Sipas njoftimit të uniformave blu, aksidenti ndodhi në aksin rrugor “Çepe-Belsh”, ku kamioni përplasi motomjetin, e drejtuesi i këtij të fundit ndërroi jetë në spital.

“Specialistët e Qarkullimit Rrugor arrestuan në flagrancë shtetasin F. P., 48 vjeç, banues në Belsh, pasi dje, në aksin rrugor “Çepe–Belsh”, kamioni që ai drejtonte ka përplasur motomjetin me drejtues shtetasin E. K., 37 vjeç, banues në fshatin Seferan. Si pasojë e dëmtimeve të marra, shtetasi E. K. ka humbur jetën në spital“, njofton policia.

The post Kamioni përplasi për vdekje motoristin, arrestohet shoferi appeared first on Albeu.com.

Autobusi i linjës së Astirit u përfshi në një aksident, në zonën e Pallatit me Shigjeta në Tiranë. Aksidenti ndodhi mbrëmjen e të dielës.

Autobusi mori përpara një person me biçikletë, i cili kishte kaluar semaforin me të kuqe.

The post Aksidenti në Tiranë/ Mori përpara një person me biçikletë, arrestohet shoferi i urbanit appeared first on Albeu.com.

Mediat italiane raportojnë se pas ndeshjes, autobusi që transportonte tifozë toskanë u sulmua me gurë,- duke shkaktuar vdekjen e shoferit të dytë, i cili ndodhej në anën e pasagjerëve.

Pas ndeshjes, autobusi u largua nga arena dhe papritmas disa tifozë të ekipit Sebastiani Basket nga Rieti hodhën gurë, gurë dhe sende të tjera drejt autobusit ndërsa ai po largohej nga qyteti pas ndeshjes së luajtur në PalaSojourner.

Autobusi u godit nga gurë të hedhur në pjesën e përparme, dhe xhami i përparmë u thye nga një gur, pikërisht në lartësinë e sediljes ku shoferi me shumë gjasa ishte ulur pranë shoferit.

Xhami i përparmë është gjithashtu i çarë, por jo i thyer në anën e shoferit.

Në PalaSojourner në Rieti, gjatë ndeshjes së ligës A2 midis Pistoias dhe Sebastiani Basket Rieti, pati momente tensioni që u shuan më vonë nga ndërhyrja e sigurisë dhe forcave të rendit.

Autobusi i tifozëve të Pistoias doli nga stadiumi dhe u shoqërua nga policia në kryqëzimin e autostradës Rieti-Terni.

Tifozët e Ternit, dyshohet se e ndoqën autobusin për disa kilometra dhe më pas nisën një sulm, duke hedhur gurë dhe gurë, të cilët i kushtuan jetën shoferit.

Shërbimet e emergjencës, së bashku me disa patrulla policie dhe karabinierësh, mbërritën menjëherë për të ndihmuar.

Sebastiani Basket Rieti ka lëshuar një deklaratë në lidhje me këtë ngjarja duke u distancuar plotësisht ndërsa shpreh ngushëllimet për shoferin që humbi jetën.

“Ajo që ndodhi sonte në fund të ndeshjes kundër Estra Pistoia na lë të tronditur.

Autobusi që transportonte tifozët mysafirë, në rrugën e tij për në shtëpi, iu nënshtrua një akti të patregueshëm, duke u goditur me gurë që rezultoi në vdekjen e njërit prej shoferëve të autobusit.

Sebastiani distancohet plotësisht nga ajo që ndodhi dhe shpreh ngushëllimet dhe keqardhjen e tij më të thellë familjes së shoferit të ndjerë tragjikisht.

Kjo është një çështje shumë serioze dhe hetuesit, tek të cilët kemi besim të plotë, do të hedhin dritë mbi të.

Po flasim për ngjarje që nuk kanë të bëjnë fare me sportin dhe janë plotësisht larg vlerave që përpiqemi të mbështesim çdo ditë si klub”, tha klubi në një deklaratë.

Edhe Federata Italiane e Basketbollit i “shpreh ngushëllimet e saj më të thella dhe më të dhimbshme familjes së viktimës së sulmit të pakuptimtë ndaj autobusit që transportonte tifozët e Pistoias që ktheheshin nga ndeshja jashtë fushe në Rieti.

FIP do të monitorojë nga afër zhvillimet ligjore në këtë çështje për të marrë çdo masë të nevojshme”.

