Kompania, e cila punëson 1.5 milion njerëz në gjithë botën, ka thënë se ky shkurtim do të prekë më shumë sektorin e ruajtjes së të dhënave dhe atë të reklamimit.

Në njoftim nuk janë përmendur shtetet që do të preken, mirëpo është thënë se pozitat do të mbyllen në javët në vazhdim.

Shefi i Amazonit, Andy Jassy, e ka konsideruar vendimin si “të vështirë”, mirëpo më të mirin për kompaninë, në periudhë afatgjatë.

Në janar të këtij viti, kjo kompani ka mbyllur 18.000 vende të punës.

Jassy ka thënë se vjetëve të fundit, biznesi i Amazonit ka shtuar vazhdimisht vende të punës.

“Megjithatë, duke marrë parasysh situatën e paqëndrueshme ekonomike në të cilën jemi, dhe paqartësitë që ekzistojnë për të ardhmen, ne kemi vendosur të jemi më të kujdesshëm në shpenzimet tona”, ka thënë ai.

Sikurse shumë gjigantë tjerë teknologjikë, Amazoni ka përjetuar rritje të jashtëzakonshme në periudhën e pandemisë së koronavirusit, kur njerëzit janë bllokuar nëpër shtëpitë e tyre.

Mirëpo së fundi shkalla e shitjeve ka rënë, pasi konsumatorët kanë shpenzuar më pak, për shkak të rritjes së çmimeve.

Përveç pandemisë, në këtë rritje ka ndikuar edhe lufta e Rusisë në Ukrainë./rel

The post Amazon do të shkurtojë edhe 9.000 vende tjera të punës appeared first on Albeu.com.

Pilotët janë shkurtuar nga puna në fund të korrikut.

Dje, Reuters, duke cituar katër burime në industrinë e aviacionit, raportoi se linja ajrore ruse Aeroflot dhe linjat e tjera ajrore ruse kanë filluar çmontimin e disa avionëve për të marrë pjesë rezervë, sepse ata nuk janë në gjendje t’i blejnë ato jashtë vendit për shkak të sanksioneve të vendosura ndaj Rusisë pas pushtimit të saj në Ukrainë.

Veprimet e këtyre kompanive bazohen në rekomandimet e dhëna nga qeveria ruse për linjat ajrore në qershor. Në këtë mënyrë, avionët e prodhimit të huaj do të mund të fluturojnë të paktën deri në vitin 2025./albeu.com

The post Linja më e madhe ajrore ruse pushon nga puna 50% të pilotëve appeared first on Albeu.com.