” Gjuha dhe gjuha e trupit ka filluar edhe kjo të shfaq urrejtje’’, shprehet Tushi. Në një kohë kur rrjetet sociale janë bërë pjesë e pandashme e jetës sonë të përditshme, gjuha e urrejtjes po gjen terren të lirë në marrëdhëniet shoqërore dhe personale.

Kjo formë e komunikimit agresiv tashmë është bërë e pranishme nga ambientet publike deri te komunikimi ndërpersonal, veçanërisht në hapësirat virtuale, ku barrierat e turpit dhe përgjegjësisë shpesh bien.

‘’Është për fat të keq ë të gjitha format e saj. Qoftë në formën verbale që është më evidentja, virtual ku rrjetet sociale janë bërë sot toksike.

Gjuha dhe gjuha e trupit ka filluar edhe kjo të shfaq urrejtje’’.

Tushi e drejton gishtin edhe ndaj politikanëve, të cilët shpesh herë përdorin një fjalor të ashpër, përçarës duke i kthyer platformat publike në hapësira të helmuara komunikimi.

Gjithashtu, sociologu Gëzim Tushi, thotë se si pasojë e kësaj gjuhe pasojat jo rrallëherë kanë qenë tragjike.

Sociologu bën thirrje për një aksion të gjerë kombëtar, që synon edukimin për përdorimin etik të gjuhës.

The post Alarmi i Sociologëve/ Gëzim Tushi: Gjuhë urrejtjeje në shoqëri, thirrje për ndryshim Kombëtar appeared first on Albeu.com.

Kosova po futet në një spirale të rrezikshme. Nuk po flas për tensionin me aleatët dhe bërjen e Vuçiçit të duket një lider normal, me të cilin mund të negociohet, pasi kjo analizë u takon diplomatëve, unë s’jam aq i mençur sa të mësoj KM Kurti si të sillet me amerikanët edhe pse është krejtësisht e dukshme që gjërat nuk janë hiç në rregull.

S’dua të merrem as me faktin se gjeopolitika ka ndryshuar, dhe se status quo-të nuk zgjasin përjetësisht. Serbët e kanë kuptuar këtë të fundit, kurse ne, ende..!

Ajo që me shqetëson më shumë se sa ky tension, ndoshta momental, janë ndryshimet në qasjen e qeverisë në menaxhimin e pushtetit dhe përcjelljen e kësaj fryme edhe në shoqëri, e cila konstatohet edhe në botën virtuale. Kjo po ndodh rishtaz.

Ka një polarizim të madh tashmë mes përdoruesve të rrjeteve sociale në Kosovë.

Tëitteri është i mbushur me lloj lloj personazhesh, në dukje trolla, shpesh edhe me emra sllav, që anatemojnë çdo postim të diplomatëve Perëdimor duke u dhënë atyre leksione mbi shtetin e së drejtës, implementimin e ligjit, dhe gjëra të ngjashme..!

Dmth gjithë kjo ushtri trollash po u jep leksione amerikanëve dhe britanikëve mbi demokracinë dhe ligjin!

E njëjta situatë është edhe në Facebook, ku ushtri sovranistësh, shpesh edhe që jetojnë në Gjermani, Zvicër etj, ekzekutojnë virtualisht këdo që guxon të luajë një muzikë ndryshe nga ajo e KM Kurti.

Në fakt, problemi më i madh këtu nuk është agresiviteti në reagime apo diarreja e leksioneve mbi demokracinë, por manipulimi i së vërtetës, montazhet dhe sajesat për deklarata apo takime të bëra diku apo me dikë, të cilat më pas vërtiten nëpër rrjetet sociale si fakte të vërteta! E kush verifikon më pas?! Ka shumë që besojnë se tërmeti në Turqi u shkaktua nga një anije amerikane që kaloi aty pranë! Ky është efekti shkatërrues i të pavërtetave që bëhen virale.

Krijimi i ushtrive të trollave me pagesë, shantazhi për denigrim publik ndaj gazetarëve, fushatat e mirëorganizuara të propagandës, sajesat, dezinformimi i sponsorizuar dhe veprime të ngjashme nuk janë tipare të një shoqërie të lirë.

Kosova nuk e meriton këtë!

Kosova ka qenë dhe është ende (deri kur?!) demokracia më funksionale e pellgut tonë.

Votuesit në Kosovë kanë qenë mjeshtra të zgjedhjeve.

Ata kanë ditur të ndëshkojnë kur duhet dhe kë duhet. Rrallë të tjerë e kanë bërë këtë në rajon.