The post Ndeshja e basketbollit kthehet në tragjedi/ Sulmohet autobusi i tifozëve, ndërron jetë shoferi (FOTO) appeared first on Albeu.com.

Si pasojë e aksidentit, është plagosur drejtuesi i mjetit, i cili fillimisht është dërguar në Urgjencën e Spitalit Rajonal të Kukësit.

Për shkak të gjendjes së rëndë shëndetësore, i plagosuri është nisur drejt Tiranës për një ndërhyrje të specializuar mjekësore.

Grupi hetimor ndodhet në vendngjarje dhe po punon për sqarimin e rrethanave të aksidentit.

The post Aksident në Rrugën e Kombit, drejtuesi i mjetit në gjendje të rëndë appeared first on Albeu.com.

Një ditë pas aksidentit tragjik, ku çifti bashkëshortëve Kujtim dhe Donika Mehmeti, humbi jetën pas përplasjes së furgonit me një automjet tip “Benz”, policia ka arrestuar drejtuesin e këtij të fundit.

Sipas policisë, i riu Myfit Qejvanaj, humbi drejtimin e makinës dhe u përplas me furgonin ku ndodhej çifti i bashkëshortëve.

Ndërsa nga aksidenti ka mbetur i plagosur edhe vetë 29-vjeçari dhe pasagjeri që ndodhej në makinën e tij.

Ndërsa dy të rinjtë janë transportuar në QSUT, Tiranë, për ndihmë mjekësore të specializuar.

”Në vijim të veprimeve për dokumentimin e aksidentit të ndodhur më 30.05.2025, në rrugën e Plazhit, Borsh, ku humbën jetën dy shtetas dhe u plagosën dy të tjerë, u arrestua në flagrancë, për veprën penale “Shkelja e rregullave të qarkullimit rrugor”, drejtuesi i automjetit tip “Benz”, shtetasi M. Q., 29-vjeç, banues në Vlorë.

Nga veprimet hetimore ka rezultuar se ky shtetas, duke drejtuar automjetin tip “Benz”, ka humbur kontrollin mbi drejtimin e mjetit dhe është përplasur me një mjet të llojit furgon, që drejtohej nga shtetasi K. M., 66-vjeç, i cili së bashku me pasagjeren D. P., 70-vjeçe, ka humbur jetën në vendngjarje.

Drejtuesi shtetasi M. Q. dhe pasagjeri në automjetin e tij, shtetasi P. A., 23-vjeç, janë transportuar në QSUT, Tiranë, për ndihmë mjekësore të specializuar”, thuhet në njoftimin e policisë.

The post Aksidenti me dy viktima në Borsh, arrestohet drejtuesi i “Benz”-it appeared first on Albeu.com.

Shtetasi B. S., duke drejtuar mjetin, dyshohet se ka humbur kontrollin dhe automjeti ka dalë nga rruga, duke rënë disa metra poshtë saj.

Pavarësisht ndërhyrjes së shpejtë për transportimin e tij drejt spitalit të Traumës në Tiranë, për shkak të dëmtimeve të rënda, drejtuesi i mjetit ka ndërruar jetë gjatë rrugës.

Dibër/Informacion paraprak:

Rreth orës 10:00, në dalje të qytetit të Peshkopisë, shtetasi B.S., dyshohet se ka humbur kontrollin mbi drejtimin e automjetit dhe automjeti ka dalë nga rruga duke rënë disa metra poshtë saj.

Si pasojë e dëmtimeve të marra, drejtuesi i automjetit ka humbur jetën, gjatë transportimit për në spitalin e Traumës Tiranë.

Grupi hetimor po punon për zbardhjen e rrethanave të aksidentit.

The post Aksidenti tragjik në Dibër/ Humbi kontrollin dhe përfundoi në humnerë, humb jetën shoferi (FOTO) appeared first on Albeu.com.

Por nuk i bën letrat dhe i kthen familjes vetëm 2 mijë euro. 1500 ia mban. Pasi Fiksi interesohet, ia kthen familjes shumën e munguar.

Në Fiks Fare u ankua znj. Dhurata Zejnati, e cila kërkoi ndihmë për problemin e saj. Shoferi i autobuzit Athinë -Delvinë e ka mashtruar duke i marrë 3500 euro dhe si këmbim do e pajiste djalin e zonjës me dokumenta greke. ” Lekë ia dhamë morëm dokumentet, por ato dolën falco. As kontratë pune nuk i bëri sië na pati premtuar. Tani na ka kthyer mbrapsht vetëm 2000 euro dhe 1500 euro nuk na i jep. Më thotë që kam paguar gjoba ndërkohë që nuk është e vërtet” tregon znj. Dhurata.

