1. Shkakton dhimbje të menjëhershme koke

Ashtu si akullorja që nganjëherë “godet” kokën me dhimbje të papritur, edhe uji shumë i ftohtë mund të shkaktojë të njëjtin efekt. Kjo ndodh për shkak të stimulimit të nervave të ndjeshëm në pjesën e pasme të qafës dhe shtyllës kurrizore, duke shkaktuar dhimbje akute të përkohshme.

2. Nxit dehidratim, jo hidratim

Duket kundërintuitive, por uji i akullt mund të ngadalësojë përthithjen e lëngjeve. Trupi duhet fillimisht ta sjellë ujin në temperaturën e tij para se ta përdorë për funksionet hidratuese, duke vonuar procesin dhe nganjëherë duke e ngatërruar ndjesinë e etjes.

3. Ul ritmin e zemrës

Një konsum i befasishëm i ujit shumë të ftohtë mund të stimulojë nervin vagus, i cili ndikon drejtpërdrejt në ritmin e zemrës. Si reagim mbrojtës, zemra ngadalësohet përkohësisht, duke krijuar ndjesi marramendjeje apo rënie të energjisë, transmeton Telegrafi.

4. Pengon tretjen normale

Temperaturat e ulëta çojnë në tkurrjen e enëve të gjakut në stomak dhe zorrë, duke ngadalësuar qarkullimin dhe duke reduktuar efektivitetin e enzimeve tretëse. Rezultati? Fryrje, dhimbje barku, ndjesi të pakëndshme apo vështirësi në përpunimin e ushqimit.

5. Rrit prodhimin e mukusit dhe mund të irritojë fytin

Një lëng i ftohtë stimulon prodhimin e tepërt të mukusit në fyt, si reagim i trupit për ta “ngrohur” atë. Kjo mund të çojë në ndjesi irritimi, zë të ngjirur apo dhimbje fyti të ngjashme me ato që përjetojmë në dimër.

6. Ju lodh më shumë se sa mendoni

Edhe pse fillimisht ju freskon, trupi shpenzon energji shtesë për të sjellë temperaturën e ujit të ftohtë në nivel normal. Kjo përpjekje metabolike e panevojshme, në periudha të përsëritura, mund të ndikojë në ndjenjën e lodhjes ose mungesës së energjisë gjatë ditës.

7. Rrezik për kapsllëk dhe ngadalësim të lëvizjes së zorrëve

Uji i ftohtë mund të ndikojë në ngurtësimin e ushqimit që ndodhet në sistemin tretës dhe të shkaktojë tkurrje të zorrëve, duke e bërë më të vështirë për trupin të lëvizë masën ushqimore në mënyrë të natyrshme, një nga shkaqet e zakonshme të konstipacionit.

Çfarë të bëni në vend të kësaj?

Zgjidhja nuk është të shmangni ujin, përkundrazi, hidrimi është thelbësor, sidomos në verë. Por në vend të ujit me akull, zgjidhni ujë në temperaturë ambienti ose të ftohur lehtë. Është më i sigurt për tretjen, zemrën dhe energjinë tuaj.

The post Zbuloni arsyet se pse duhet të shmangni ujin me akull në verë appeared first on Albeu.com.

Sipas njoftimit zyrtar, 3 prej të arrestuarve, përfshirë një shtetas italian, janë ndaluar me masën e sigurisë “arrest në burg”, ndërsa një tjetër është vendosur në “arrest shtëpie”.

Po ashtu, me vendim të Gjykatës së Elbasanit të datës 2 qershor 2025, është vendosur sekuestro preventive mbi 7 subjekte tregtare (fasoneri) dhe 12 llogari bankare të lidhura me këto biznese.

Hetimet kanë zbuluar se të arrestuarit kanë bashkëpunuar për të çuar qëllimisht në faliment këto subjekte, duke synuar shmangien e taksave dhe detyrimeve tatimore ndaj shtetit.

