“Nuk besoj se do të ketë mundësi për destabilizim… Unë jam person që i respektoj ligjet dhe kushtetutën dhe nuk pres që kushdo qoftë që merr pagë dhe shfrytëzon privilegjet e qytetarëve këtu tek ne, të mos i respektoj ligjet e Maqedonisë dhe Kushtetutën e Maqedonisë.

Ndoshta edhe mua më paraqet problem diçka që është bërë në të kaluarën me Kushtetutën, dhe sado që të mos pajtohem dhe të jem kundër, siç është përdorimi i mbiemrit “E Veriut”, unë derisa ta ushtroj këtë funksion do të qëndroj para kësaj shenje, sepse nuk dua që në këtë mënyrë ta lëndoj Kushtetutën e Maqedonisë dhe Ligjet e Maqedonisë, kjo është kjo.

Ndonjëherë realiteti mund të mos ju pëlqej, por ju duhet ta pranoni atë realitet, në rast se vërtet luftoni për sundimin e së drejtës. Ndonjëherë në jetë gjërat shkojnë ashtu siç ju dëshironi, por ndonjëherë nuk janë ashtu siç ju i dëshironi.

Nuk është kjo një tryezë suedeze që të mund të marrim atë që na pëlqen, ajo që nuk na konvenon ta lëmë anësh”, deklaroi Mickoski

Ai kujtoi edhe njëherë se ekzistojnë disa struktura të cilat për ta mbrojtur kapitalin e tyre të fituar në mënyrë kriminale janë në gjendje të bëjnë gjithçka përfshi edhe destabilizimin e vendit.

“Ka disa struktura në shoqëri të cilat kanë për qëllim që të mbrojnë kapitalin e tyre të fituar në mënyrë kriminale, që të shkaktojnë incidente dhe shkaktojnë destabilizim, por në rast se kjo ndodhë ne do të reagojmë në mënyrë objektive në drejtim të mbrojtjes së sigurisë së vendit tonë”, u shpreh Mickoski.

The post SHKUPI PO ZIEN/ Mickoski i vendosur për “ta fshirë” shqipen dhe paralajmëron shqiptarët: Edhe mua më pengon “E Veriut”, por… Mos tentoni destabilizimin appeared first on Albeu.com.

Sipas tij, është e drejta jonë themelore që të quajnë vendin Maqedoni.

“Ne presim të kemi marrëdhënie të mira dhe të shkëlqyera fqinjësore. Vlerësoj që VMRO-ja dhe qeveria greke e udhëhequr nga Demokracia e Re kanë qëndrimin e tyre për Marrëveshjen e Prespës. Askush prej nesh nuk e pëlqen këtë marrëveshje”, ka komentuar Mickoski, duke e quajtur “të drejtën e tij themelore” që ta quajë vendin e tij si të dojë në diskursin publik dhe në media.

Ndër të tjera, ai i bëri thirrje Greqisë që të ndalojë sulmet – siç i cilësoi ai – kundër vendit të tij dhe nëse ka ndonjë problem, të shkojë në gjykatën e Hagës.

Greqia ka ngritur alarmin se liderët e rinj të Maqedonisë së Veriut po shkelin marrëveshjen e Prespës duke mos përmendur emrin Maqedonia e Veriut por thjesht Maqedoni.

Sakaq pas kryeministrit Kyriakos Mitsotakis është ministri i Jashtëm grek, Georgos Gerapetritis i cili në krah të homologut të tij çek paralajmëroi Shkupin se nuk do të bëjë asnjë lëshim dhe do të monitorojë rreptësisht situatën e Maqedonisë së Veriut.

The post NDIZET BALLKANI/ Shkupi paralajmëron “zhbërjen” e Prespës, Mickoski mesazh Athinës: Do i themi Maqedoni, e pikë! Ankohuni në Hagë! appeared first on Albeu.com.

Koncerti është mbajtur para zgjedhjeve në Maqedoninë e Veriut, derisa pamjet e këtij koncerti u publikuan nga vetë Fejza në llogarinë e saj në Instagram.

Në koncertin e këngëtares morën pjesë dhjetëra mijëra njerëz, të gjithë duke kënduar njëzëri këngën “Mora fjalë”, një këngë identiteti.

“Shkupi i shqiptarëve jehon kuq e zi. Zoti i bekoftë shqiptarët kudo që janë”, ishte përshkrimi i artistes shqiptare krahas videos së koncertit të madh.

