Familjet e tre viktimave që humbën jetën në aksidentin tragjik në segmentin e autostradës Shkup–Bllacë do të përfaqësohen ligjërisht nga avokati Arianit Koci. Ai ka kërkuar sqarimin e plotë të rrethanave të ngjarjes dhe nxjerrjen para drejtësisë të personave përgjegjës.

Në një reagim të publikuar në Facebook, Koci njoftoi se kishte shkuar së bashku me familjarët e viktimave në Policinë e Maqedonisë së Veriut. Megjithatë, sipas tij, pyetjet kryesore që lidhen me zbardhjen e rastit kanë mbetur pa përgjigje.

Avokati kërkoi të mësojë se cila ndërmarrje e kishte ndërtuar segmentin, kush kishte mbikëqyrur punimet dhe kujt i takonte përgjegjësia për sigurimin e rrugës. Ai pyeti gjithashtu përse hyrja në pjesën e autostradës, ndonëse zyrtarisht e mbyllur për qarkullim, nuk ishte penguar fizikisht.

Sipas Kocit, pikëpyetje të tjera lindin nga fakti se vetëm pas aksidentit me pasoja fatale hyrja në këtë segment u mbyll fizikisht me zhavorr dhe u pajis me shenja komunikacioni.

Ai kërkoi shpjegime se përse këto masa nuk ishin zbatuar më herët, kur segmenti figuroi zyrtarisht i mbyllur për qarkullim, por u ndërmorën vetëm pasi ndodhi aksidenti.

Koci deklaroi se, deri në këtë fazë, nuk ka të dhëna nëse ndonjë person është ndaluar ose është marrë në pyetje lidhur me përgjegjësinë për rastin.

Në reagim, avokati trajtoi edhe barrën financiare me të cilën, sipas tij, janë përballur familjarët pas tragjedisë.

Ai bëri të ditur se familjarëve u është dashur të paguajnë 2,800 euro për transportimin e kufomave nga Maqedonia e Veriut në Kosovë, duke vlerësuar se të paktën këtë shpenzim duhej ta mbulonte shteti.

Duke konfirmuar angazhimin e tij për përfaqësimin ligjor të familjeve të viktimave, Koci kërkoi që aksidenti të hetohet plotësisht dhe të përcaktohet përgjegjësia institucionale për ngjarjen.

The post Aksidenti tragjik në Shkup, Koci kërkon përgjegjësi: Familja pagoi 2,800 euro për kthimin e trupave në Kosovë appeared first on Albeu.com.

Shirat e rrëmbyeshëm që ranë gjatë natës kanë sjellë vërshime të konsiderueshme në aksin rrugor Ferizaj–Shkup, duke e bërë jashtëzakonisht të vështirë lëvizjen e automjeteve.

Sasia e madhe e ujit të grumbulluar mbi rrugë ka penguar edhe automjetet e rënda, përfshirë kamionët, të cilët kanë lëvizur shumë ngadalë ose kanë mbetur të bllokuar teksa përpiqeshin të kalonin në zonat e përmbytura.

Nënkalimi në Ferizaj është vërshuar si pasojë e reshjeve intensive.

Nga pamjet e regjistruara në terren shihet se uji ka arritur nivele të larta dhe ka mbuluar korsitë, duke e shndërruar këtë pjesë të rrugës në një zonë të rrezikshme për të gjithë pjesëmarrësit në komunikacion.

Përmbytjet kanë sjellë vonesa në trafik, ndërsa drejtuesve të automjeteve u kërkohet të tregojnë kujdes të veçantë dhe, kur është e mundur, të zgjedhin akse alternative deri në ndërhyrjen e shërbimeve përgjegjëse për largimin e ujit dhe rikthimin e qarkullimit normal.

The post Përmbytjet paralizojnë qarkullimin në rrugën Ferizaj–Shkup appeared first on Albeu.com.

Kanë dalë në dritë informacione të freskëta lidhur me aksidentin tragjik që u mori jetën tre shtetasve nga Kosova në Maqedoninë e Veriut.