-caktimin e masës së sigurisë “Arrest në burg”, për:

shtetasin Algert Kau, 40-vjeç, i cili u kap nga shërbimet e Komisariatit të Policisë Nr. 4, Tiranë;
shtetasin italian Giuseppe Lamachia 60-vjeç, i cili u kap në PKK Rinas, në dalje të Shqipërisë;
shtetasen Zyhra Kreci, 27-vjeçe, të tre me detyrë administratorë subjektesh;

-caktimin e masës së sigurisë “Arrest në shtëpi”, për shtetasen E. S., 31-vjeçe, me profesion ekonomiste, të katërt për veprat penale “Mospagimi i taksave dhe tatimeve”, “Falimentimi i provokuar”, “Mashtrimi”, “Shpërdorimi i kompetencave” dhe “Fshehja e të ardhurave”;

-vënien e sekuestros preventive mbi 7 subjekte (fasoneri) dhe 12 llogari bankare të tyre.

Nga hetimet dyshohet se këta shtetas kanë bashkëpunuar për çuarjen në gjendje falimenti, 7 fasoneri, për të shmangur taksat dhe tatimet.

Vijojnë hetime për të identifikuar dhe nxjerrë para përgjegjësisë penale, shtetas të tjerë të implikuar në këtë veprimtari kriminale.

Materialet procedurale iu referuan Prokurorisë së Elbasanit, për veprime të mëtejshme.

The post Falimentuan 7 fasoneri për të shmangur taksat/ Caktohen masa sigurie për 4 persona (EMRAT) appeared first on Albeu.com.

Përfaqësuesit demokratë, deputeti Oerd Bylykbashi dhe drejtuesi politik për qarkun e Korçës, Ivi Kaso i kanë kërkuar kryeprokurorit hartojë një plan masash me qëllim ndaljen apo tkurrjen e këtyre krimeve.

Në një deklaratë për mediat pas takimit, Bylykbashi theksoi se kjo prokurori mbulon gamën më të madhe të krimeve zgjedhore dhe duhet të veprojë tani në mënyrë konkrete dhe jo pas zgjedhjeve.

“Dominancën e çështjeve e mbulon kjo prokurori dhe me fokus përdorimin masiv të shtetit, shtet elektoral. Prokurori i përgjithshëm është ai që i ndjek këto çështje. Kërkuam që prokurori të ketë plan masash të qartë, tani, pa vonesë, që të kemi veprim efikas dhe të mos mbetet në aspektet deklarative aq më shumë pas zgjedhjeve. Kuadri ligjor i jep mundësi të mëdha sistemit të prokurorisë për të goditur paraprakisht krimin zgjedhor si atë të që po ndodh këtu dhe në diasporë. Dhe ajo që presim është të veprojë pa hezitim. Ka ikur koha e fjalëve, është koha e ndërhyrjeve të drejtpërdrejta nga prokuroria. Nëse do të ketë masa efektive shumë veta do të jenë të prirur të ndalen dhe mos kryejnë këto krime zgjedhore”.

Bylykbashi theksoi se ka marrë premtim për angazhim nga kryeprokurori Çela, por sipas tij njerëzit presin faktet.

Ai tha se opozita do ta furnizojë prokurorinë me kallëzime penale konkrete dhe pret goditje pas tyre.

“Prokurori na ekspozoi vështirësitë që ka sistemi i prokurorisë në lidhje me ndjekjen efikase, por njerëzit duan rezultate. Na premtoi angazhim të dukshëm. Ne presim faktet dhe jemi të gatshëm ta furnizojmë prokurorinë me kallëzime penale konkrete dhe presim që pas tyre të ketë goditje efikase që ta rrudhë krimin zgjedhor. Ajo që do të ndodhë, nuk duhet të jetë ajo që ka ndodhur deri më sot”.

Një tjetër shqetësim që zyrtarët demokratë ndanë me prokurorin e Përgjithshëm, është edhe përfshirja e policisë në zgjedhje, e cila sipas Bylykbashit duhet të goditet.

Ndërsa Task forca e ngritur nga SPAK për krimet zgjedhore, për deputetin demokrat, është e vonuar.