Edhe në një audio që zonja Dhurata flet me gruan e shoferit ajo i pohon se ata e kanë ndihmuar djalin se ka qenë me gjoba. Ndërkohë që shoferi u thotë se lekët nuk i ke të humbura por do t’i rregullojë letrat greke djalit. Edhe pse djali i zonjës Dhurata ka më shumë se një vit që ndodhet në Shqipëri ai figuron sikur është në Greqi pasi pasaporta ka vetëm vulën hyrëse në shtetit fqinjë dhe jo atë të daljes.

Më pas Fiksi shkoi dhe takoi vetë gruan e shoferit që është në dijeni të situatës. Ajo prano se lekët i kanë marrë por jo për vete, por për avokaten në Greqi. Pyetjes së Fiksit se përse kthyen vetëm 2000 euro dhe jo shumë totale, gruaja e shoferit pohon se dokumentet i ktheu avokatja greke Vango (shoferi) ” Thjesht i solli këtu”. Ndërsa për 1500 eurot që nuk janë kthyer ajo përgjigjet se për qëndrimin e djalit të denoncuese pa letra në Greqi është prerë gjobë. ” Gjobën ia pagoi avokatja dhe lekët ua ktheu po ajo” pohon zonja. Pyetjes së Fiksit se a ka ndonjë mandat të pagimit të gjobës gruaja e shoferit u përgjigj thjesht “është hequr nga sistemi”.

Por zonja bie në kontraditë me veten pasi njëherë pohon se parat ia dha burri i saj avokates dhe një herë që djali i denoncuese ia dha parat avokates.

Fiksi e pyeti nëse kanë ndonjë agjenci dhe a mund të lidhin kontrata pune, por gruaja e shoferit e mohon ” s’kemi lidhje fare”.

Disa orë pasi Fiksi shkoi te zyrë ku punonte gruaja e shoferit , denoncuesja Dhurata Zejnati telefonon grupin e Fiksit dhe thotë se “shoferi Vango Zoto ia ktheu paratë djalit”./ Top Channel

The post Shoferi i autobusit i merr 3500 euro qytetarit për letrat greke, nuk ia bën dhe i mban 1500 euro appeared first on Albeu.com.

Në disa raste ne kemi denoncuar abuzimin që bëhet me makinat, karburantin dhe burimet njerëzore që paguhen nga taksat tona. Protagonistët e temave tona janë drejtues të rangjeve të ndryshme, që nga ish-ministrja e jashtme Olta Xhaçka, e cila kishte vënë në dispozicion të nënës së saj notere një makinë të ministrisë, apo ish-drejtorja e Illyrian Gard, e cila përcillte fëmijët për në shkollë me makinën e institucionit.

Raste të ngjashme ka patur me shumicë, kur drejtorë, kryetarë të bashkive apo edhe ministra, e nisin ditën duke përcjellë fëmijët në kopësht apo në shkollë, në mos vetë, përmes shoqëruesve të tyre me rrogë shteti. Kjo tendencë e abuzimit me pushtetin kishte zënë rrënjë edhe në bashkinë e Tiranës, kur vetë kryetari Erjon Veliaj çonte çdo ditë në kopësht djalin e tij.

Por ndoshta ky përdorim i aseteve shtetërore në dispozicion të fëmijëve, nuk përbën ndonjë çudi në këtë vend, kur shkelja e ligjit bëhet çdo ditë hapur.

Problemi është se nganjëherë abuzimi kthehet në ves, dhe nuk mjafton aq sa thamë më sipër, por zullumi duhet të kapërcejë çdo nivel dhe ai mjeti që shteti të ka vënë në dispozicion, duket se i rri ngushtë familjes.

Prandaj duhet një tjetër mjet shtetëror, në dispozicion. Por tani le të bëhemi konkretë.

Është e hënë, data 2 Qershor 2025, dhe kjo autoveturë e bardhë me targë AB649LD, që po del nga një garazh në Kodrën e Diellit, është pronë e bashkisë Tiranë. Shoferi në timon quhet Ladimir Kapaj, edhe ai punonjës i këtij institucioni….

