Interpol Tirana konfirmoi procedurën dhe marrjen nën pranga nga homologët e vendit fqinj ditën e sotme (19 Gusht), të 48-vjeçarit Armand Dani, i cili mbante edhe një identitet të dytë si Armand Isaj, banues në Shkodër.

Dënimi ndaj tij ishte dhënë një vit më parë nga Gjykata e Novarës, teksa i duhet të vuajë edhe rreth 12 vite izolim të mbetura. Ai akuzohet se bënte blerje dhe shitje të lëndës narkotike nga vendet e tjera dhe kryesisht Holanda, për tregun italian. Në vitin 2017 iu gjet edhe në banesë një sasi droge kokainë.

Dani ishte arrestuar më 1 Qershor 2023 në qytetin e Shkodrës, pas një operacioni bazuar në informacionet mbi urdhrin e kërkimit dhe lokalizimin e tij. Ai ishte banues në lagjen “Guerrile”, por u zbulua teksa fshihej në atë “Dobraç”.

“Gjykata e Novarës, më datë 1 Mars 2023, e ka dënuar ketë shtetas me 14 vjet, 8 muaj e 29 ditë burgim, për veprën penale “trafikimi i lëndëve narkotike”. Nga ky dënim, 48-vjeçarit i duhet të vuajë dhe 11 vjet, 8 muaj e 29 ditë burgim”, njoftoi Policia e Shtetit për rastin.

Referuar dosjes hetimore të vendit fqinj, rezulton se Dani (Isaj), “në bashkëpunim me të tjerë, siguronte lëndë narkotike kokainë në vende të tjera (kryesisht në Holandë), për ta shitur në Itali”. Në vitin 2017, në banesën e 48-vjeçarit, policia italiane gjeti dhe sekuestroi një sasi lënde narkotike kokainë.

The post EMRI / Trafikonte kokainë nga Holanda në Itali, ekstradohet shkodrani me dy identitete! Ishte dënuar me rreth 15 vite burgim appeared first on Albeu.com.

Mes shumë fotografeve nga e gjithë bota, Fondi Internacional Për Fotografinë, vlerësoi se kërcimi elegant i hutave shqiponjë, është shkrepja më e mirë, në kategorinë e natyrës.

Nga Amerika ku jeton dhe është pedagog në universitetin e New Yorkut, Troshani tregon se lidhja me fotografinë, është natyrale dhe vjen nga Shkodra qyteti i fotografeve. Ai thotë se Shqipëria ka natyrën perfekte për të apasionuarit pas aparatit.

Jetmir Troshani së bashku me fotografin tjetër shqiptar Granit Hyseni, kanë krijuar edhe rrjetin e fotografeve botëror të jetës se egër, ku janë kthyer në promovues të rëndësishëm të natyrës shqiptare.

The post “Kërcimi i hutave”! Fotografi shkodran fiton çmim në konkursin ndërkombëtar appeared first on Albeu.com.

Në kuadër të këtij operacioni, për 7 persona u caktua arrest me bug ndërsa për 5 të tjerë “arrest shtëpie.

Mediat italiane shkruajnë se grupi kriminal përdorte edhe gratë për të shitur drogë në prani të fëmijëve të tyre të porsalindur.

Kreu i grupit kriminal mësohet të jetë një shqiptar 26 vjeçar nga Shkodra, i dënuar për vrasje, identiteti i të cilit nuk bëhet me dije. Për shkak të lidhjeve të tij të forta, ai arriti të akvitizonte kanalet e furnizimit me kokainë me bazë në Itali dhe në vende të tjera të Evropës.

Drejtuesit e grupit kriminal, mburreshin publikisht në rrjetet sociale duke shpërndarë foto ku tregonin armët dhe paratë e fituara nga aktiviteti i paligjshëm i trafikut të drogës. Transporti i lëndës narkotike kryhej nën kontrollin e vazhdueshëm të shqiptarëve.

The post Trafik kokaine në Itali, ‘koka’ e grupit kriminal ishte shkodrani i kërkuar për vrasje, zbardhen detajet appeared first on Albeu.com.

Ai i përkiste turistit italian Claudio Perrinella, i cili ishte ndalur në fshatin e Oblikës në Shkodër, ku banon Erindi, për të blerë diçka dhe pastaj portofoli i kishte rënë nga xhepi. Në të ishin karta e identitetit, karta të llogarive bankare dhe një shumë prej mbi 6000 eurosh.

