për ty, ti do të shkoje atje, qoftë edhe për të dërguar disa ushqime ose për ta ndihmuar të dekorojë. Ju lumturoheni kur ndihmoni dikë.

Binjakët

Ti je i ftuari perfekt, pasi në çdo rast social ke historitë më të mira, shakatë më të veçanta dhe bën llojin e pyetjeve që tërheq njerëzit. Ti me të vërtetë ke dëshirë të shoqërohesh dhe mban mend jo vetëm emrat e njerëzve por edhe historitë e tyre.

Gaforrja

Pa marrë parasysh sesa mirë shkon një ngjarje shoqërore, ka pothuajse gjithmonë një lloj drame apo incident. Njerëzit mund të dehen apo mund të ndodhë një incident dhe kjo është puna jote. Ti nevojitesh aty për të ndihmuar dhe për të bërë që çdo gjë të shkojë mirë.

Luani

Ju mund të mos jeni i famshëm, por keni bukurinë dhe karizmën e një ylli, dhe prania juaj zbukuron çdo situatë sociale. Ju shkëlqeni dhe njerëzit i bëni për vete në mënyrë natyrale. Ju i bëni mysafirët tuaj të ndjehen të mirëpritur dhe të rehatshëm në festën tuaj.

Virgjëresha

Kur jeni duke folur me dikë, e bëni atë të dëgjojë, sepse ju me të vërtetë i dëgjoni. Gjuha e trupit tuaj e provon këtë. Ju bëni kontaktin me sy dhe askush nuk ju ndërpret vetëm për shkak se keni një ide të mahnitshme që do të ndryshojë jetën e tyre.

Peshorja

Ju jeni “nëna” e festave, shtoni diçka të mrekullueshme për çdo ngjarje ku jeni të pranishëm dhe i bëni njerëzit të ndjehen të veçantë. Ju keni aftësi të mahnitshme shoqërore dhe jeni shumë të mirë në depërtimin e situatave potencialisht shqetësuese.

Akrepi

Ka diçka tek ju që ju bën të viheni re menjëherë sapo hyni në derën e një feste. Ju jeni dinamikë, magnetikë dhe seksi, kështu që nuk është çudi që njerëzit tërhiqen pas jush.

Shigjetari

Ju jeni shumë gazmorë dhe mund të bisedoni me të gjithë, kështu që ju dhe ngjarjet shoqërore janë një ndeshje e natyrshme. Ju keni dëshirë të takoni njerëz të rinj dhe gjëra të reja dhe jeni të talentuar kur vjen puna për të pasur aftësi të pabesueshme sociale.

Bricjapi

Në fillim, ju mund të ndiheni pak nervozë, por sapo filloni të çlodheni në një situatë sociale, gjeni vendin  tuaj dhe filloni jepni këshilla. Megjithatë, ju keni një ndjenjë të hollë humori dhe një anë të egër, kështu që jeni në vendin e duhur kur bëhet fjalë për një festë.

Ujori

Ju jeni shumë i hapur dhe i pranoni njerëzit, duke i bërë ata të ndihen mirë dhe të mos gjykuar për veçantitë e tyre. Ju keni ide të mëdha krijuese dhe jeni në gjendje të gjeni mënyra të reja dhe unike të të bërit të gjërave dhe për t’u kënaqur në një festë.

Peshqit

Është shumë e lehtë që njerëzit të besojnë tek ju sepse jeni shumë i sjellshëm. Ata ndjehen rehat me ju dhe jeni shumë i mirë për t’i ndihmuar. Ju shtoni krijimtarinë për çdo rast social dhe ndiheni më mirë me grupe më të vogla njerëzish.

The post Më thuaj çfarë shenje horoskopi ke, të të them përse të do shoqëria! appeared first on Albeu.com.