Mbrëmjen e sotme, vëmendja globale do të përqendrohet te stadiumi “MetLife” në New Jersey, aty ku Spanja dhe Argjentina do të ndeshen për të fituar finalen e Kupës së Botës 2026.

Ndërkohë që këto dy skuadra kombëtare aspirojnë të prodhojnë një narrativë të re, mendja na shkon 12 vjet pas, në momentin kur Gjermania fitoi trofeun më të lakmuar të futbollit gjatë Botërorit 2014 të mbajtur në Brazil.

Fitorja e gjermanëve erdhi me rezultatin minimal 1-0 kundër Argjentinës në finale, e vendosur nga goli i Mario Gotzes në minutat shtesë, duke i siguruar kombëtares titullin e katërt kampion bote.

Pjesë e atij triumfi madhor ishte edhe një lojtar me gjak shqiptari – Shkodran Mustafi.

Qendërmbrojtësi me prejardhje shqiptare është ende sot i vetmi futbollist shqiptar që ka prekur Kupën e Botës. Ai kontribuoi në ekipin e drejtuar nga Joachim Low gjatë atij turneu, duke luajtur rolin e tij në marshimin e Gjermanisë drejt lavdisë.

Mustafi e përfundoi aventurën e tij si lojtar profesionist në vitin 2024, pas një karriere ku grumbulloi 20 ndeshje dhe dy gola me përfaqësuesen gjermane.

Sidoqoftë, lidhja e tij me futbollin gjerman nuk është shkëputur. Në ditët e sotme, ai shërben si ndihmëstrajner i skuadrës U21 të Gjermanisë, e cila ndodhet shumë pranë konfirmimit të pjesëmarrjes në Kampionatin Evropian U21 që do të shtrihet vitin e ardhshëm në Shqipëri dhe Serbi.

Sa u përket klubeve, Mustafi pati një karrierë të larmishme nëpër disa nga kampionatet më të rëndësishme të kontinentit. Emri i tij u bë i njohur sidomos me Arsenalin, ku numëroi 135 paraqitje dhe nëntë gola të shënuar.

Rrugëtimi i tij përfshiu edhe veshjen e bluzave të Hamburgut në të rinj, Sampdorias, Evertonit, Valencias, Schalkes dhe në fund Levantes, klubi ku edhe uli siparin e karrierës si lojtar.

Teksa Spanja dhe Argjentina janë gati të përleshen për kurorën botërore, Shkodran Mustafi qëndron si një figurë e paharruar për futbollin shqiptar, duke mbetur i vetmi lojtar që ka ngritur lart trofeun më prestigjioz të sportit më të ndjekur në planet.

The post Kampioni shqiptar i botës që tani drejton nga pankina – rrugëtimi i Shkodran Mustafit appeared first on Albeu.com.

Gjatë viteve, Kupa e Botës ka sjellë episode të rëndësishme edhe për futbollistët me prejardhje shqiptare. Ndonëse kanë luajtur për përfaqësuese të ndryshme, disa prej tyre kanë qenë pjesë e skuadrave që kanë mbërritur në mesin e katër më të mirave në botë, madje edhe kanë zënë vend në podiumin e kompeticionit më të madh të futbollit.

Edhe pse Kosova dhe Shqipëria mungojnë në Kupën e Botës 2026, ndonëse të dyja ishin pranë kualifikimit në eventin e fundit, futbollistët me origjinë shqiptare nuk mungojnë në këtë turne.

Tashmë, Granit Xhaka dhe Ardon Jashari kanë mundësinë që me Zvicrën të vazhdojnë këtë traditë. Ata ndodhen në çerekfinale kundër Argjentinës dhe janë vetëm pak hapa larg një kapitulli tjetër të rëndësishëm për futbollistët shqiptarë në skenën më të madhe të futbollit botëror.

Xhaka, në rolin e kapitenit dhe liderit të padiskutueshëm të Zvicrës, mban barrën e përvojës dhe të përgjegjësisë në një skuadër që synon të tejkalojë arritjet e saj të deritanishme. Nga ana tjetër, Jashari mishëron gjeneratën e re, si një lojtar që kërkon të ndërtojë historinë e vet me fanellën helvetike.

Nëse Zvicra kalon çerekfinalen dhe siguron një vend në podium, atëherë Xhaka dhe Jashari do t’i shtohen listës së futbollistëve me prejardhje shqiptare që kanë lënë gjurmë në Kupën e Botës.

Ky rrugëtim e ka zanafillën te Ardian Kozniku në Francë, në vitin 1998. Ish-sulmuesi kosovar bënte pjesë te Kroacia në një Botëror historik për atë shtet, që po luante për herë të parë në Kupën e Botës si vend i pavarur.