Ku qëndron problemi këtu? Për ta mësuar këtë, na duhet të bëjmë 3 km deri në hyrjen e presidencës, kur nga mjeti zbret ky zotëri, i cili në realitet nuk ka aspak lidhje as me shoferin dhe as me makinën e bardhë nga e cila zbriti. Zotëria në fjalë quhet Bledi Cikopana, punonjës i kabinetit të presidentit të republikës.

Me sa duket, bashkia e Tiranës, duke parë mungesën e mjeteve për stafin e presidencës, paska vendosur të kontribuojë, me autovetura elektrike dhe me shoferë në dispozicion të punonjësve të presidencës.

Në fakt jo. Sepse përtej ironiës, zoti Cikopana është bashkëshorti i kryetares aktuale të Bashkisë së Tiranës, zonjës Anuela Ristani, dhe kjo që sapo patë nuk është diçka që ndodhi vetëm një ditë. Mjeti në fjalë është tërësisht në dispozicion të familjes së zonjës kryetare.

Në garazhin në Kodrën e Diellit dita nis herët. Shoferit personal të zonjës Ristani i bashkohet edhe kolegu i tij, i cili ka një detyrë tepër të rëndësishme, të shoqërojë familjarët.

Dy vartësit presin rreth 15 minuta deri kur secili prej tyre niset në destinacionin e paracaktuar. Njëri me makinën ngjyrë gri me targë AB338OA në dispozicion të zonjës Ristani që lëviz drejt një destinacioni të cilin do ta zbulojmë pak më vonë, dhe tjetri, që më përpara përcjell vajzën e saj në shkollë, dhe më pas kthehet dhe merr bashkëshortin… zotin Cikopana.

E gjitha kjo vajtje-ardhje e mjetit të bardhë, zgjat rreth një orë. Më pas makina parkohet tek bashkia në pritje të ndonjë pune të shpejtë për llogari të bashkisë… Por jo për shumë kohë, sepse dreka vjen dhe familjarët e kryetares duhen dërguar në shtëpi.

Është e martë, data 3 Qershor 2025… Makina e bardhë niset nga Kodra e Diellit duke kryer me përpikmëri itinerarin e paracaktuar drejt presidencës. Zoti Cikopana zbret nga makina dhe shkon drejt zyrës. Në të njëjtën kohë, shoferi i bashkisë që ai ka në dispozicion, largohet për të bërë ndonjë punë për të cilën paguhet nga taksat tona.

Tani le të kthehemi pak tek mjeti ngjyrë gri me të cilin lëviz kryetarja Ristani. Këtu nuk do të kishim diçka të pazakontë nëse çdo ditë në orën 8 të mëngjesit, qytetarja e parë e Tiranës të shkonte në zyrën e saj, me makinën e vënë në dispozicion sipas protokollit. Në realitet, itinerari është krejt i ndryshëm….

Sepse dita për zonjën Ristani nis jo në punë, por në palestër. Fundja, shëndeti mbi të gjitha. Punët në bashkinë e Tiranës po shkojnë aq mirë së fundmi, sa edhe mund të presin.

Ora shënon 9:10 minuta dhe kryetarja e bashkisë sapo ka dalë nga palestra. Tashmë me veshjen zyrtare, ajo drejtohet për në zyrë…. atje ku e presin hallet e qytetarëve.

Është dita e tretë e vëzhgimit tonë. Mjeti i bardhë është i saktë si një orë zvicerane. Në të njëjtin vend merr bashkëshortin e kryetares, për ta çuar në punë… Thuajse në të njëjtën kohë, mjeti ngjyrë gri i kryetares mbërrin përpara palestrës. Duket se zonja Ristani po ndjek një program shumë të ngjeshur me ushtrime.

Por le të kthehemi tek hyrja e presidencës, atje ku makina e bardhë sapo ka mbërritur. Në përballjen me ne, bashkëshorti i kryetares ka preferuar heshtjen, ndërkohë që mjeti i bardhë i drejtuar nga punonjësi i bashkisë, Ladimir Kapaj, është larguar menjëherë.

Por ndoshta zonja kryetare mund të ketë mirësinë që të na sqarojë se pse një makinë e bashkisë së Tiranës vihet tërësisht në dispozicion të burrit të saj, dhe pse ajo çdo ditë shkon me një orë vonesë në zyrë, pa ndonjë shkak që lidhet me punën që bën.

Në fakt, për këtë na u desh të presim edhe një orë tjetër, deri sa ajo të dilte nga palestra. Ndërkohë, zonja Ristani e humbet toruan duke folur gjëra që nuk kishin aspak lidhje me pyetjen e thjeshtë: Pse ka vendosur një makinë të bashkisë në dispozicion të burrit, i cili punon në Presidencë?!

