Mirëpo, në një moment atje ka shkuar dhe kryebashkiaku Benet Beci, i cili nuk ka duruar dot të përfundonte as këndimi i himnit kombëtar, sepse banorët kanë nisur të kërkojnë në kor largimin e tij.

“Ik, ik, shporru se nuk ke fytyrë ti”, dëgjohet të thonë në kor banorët, derisa kryebashkiaku socialist vendos të largohet me makinën e tij.

Demokratët e kanë konsideruar si provokim praninë e Benet Becit në këtë aktivitet, për përkujtimin e kryengritjes së parë antikomuniste të Shqipërisë, si përfaqësues të një pushteti që ka persekutuar Shkodrën dhe shkodranët.

Edhe ish-kryetari i Bashkisë Shkodër Bardh Spahia ka reaguar sërish për provokimet e rilindjes në festën e Postribës.

“Ikën i përzënë me bisht ndër shalë pa pritur të mbarojë as Himni Kombëtar, mbasi provokoi njerëzit liridashës të Shkodrës e Postribës dhe dha urdhër për arrestime.

Ti shoku Benet ishe aty i dërguar nga partia për të provokuar dhe përdhosur vuajtjet e popullit të Shkodrës, Postribës e Malësisë.

Ti nuk di çfarë është respekti sepse je një pelivan politik që sot përfaqëson persekutorët e Shkodrës dhe Postribës. Ti shoku Benet, përfaqëson narkoshtetin dhe persekutorët e Shkodrës dhe shkodranët po të njohin dita ditës”, shkruan Spahia ne shënimin e tij në facebook.

Kryengritja antikomuniste e Postribës në rrethin e Shkodrës është një nga kryengritjet e para dhe të pakta ndaj regjimit komunist. Me në krye Shaban Haxhinë, pjesëmarrës në Luftën e Koplikut 1920 dhe në rezistencën kundër pushtimit Italian në Shkodër, 1939. Më 9 Shtator kryengritësit sulmuan kazermat e ushtrisë dhe burgun e Shkodrës, me qëllim lirimin e të burgosurve politikë.

Revolta u shtyp me gjak nga ushtria, por jo vetëm kaq. Filluan reprezalje ndaj popullsisë së Postribës, me djegien e shtëpive të fshatit, gjyqe ushtarake, pushkatime, burgime dhe internime pa masë, si një kundërpërgjigje e diktaturës komuniste për kryengritjen.

The post Me VIDEO/ Dalin pamjet kur Benet Beci “zbythet” nga shkodranët në Postribë: “Ik, shporru se nuk ke fytyrë ti” appeared first on Albeu.com.

Një podcast i Kryeministrit me “njerëzit më të famshëm” të momentit- fituesin e reality show-t dhe kryebashkiakun e ri të Shkodrës, ngall kuriozitet për të kuptuar se çfarë ka ndërmend të bëjnë njeriu që qeveris vendin, njeriu më i famshëm për momentin dhe njeriu që do të drejtojë kryeqytetin e Veriut.

Tema e podcastit të shtatë pritej më e qetë, në analogji me ditën e 7-të: “Pasi krijoi qiejt dhe tokën, së bashku me të gjitha krijesat e gjalla, Zoti vuri re se puna e tij ishte kryer dhe e shpalli ditën e shtatë si ditë pushimi.

Podcasti “Blu Brothers”, një gjetje që bashkon protagonistin e “djathtë” shkodran të Big Brother me të “djathtin” e sapo zgjedhur si kryebashkiak, nuk zhgënjen.

Tema e intervistës me Luis Ejllin dhe Benet Becin ishte Shkodra.

Në 44 minuta, Shkodra vetëm nga intervistuesi (kryeministër) u përmend 20 herë. Ideja kontrolluese e bisedës ishte: “Ne (të tre) e kemi Shkodrën në zemër dhe në mendje”.