Kroacia, e drejtuar nga emra të tillë si Davor Suker, Zvonimir Boban, Robert Prosinecki dhe Robert Jarni, e kaloi fazën e grupeve falë fitoreve ndaj Xhamajkës dhe Japonisë. Më pas eliminoi Rumaninë në 1/8 e finales, ndërsa në çerekfinale surprizoi Gjermaninë me shifrat e thella 3-0.

Në gjysmëfinale, kroatët u ndeshën me Francën nikoqire. Skuadra kaloi e para në avantazh me Sukerin, por vendasit e kthyen rezultatin falë dy golave të Lilian Thuram dhe prenë biletën për në finale. Kroacia u kundërpërgjigj në takimin për vendin e tretë, ku mposhti Holandën 2-1 dhe fitoi medaljen e bronztë.

Edhe pse Kozniku nuk mori minuta në atë Botëror, ai ishte pjesë e skuadrës që arriti një prej sukseseve më të mëdha në historinë e futbollit kroat.

Pas gjashtëmbëdhjetë vjetësh, Shkodran Mustafi preku kulmin e mundshëm në futboll. Mbrojtësi me prejardhje shqiptare ishte pjesë e Gjermanisë që në vitin 2014, në Brazil, u kurorëzua kampione e botës.

Skuadra e Joachim Löwit e hapi turneun me një fitore të thellë 4-0 ndaj Portugalisë, më pas barazoi me Ganën dhe fitoi ndaj SHBA-së për ta mbyllur grupin në vendin e parë. Në fazën me eliminim direkt, gjermanët kaluan me vështirësi Algjerinë vetëm pas vazhdimeve, më tej nxorën jashtë Francën në çerekfinale dhe më pas shkruan histori në gjysmëfinale.

Përballë Brazilit vendas, Gjermania regjistroi një nga fitoret më tronditëse në historinë e Kupës së Botës, duke triumfuar 7-1. Në finalen ndaj Argjentinës, ishte goli i Mario Götzes në vazhdime që i dha Gjermanisë titullin e katërt botëror.

Mustafi pati një rol aktiv në fazën e grupeve dhe luajti edhe në 1/8 e finales kundër Algjerisë, përpara se një lëndim ta nxirrte jashtë për pjesën e mbetur të turneut. Sidoqoftë, ai mbetet futbollisti i vetëm me prejardhje shqiptare që e ka fituar Kupën e Botës.

Në Botërorin e Rusisë më 2018, në podium arriti edhe Adnan Januzaj me Belgjikën. “Djajtë e Kuq” e nisën garën me fitore ndaj Panamasë dhe Tunizisë, ndërsa Januzaj u kthye në protagonist në ndeshjen e fundit të grupit përballë Anglisë.

Lojtari me origjinë shqiptare realizoi golin e vetëm të sfidës, duke i dhënë Belgjikës suksesin 1-0 dhe vendin e parë në grup. Ai realizim e veçoi Januzajn si një nga figurat karakteristike të rrugëtimit belg në atë Botëror.

Më pas, Belgjika eliminoi Japoninë në një ndeshje dramatike të 1/8 së finales, ku përmbysi humbjen 2-0 për të fituar 3-2. Në çerekfinale erdhi edhe fitorja e madhe 2-1 kundër Brazilit, rezultat që e çoi Belgjikën në gjysmëfinale për herë të parë që nga viti 1986.

Në gjysmëfinale, Belgjika u ndal nga Franca pas golit të Samuel Umtitit, por ekipi i Roberto Martinez reagoi në ndeshjen për vendin e tretë. Fitorja 2-0 ndaj Anglisë i solli Belgjikës medaljen e bronztë dhe arritjen më të mirë në historinë e saj në Kupën e Botës. Januzaj nuk luajti as në gjysmëfinale dhe as në ndeshjen për vendin e tretë, por mbeti pjesë e skuadrës që u ngjit në podium.

Historia që nisi me bronzin e Koznikut në vitin 1998, vijoi me titullin botëror të Mustafit në vitin 2014 dhe me medaljen e Januzajt në vitin 2018, tani mund të marrë një vazhdim të ri me Granit Xhakën dhe Ardon Jasharin.

The post Xhaka e Jashari synojnë të hyjnë në gjurmët e Mustafit, Koznikut dhe Januzajt appeared first on Albeu.com.

Në një intervistë të fundit për mediumin “Web.de”, 31-vjeçari Mustafi ndau pritshmëritë e tij nga ekipi kombëtar gjerman dhe reflektoi mbi sfidat e reja që e presin.

