Shumë qytetarë janë shqetësuar se çdo parkim dysh mund të çojë automatikisht në ndjekje penale.

Çfarë është parkimi “dysh”?

Bëhet fjalë për situatën kur një automjet ndalon ose parkohet në rrugë, pranë një mjeti tjetër që është tashmë i parkuar anash trotuarit apo buzë rrugës.

Kjo sjell shpeshherë ngushtim të korsisë dhe vështirësi në qarkullim, por jo çdo rast konsiderohet automatikisht i dënueshëm penalisht.

Kur parkimi dysh kthehet në vepër penale?

Sipas burimeve të “News24” nga Policia e Shtetit, parkimi i dyfishtë do të konsiderohet vepër penale vetëm në raste specifike dhe të mirëpërcaktuara, kur ai:

Pengon qartazi dhe në mënyrë të drejtpërdrejtë lëvizjen e automjeteve të emergjencës si ambulanca, zjarrfikëse, mjetet e policisë apo shërbime të tjera të institucioneve.

Bllokon tërësisht rrugën, duke e bërë të pamundur kalimin e mjeteve të tjera.

Shkakton bllokim total të rrugës për këmbësorët, duke u bërë pengesë serioze për sigurinë publike.

Në këto raste të rënda, policia nuk do të mjaftohet me vendosjen e një gjobe administrative, por do të nisë procedurat për ndjekje penale, sipas nenit 293 të Kodit Penal, që parashikon:

“Pengimi i qarkullimit të mjeteve të transportit, vënia e pengesave dhe ndalimi me çdo mjet e mënyrë i qarkullimit të mjeteve të transportit automobilistik, hekurudhor, ujor apo ajror, dënohet me gjobë ose me burgim deri në tre vjet”.

Çfarë ndodh pas konstatimit nga policia?

Nëse një efektiv i qarkullimit rrugor konstaton një rast që përputhet me kriteret e mësipërme, ai nuk do të marrë vetë vendimin për ndjekje penale, por do ta referojë rastin në prokurori.

Organet e akuzës, pas shqyrtimit të pamjeve filmike, dëshmive dhe çdo prove tjetër të mbledhur, do të vendosin nëse drejtuesi i mjetit duhet të ndiqet penalisht.

Kjo do të thotë se çdo rast do të vlerësohet në mënyrë të veçantë, dhe vendimi për të ngritur një akuzë penale nuk është automatik, por i mbështetur në prova dhe rrethana konkrete.

Çfarë ndodh në rastet e zakonshme?

Në pjesën më të madhe të rasteve të parkimeve dysh, pra kur nuk ka pasoja të rënda për qarkullimin apo sigurinë, policia do të vijojë me masat administrative, ashtu si deri më sot, duke vendosur gjobë sipas Kodit Rrugor nga 1 mijë deri në 3 mijë. Kjo përfshin edhe vendosjen e bllokuesve të gomave dhe heqjen me karrotrec.

The post Parkimi “dysh”/ Vepër penale që dënohet me burg, ja çfarë rrezikojnë shoferët appeared first on Albeu.com.

“Rikthimi në autoshkollë është e vetmja alternativë për ata që ne i konsiderojmë kontingjent shkelësish të rëndë të rregullave të qarkullimit, përsëritës në sjellje që rrezikojnë ata vetë dhe të tjerët në rrugë”, thekson DPSHTRR.

DPSHTRR, apelon drejtuesit e mjeteve të respektojnë normat e qarkullimit rrugor, sepse nëse humbasin të gjitha pikët, do të rikthehen në autoshkollë dhe më pas nën monitorim të rreptë do të rifitojnë patentën.

The post E frikshme/ Vetëm 234 persona, ose 12.9 % e shoferëve rimorën patentën pas humbjes së pikëve appeared first on Albeu.com.

Në këtë aks, shpejtësia maksimale e lejuar është deri në 90 km/h, por dy drejtuesit janë konstatuar duke lëvizur gati me dyfishin e kësaj shpejtësie të lejuar.

Njëri prej tyre, po udhëtonte në këtë aks me 171 km/h dhe tjetri me 181 km/h.

Policia Rrugore, u bën apel drejtuesve të mjeteve që t’i thonë ‘Stop shpejtësisë’ dhe të respektojnë rregullat e qarkullimit rrugor.

“Mos udhëtoni më shpejt se jeta! 171 km/h deri në 181 km/h në aksin rrugor Durrës -Tiranë, ku shpejtësia e lejuar është 90 km/h.

Shpejtësi që rrezikojnë seriozisht jetën e përdoruesve të rrugës.

Njësia Operacionale e Drejtorisë së Policisë Rrugore ka ndaluar dhe ndëshkuar drejtuesit e mjeteve me masa maksimale dhe zbritje deri në 8 pikë nga Leja e Drejtimit.

Stop shpejtësisë! Mos rrezikoni jetën tuaj dhe të përdoruesve të tjerë të rrugës! Policia Rrugore apelon për të gjithë drejtuesit e mjeteve për zbatim me rigorozitet të rregullave të qarkullimit rrugor”, njofton Policia Rrugore.

