Burimet bëjnë me dije se shkak për mosrealizimin e operacioneve është bërë mungesa e gjeneratorit çka ka lënë sallat e operacioneve pa energji elektrike.

Për rrjedhojë, mjekët kanë refezuar të kryejnë operacionet në mënyrë që të mos rrezikojnë jetët e pacientëve.

Ndërsa bëhet me dije se ndërhyrjet për dhjetëa pacientë janë shtyrë pa një afat të caktuar.

The post Skandal në spitalin e Shkodrës/ Dhjetëra pacientëve u refuzohet kryerja e operacioneve, shkak bëhet mungesa e gjeneratorit appeared first on Albeu.com.

Grupi hetimor, nën drejtimin e Prokurorisë, po punon për sqarimin e rrethanave të aksidentit.

Njoftimi i policisë

Rreth orës 16:25, në aksin rrugor Shkodër–Koplik, në fshatin Grizhë, janë përplasur tre automjete. Si pasojë e aksidentit, ka humbur jetën një person dhe tre të tjerë janë lënduar.

Grupi hetimor, nën drejtimin e Prokurorisë, po punon për sqarimin e rrethanave të aksidentit.

The post Aksident rrugor në Shkodër, humb jetën një person dhe plagosen tre të tjerë appeared first on Albeu.com.

Të riut me iniciale B.H., i cili tentoi t’i shpëtonte policisë duke u larguar me vrap, gjatë kontrollit fizik i është gjetur një armë zjarri pistoletë, municion luftarak dhe një mjet prerës (thikë).

Gjithashtu, u procedua në gjendje të lirë edhe mikut i tij, i riu me iniciale E. Ç., 29 vjeç, për veprën penale “Moskallëzim krimi”.

Njoftitmi i policisë:

Shërbimet e Forcës së Posaçme “Shqiponja”, në vijim të punës për identifikimin dhe kapjen e shtetasve që qarkullojnë me armë zjarri pa leje, bazuar edhe në informacionet e siguruara në rrugë operative, pas mesnate, në lagjen “Guerile”, gjatë patrullimit, kanë konstatuar 2 shtetas, të cilët, sapo kanë parë shërbimet e Policisë, janë larguar me vrap.

Pas ndjekjes dhe kontrollit fizik të shtetasit B. H., shërbimet e Policisë i gjetën një armë zjarri pistoletë, municion luftarak dhe një mjet prerës (thikë).

Në vijim të veprimeve procedurale, specialistët për Hetimin e Krimeve të Komisariatit të Policisë Shkodër bënë arrestimin në flagrancë të shtetasit B. H., 19 vjeç, banues në Shkodër.

Gjithashtu, u procedua në gjendje të lirë shtetasi E. Ç., 29 vjeç, për veprën penale “Moskallëzim krimi”.

Materialet procedurale iu referuan Prokurorisë pranë Gjykatës së Juridiksionit të Përgjithshëm Shkodër, për veprime të mëtejshme.

The post Tentoi t’i shpëtonte policisë duke vrapuar, arrestohet 19-vjeçari që mbante armë zjarri appeared first on Albeu.com.

Me anë të një pakete të re investimesh, kryesisht në infrastrukturën rrugore, qeveria shqiptare po planifikon të shpenzojë 100 milionë euro vetëm për bashkitë e qarkut të Shkodrës në prag të zgjedhjeve lokale, përmes projektit të njohur si “Porta e Alpeve”.

Sipas kryeministrit Edi Rama, projekti “Porta e Alpeve” do të jetë një shtojcë e “Paketës së Maleve” – një nismë kontroverse e shoqëruar me shqetësime mbi të drejtën e pronësisë dhe mënyrën se si do të aplikohet.

“Bëhet fjalë për një investim masiv për zhvillimin e turizmit me fokus atë malor”, tha Rama të dielën gjatë një video të publikuar në rrjetet sociale.

Sipas tij, bëhet fjalë për investime të infrastrukturës rrugore, menaxhim të ujërave të zeza, ndërhyrje në zhvillimin urban dhe në ruajtjen e trashëgimisë historike dhe natyrore, punë të cilat në dukje janë investime që lidhen drejpërdrejt me qeverisjen vendore.

Në zbatim të këtij projekti, qeveria ka depozituar në Kuvend një projektligj për ratifikimin e kontratës financiare me Bankën Evropiane të Investimeve me një vlerë prej 50 milionë eurosh kredi, të cilat do të përdoren për “punimet e infrastrukturës bashkiake për projektin ‘Porta e Alpeve’.

