Gjatë një diskutimi në emisionin Sports Show, në Klan Kosova, është përmendur Andi Verçani, i cili ishte pjesë e departamentit të komunikimit në FSHF.

Fejza tha se ky i fundit mund të jetë shkarkuar pasi e ftoi atë që të interpretonte këtë këngë në stadium.

“Ndoshta edhe pse bash më ka thirrë mua, e kanë shkarku, mund të jetë kjo arsyeja”, tha Shkurte Fejza.

Fejza në ‘Klan Kosova’ tha se kishte bindjen se e kishin personale me të dhe me popullin e Kosovës.

“Me të thënë të drejtën unë këto ditë e kam kuptu nga mediat dhe e kam ndje veten shumë keq. Ndoshta me thanë si çdo dashamir i kësaj kange, por edhe si çdo atdhetar i ndershëm i këtij kombi të martirizum, kjo mu ka dok shumë trishtuese, të ndalohet një këngë që e lartëson luftën dhe sakrificën e një populli.

Më kanë thirrë më 12 tetorit. Ata më ftuan dhe unë shkova, mirëpo nuk e kam taku askënd as atëherë. As faleminderit, as mirëserdhe askënd. E keqja është që prej asaj dite po më duket edhe ka fillu një luftë e papame ndaj këngës ‘Mora Fjalë’. Asnjë sekuencë nuk gjendet në faqet e federatës. Edhe pse nuk u niva mirë, nuk i kam analizu shumë dhe si duket ajo atmosfera më ka bë me i anashkalu. Tash që po e shoh, edhe nëpër studio televizive flisnin kundër këngës…

Kjo më ka irritu edhe federata, investimi i tyre për disa kangë me këngëtarë të tjerë veç me zëvendësu këngën ‘Mora Fjalë’.

Nuk di çka me thanë. Për mu është shumë dëshpruese. Une nuk e di çka, thojsha a e kanë me mu, a e kanë me kangën, a e kanë me gjithë Kosovën? Nuk merrsha vesh çka po ndodh. Ka qenë një injorim”, ka deklaruar Fejza.

The post Ndalohet “Mora Fjalë” në stadiumin “Air Albania”, reagon Shkurte Fejza: Ka qenë një injorim appeared first on Albeu.com.

Ky nderim i veçantë u bë në shenjë mirënjohjeje për kontributin e saj të jashtëzakonshëm në fushën e muzikës dhe përfaqësimin e denjë të kulturës shqiptare.

Shkurte Fejza, një nga zërat më të dashur dhe të respektuar të muzikës popullore shqiptare, ka një karrierë të pasur që përfshin pesë dekada krijimtari dhe përkushtim. Me këngët e saj, ajo ka arritur të preki zemrat e shumë shqiptarëve, duke u bërë një simbol i vlerave dhe traditave tona kombëtare. Vlerësimi me Çelësin e Tiranës është një njohje e merituar për gjithë punën dhe përkushtimin e saj të palodhur.

Në fjalën e tij, Veliaj shprehu mirënjohjen e tij të thellë për artisten, duke e cilësuar Shkurte Fejzën si një ambasadore të kulturës shqiptare. “Ky çelës simbolik i kryeqytetit është një shenjë e mirënjohjes sonë për gjithë çfarë ka bërë ajo për artin dhe kulturën shqiptare”, tha Veliaj.

Ky moment i veçantë shënon një kapitull të ri në karrierën e Shkurte Fejzës, e cila vazhdon të inspirojë dhe të ndikojë pozitivisht në breza të tërë me muzikën dhe mesazhet e saj. Koncerti për 50-vjetorin e karrierës së saj në Tiranë më 20 Qershor pritet të jetë një ngjarje e paharrueshme, ashtu si ai i 8 Qershor në Prishtinë.  Publiku në Shqipëri do të ketë mundësinë të shijojë live performancat e një prej ikonave të muzikës sonë. Ky dekorim është një dëshmi e qartë e vlerësimit të lartë që Shkurte Fejza gëzon në Shqipëri dhe më gjerë, duke na kujtuar edhe njëherë rëndësinë e ruajtjes dhe promovimit të kulturës sonë kombëtare përmes artit.

View this post on Instagram

A post shared by Erion Veliaj (@erionveliaj)

The post VIDEO/ Shkurte Fejza Dekorohet me Çelësin e Tiranës nga Erion Veliaj appeared first on Albeu.com.

Këngëtarja Shkurte Fejza ishte e ftuar mëngjesin e sotëm në studion e “Wake Up”, për të folur më shumë mbi emocionet e kësaj kënge, por dhe për koncertin e saj që do të mbahet ditën e sotme për të festuar 50 vitet e karrierës së saj.