Të gjitha akset rrugore nacionale dhe qendrat urbane monitorohen me mjete inteligjente nga Njësia Operacionale e Drejtorisë së Policisë Rrugore dhe Policia Rrugore vendore në çdo qark.

The post Mos udhëtoni më shpejt se jeta/ Me 181 km/h në aksin Durrës-Tiranë, Rrugorja ndëshkon shoferët appeared first on Albeu.com.

Në një javë, 6 persona janë proceduar, pasi 3 prej tyre janë konstatuar duke drejtuar mjetin në gjendje të dehur dhe 1 nën efektin e lëndëve narkotike.

Për një shofer ka nisur hetimi pasi ka tentuar të korruptojë punonjësit e policisë, ndërsa një tjetër drejtonte mjetin në gjendje të dehur.

MASAT ADMINISTRATIVE:

10.327 masa në total, mesatarisht 1.475/ditë:

121 për xhama të zinj

419 për tejkalim shpejtësie

331 për parakalim të gabuar

597 për përdorim celulari

797 për pa rrip sigurimi

283 për pa kaskë

621 për mosdhënie përparësi këmbësorëve

74 për mosrespektim Stop

49 për sjellje të këmbësorëve

6.001 për qëndrim të gabuar

1.034 masa të ndryshme

38 masa administrative me pezullim lejedrejtimi, të konvertueshme me pagesë.

42 automjete të bllokuara:

3 me targa të huaja për verifikim

30 për detyrime të palikuiduara

1 pa dokumentacio

8 spostuar me mjet ngritës/albeu.com

The post “Rrugorja” e Tiranës ndëshkon shoferët e pabindur, bllokohen 42 automjete, mbi 10 mijë gjoba appeared first on Albeu.com.

Policia bën me dije se janë ndëshkuar të gjithë shoferët të cilët përdorin xhama të errësuar mbi standardet e lejuara dhe ata të cilët kanë xhamin e parë ballor të riveshur, veprim ky i ndaluar.

“Kujdes! Siguria në rrugë fillon nga respektimi i rregullave! Mos lejoni që një zgjedhje e gabuar t’ju kushtojë gjobë”, është apeli i uniformave./albeu.com

The post Vëmendje! Xhama të zinj në makina, policia ndëshkon me gjoba të majme shoferët appeared first on Albeu.com.

Ndërkohë policia e Korçës ka njoftuar se shoferët duhet të bëjnë kujdes me ndezjen e dritave në mënyrë që të shmangin aksidentet.

Zona të ndryshme të juglindjes sidomos akset nacionale përgjatë një jave kanë patur prezencë të shtuar te mjegullës./albeu.com

The post Korça mbulohet nga mjegulla e dendur, fluks makinash drejt qytetit turistik appeared first on Albeu.com.

Gjithashtu është arrestuar edhe një shtetas 22-vjeçar në Tiranë pasi drejtonte mjetin nën efektin e lëndëve narkotike.

Njoftimi i policis:

Tiranë/Një tjetër drejtues mjeti vihet në pranga për drejtim mjeti nën efektin e lëndëve narkotike.

32 leje drejtimi të pezulluara për shpejtësi deri në 200 km/h.

Policia Rrugore e Tiranës vijon kontrollet intensive në akse të ndryshme rrugore, me të gjitha mjetet logjistike bashkëkohore që ka në dispozicion.

Kontrollet, me qëllim parandalimin e shpejtësisë tej normave të lejuara, ndalimin e drejtuesve të mjeteve që drejtojnë mjetet, nën efektin e alkoolit, në gjendje të dehur ose pa leje drejtimi, atyre që përdorin celularin gjatë drejtimit të mjetit, si dhe të drejtuesve të motomjeteve që drejtojnë motomjetet, pa kaskën mbrojtëse.

Si rezultat i kontrolleve parandaluese, në rrugën “Dervish Hima”, është ndaluar dhe arrestuar në flagrancë shtetasi K. B., 22 vjeç, i cili pas kryerjes së testit me AquilaScan rezultoi se drejtonte mjetin, nën efektin e lëndëve narkotike.

Gjithashtu, gjatë kontrolleve me makinën inteligjente janë evidentuar shpejtësi që arrijnë deri në 200 km/h.

Gjate 24 orëve të fundit janë pezulluar 32 leje drejtimi nga 1 deri në 5 muaj.

Janë ndëshkuar me masë administrative:

184 drejtues mjetesh për përdorim celulari;

167 për mospërdorim të rripit të sigurimit;

156 për shpejtësi mbi normat e lejuara por pa sanksionin e pezullimit të lejes së drejtimit;

133 për parakalime të gabuara dhe mosdhënie përparësie këmbësoreve;

87 drejtues motomjetesh për mosvendosje të kaskës mbrojtese;

6 drejtues për gara shpejtësie.