Kësaj kredie do t’i bashkohet dhe një fond 50 milionë euro nga buxheti i shtetit për zhvillimin e turizmit të qëndrueshëm. Projekti do të zbatohet nga Fondi Shqiptar i Zhvillimit.

PS e fitoi qytetin e Shkodrës për herë të parë që pas rënies së regjimit komunist në zgjedhjet lokale të vitit 2023 me kryebashkiak Benet Becin, një ish-drejtor i Fondit Shqiptar të Zhvillimit. Dy prej bashkive të tjera të qarkut, ajo e Pukës dhe e Fushë-Arrëzit drejtohen nga opozita.

Projekti i ri i ka të lidhur shumicën e komponentëve me qytetin e Shkodrës, të tilla si rehabilitimi i shesheve, bulevardeve, ndërtim parkingjesh si dhe i një korridori rrugor që lidh Alpet me bregdetin Adriatik, nëpërmjet Shkodrës, liqenit të Shkodrës dhe lumit Buna, Velipojës dhe Shëngjinit.

Përdorimi i investimeve publike si mekanizëm për ndikim elektoral është një fenomen i pandalshëm në Shqipëri, i cili edhe pse nuk cënon formalisht dispozitat e Kodit Zgjedhor, shërben shpeshherë për të mikluar votuesit.

Por ekspertë të shoqërisë civile, edhe projekti i ri i njohur si “Porta e Alpeve” nuk mund të shihet jashtë mekanizmit politik për ndikim elektoral.

“Qeveria duhej të ishte shumë trasparente për të gjitha kostot, rrisqet, përfitimet dhe qasjen strategjike për të ardhmen,” tha Afrim Krasniqi, drejtor i Institutit për Studime Politike. Krasniqi i sheh ‘Paketën e Maleve’ apo ‘Portën e Alpeve’ si nisma që ndërlidhin shumë sektorë, prekin pronën private, prekin raportet e qytetarëve me shtetin, shërbimet e kadastrës, konkurrencën ekonomike, sektorin e turizmit dhe me elementë të sigurisë kombëtare.

“Si të tilla duhet të jenë nisma shumë transparente dhe të qëndrueshme”, theksoi ai.

Në mungesë të këtyre elementeve, sipas Krasniqit, këto janë nisma të mbyllura, jotransparente dhe të nxitura nga interesa të diskutueshme.

Drejtori i Institutit Shqiptar të Bashkive, Agron Haxhimali thotë se kjo paketë investimesh është e nevojshme për zonat malore, por ai e vendos theksin te shpërndarja e drejtë e fondit.

“Të pesë bashkitë e qarkut duhet të jenë përfituese. Secila bashki duhet të jetë pjesë e konsultimit dhe vendimarrjes për projekte strategjike, që të sigurojnë kohezion social, rritje ekonomike dhe ripopullim”, tha ai.

Ndërkohë që ligji e detyron qeverinë që të ketë kufizime investimesh vetëm katër muaj përpara zgjedhjeve, Krasniqi mendon se investimet në vlera të tilla të mëdha nuk shihen jashtë ndikimeve politike elektorale.

“Në mungesë të elementëve që sigurojnë transparencën dhe interesin e një zhvillimi afatgjatë ekonomik, projekti i ri mund të ketë fatin e projekteve të mëparshme që kanë rezultuar më shumë si projekte 2-3 vjeçare politiko-elektorale apo klienteliste sesa projekte për zhvillimin e Shqipërisë”, përfundoi ai./ BIRN

The post “Porta e Alpeve”/ BIRN: Qeveria hedh 100 milionë euro në Shkodër para zgjedhjeve lokale appeared first on Albeu.com.

E reja kishte sjellë në jetë binjakë, por gjendja e saj shëndetësore u përkeqësua menjëherë pas lindjes, duke e bërë të domosdoshëm sigurimin urgjent të gjakut të grupit 0 negativ.

Thirrja për ndihmë u përhap me shpejtësi në rrjetet sociale dhe në media, duke mobilizuar dhjetëra qytetarë që iu përgjigjën menjëherë apelit për të dhuruar gjak.

Pavarësisht përpjekjeve të mjekëve dhe solidaritetit të treguar nga qytetarët, 27-vjeçarja nuk arriti t’i mbijetojë gjendjes kritike.

The post E rëndë në Shkodër/ 27-vjeçarja humb jetën pas lindjes së binjakëve appeared first on Albeu.com.

Sipas njoftimit të policisë, një motomjet ende i paidentifikuar ka përplasur shtetasin A. Gj., 47 vjeç, i cili po lëvizte me biçikletë.

