Mjetet e dëmtuara janë të markave “Benz” dhe “Range Rover”, të dy në përdorim të Eduard Ndout, 35- vjeç.

Policia vendore konfirmoi ngjarjen dhe bëri me dije se makinat ishin të parkuara në rrugë, pranë banesës së 35-vjeçarit. Dinamika e ngjarjes dhe shkaku mbeten ende të panjohura, teksa oficerët po marrin në pyetje pronarin dhe pritet ekspertiza piroteknike për të vlerësuar nëse është një akt i qëllimshëm kriminal, apo një ngjarje aksidentale.

“Rreth orëve të para të mëngjesit, në fshatin Prekal, kanë marrë flakë dhe janë djegur dy automjete tip “Benz” dhe “Range Rover”, në përdorim nga shtetasi E. N., 35-vjeç, të cilat kanë qenë të parkuara në rrugë, në afërsi të banesës së tij”, bëri me dije policia vendore.

Grupi hetimor po punon për sqarimin e plotë të rrethanave dhe të shkakut të rënies së zjarrit.

The post Shkrumbohen dy makinat në pronësi të një 35-vjeçari në Shkodër, nisin hetimet për… appeared first on Albeu.com.

Sipas informacioneve, mësohet se si pasojë e flakëve janë djegur disa banesa, ndërsa zjarri vazhdon drejt Leshnicës së Sipërme.

Në fotot e publikura nga mediat, nga zjarri janë shkrumbuar disa shtëpi.

Situata në bashkinë e Finiqit, u përkeqësua dy ditë më parë si pasojë e erërave, ku në mbështetje të forcave në terren shkoi helikopteri i Forcës Ajrore.

Në mbështetje të forcave, në Finiq vepron edhe avioni kroat Canadair.

The post Zjarri në Finiq, shkrumbohen disa shtëpi (FOTOT) appeared first on Albeu.com.

Si pasojë e zjarrit, dy banesa janë djegur, teksa ishin ngjitur me njëra-tjetrën.

Dëmet janë të mëdha, banesat janë shkrumbuar totalisht duke lënë në qiell të hapur dy familje.

Kryetari i Bashkisë Gramsh, Besian Ajazi, është shprehur se është shumë larg dhe në pamundësi për të ndërhyrë me zjarrfikëset, ndërkohë që Bashkia ka organizuar punën me grupin e emergjencave për të marrë masa.

The post Flakët shkrumbojnë dy banesa në Gramsh, familjarët mbesin në qiell të hapur appeared first on Albeu.com.

Nga banesat nuk ka ngelur asgjë, pothuajse të gjitha janë shkrumbuar.

Një nga banoret ka treguar mes lotësh, se lajmin e ka marrë vesh nga fqinja e saj, pasi ka qenë në punë.

Ajo është shprehur se kjo situatë e ka vendosur shumë në vështirësi, pasi ka 3 fëmijë të vegjël.

“Nga ora 07:20 kam dalë dhe kam ikur tek puna, tek rrobaqepësja. Kam lënë 3 fëmijët brenda. Pasi kanë mbaruar shkollën, fëmijët kanë shkuar direkt tek tezja e tyre, motra ime. Vetëm kur më ka marrë komshija në telefon dhe më ka thënë që të “është djegur shtëpia”. Kur kam ardhur, kam parë vetëm flakët, asgjë tjetër. Ka qenë ora 6 e gjysëm- 7. Fëmijët kanë qenë tek tezja e tyre. Nuk e di fare se nga ka ardhur zjarri, vetëm thjeshtë më kanë thanë që më është djegur shtëpia. Mbrëmë kemi qëndruar tek motra ime. Kërkoj të strehoj fëmijët në ndonjë shtëpi. Shumë të vështirë e kam jetesën tani me 3 kalamaj të vegjël”, shprehet banorja.

Këto banesa private, kanë qenë të gjitha pranë njëra-tjetrës me çati të përbashkët.

Fatmirësisht, nga zjarri nuk ka asnjë person të lënduar, pasi policia evakuoi në kohë të gjithë banorët.

Policia po heton për shkaqet e rënies së zjarrit, ndërsa dyshimet paraprake janë se flakët kanë ardhur si pasojë e shkëndijës elektrike tek njëra nga banesat.

The post Zjarri shkrumboi 5 shtëpi në Burrel, banorja flet mes lotësh: Kam 3 fëmijë të vegjël, jetesa është e vështirë appeared first on Albeu.com.