Ka shembuj të tjerë në rajon ku qeverisjet autoritare, deri edhe diktatoriale kanë nisur pikërisht me flamuj nacionalizmi dhe besimi të shoqëruara me pas me ushtri trollash nëpër rrjetet sociale. Dhe gjërat atje s’po shkojnë fare mirë.

Mosni bre!

The post Shoqëria në Kosovë po futet në një spirale të rrezikshme appeared first on Albeu.com.

“Shoqëria ime me Meridianin është shoqëri e konsoliduar jashtë. E kam pritur mjaft mirë ardhjen e tij dhe i kam thënë ‘hajde ulu’. Kam tentuar të ulem e të flas por ai është çuar e larguar dhe nuk ja kam marrë për keq. Kam pas fatin të bëj shumë miq nga jashtë dhe nuk i kam kërkuar llogari nëse më mbrojnë apo jo, nëse më mbajnë krahun apo jo. Unë e di peshën time dhe jam e vetëdijshme çfarë peshe kanë ata tek unë. E kam ndjerë Meridianin distant dhe mendova që kjo është loja e tij.”

Nga ana tjetër, Meridiani është përgjigjur duke u shprehur se i mungon Arjola që njeh jashtë e cila është e qeshur dhe plot batuta.

“Ne kemi qenë shumë të afërt dhe ajo nuk më shpëtoi kur ne kemi patur dreka, darka familjare dhe nuk doja të ndikoja tek loja Arjolës. Deri diku kam qenë i prekur, por në momentin që cënohet kuadrati im, secilit do t’i tregoj atë që meriton. Mua m’u cënua kuadrati kur Arjola më tha ‘bën si kalama. Më mungon Arjola që kam njohur nga jashtë: ka batuta pafund, ka logjikë, nuk bërtet kurrë.Arjola është shumë e qeshur ka batuta pa fund jashtë,. Se kam dëgjuar kurrë të bërtasë. Këtu e shoh ndryshe, të tjerët mbase nuk e kuptojnë. Nuk jam xheloz për marrëdhenien e saj me Ilirin. Nejse secili këtu ka ardhur të bëjë lojën e tij.

Ai nuk ngurroi të hidhte dyshime mbi raportin e saj me Ilirin, duke thënë se po bëjnë lojë, gjë kjo e cila është mohuar nga Arjola. A do i rregullojnë ata raportet tani e tutje? Mbetet për tu parë.

 

View this post on Instagram

 

A post shared by Big Brother Alb VIP Edition (@bigbrotheralb_vip)

The post Miq të mirë jashtë, por të ftohtë në “Big Brother VIP”: Kriset raporti mes Meridianit dhe Arjolës? (VIDEO) appeared first on Albeu.com.

Gjatë një përballje në “Për’puthen” ato të dyja treguan se marrëdhënia e tyre u ndërpre pas një udhëtimi në Maltë. Gjithashtu vajzat thanë se më parë kanë jetuar bashkë dhe shpesh kanë pasur përplasje për gjëra të ndryshime në lidhje me jetesën dhe miqësia e tyre mori fund 2 vite më parë.

Mirëpo videot dhe fotot e publikuara në media e rrjete sociale tregonin gjithmonë të kundërtën. Ato të dyja u panë shpesh në shoqërinë e njëra-tjetrës, gjë që tregonte se armiqësia mes tyre nuk ishte fare e vërtetë, por është bërë e gjitha për efekt të spektaklit.

Madje në përfundim të “Për’puthen”, kur Ola festoi dhe ditëlindje, Jasmina i bëri një surprizë shumë të veçantë. Ajo i kishte sjellë mikes së saj një tortë të personalizuar dhe festuan me gjithë konkurrentët e tjerë ditëlindjen.

Mirëpo ky ribashkim mes mikeshave duket se nuk ka zgjatur shumë. Ola dhe Jasmina siç duket nuk janë më shoqe dhe për këtë flet Instagrmi. Ato të dyja nuk e ndjekin më njëra-tjetrën në këtë rrjet social, teksa vihet re se vazhdojnë të ndjekin pjesën më të madhe të ish-konkurrentëve të “Për’puthen”. Se çfarë mund të ketë ndodhur këtë herë mes dy mikeshave pritet ta mësojmë me kohën.

The post Kaq e patën? Prishet sërish shoqëria mes Jasminës dhe Olës (FOTO LAJM) appeared first on Albeu.com.