Për këngën “Mora Fjalë” ajo u shpreh se ka sërish emocione kur e këndon.

Pyetje-Përgjigje:

Pyetje- Si ndihesh kur dëgjon që “Mora fjalë” po këndohet nga të gjithë brezat?

Fejza-Të gjithë brezat e kanë përqafuar këtë këngë që përmban luftën dhe gjithë atë sakrificë. I japin respekt sakrificës sonë prandaj dhe e duan. Edhe pas 20 vitesh prapë kam emocion kur e këndoj. Ato momente kalojnë shumë shpejt, por më kujtohet që sakrifica e familjes Jashari ka ndodhur në mars dhe fëmijët e mi e kanë ditëlindjen në mars. Për shumë kohë nuk u kam festuar dhe ditëlindjen.

Pyetje- Si ka qenë të bashkëpunosh me kompozitorin Naim Gjoshi?

Fejza-Më ka dhënë shumë këngë të bukura. Mos vdeksh kurrë o Naim Gjoshi. Kemi filluar të bashkëpunojmë me njëri-tjetrin në ’92 – ’93, me një këngë ‘Nënat Kosovare’.

Pyetje- Si po të duket kjo atmosfera e futbollit?

Fejza- Nuk po mundem ta ndal entuziazmin. Jemi të angazhuar me lojën nga mëngjesi e deri në mbrëmje. Është shumë e gëzueshme sepse pjesëmarrja është e jashtëzakonshme. Po shkon mirë e mbarë.

The post “Mora fjalë”, himni i dytë për shqiptarët, Shkurte Fejza: Kam emocion kur e këndoj appeared first on Albeu.com.

Për nder të 50 vjetëve të karrierës së saj, Shkurte Fejza do të mbajë dy koncerte të mëdha, njërin më 8 qershor në Prishtinë dhe tjetrin më 20 qershor në Tiranë.

“Me zemër plot mirënjohje, dua të falënderoj secilin prej jush – bashkëpunëtorët e mi të çmuar, miqtë, familjen, dhe veçanërisht ju, adhuruesit e këngës sime, për mbështetjen dhe dashurinë që më keni dhuruar gjatë këtyre 50 viteve karrierë. Si artiste, misioni im ka qenë gjithmonë të bashkoj zemrat e bashkatdhetarëve të mi përmes muzikës, duke promovuar vlerat kombëtare dhe rrëfimin e vuajtjeve dhe sfidave të popullit tonë në rrugën drejt pavarësisë dhe lirisë”, ka shkruar Shkurte Fejza përmes një postimi në Instagram.

“Këtë rrugëtim 50 vjeçar e kemi bërë bashkë dhe tani le ta festojmë së bashku me 8 qershor në Pallatin e Sporteve në Prishtinë dhe me 20 qershor në Pallatin e Kongreseve në Tiranë në koncertin festiv: Shkurte Fejza – 50 vjet zëri i kombit”, potencoi ajo derisa ndau lajmin me të gjithë për koncertin madhështor.

“Faleminderit juve që për 50 vjet ishit fuqia e shpirtit tim. Zoti ju bekoftë shqiptarë kudo që jeni!”.

View this post on Instagram

A post shared by Shkurte Fejza (@shkurte.fejza)

The post Shkurte Fejza jep lajmin e madh për nder të 50-vjetorit të karrierës appeared first on Albeu.com.

Koncerti është mbajtur para zgjedhjeve në Maqedoninë e Veriut, derisa pamjet e këtij koncerti u publikuan nga vetë Fejza në llogarinë e saj në Instagram.

Në koncertin e këngëtares morën pjesë dhjetëra mijëra njerëz, të gjithë duke kënduar njëzëri këngën “Mora fjalë”, një këngë identiteti.

“Shkupi i shqiptarëve jehon kuq e zi. Zoti i bekoftë shqiptarët kudo që janë”, ishte përshkrimi i artistes shqiptare krahas videos së koncertit të madh.

View this post on Instagram

A post shared by Shkurte Fejza (@shkurte.fejza)

Shkurte Fejza, është një këngëtare tejet e njohur e zhanrit folklorik me një bagazh të madh artistik.

The post “Shkupi i shqiptarëve jehon kuq e zi, Zoti i bekoftë shqiptarët kudo që janë”, Shkurte Fejza me një koncert masiv appeared first on Albeu.com.

Përveç këndimit të himnit, për herë të parë në Kuvendin e Kosovës, kënduan dy këngëtarë.