View this post on Instagram

A post shared by Shkurte Fejza (@shkurte.fejza)

Shkurte Fejza, është një këngëtare tejet e njohur e zhanrit folklorik me një bagazh të madh artistik.

The post “Shkupi i shqiptarëve jehon kuq e zi, Zoti i bekoftë shqiptarët kudo që janë”, Shkurte Fejza me një koncert masiv appeared first on Albeu.com.

“Nga sot nuk do të jem më pjesë dhe nuk do të kryej detyrat e menaxherit të përgjithshëm te FC Shkupi. Dua të shpreh mirënjohjen e sinqert për klubin dhe pronarin e saj, Olgun Aydin për besimin dhe mundësinë që më kanë dhënë për të menaxheruar klubin. Faleminderit stafit, lojtarëve dhe të gjithë punonjësit si dhe dhe një vlerësim i veçant për grupin e tifozëve ‘Shvercerat’. I uroj klubit të vazhdoj me suksese edhe në të ardhmen” ,ka shkruar mes tjerash Emir Shabani.

Këtë post Emir Shabani e ka mbajtur ndër vite te FC Shkupi, teksa pritet se kush do të vjen në vend të tij për të udhëhequr te bardheblutë në të ardhmen. /Telegrafi/

The post FC Shkupi mbetet pa sekretar, Emir Shabani njofton largimin nga klubi i Çairit appeared first on Albeu.com.

Maqedonasi u afrua te shkodranët në merkaton e verës si një përforcim me vlera për repartin ofensiv, por në gjysmën e parë të sezonit nuk arriti të linte shenjë duke luajtur vetëm 9 ndeshje, 8 nga stoli pa shënuar asnjëherë.

Anësori 25-vjeçar rikthehet në kampioatin maqedonas ku kishte luajtur për Sileks, Tikves dhe Bregalnica Stip e tani do të veshë fanellën e kryeqytetasve.

View this post on Instagram

A post shared by Football Club Shkupi (@fcshkupi1927)

The post U largua nga Vllaznia, futbollisti prezantohet në kryeqytet appeared first on Albeu.com.

Me nga dy qytete secila, Zvicra dhe Danimarka dominojnë në dhjetë listën e parë për sa i përket kënaqësisë së njerëzve me jetën në qytetet e tyre, raporton SchengenVisaInfo.com.

Megjithëse kënaqësia në qytetet e BE-së është ulur në krahasim me vitin 2019, raporti nënvizon se ai mbetet i lartë, me nëntë në dhjetë persona të kënaqur.

Mes rënies së përgjithshme, rezultatet konfirmojnë atë që tashmë është vërejtur në vitin 2019, që janë përmirësime të konsiderueshme në cilësinë e perceptuar të jetës në qytetet në shtetet anëtare lindore.

Megjithatë, kur u pyetën për ndryshimet në cilësinë e jetës gjatë pesë viteve të fundit, shumica e të anketuarve në të gjitha qytetet e listës, duke përfshirë ato në BE, deklaruan se ajo ka mbetur e pandryshuar.

Më konkretisht, 31 për qind e banorëve deklaruan se cilësia e jetës është përmirësuar, 40 për qind treguan se nuk kishte ndryshim dhe rreth 29 për qind vunë re rënie.

Ndër të tjera, raporti nënvizoi se qytetet më të vogla perceptohen si një vend më i mirë për të jetuar në shumë aspekte, duke përfshirë sigurinë, disponueshmërinë e hapësirave publike, kujdesin shëndetësor, përballueshmërinë e banesave dhe administratat publike lokale.

Për më tepër, qytetet më të vogla konsiderohen si vende më të mira për të jetuar për të moshuarit, familjet me fëmijë të vegjël dhe emigrantët.

Rreth 89 për qind e njerëzve që jetojnë në një qytet me më pak se 250,000 banorë janë të kënaqur me jetesën në atë qytet.

Sipas këtij raporti, dhjetë qytetet kryesore që kishin numrin më të madh të banorëve të kënaqur me qytetet e tyre të jetesës janë si më poshtë:

Cyrih, Zvicër (97 për qind)
Kopenhagë, Danimarkë (96 për qind)
Groningen, Holandë (96 përqind)
Gdansk, Poloni (95 përqind)
Leipzig, Gjermani (95 përqind)
Stokholm, Suedi (95 për qind)
Gjenevë, Zvicër (95 për qind)
Rostock, Danimarkë (94 përqind)
Cluj-Napoca, Rumani (94 përqind)
Braga, Portugali (94 përqind)

Midis tyre, Groningen, Braga dhe Gdansk janë ndër dhjetë qytetet kryesore që konsiderohen si më të mirat për të jetuar edhe për emigrantët.

