Kërkimet për gjetjen e Xhafer Raqit, 78-vjeçarit nga Bregu i Diellit në Prishtinë, po vazhdojnë nga Shoqata e Kosovës për Kërkim dhe Shpëtim, pasi ai është raportuar i zhdukur që nga mëngjesi i së enjtes.

Operacioni i kërkimit është përqendruar në lagjen Taukbashqe të Prishtinës, ku për të ndihmuar në lokalizimin e të moshuarit janë përfshirë edhe dronë.

Në njoftim thuhet: “Shoqata jonë, në bashkëpunim me Policinë dhe autoritetet e tjera kompetente, ka riangazhuar Departamentin e Dronistëve, me qëllim që të rrisim mundësitë për lokalizimin dhe gjetjen sa më të shpejtë të z. Xhafer Raqi.”

Sipas të dhënave, i moshuari vuan nga demenca dhe është larguar nga banesa rreth orës 08:00 të së enjtes.

Familjarët kanë apeluar që çdo person që mund të ketë informacion për vendndodhjen e tij të kontaktojë në numrin +383 44 737 900.

The post Shoqata e Kërkim-Shpëtimit vë në funksion dronët në kërkim të 78-vjeçarit nga Prishtina appeared first on Albeu.com.

Sipas reagimit të saj, çështjet që aktualisht po hetohen konsiderohen raste të veçanta dhe, siç thuhet, nuk pasqyrojnë punën dhe profesionalizmin e pjesës më të madhe të operatorëve të këtij sektori, të cilët ushtrojnë aktivitetin e tyre në përputhje me ligjin dhe standardet në fuqi.

Në reagim thuhet: “Shoqata e Naftëtarëve të Kosovës mbetet e përkushtuar për bashkëpunim të ngushtë me institucionet kompetente dhe mbështet çdo proces që forcon sundimin e ligjit, nxit konkurrencën e ndershme dhe rrit besimin e qytetarëve në tregun e naftës”.

Më tej, Shoqata thekson se çdo shkelje e mundshme duhet të trajtohet duke u mbështetur në fakte dhe se përgjegjësia duhet të jetë individuale, pa u shtrirë si përgjithësim mbi të gjithë sektorin.

Në të njëjtën kohë, një aksion i gjerë policor kundër krimit të organizuar, i drejtuar nga Prokuroria Speciale dhe Drejtoria për Hetimin e Krimeve të Rënda dhe Krimit të Organizuar në Policinë e Kosovës, me asistimin e Doganës dhe Administratës Tatimore të Kosovës, ka çuar sot në arrestimin e 9 personave.

Me urdhër të Gjykatës Themelore në Prishtinë, gjatë këtij operacioni janë zhvilluar kontrolle në 21 lokacione.

Ky operacion është realizuar në kuadër të veprimeve procedurale hetimore, ndërsa pas mbledhjes së informacioneve dhe sigurimit të provave, ekziston dyshimi se të arrestuarit kanë funksionuar si grup i strukturuar kriminal, duke paraqitur dokumente të rreme për tatimet, si edhe duke kryer shitje dhe transaksione fiktive të derivateve të naftës.

The post Shoqata e Naftëtarëve të Kosovës përkrah hetimet dhe kërkon që sektori të mos trajtohet në mënyrë të përgjithësuar appeared first on Albeu.com.

Në fjalën e tij kreu i PDIU-së Shpëtim Idrizi tha se bëhet fjala për 200 dokumente që tregojnë se me sa programim diktatura komuniste ka vepruar mbi shqiptarët e Çamërisë.

‘Bëhet fjalë për rreth 200 mijë dokumente që tregon me sa programim diktatura ka vepruar mbi shqiptarët Çamërisë. Do ta vlerësoja shumë këtë angazhim të komunitetit bashkë me shoqatën Çamëria. Institucionet e shtetit shqiptarë është hera e parë që angazhohen direkt me ne.

Pse diktatura kishte nevojë ta bënte këtë gjë mbi shqiptarët e Çamërisë, të cilët ishin vrarë, prerë masakruar padrejtësisht lënë jashtë trungut shqiptar, pikërisht që të ekzistojë kjo Shqipëri që është sot?

Ne megjithëse kemi kaq kohë që flasim dhe themi se Çamëria është një çështje kombëtare. Veçantia e këtyre komploteve është se Enver Hoxha e quante komploti çam, duke bërë në mënyrë të programuar një sfidë që herë e herë e dëgjojmë dhe sot. Aq i programuar ishte nga sigurimi i shtetit e Çamët janë quajtur si tradhtar. Kanë qenë dy kategori shqiptarësh të margjinalizuar çamët dhe kosovarët.’- tha Idrizi.

The post Autoriteti i Dosjeve dhe Shoqata Çamëria firmosin marrëveshjen për hapjen e dosjeve të Sigurimit për Çamërinë appeared first on Albeu.com.