Ai theksoi se ekonomia e Shqipërisë është e varur kryesisht nga sektori i ndërtimit, ndërsa ka nënvizuar rëndësinë e promovimit të prodhimit vendas.

Sipas Berishës, prodhimi shqiptar duhet të konsiderohet një “krenari kombëtare”, dhe ai ka shpallur nismën “Made in Albania” për të stimuluar rritjen e prodhimit të brendshëm me cilësi dhe konkurrueshmëri të lartë.

Një tjetër çështje e ngritur nga Berisha ka qenë largimi i të rinjve nga Shqipëria, për të cilin ai tha se shkaku kryesor është situata ekonomike.

Ai ka përmendur gjithashtu problemet që lidhen me turizmin, duke u shprehur se informaliteti masiv që është deri në 80% në këtë sektor, bëhet barrë për qytetarët.

Në fjalën e tij, Berisha gjithashtu ka vënë në dukje se në Shqipëri merren 430 milionë euro taksa nga investitorët strategjikë dhe ka kërkuar një ndërhyrje urgjente në ekonomi, për të realizuar një kthesë rrënjësore në zhvillimin ekonomik të vendit.

Kreu i PD Sali Berisha: Ekonomia jonë mbahet kryesisht nga ndërtimi. Ne kemi shpallur “Made in Albania”, prodhimin shqiptar si krenari kombëtare. Ne do bëjmë çdo gjë që Shqipëria të prodhojë sa më shumë, me sa më shumë cilësi dhe produkte sa më tepër konkurruese. Largimi i të rinjve ka në themel vetëm ekonominë. Sot Shqipëria ka treg të deformuar. Larg së shfrytëzuari në shkallën e duhur është turizmi. Në turizëm ka informalitet rreth 80 përqind dhe pasqyrohet tek qytetari i thjeshtë. 430 milionë euro merren taksa për investitorët strategjikë. Ne e konsiderojmë ndërhyrjen urgjente në ekonomi, për të shënuar një kthesë rrënjësore.

The post Berisha takim me shoqatat e biznesit: Sot Shqipëria ka treg të deformuar, kemi shpallur “Made in Albania”, prodhimin shqiptar si krenari kombëtare appeared first on Albeu.com.

“Të gjitha subjektet tregtare të regjistruara në Qendrën Kombëtare të Biznesit do të jenë anëtare të Dhomës Ekonomike Kombëtare, me përjashtim të subjekteve që janë anëtarë në dhoma apo urdhra profesionalë të krijuar me ligj të veçantë”, thuhet në relacionin e projektligjit të qeverisë të hedhur në konsultim publik.

Në projektligj, thuhet se subjektet tregtare dhe bizneset e vogla janë të detyruara të regjistrohen në dhomë duke paguar një tarifë vjetore 1 mijë lekë. Vetëm për vitin e parë të krijimit të dhomës që është 2025-a, nuk do të paguhet tarifë pasi është periudhë tranzitore dhe mbështetet nga buxheti i shtetit.

Sipas relacionit kostoja për krijimin dhe funksionimin e dhomës në dy vitet e para përllogaritet në 140 milionë lekë.

Ndërsa në vitet e tjera, të ardhurat e dhomës do të sigurohen nga tarifat e anëtarësisë, tarifat e shërbimeve që ofron, kontributet të donatorëve apo burimeve të tjera, të cilat nuk bien ndesh me legjislacionin.

Më bashkimin e shoqatave dhe Dhomave në një të vetme, synohet sipas projektligjit që të krijohet një organ publik që lobon për politikat në fushën e ekonomisë, përcjellë zërin e anëtarëve të saj në proceset e hartimit të legjislacionit, ndihmon në rritjen e kapaciteteve të bizneseve, nxit konkurrencën në vend dhe shërben si një urë lidhëse për të bashkërenduar nismat me aktorët e tjerë që veprojnë në këtë fushë.

Kjo nismë e propozuar nga Ministria për Sipërmarrjen dhe Klimën e Biznesit është kundërshtuar nga 19 shoqata biznesi e Dhoma Tregtie, të cilat pak javë më parë në një letër drejtuar këtij institucioni i shprehen kundër anëtarësimit me detyrim në dhomën kombëtare. Po ashtu ata pohojnë se nuk ka ndonjë argumentim se përse bëhet kjo lëvizje dhe as nuk ka një analizë mbi produktivitetin e dhomave e shoqatave aktuale të sipërmarrjes.

The post Shoqatat e biznesit do të ‘shkrihen’ në një Dhomë Kombëtare Tregtie, viti i parë me tarifë zero! appeared first on Albeu.com.

Ata gjithashtu kanë kërkuar të krijohet urgjentisht një tryezë teknike negociatash dhe paralajmëruan se nëse qeveria nuk reagon do të marrin të tjera masa.

Në një kohë që bizneset në treg të lirë po përballen me çmime të larta për të siguruar konsumin, nëse tarifat e shpërndarjes së energjisë të cilat nëse do të miratohen nga Enti Rregullator i Energjisë sipas aplikimit të bërë nga Operatori i Sistemit të Shpërndarjes (pjesë e OSHEE Group) do të çojë në rëndimin të situatës.

Operatori i Sistemit të Transmetimit që aktualisht ka një tarifë prej 0.75 lekë për çdo kilovat të transmetuar ka kërkuar rishikim të tarifës. Ky i fundit ka përllogaritur se, të ardhurat e munguara për vitet 2021-2022, “janë në masën 3,457 milionë lekë ose 0.24 Ieke/kËh, e cila duhet të merret në konsideratë nga ERE për tu përfshire në rishikimin tarifave. OST ka propozuar që të bëhet rishikim i metodologjisë sa i takon mënyrës sesi bëhet përllogaritja e tarifave. Ashtu sikurse është lakuar muajve të fundit për familjarët dhe biznesin e vogël se nuk do të ketë ndryshim të çmimit të energjisë.

The post Shoqatat e biznesit kërkon negocimin: Jo rritje të tarifës së energjisë elektrike appeared first on Albeu.com.