Autoritetet konfirmuan se viktimat janë Ejup Ternava, Cennet Ternava dhe Fatmire Shabani. Ata ndërruan jetë mbrëmjen e së shtunës, pasi makina e tyre përfundoi e mbytur në ujërat e lumit Lepenc.

Një i afërm i familjes, Fatmir Beqiri, tregoi për mediat kosovare se Ejup Tërnava, i cili ndodhej në timon, kishte udhëtuar bashkë me gruan e tij për të pritur të motrën që po vinte në aeroportin e Shkupit. Gjatë rrugës, ata u përballën me një ngjarje fatale që rezultoi në humbjen e menjëhershme të jetës.

Sipas tij, pamjet e fundit të regjistruara nga kamerat e sigurisë në Maqedoni datojnë rreth orës 22:38. Më pas, gjurmët e tyre humbën plotësisht. “Ejupi, duke qenë shoferi, gaboi itinerarin dhe u fut në një rrugë pa krye. Çfarë ndodhi më pas mbetet e paqartë,” shpjegoi Beqiri.

Ai ngriti shqetësime serioze rreth kushteve në vendngjarje, duke theksuar mungesën totale të tabelave orientuese. “Kur mbërrita atje mbrëmë, si një nga personat e parë, nuk pashë as edhe një tregues rrugor. Nuk kishte asnjë sinjalistikë,” deklaroi ai.

Të tre personat, me origjinë nga Vushtrria, nuk arritën më të komunikonin me të afërmit e tyre pasi ishin larguar nga Aeroporti Ndërkombëtar i Shkupit në orët e vona të së shtunës.

Menjëherë pas denoncimit të zhdukjes, forcat e rendit maqedonase organizuan një operacion shpëtimi. Paralelisht, familjarët kërkuan publikisht ndihmën e komunitetit për t’i lokalizuar.

Pas disa orësh kërkimesh intensive, ekipet e shpëtimit arritën të gjenin mjetin e zhytur në rrjedhën e lumit Lepenc. Bëhej fjalë për një automjet tip Mercedes GLC me regjistrim gjerman.

Sipas njoftimeve të shtypit vendor, pas operacionit të nxjerrjes së makinës nga uji, forcat e emergjencës vërtetuan praninë e tre trupave të pajetë brenda kabinës.

The post Detaje tronditëse nga tragjedia në Maqedoninë e Veriut ku humbën jetën tre shqiptarë nga Kosova appeared first on Albeu.com.

Ministri në detyrë i Infrastrukturës dhe Transportit, Dimal Basha, ka përshëndetur nënshkrimin e kontratës nga autoritetet e Maqedonisë së Veriut për ndërtimin e autostradës Shkup – Bllacë.

Sipas tij, bëhet fjalë për një zhvillim pozitiv, pasi ky projekt ka peshë të veçantë për lidhjen infrastrukturore mes Republikës së Kosovës dhe Maqedonisë së Veriut.

Basha është shprehur se “Ky segment përbën vazhdimin e korridorit të rëndësishëm rajonal dhe shënon një hap të rëndësishëm drejt kompletimit të njërit prej akseve më strategjike të transportit në rajon. Realizimi i këtij investimi do të lehtësojë lëvizjen e qytetarëve dhe të mallrave, do të forcojë bashkëpunimin ekonomik ndërmjet dy vendeve dhe do të krijojë mundësi të reja për zhvillim, investime dhe integrim rajonal”.

Ai gjithashtu ka uruar që punimet të ecin sipas planifikimit dhe që projekti të mbyllet brenda afateve të parapara, në mënyrë që kjo lidhje moderne t’u shërbejë qytetarëve të të dyja vendeve.

“Infrastruktura nuk njeh kufij, andaj çdo investim që rrit ndërlidhjen rajonale, i afron qytetarët, fuqizon ekonomitë tona dhe kontribuon për një rajon më të zhvilluar e më të integruar”, ka shtuar Basha.