Qytetet e tjera që konsiderohen si vendet më të mira për të jetuar për emigrantët përfshijnë Cardiff (Mbretëria e Bashkuar), Lisbona (Portugali), Barcelona (Spanjë), Tyneside (Mbretëria e Bashkuar), Hamburg (Gjermani), Helsinki (Finlandë) dhe Glasgow (Mbretëria e Bashkuar).

Nga ana tjetër, qytetet që kanë marrë pikët më të ulëta për sa i përket kënaqësisë së njerëzve me jetën në qytetin e tyre janë Palermo (Itali), Athina (Greqi), Stambolli (Turqia), Tirana (Shqipëri), Napoli (Itali), Beogradi (Serbi), Roma (Itali), Shkupi (Maqedonia e Veriut), Miskolc (Hungari) dhe Podgorica (Mali i Zi).

Raporti përfshin 83 qytete në të gjithë BE-në, vendet e Shoqatës Evropiane të Tregtisë së Lirë (EFTA), Mbretërinë e Bashkuar, Ballkanin Perëndimor dhe Turqinë. Ai përmban të dhëna nga 71,153 intervista dhe një listë prej të paktën 839 banorësh u intervistua në çdo qytet, midis janarit dhe prillit të këtij viti.

Raporti i mëparshëm, i cili u botua në vitin 2020, tregoi gjithashtu se nëntë në dhjetë njerëz në Evropë janë të kënaqur me jetën e tyre në qytet dhe se banorët ndiheshin më të sigurt edhe në qytetet më të vogla në atë kohë.

The post Shkupi mes 10 qyteteve europiane me banorë të pakënaqur me kushtet e jetesës appeared first on Albeu.com.

Këtë deklaratë ai e bëri pas takimit që zhvilloi me kryeministrin maqedonas, Dimitar Kovaçevski, kur u pyet të komentojë deklaratën e presidentit ukrainas, Volodymyr Zelensky, se Rusia po synon të nxisë konflikt në rajon.

“Ne nuk shohim ndonjë kërcënim ushtarak që do të vinte nga Rusia ndaj ndonjë vendi anëtar të NATO-s, apo rajonit, por gjithsesi se jemi të kujdesshëm dhe nga afër po vëzhgojmë çfarë po bën Rusia. Ne kemi prani ushtarake në këtë rajon, KFOR-in në Kosovë, shtabin e përgjithshëm në Sarajevë dhe zyrën në Beograd dhe jemi të përgatitur që të bëjmë gjithçka për të mbrojtur çdo aleat nga çfarëdo qoftë kërcënimi”, tha Stoltenberg.

Kreu i NATO-s përsëriti mesazhin e aleancës për Rusinë se “duhet të përmbahet nga veprimet agresive ndaj fqinjëve dhe gjithsesi t’i japë fund agresionin ndaj Ukrainës”.

Stoltenberg, i cili arriti në Shkup pas vizitës në Beograd, tha se “siguria e Ballkanit Perëndimor është e një rëndësi të veçantë për NATO-n” dhe më këtë rast përmendi disa arsyeje që paraqesin “brengosje për aleancën”.

“Në Bosnjë Hercegovinë u paraqiten tensione dhe këtu inkurajoj liderët politikë që të përmbahen nga ndarjet dhe retorika secesioniste, ndërsa përpjekjet e tyre t’i orientojnë drejt pajtimit dhe të ardhmes paqësore”, tha kreu i NATO-s.

Në këtë kuadër, Stoltenberg foli edhe për zhvillimet në Kosovë, duke theksuar nevojën për vazhdimin e dialogut mes Prishtinës dhe Beogradit.

“Në Kosovë kohë më parë pamë incidente me dhunë serioze që përfshinte edhe sulme të papranueshme ndaj trupave paqësore të KFOR-it dhe ata që e bënë këtë duhet të përgjigjen. Beogradi dhe Prishtina duhet të vazhdojnë me dialogun që po lehtësohet nga Bashkimi Evropian, pasi është mënyra e vetme drejt zgjidhjes e cila do të respektonte të drejtat e të gjitha bashkësive etnike”, tha shefi i aleancës ushtarake perëndimore.