Ilir Shaqiri performoi këngën e tij të njohur “Sërish vjen marsi”, për nder të përvjetorit të Epopesë së UÇK-së.

Pas këngëtarit Ilir Shaqiri, edhe këngëtarja Shkurte Fejza, ka kënduar në seancën solemne të Kuvendit të Kosovës këngën “Mora fjalë”.

The post Shkurte Fejza dhe Ilir Shaqiri, këndojnë në Kuvendin e Kosovës në nder të Adem Jasharit (VIDEO) appeared first on Albeu.com.

Në media po qarkullon edhe foto nga momenti i aksidentit, ku Hajrushi shihet i plagosur, ndërsa Shkurte Fejza është pranë tij.

Mësohet se për fat të mirë gjendja e tij është e mirë, por ndodhet në spital për të marrë kurimin e duhur.

Ndërkohë, nuk ka ende një njoftim nga policia.

The post Aksidentohet bashkëshorti i këngëtares Shkurte Fejza (FOTO) appeared first on Albeu.com.

Ajo është e ftuara speciale për të kënduar “Mora fjalë” e shndërruar tashmë në një himn për tifozët shqiptarë që pritet edhe sot në ndeshjen me Çekinë të mbushin shkallët e stadiumit.

Kënga ikonike i dedikohet luftëtarit legjendar të UÇK-së, Adem Jashari.

Surprizë e veçantë do të jetë edhe dhurimi i plisave/qelesheve për të gjithë tifozët që do të jenë të pranishëm në stadium.

Ky është teksti i këngës “Mora fjalë”:

Mora fjalë, mora fjalë e mora vargun

Mora qarkun me i thur’ kangë

Me i thur’ kang’ bash legjendarit, t’i këndoj

T’i këndoj Adem Jasharit, t’i këndoj

Tash sa vjet

Tash sa vjet s’e sheh Prekazin dhe Reçakun, tash sa vjet

Tash sa vjet s’e sheh Drenicën, tash sa vjet

Tash sa vjet dhe Mitrovicën, tash sa vjet

Çohu Adem

Çohu po të thonë zogjtë e malit dhe bilbilat

Çohu Adem

Po thonë lulet, trëndafilat, çohu Adem

Po thonë kangët, thonë dhe trimat, çohu Adem

Çohu shpejt, çohu shpejt, mos rri te varri

Thotë nanë lokja, çohu se mjaft

Ta flladiti ballin toka, çohu se ty

Të kërkon e tanë Kosova, ty Adem

Mora fjalë, mora fjalë e mora vargun

Mora qarkun me i thur’ kangë

Me i thur’ kang’ bash legjendarit, t’i këndoj

T’i këndoj Adem Jasharit, t’i këndojE t’i them

E t’i them se gjaku i tij është vet’ liria që ka ardh’

Në Kosovë e brigjev’ Drinit, kjo liri

Ia flladiti ballin trimit, ia flladit

E t’i them

E t’i them se gjaku i tij është vet’ liria që ka ardh’

Në Kosovë e brigjev’ Drinit, kjo liri

Ia flladiti ballin trimit, ia flladit

E t’i them

E t’i them se gjaku i tij është vet’ liria që ka ardh’

Në Kosovë e brigjev’ Drinit, kjo liri

Ia flladiti ballin trimit, ia flladit

The post “Mora fjalë…”, Shkurte Fejza do të elektrizojë stadiumin “Air Albania” me këngën legjendare për Adem Jasharin appeared first on Albeu.com.

Këngëtarja festons ot ditëlindjen dhe mbush 61 vjeç. Por pavarësisht moshës, këngëtarja duket në super formë dhe vazhdon të jetë prezentë me koncerte e projekte muzikore.

Krijuesja e dhjetëra hiteve, ashtu si edhe çdo artist është tejet aktive në rrjete sociale.

Në foton e mësipërme, Shkurte Fejza është me bashkëshortin e saj prej 37 vitesh Hajrush Behluli.

Ata kanë 4 fëmijë bashkë. Këngëtarja shpesh herë publikon portrete familjare në profilet e saj në rrjetet sociale.

The post Feston sot 61-vjetorin e lindjes, e gjeni dot për cilën këngëtare shqiptare të mirënjohur bëhet fjalë (FOTO LAJM) appeared first on Albeu.com.

Arbri dhe Erza sonte i kanë thënë po-në e madhe njëri tjetrit.

Më poshtë shikoni pamje nga momenti i kurorëzimit të çiftit të ri.

The post Gëzim në familjen e Shkurte Fejzës, këngëtarja marton djalin (FOTO LAJM) appeared first on Albeu.com.