Pas një karriere të pasur në ligat kryesore të Evropës – duke përfshirë përvojën në Gjermani, Angli, Itali dhe Spanjë – njohuritë e Mustafit do të jenë të vlefshme për një transmetues që do të mbuloi të gjitha 51 ndeshjet e turneut. Ai do të jetë pjesë e një skuadre ekspertësh së bashku me legjendën Michael Ballack.

Mustafi, i cili pranoi se nuk e kishte pritur ta fillonte rolin si analist në moshën 31-vjeçare, u shpreh se lëndimet e kanë larguar nga loja më herët sesa kishte shpresuar. Megjithatë, ai shprehet se ndjen kënaqësi në përcjelljen e njohurive dhe përvojave të tij në futboll për të tjerët. Ai gjithashtu shfaq shumë entuziazëm për bashkëpunimin e tij me Ballackun dhe pjesën tjetër të skuadrës së analistëve.

Mustafi theksoi avantazhin e të qenit ende i afërt me ndjenjat e një lojtari profesionist dhe është i gatshëm për të ndarë perspektivën e tij të pasur në ndeshjet e Evropianit. Ai shpreh gjithashtu shpresën për një performancë të suksesshme të ekipit gjerman në turneun e ardhshëm.

“Po, është ndihmesë. Mendoj se ende mund ta kuptoj çka ndodh në fushë apo në dhomat e zhveshjes. I njoh mendimet dhe ndjenjat e futbollistit profesionist nga perspektiva ime. Po pres sidomos për atmosferën në Evropianin në vendin tim dhe po shpresoj për paraqitje shumë të suksesshme nga ekipi i Gjermanisë”, ka shtuar Mustafi.

Pas disa fitoresh bindëse kundër Francës dhe Holandës, tifozët gjermanë tani shpresojnë për një titull në Evropianin e ardhshëm. Mustafi beson se ekipi ka potencialet për të konkurruar për titullin, duke i vënë theksin trajnerit Julian Nagelsmann, i cili është përzgjedhur për të udhëhequr ekipin.

Mustafi vlerësoi zgjedhjet e Nagelsmannit për ndeshjet e fundit dhe është i befasuar pozitivisht nga ftesa e lojtarëve të rinj përpara turneut. Ish-mbrojtësi vëren se kthimi i Toni Kroosit te Gjermania ka sjellë një atmosferë të veçantë të entuziazmit te vendi organizator i Euro 2024.

“Tani kemi Julian Nagelsmannin, trajnerin që më bind. Mendoj se ai mund ta udhëheqë ekipin si duhet. Atij i duhet kohë që të përshtatet në pozitën e re. Ka dallim të madh në mes të udhëheqjes së një ekipi dhe përfaqësueses. Si trajner nacional ju nuk i keni djemtë afër çdo ditë dhe nuk keni shumë kohë për t’iu dhënë këshilla taktike dhe ide se si të luajnë. Ndaj Francës dhe Gjermanisë kam parë Gjermaninë në nivelin më të lartë taktik dhe të futbollit në përgjithësi”, thotë Mustafi.

Mustafi, i cili gjithashtu foli për talentin e dy portierëve kryesorë gjermanë – Manuel Neuer dhe Marc-Andre ter Stegen – vlerësoi se dyshja janë në një nivel të lartë, por parashikon që Neuer prapë do të jetë zgjedhja e parë nëse ai qëndron i shëndoshë.

Sidoqoftë, Mustafi nuk ka ndër mend të qëndrojë shumë larg fushës së lojës. Ai ka luajtur për Levanten në maj të vitit të kaluar, dhe pavarësisht sfidave, ai beson se ka ende energjinë dhe motivimin për të vazhduar karrierën e tij si lojtar. Ai gjithashtu ka ndër mend të marrë një licencë trajneri në të ardhmen, tregon për ndjeshmërinë e tij të rritur për të kuptuar lojën nga një kënd i ri.

“Këtë muaj i mbush 32-vjet, por mendoj se jam ende i ri mjaftueshëm dhe ende kam energji dhe motivim për të sulmuar në fushë. Kjo është dëshira ime më e madhe. E di që situata ime nuk është e lehtë. Kur jeni jashtë për kohë të gjatë ju duhet të gjeni mënyrën për t’u kthyer. Por i besoj vetes për këtë. Shumë gjëra që jam mësuar t’i shoh vetëm nga perspektiva e lojtarit tani i shoh nga kënde të ndryshme. Kjo më ndihmon që të kuptoj shumë gjëra më mirë. Interesimi për të parë gjërat nga perspektiva e trajnerit është po ashtu shumë i madh. Për këtë jam i sigurt se do të pajisem me licencë të trajnerit në një pikë në të ardhmen”, shtoi më tej Mustafi.