Ai foli edhe për rolin e Maqedonisë së Veriut në sigurinë rajonale, miratimin e ndryshimeve të nevojshme kushtetuese për integrimin në Bashkimin Evropian.

Këtë mesazh ai ua përcolli edhe deputetëve në një fjalim në Kuvendin e Maqedonisë së Veriut.

Kryeministri maqedonas, Dimitar Kovaçevski, ndërkohë tha se institucionet do të bëjnë gjithçka për sigurinë rajonale, por edhe për arritjen e integrimit evropian si “rruga më e mirë e mundshme për të ardhmen e vendit”.

“Siguria rajonale është më rëndësi si asnjëherë më parë, andaj prioritet i yni mbetet integrimit evropian, para se gjithash i Maqedonisë së Veriut, por edhe i rajonit. Nuk duhet të kemi pengesa në këtë rrugë dhe do të bëjmë gjithçka të mundur që të bëjmë këtë rrugë deri në fund, deri në anëtarësimin tonë në BE, deri në vitin 2030”, deklaroi Kovaçevski.

Kryeministri maqedonas tha se angazhimi për paqen, sigurinë dhe perspektivën e qytetarëve “nuk mundet dhe nuk guxon të pengohet nga kalkulimet politike të politikanëve destruktivë”.

Paraprakisht, Stoltenberg ka qëndruar në Sarajevë dhe Prishtinë. Shefi i NATO-s do ta përmbyllë turneun ballkanik me një takim të mërkurë në Shkup me udhëheqësit e shteteve anëtare të NATO-s nga rajoni. Ai do të takohet me kryeministrin shqiptar, Edi Rama, presidentin kroat, Zoran Millatoviq, kryeministrin e Malit të Zi, Millojko Spajiq, dhe me atë të Sllovenisë, Robert Golob./REL

The post Stoltenberg nga Shkupi: NATO nuk do të lejojë destabilitet në rajon appeared first on Albeu.com.

Vendimi është marrë në konsultim mes UEFA-s, Federatës së Futbollit të Maqedonisë së Veriut dhe Federatës Shqiptare të Futbollit, pasi stadiumi i Strugës nuk plotësonte kriteret e qeverisë së futbollit europian për ndeshjet e kësaj faze.

Gjithashtu, asnjë stadium tjetër në Maqedoninë e Veriut nuk përmbush aktualisht kriteret e UEFA-s dhe për këtë arsye u ra dakord me FSHF, që ndeshja e parë e Strugës të luhet në Shqipëri.

Përveç stadiumit, Federata Shqiptare e Futbollit do të ofrojë të gjithë asistencën e saj për organizimin sa më të mirë të ndeshjes falë edhe eksperiencës së madhe që ka në pritjen e kompeticioneve ndërkombëtare.

The post Conference League: Struga do të luajë fazën play-off në Elbasan Arena appeared first on Albeu.com.

Përfaqësuesi i posaçëm për Ballkanin Perëndimor, Gabriel Escobar, në një debat të Kongresit për rajonin muajin e kaluar tha se Shtetet e Bashkuara janë të angazhuara me qeverinë e re bullgare për të siguruar që të mos ketë kërkesa të reja pasi vendi të përmbushë detyrimet e saja sipas marrëveshjeve ekzistuese. “SHBA-ja mbështet fuqishëm integrimin e plotë të Maqedonisë së Veriut në Bashkimin Evropian. Një Bashkimi Evropian që përfshin të gjithë Ballkanin Perëndimor, përfshirë Maqedoninë e Veriut, do të jetë më i fortë dhe më i begatë. Ne inkurajojmë qeveritë e Maqedonisë së Veriut dhe Bullgarisë që të vazhdojnë dialogun e tyre dypalësh për të zgjidhur mosmarrëveshjet, për të përmbushur marrëveshjet e mëparshme dhe për të mbështetur anëtarësimin e përshpejtuar të Maqedonisë së Veriut”, thuhet në deklaratën e Departamentit të Shtetit.

Më 18 gusht është caktuar seanca për fazën e parë për votimin e ndryshimeve kushtetuese në Kuvendin e Maqedonisë “Për të vazhduar aspiratat e saj për BE, Qeveria e Maqedonisë së Veriut është zotuar të miratojë ndryshime kushtetuese për njohjen e pakicës bullgare. Ne e mbështesim fuqimisht këtë hap të vështirë, por të domosdoshëm”, tha Escobar në Kongres.
Për momentin, nuk ka konsensus mes qeverisë dhe opozitës për ndryshimet që do t’i lejojnë bullgarët të hyjnë në Kushtetutë, i cili është kusht për hapjen e kapitujve të negociatave.