“Asgjë që është thjesht letër nuk i bën punë askujt. Ne kërkojmë plan masash nga prokuroria ajo që bën SPAK-u është punë e tij. Ai ka refuzuar të merret me krimin zgjedhor, ndërkohë që është ndërtuar si mekanizëm për të goditur një nga aspektet më të rënda si shitblerja e votës. Letrat nuk i duhen askujt për sa kohë nuk ka efikasitet. Janë shumë vonë, më shumë se kërcëllima e dhëmbëve janë faktet. Sa persona dënohen për krimin e korrupsion zgjedhor që ka filluar këtu dhe në Diasporë? Por siç ia kërkojmë SPAK-ut, ia kërkojmë edhe prokurorisë dhe nëse ky sistem do të funksionojë me efikasitet të lartë edhe krimi zgjedhor do të rrudhet. Kjo nënkupton që prokuroria duhet të jetë mbi kokën e Policisë së Shtetit. Edhe policia është organ i politizuar e shndërruar e tëra piramida në funksion të zgjedhjeve edhe policia duhet të ndjeje goditje për shkak të shpërdorimit të detyrës, apo çdo përfshirje tjetër në vepra zgjedhore”.

The post Zgjedhjet e 11 majit, PD i kërkon kryeprokurorit plan masash për të ndalur krimet zgjedhore appeared first on Albeu.com.

Kafeina stimulon sistemin nervor qendror, i cili aktivizon gjëndrat e djersitjes. Kështu që sa më shumë kafeinë konsumoni, aq më shumë do të djersini.

2. Konsumoni më pak ushqim pikant

Ashtu sikurse kafeina, ushqimet e pikante ( djegëse) aktivizojnë neurotransmetuesit e trurit, duke ju bërë  kështu të djersini më shumë. Capsaicin, është një kimikal i gjetur në speca djegës që të bën të djersitesh.

3. Mos u mbështetni tek deodorantët

Përderisa një deodorant do ta mbulojë një erë të keqe, një antiperspirant është ai, i cili në të vërtetë do t`ju ndaloj së djersituri. Kjo për shkak se antiperspirantët përmbajnë kripëra alumini, të cilat i mbyllin gjëndrat e djersëve dhe e pakësojnë djersën, e cila kalon nëpër trup. Fatmirësisht, në shumë farmaci tani mund të gjinden antiperspirant, të cilët përmbajnë më shumë kripëra alumini, se shumë antiperspirantë të zakonshëm. Ekspertët e dermatologjisë këshillojnë të përdoret dy herë në ditë, dhe njëherë natën.

4. Mbani freskët pjesët intime

Nënsqetullat nuk janë vendi i vetëm, i cili djersin gjatë verës, por janë edhe pjesët intime. Dermatologët këshillojnë qe të përdorni antidjersa më shumë në këto pjesë. Gjithmonë duke pasur kujdes nga irritimet, në atë rast duhet të ndaloni së përdoruri menjëherë.

5. Ndërroni veshjet

Nëse do të qëndroni për një kohë të gjatë jashtë, vishni diçka të pambuktë. Rrobat e stërvitjes që thithin djersët, gjithashtu mund të ju ndihmojnë të qëndroni pa djersitur. Nëse keni këmbë që mbajnë erë dhe djersijnë shpejt, mos mbathni këpuce të mbyllura pa çorape. Këpucët nuk ta largojnë djersën, ato janë vend i errët dhe me lagështi që krijon një vend perfekt për baterie që mbajnë erë dhe vetëm sa i bënë të shumohen. Ndërsa, çorapet, mundë ta thithin djersën para se ajo të filloj t’u jap erë të keqe këpucëve. Mbathni çorape pambuku sepse janë më efektive se çdo material tjetër në largimin e djersëve.

6. Provoni një alternativë tjetër trajtimi

Nëse ndryshimi i dietës, rrobave apo deodorantit nuk ju ndihmon ta largoni djersitjen e tepërt, atëherë flisni me një mjek. Tani ekzistojnë disa barëra dhe disa trajtime që mund t’ju ndihmojnë me problemin e djersitjes.

7. Zgjidhni të përdorni barëra

Nëse preferoni të qëndroni larg gjilpërave, mundë të provoni barëra si Glycopyrrolate që bllokon impulset e nervave të gjëndrave të djersës. Ndërsa Glycopyrrolate është efektiv dhe funksionon shpejtë, ai ka edhe efekte anësore, si mbinxehtësi, gojë të tharë dhe sy të tharë.

The post 5 mënyra për të shmangur njëherë e mirë djersitjen e tepërt dhe aromën e pakëndshme të djersës appeared first on Albeu.com.