Pas eksperiencave të tij të shumta me klube të mëdha si Schalke, Arsenal, Valencia dhe Sampdoria, Mustafi shikon përpara një kthimi në fushën e blertë, teksa vazhdon të zhvillojë njohuritë dhe perspektivën e tij të futbollit. /Telegrafi/

The post Shkodran Mustafi parashikon fituesin e Kampionatit Europian dhe paralajmëron rikthimin në futboll appeared first on Albeu.com.

Mustafi ka disa oferta, por duket se karriera e tij futbollistike pritet të jetë në Itali, ku në Serie A ka disa epike të interesuara për të. Salenitana e cila drejtohet nga Pippo Inzaghi është në “pole-position” për të trasnferuar lojtarin me origjinë shqiptare.

Në ditët në vijim pritet të konkretizohet edhe ky operacion. Kontrata pritet të jetë deri në fund të këtoj sezoni dhe me opsion zgjatjen e saj deri në qershor të 2025. Ky do të ishte një rikthim për Shkodranin në Serie A, pasi në të kaluarën ka mbajtur veshur fanelën e Sampdorias. /newsport.al/

The post “Ëndërr” në sirtar për Vllazninë, Shkodran Mustafi drejt Serie A appeared first on Albeu.com.

Krahas kampionatit, në Shkodër po punojnë fort edhe për merkaton. Drejtuesit kërkojnë të përforcojnë skuadrën me elementë cilësor, madje kanë nisur nga puna për të bërë edhe transferimin e bujshëm në Superiore.

Një ‘Shkodran” për Shkodrën. Në radarin e kuqebluve është Shkodran Mustafi, i cili aktualisht është pa në ekip dhe drejtuesit e Vllaznisë po tentojnë ta sjellin në Superiore. 31-vjeçari prej korrikut të vitit 2023 është pa një skuadër dhe në këtë mënyrë mund të përfitojnë shkodranët.

Ka qenë vetë trajneri Qatip Osmani, i cili ka konfirmuar për shtypin e shkruar se kanë nisur bisedimet, madje e ka takuar personalisht babain e mbrojtësit të djathtë. Kujtojmë se Mustafi është shpallur kampionë bote me Gjermaninë në vitin 2024, ndërsa ka luajtur për ekipe si Arsenali, Levante, Schalke etj. Mbetet të shihet nëse Vllaznia do t’ia dalë të bindë Shkodranin për t’u transferuar në Shkodër, apo gjithçka do të mbetet një “ëndërr”. /newsport.al/

The post Vllaznia nis bisedimet me kampionin e botës appeared first on Albeu.com.

Serie A mund të jetë destinacioni i ardhshëm i ish-mbrojtësit të Sampdorias.

Genoa është një opsion, por ky klub është i interesuar më shumë për Maksimovic.

Torino është klubi tjetër më i interesuar për Mustafin dhe TMW po lëviz për të siguruar shërbimet e tij.

Gjithashtu raportohet se Adana Demirspor në Turqi i ka bërë një ofertë Mustafit.

Ishit të Arsenalit duket se nuk i mungojnë ofertat, ka disa ditë kohë që të vendosë se ku dëshiron të vazhdojë karrierën.

The post Momentalisht lojtar i lirë, Mustafi mund të përfundojë në Serie A appeared first on Albeu.com.

Pas humbjes së mbrëmshme, tifozët e Schalkes kanë kërcënuar futbollistët. Madje ashtu siç njoftoi klubi gjerman sot gjatë ditës disa tifozë edhe i sulmuan ata, shkruan IndeksOnline.

Në media po publikohet një video ku shihen disa futbollistë të Schalkes duke ikur me vrap nga tifozët. Sipas këtyre mediave pretendohet se një nga ata lojtarë është shqiptari, Shkodran Mustafi.

Kujtojmë që Schalke këtë sezon ka grumbulluar vetëm 13 pikë.

Schalke’s players, including Sead Kolasinac & Shkodran Mustafi, had to flee from an angry mob of fans last night after their 1-0 loss away to Arminia Bielefeld which confirmed their relegation to the 2.Bundesliga. ?☠️
pic.twitter.com/ywnypK04ep

— FutbolBible (@FutbolBible) April 21, 2021

The post Shkodran Mustafi me shokë duke ikur nga tifozët e Schalkes (VIDEO) appeared first on Albeu.com.