The post Basha përshëndet kontratën për autostradën Shkup–Bllacë: Ndërlidhja infrastrukturore tejkalon kufijtë appeared first on Albeu.com.

Gjykata e Apelit në Shkup ka hedhur poshtë ankesën e Stojançe Jovanovskit dhe ka lënë në fuqi dënimin me 12 vjet burg që ndaj tij kishte shqiptuar Gjykata Penale.

Ai ishte shpallur fajtor në shkallën e parë për nxitjen e bashkëshortes së tij, Ivana, që të hidhej nga ballkoni ndërsa mbante në krahë vajzën e tyre, si edhe për ushtrim të dhunës afatgjatë në familje.

Në njoftimin e saj, Gjykata e Apelit në Shkup bëri të ditur për publikun dhe mediat se, në kuadër të lëndës penale KZ-549/26, pas seancës publike të zhvilluar më 18.06.2026, është marrë aktgjykim me të cilin ankesa e të pandehurit Stojançe Jovanovski nga Shkupi është refuzuar si e pabazuar, ndërsa është konfirmuar aktgjykimi i Gjykatës Themelore Penale të Shkupit K.br.551/26 i datës 07.05.2026.

Po ashtu, gjykata njoftoi se vendimi i plotë do të bëhet publik së shpejti.

Në maj, Jovanovski ishte dënuar me 12 vjet burg për dhunë në familje, rrezikim të sigurisë dhe nxitje të vetëvrasjes.

Ngjarja tragjike ndodhi më 2 mars të këtij viti, kur Ivana humbi jetën pasi u hodh nga një ballkon së bashku me vajzën e tyre gjashtëvjeçare, Katja.

Gjatë procedurës gjyqësore u vërtetua se Jovanovski e dhunonte vazhdimisht. Dhuna e fundit kishte ndodhur para vetëvrasjes, në një moment kur Ivana e kishte denoncuar në polici, por kur efektivët mbërritën në vendngjarje, ajo kishte ndryshuar mendim.

Dhuna që Ivana dhe vajza e saj përjetuan për vite të tëra ishte raportuar në polici, ndërsa për mënyrën e trajtimit të rastit u konstatuan shkelje profesionale ndaj 39 oficerëve të policisë.

The post Apeli në Shkup rrëzon ankesën e Stojançe Jovanovskit, mbetet në fuqi dënimi me 12 vjet burg appeared first on Albeu.com.

Uji mbuloi disa segmente rrugore pas intensitetit të lartë të reshjeve, ndërsa në disa komuna u sinjalizuan vështirësi për lëvizjen e automjeteve dhe mosfunksionim normal i rrjetit të kanalizimeve.

Autoritetet kanë apeluar që qytetarët të jenë të kujdesshëm dhe të shmangin udhëtimet e panevojshme në zonat e prekura, pasi parashikimet meteorologjike tregojnë se kushtet e paqëndrueshme të motit pritet të vijojnë edhe më tej.

The post Reshjet e dendura përmbytin zona në Shkup, vështirësi në rrugë dhe kanalizime appeared first on Albeu.com.

“As në tokë, as në qiell, vend për shqiptarë nuk ka”, ky është mesazhi që shkruhet në faqen e një muri.

Fillimisht fotografia është postuar nga qendra sportive “Forca” në Shkup, ndërsa më pas është shpërndarë edhe nga figura politike dhe aktivistë. Ata kanë kërkuar një reagim të menjëhershëm nga institucionet në Maqedoninë e Veriut, por deri në këto momente nuk ka pasuar asnjë reagim zyrtar nga ana e tyre.

Studentët shqiptarë protestuan Shkup për mundësimin e mbajtjes së provimit të jurisprudencës në shqip përveç maqedonishtes. Me pankarta studentët u nisën nga Ura e Gurit drejt Ministrisë së Drejtësisë. Ata kërkuan që institucionet shtetërore ta zbatojnë Ligjin e gjuhëve dhe zëri i tyre të dëgjohet. Studentët u përballën me ndalesa nga policia, ndërkohë që u arrestuan edhe tre persona.