Podcasti shërbeu edhe për përsëritjen e mesazheve/batuta të fushatës përmes podcastit. “Ky është i djathtë, por këtë radhë qyteti ka votuar jo me zemër, por me mendje”, “Po të pyes si një i djathtë që ka votuar…”,  “The se isha i djathtë, por në punë je futur në kohën e qeverisë së majtë…”.

Edhe shigjeta kryesore që kryeministri kishte në zgjedhje u fut “natyrshëm” në podcast, përmes pyetjeve të shkurtra informuese për Luizin:

-Ti e ke familjen në Amerikë?

-Po.

-Po a shkon atje….?

-Po.

-Domethënë e merr vizën?

-Unë nuk jam “non grata”.

Intervistuesi ja arriti qëllimit deri tek minutat e fundit të bisedës.

Tejet i qartë në objektiv, (Shkodra) duke kombinuar pyetjet e gjata me të shkurtra (pse? kush?), dëgjimin me vëmendje dhe me pyetje follow-up, gjuajtjen e “lajmit”, me rrëfëmin e shkurtër, ironinë me autoironinë (unë kam mbarur punë me flokët).

Tek minutat e fundit intervistuesi veshi xhaketën e kryeministrit dhe tregoi llërët e politikanit që mban gjithmonë lapsin në dorë: “projektet e mëdha i bëj vetë”.

“Ti do të rrish në Shkodër, këtë mos ta diskutojmë se e kam gati zëvëndësuesin…” dhe (pyetja drejtuar Luizit)“çfarë do doje ti nga Beneti, se nderin ja ktheve s’mund t’i kthesh nderin gjithë jetën? Ja lave jeni zero-zero”.

Podcast nis me kuriozitet për fëmijërinë e dy protagonistëve që intervistuesi kërkon t’i lidhë me Shkodrën edhe pse kryebashkiaku i ri  është rritur në Tiranë.

“…po më përpara (Benet) në fëmijëri ke shkuar në Shkodër”?

Mes dy “shkodranëve”  të sotëm edhe intevistuesi kthehet 32 vite pas dhe e fut veten mes shkodranëve anti-regjim në meshën e parë të Dom Simon Jubanit në Shkodër në dhjetor të ‘90.

Por nga minuta e parë deri tek e fundit, biseda ofron sa aftësitë e intervistuesit, edhe një lloj droje për t’u futur në batuta me Luiz Ejllin.

-Kjo martesa sapo dole është e vërtetë apo vazhdim i spektaklit?

Pyetja është një ngritje topi për Luizin që ja kthen duke futur në lojë Lali Erin.

Intervistuesi e nuhat që nuk duhet ta vijojë ping-pongun dhe kalon nga Beneti, tashmë nuk e pyet, por i dikton si kryeministër: “Duhet të shoh faturën e dritave që konsumon duke ndenjur në Shkodër dhe jo si disa (kryebashkiakë) që shkojnë dhe vijnë në Tiranë.

Mbyllja e podcastit janë fjalët që intervistuesi kryeministër ja “grabit” çdo kritiku: “Këta ishin të ftuarit sot dhe besoj se jo për meritën time, kjo do të jetë një ngjarje në historinë e podcastit dhe do të ndiqet shumë, sepse vazhdon një kuriozitet i caktuar që unë nuk kam lidhje, por që natyrisht regjimi i shfrytëzon të gjitha dhe të gjithë”.

Nëse do të kishte më shumë kohë Kryeministri pa dyshim për pasionin e dukshëm që ka dhe për mungesën e konkurrencës mund të arrijë të bëj intervista dhe biseda shumë të  mira.

Pyetja: Nëse kohën e podcasteve do t’i kushtohej qeverisjes, natyrisht merr përgjigje të ndryshme nga njerëz të ndryshëm.

The post Tri “shkodranë” për Shkodrën pa llogaritur… kryeministrin appeared first on Albeu.com.