Para për të cilat, djaloshi duhet të punojë për shumë kohë për ti fituar. Bujaria dhe fisnikëria e 16-vjeçarit u shpërblye me vetëm 100 euro nga ana e italianit.

Erindi na tregon se në familjen e tij të gjithë janë punëtorë të thjeshte dhe janë mësuar që çdo gjë ta fitojnë me djerse.

I riu gjatë javës vazhdon shkollën e mesme ndërsa në fundjavë punon si ndihmës kamarier në një prej restoranteve në qytet. Pasditeve stërvitet fort me ekipin e Shkodrës me ëndrrën se një dite do të bëhet portier i madh./tch

The post Gjeti portofolin me 6 mijë euro, i riu shkodran ia kthen turistit që e kishte humbur appeared first on Albeu.com.

Çesk Simoni ka udhëtuar nga Shkodra drejt Fierit për të firmosur peticionin e dënimit me vdekje, pasi vrasja makabre e Mateos i kujton mbytjen e djalit 3-vjeç dhe bashkëshortes së tij, 20 vite më parë nga vrasësi serial, Sadik Kuniqi.

Ai foli për mediat dhe u shpreh se vrasjet e fëmijëve janë kthyer në modë, ndërsa shteti vetëm vjedh dhe e ka kthyer Parlamentin në një spektakël argëtimi.

“E njëjta gjë më ka ndodhur edhe mua, sot e 20 vite më parë. Sa herë ndodhin të tilla fatkeqësi unë e kujtoj këtë dhimbje. Më kanë mbytur gruan dhe djalin 3-vjeç në krevat, mi mbyti Sadik Kuniqi. Ka pasur listën për të mbytur 40 veta me radhë, por shyqyr përfundoi tek unë. Ndodhi në 2002, përsëriten këta çdo 6 muaj. Shteti di vetëm të vjedhë, e ka kthyer parlamentin në Big Brother. Duhet të veprojë drejtësia.

Kam ardhur nga Shkodra për tu ngujuar, me familjarët. Do i them familjarëve të ngujohem, unë jam kryesori. Jam pro vendosjes së dënimit, e kam kërkuar 20 vite më parë. Çdo vit ndodhin, e kanë kthyer në modë. Tani fëmijët duhet t’i çosh në shkollë, janë bërë tmerr. E mbytën në burg, më ka vrarë dy vetë. Çdo viktimë që është fëmijë, e përjetoj. Duhet zhdukur ai njeri, ha bukë në burg. Thotë Rama s’të dënon shteti, por të dënon ligji. Ta dënojë ligji”, tha ai për Report TV.

Ngjarja tragjike në jetën e Simonit ndodhi në vitin 2002, kur Sadik Kuniqi vrau 4 persona me çekiç dhe misri. Më 28 janar të vitit 2002 ai i shkoi në shtëpi mikut të tij, Isuf Sula dhe në befasi vrau atë dhe të bashkëshorten e tij Sadeten. Pas kësaj vrasje Kuniqi telefonoi edhe vajzat e viktimave të tij të cilat ishin strehuar te xhaxhai i tyre duke u thënë se ishte çështje kohe dhe ekzekutimi i tyre.  Dy muaj më vonë në Mars të vitit 2002, shkoi në shtëpinë e një tjetër miku të tij, Çesk Simonit dhe në shtëpi gjeti gruan e Çeskut, Mirën, sëbashku me djalin e tyre 3 vjeçar, Xhekun.

8-vjeçari Mateo Vasiu u vra në mënyrë makabre nga Klodian Çalamani të martën, 16 nëntor, duke krijuar jo pak zemëratë dhe revoltë te qytetarët. Familjarët mësynë ditën e djeshme të gjykata e Fierit, ku do t’i jepej masa e sigurisë Çalamanit, për t’u përballur me vrasësin e të voglit të tyre, duke krijuar jo pak tensione. Ata kërkojnë dënimin me vrasje dhe vënien e drejtësisë në vend për Mateon.

Nga dje, familjarët e të miturit kanë nisur me mbledhjen e firmave në qytete të ndryshme të vendit në një peticion me qëllim rivendosjen e dënimit me vdekje. Ndërkohë, për shkak të zemëratës së madhe, Çalamani, të cilit iu caktua dje masa ‘arrest me burg’, u fut në izolim në burgun e Vlorë, për shkak të frikës së një sulmi në burgun e Fierit.

The post 20 vite më parë i mbytën gruan dhe djalin 3 vjeç në krevat, shkodrani shkon në Fier dhe firmos peticionin për dënimin me vdekje appeared first on Albeu.com.