The post Protesta e studentëve shqiptarë në Maqedoninë e Veriut/ Plasin shkrimet anti-shqiptare: As në tokë, as në qiell, nuk ka vend për shqiptarët appeared first on Albeu.com.

Për Euronews Albania, ministria e Jashtme bëri me dije se në takim nuk ka marrë pjesë ambasadori por zëvendës ambasadori i Shqipërisë.

“I është dorëzuar një demarsh verbal lidhur me deklaratat e papërshtatshme publike të ambasadorit gjatë periudhës së fundit, të cilat lëvizin në kufirin mes komunikimit të zakonshëm dhe legjitim diplomatik dhe ndërhyrjes së mundshme në punët e brendshme të vendit të akreditimit”, thuhet në deklaratën zyrtare.

The post Pas deklaratave në mbrojtje të studentëve, Ministria e Jashtme maqedonase thërret ambasadorin e Shqipërisë në Shkup appeared first on Albeu.com.

Protesta u organizua për Gjuhën Shqipe, pasi studentët kërkojnë të mbajnë provimin e jurisprudencës në shqip.

Gjithashtu, studentë nga Tirana udhëtuan drejt Shkupit për të mbështetur protestën dhe kërkesën e studentëve shqiptarë në RMV. Ndërsa disa prej tyre u ndaluan.Mejdani thotë se të rinjtë nuk kërkojnë privilegje. Kërkojnë dinjitet, barazi dhe respekt për të drejtat themelore.

Mejdani thotë se kur studentët ndalohen ajo prek vetë mirëkuptimin demokratik dhe frymën europiane që synojmë të ndërtojmë si rajon.

Reagimi i plotë:

Kur studentë ndalohen, vonohen dhe intimidohen teksa udhëtojnë për të shprehur paqësisht solidaritet për një të drejtë gjuhësore, çështja pushon së qeni vetëm procedurale.

Ajo prek vetë mirëkuptimin demokratik dhe frymën europiane që synojmë të ndërtojmë si rajon.

Studentët shqiptarë nga Tirana udhëtuan drejt Republikës së Maqedonisë së Veriut jo për përplasje, por për solidaritet qytetar dhe për të mbështetur një kërkesë elementare: të drejtën për t’u testuar dhe për të ushtruar profesionin në gjuhën amtare.

Këta të rinj nuk kërkojnë privilegje. Kërkojnë dinjitet, barazi dhe respekt për të drejtat themelore.

Dhe një kërkesë për dinjitet nuk duhet të perceptohet kurrë si kërcënim, sidomos në vende që synojnë t’i bashkohen familjes europiane dhe të ndërtojnë të ardhmen mbi vlerat e demokracisë, barazisë dhe të drejtave themelore.

The post Protesta për Gjuhën Shqipe në Shkup/ Ambasadori i Shqipërisë në RMV, Denion Mejdani: Studentët nga Tirana udhëtuan për mbështetje, të rinjtë kërkojnë barazi appeared first on Albeu.com.

Sipas burimeve për media, është raportuar se tre studentë janë arrestuar nga policia maqedonase.

Nën moton “Bashkohuni me studentët të gjithë me një zë”, protestuesit po marshojnë me pankarta dhe thirrje në mbështetje të drejtave gjuhësore dhe barazisë qytetare.

Ndërsa organizatorët theksojnë se protesta që po zhvillohet nuk është kundër askujt, por synon mbrojtjen e gjuhës shqipe dinjitetit dhe të drejtave të shqiptarëve si qytetarë të barabartë.

Sipas tyre, kërkesa kryesore është që provimi i jurisprudencës dhe provimet e tjera profesionale të mund të zhvillohen edhe në gjuhën shqipe.

The post Protesta për gjuhën shqipe në Shkup, arrestohen tre studentë shqiptarë appeared first on Albeu.com.