Policia Rrugore e Tiranës apelon për të gjithë përdoruesit e rrugës që të respektojnë me rigorozitet rregullat e qarkullimit rrugor dhe fton qytetarët që të denoncojnë në numrin 112 dhe në Komisariatin Dixhital, çdo shkelje të rregullave të qarkullimit rrugor./albeu.com

The post Policia i bën gjëmën shoferëve, 32 leje drejtimi të pezulluara, arrestohet 22-vjeçari në Tiranë (VIDEO) appeared first on Albeu.com.

Gjithashtu raportohet për dëme të mëdha materiale. Policia ndodhet në vendngjarje./albeu.com

The post Aksident i trefishtë në Shkodër, tre të lënduar appeared first on Albeu.com.

Një sondazh i ri, i kryer në vendet europiane, zbulon se 79% e tyre kanë mendim negativ për shoferët e tjerë nëpër rrugët e qyteteve të tyre, por sigurisht, 97% mendojnë se vetë janë shoferë të mirë.

Studimi u realizua nga kompania Ipsos, me 12400 shtetas të vendeve europiane, në mars 2002, për llogari të “Vinci Autoroutes”, firmës që administron autostradat franceze.

42% e polakëve thanë se në vendin e tyre ngarja e makinës bëhet nën moton “secili për vete”. Të njëjtin perceptim për veten e kishin vetëm 7% e spanjollëve. Ndërkohë, 25% e britanikëve pretendojnë se kur janë në timon, dalin nga vetja.

Sondazhi del gjithashtu në përfundimin se paragjykimet për kombësitë e ndryshme, shpesh, dalin të vërteta. Vetëm 16% e italianëve thanë se bashkëkombësit e tyre janë të sjellshëm në timon, ndërsa 14% e francezëve pranojnë se janë të stresuar kur ngasin makinën. Ndërsa 68% e britanikëve thanë se bashkëkombësit e tyre janë të kujdesshëm teksa ngasin makinën.

Të pyetur për të gjykuar sjelljen e shoferëve nga shtete të tjera, gjërat ndryshojnë. Gjermanët thanë se vetëm 30% e shoferëve të shteteve të tjera ishin agresivë në timon. Më kritikët ishin spanjollët dhe britanikët, 70% e të cilëve thanë se shoferët e vendeve të tjera kishin probleme.

Sidoqoftë, vendin e parë për ankesa e mbajnë grekët, të cilët thonë se 91% e shoferëve europianë nuk e ngasin makinën si duhet.

Grekët gjithashtu renditen në vend të parë për përdorimin e telefonit në timon, pasi 77% e tyre pranuan se bëjnë telefonata teksa ngasin makinën, ndërsa 83% pranuan se përdorin telefonin për veprime të tjera. Në vend të fundit për këtë kategori, renditen spanjollët, 62% e të cilëve pranojnë se përdorin telefonin në timon.

Grekët gjithashtu u renditën të parët për ngarje të makinës në mënyrë të rrezikshme. 30% e tyre pranojnë se i japin makinës me shpejtësi, kalojnë semaforin me të kuqe, nuk ngadalësojnë kur ka punime në rrugë dhe nuk mbajnë distancë sigurie mes makinave.

Sondazhi u publikua në prag të pikut të sezonit turistik në Greqi, ku pushues nga e gjithë Europa dhe bota mblidhen në rrugët – shpesh të ngushta – të ishujve dhe qyteteve bregdetare greke.

The post Nuk janë shqiptarët, njihuni me shoferët më të këqij në Europë appeared first on Albeu.com.

Policia britanike ka vënë në pranga katër anëtarë të një bande e cila merrej me futjen e paligjshme te emigrantëve në territorin britanik.

Nga hetimet e kryera, u zbulua se trafiku kryhej nga Belgjika dhe Franca.

Gul Wali Jabarkhel, 33 vjeç nga Cricklewood, përdorte berberin e tij si një pikëtakim ku bëhej rekrutimi i shoferëve të kamionëve, të cilët më kryenin dërgimin në Britani të emigrantëve të paligjshëm.

Jabarkhel dyshohet se ka lidhje me banda shqiptare të trafikut të qenieve njerëzore. Ai dyshohet se në vitin 2020 i ofroi një shoferi 2500 paund për çdo person të kontrabanduar nga Franca ose Belgjika, ndërsa pagesa do të kryhej pas përfundimit të operacionit.

Jabarkhel hezitonte të kontrabandonte më shumë se pesë emigrantë në të njëjtën kohë për shkak të rrezikut të zbulimit, por donte të siguronte një marrëveshje të vazhdueshme me shoferët të cilët do të kryenin kalimin e personave deri në tre herë në muaj.

Jabarkhil dhe ortaku i tij Baz Mohammed, e braktisën për një kohë aktivitetin e paligjshëm duke u kthyer në Afganistan, por se u rikthyen në Britani pavarësisht përpjekjeve të autoriteteve britanike për të parandaluar një gjë të tillë.

Ndalimi për të hyrë në Britani ishte i vështirë, për shkak të dijenisë që këto dy persona kishin mbi rrugët e hyrjes së vend.

The post Përdornin berberin për të rekrutuar shoferët, Britania godet grupin kriminal të lidhur me bandat shqiptare appeared first on Albeu.com.