The post DASH: Shkupi e Sofja të vazhdojnë dialogun appeared first on Albeu.com.

Fazë kritike për të ardhmen e vendit

Sekretarja e shtetit për Evropën dhe Klimën pranë MPJ të Gjermanisë, Anna Lührmann, e quajti momentin aktual politik në Maqedonisë së Veriut si fazë kritike për të ardhmen e vendit. Ajo kërkoi nga liderët politikë që të mbështesin ndryshimet kushtetuese.

“Këto ndryshime do ta bëjnë Maqedoninë e Veriut shembull të një shteti multi-etnik. I inkurajojmë të gjithë personat, dhe aktorët politikë në RMV që ta mbështesin qeverinë që ta tejkalojë këtë hap të rëndësishëm, i cili çon drejt BE-së”, tha Lührmann.

Sekretari francez i shtetit për BE-në, Llorens Bun, thënë se ky shans që i jepet Maqedonisë së Veriutduhet të shfrytëzohet nga politikanët vendas. “Ky diskutim rreth ndryshimeve kushtetuese nuk do të shoqërohet me kërkesa të reja nga pala bullgare, apo nga ndonjë vend tjetër dhe kështu RMV në mënyrë automatike do të jetë në fazën e negociatave. Dua të jem i qartë, ne duam që kjo të ndodhë sa më shpejt të jetë e mundur”, tha Bun.

Ballkanit Perëndimor ka mbështetje të fuqishme nga Polonia

Diplomati polak, Shimon Shinkovski, tha se e kupton zhgënjimin e RMV-së për shkak të progresit të ngadaltë drejt aderimit në BE, duke shtuar se të gjitha vendet e Ballkanit Perëndimor kanë mbështetje të fuqishme nga Polonia. “Vendimi tani gjendet në duart e klasës politike në Maqedoni, dhe janë dakorduar ndryshime në kushtetutë në mes mes RMV dhe BE e të cilat ndryshime do t’ju mundësojnë që të vazhdoni në hapin tjetër, apo më mirë të them hapin më vendimtar integrimin në Bashkimin Europian, dhe ky do të jetë një vendim serioz për RMV”, tha Shinkovski.

VMRO-DPMNE: Nuk pranojmë ndyshime nën diktatin e Bullgarisë

Opozita maqedonase e udhëhequr nga VMRO-DPMNE në takimin me treshen e Vajmarit edhe një herë u shprehkundër ndryshimeve kushtetuese. “Mbetemi në qëndrimin se ndryshimet kushtetuese në rrethana të diktatit politik nga fqinjësia nuk janë të pranueshme. Roli i fqinjve duhet të jetë rol mbështetës i integrimeve tona euroatlantike, e jo të mohohet identiteti kombëtar maqedonas.

Po për BE-në por jo për shantazhet nga ana e Bullgarisë, e cila nuk ofron asnjë siguri se procesi i integrimeve evropiane nuk do të bllokohet përsëri për çështje irracionale, të cilat Bullgaria duket se ende i ka ndaj Maqedonisë”, deklaroi Antonio Milloshovski nga VMRO-DPMNE.

Shumica parlamentare humbet tre deputetë

Ndërkohë qeveria ka miratuar nismën për ndryshimet Kushtetuese. Tani janë në vijim procedurat që ajo të dorëzohen në Kuvend. Por shumica parlamentare në Maqedoninë e Veriut humbi më 18.07. tre deputetë, duke e rrezikuar kështu jo vetëm miratimin e ndryshimeve kushtetuese, por edhe që vendi të shkojë në zgjedhje të parakohshme parlamentare. Tani numri i deputetëve të pozitës në Kuvend ka rënë nga 64 në 61, që do të thotë se mjafton largimi vetëm edhe i një deputeti që opozita të ngrejë mocion mosbesimi ndaj qeverisë së kryeministrit Dimitar Kovaçevski.

Nënkryetari i Bashkimit Demokratik për Integrim (BDI), Izet Mexheti, ka njoftuar se largohet nga BDI-ja dhe se do të formojë një lëvizjeje të re politike. Atij iu bashkua edhe një deputet tjetër i BDI-së, si dhe një deputet i pavarur, i cili më parë mbështeste politikat e BDI-së./dw

The post Mesazh për Shkupin nga Gjermania, Franca dhe Polonia appeared first on Albeu.com.