Meqë pas daljes nga palestra, zonja Ristani nuk na dha asnjë përgjigje, përkundrazi nisi një lumë fyerjesh, kërkuam të flasim edhe njëherë me të, kësaj radhe në dyert e bashkisë, ku me sa duket të njoftuar më parë, e prisnin një skuadër e tërë policësh.

Por sërish pa rezultatin që prisnim! Në kulmin e zemërimit, zonja Ristani na akuzon se po përndjekim fëmijën e saj, ndërkohë që për hir të etikës, kemi hequr çdo pamje që tregon përcjelljen në shkollë të vajzës së saj me makinën e bashkisë. Sidoqoftë, ky është halli i saj dhe jo i yni.

Kur argumentet përplasen me mungesën e arsyes dhe të normave të edukatës, vazhdimi i këtij diskutimi me zonjën kryetare duket një mision tërësisht i pamundur…. Por sidoqoftë, shpresojmë që kjo që sapo patë, të shërbejë për dy gjëra.

E para, që makina e bashkisë me targë xxxxxx, dhe shoferi i saj, të rikthehen në punët e përditshme të këtij institucioni, pa u detyruar të vihen çdo ditë në shërbim të bashkëshortit të kryetares.

Dhe e dyta, që kjo e fundit, ta shtyjë orarin e palestrës për më vonë, dhe të rikthejë prioritetet që ka kryeqyteti…. sepse banorët e Tiranës nuk i kanë asnjë borxh kësaj zonje… përkundrazi…/ Syri.net 

The post Kryetarja e Bashkisë Tiranë i vë burrit në dispozicion makinën dhe shoferin e institucionit që drejton! ‘Shpërthen’ para kamerave: Legena, maniakë… appeared first on Albeu.com.

Njoftimi i policisë:

“Rreth orës 23:35, të datës 01.04.2025, në autostradën Milot-Morinë, automjeti tip “Benz” ”, i drejtuar nga shtetasi A.K., 50-vjeç, banues në Tiranë, ka dalë nga rruga.

Si pasojë ka humbur jetën drejtuesi i automjetit si dhe pasagjeri që ndodhej në automjet, shtetasi F.Gj., 35-vjeç, banues në Kukës.

Grupi hetimor po punon për zbardhjen e plotë të rrethanave dhe shkakut të daljes nga rruga të automjetit”.

The post Aksident i rëndë në autostradën Milot-Morinë/ Makina del nga rruga, humb jetën shoferi dhe pasagjeri appeared first on Albeu.com.

Si pasojë e goditjes, Mercedes Benz-i, ka marrë flakë menjëherë, duke bërë që katër të rinjtë që udhëtonin në të, të digjeshin tërësisht.

Ndërkohë, drejtuesi i betonieres pas aksidentit është larguar nga vendi i ngjarjes, ndërsa pas kontrolleve është gjetur dhe shoqëruar nga policia për veprime të mëtejshme.

Tiranë/Informacion paraprak

Më datë 19.03.2025, rreth orës 23:50, në Fushë-Prezë, nga shërbimi i qarkullimit rrugor është konstatuar një automjet i cili kishte marrë flakë dhe para tij qëndronte një automjet betoniere.

Nga hetimet e kryera me qëllim zbardhjen e ngjarjes rezultoi se automjeti drejtohej nga shtetasi E. L., 25- vjeç dhe dyshohet se është përplasur me automjetin betoniere të drejtuar nga shtetasi A. K., 24-vjeç, i cili pas aksidentit ishte larguar nga vendi i ngjarjes.

Si pasojë e përplasjes dhe përfshirjes së automjetit nga flakët kanë ndërruar jetë drejtuesi i automjetit E. L., 25-vjeç dhe 3 pasagjerët në mjetin e tij E. L., 20-vjeç, E. K., 24-vjeç dhe A. L., 22-vjeç.

Në vijim të veprimeve u shoqërua për veprime të mëtejshme drejtuesi i automjetit betoniere shtetasi A. K, 24-vjeç.

Nën drejtimin e Prokurorisë vijojnë hetimet me qëllimin dokumentimin e plotë të ngjarjes.

The post Aksident i rëndë në Fushë-Prezë/ Makina përplaset me betonieren, digjen plotësisht katër të rinj (FOTO) appeared first on Albeu.com.