Si pasojë e përplasjes, 47-vjeçari ka mbetur i dëmtuar dhe është transportuar me urgjencë drejt Spitalit të Shkodrës, ku ndodhet jashtë rrezikut për jetën.

Njoftimi i Policisë:

Rreth orës 17:00, në sheshin “Prek Cali”, një motomjet i paidentifikuar ka përplasur shtetasin A. Gj., 47 vjeç, i cili po lëvizte me biçikletë.

Si pasojë e aksidentit, është dëmtuar shtetasi A. Gj., i cili ndodhet në Spitalin Rajonal Shkodër, jashtë rrezikut për jetën.

Grupi hetimor, nën drejtimin e Prokurorisë, po punon për sqarimin e rrethanave të aksidentit.

The post Aksident në Shkodër/ 47-vjeçari përplaset nga një motomjet, dërgohet me urgjencë në spital appeared first on Albeu.com.

Trupa inspektuese ka vendosur edhe bllokimin e menjëhershëm të aktivitetit të subjektit deri në përmbushjen e standardeve higjieno-sanitare.

Ndaj subjektit janë marrë edhe masa administrative:

Gjobë në vlerën 300,000 lekë për shkelje të kushteve të higjienës, në bazë të Ligjit Nr. 9863 “Për ushqimin”, neni 68, pika 1, germa “h”.

Gjobë në vlerën 100,000 lekë për shkelje të kërkesave të gjurmueshmërisë së produkteve.
AKU bën me dije se kontrollet do të vijojnë me intensitet për të garantuar sigurinë ushqimore dhe mbrojtjen e konsumatorit.

The post Nuk plotësonte standardet higjeno-sanitare, bllokohen mbi 7 ton djathë në Shkodër appeared first on Albeu.com.

Sipas njoftimit zyrtar, të plagosurit janë shtetasi Enis Preza 19 vjeç dhe një 17-vjeçar, të cilët aktualisht ndodhen nën kujdesin e mjekëve.

Shkodër / Informacion paraprak

Rreth orës 19:50, në Spitalin Rajonal Shkodër janë paraqitur për ndihmë mjekësore, të dëmtuar me mjet prerës (thikë), shtetasi E. P., 19 vjeç, dhe një 17-vjeçar, të cilët aktualisht ndodhen nën kujdesin e mjekëve.

Shërbimet e Policisë kanë shkuar menjëherë në vendngjarje dhe, nga veprimet e para hetimore, dyshohet se këta shtetas janë dëmtuar me mjet prerës në lagjen “Qemal Stafa”, gjatë një konflikti të çastit.

Grupi hetimor, nën drejtimin e Prokurorisë, vijon punën për sqarimin e plotë të rrethanave të ngjarjes dhe kapjen e autorëve.

The post EMRI/ Detaje nga sherri me th*ka mes të rinjve në Shkodër, policia jep detajet e para: Të plagosurit janë 19 dhe 17 vjeç, ja pse u konfliktuan appeared first on Albeu.com.

Menjëherë pas emërimit të shumta kanë qenë reagimet në Shkodër. Ndër të parat ka qenë gazetarja Brunilda Dibra, e cila ka reaguar ashpër ndaj emërimit të Mark Mollës si administrator i ri i Universitetit të Shkodrës, duke rikthyer në vëmendje akuza dhe dyshime nga e kaluara e tij që, sipas saj, mbeten të paqarta, shkruan Albeu.com

Në një postim kritik, ajo ngre shqetësime mbi integritetin dhe përgjegjësinë e figurave publike, duke e lidhur këtë vendim me fenomenin e riciklimit të emrave në institucione dhe harresën e shpejtë të opinionit publik.

Sipas të dhënave të publikuara, emërimi i Mark Mollës si administrator i Universitetit “Luigj Gurakuqi” ka ngritur pikëpyetje mbi përputhshmërinë me kriteret ligjore të parashikuara në nenin 51 të ligjit për arsimin e lartë. Ky nen përcakton se administratori i universitetit publik duhet të administrojë çështjet financiare të institucionit dhe të jetë përfaqësues ligjor për to, ndërsa kandidati nuk duhet të jetë i dënuar me vendim gjyqësor të formës së prerë dhe as i përfshirë në abuzime gjatë administrimit të institucioneve publike.

Sipas informacioneve, Mark Molla, i datëlindjes 25 maj 1961, është dënuar me 8 vite burg nga Gjykata e Shkodrës me vendimin nr. 143, datë 2 qershor 1989, për përvetësim të pasurisë publike, shpërdorim detyre dhe falsifikim dokumentesh zyrtare. Po ashtu, përmendet Raporti i Auditimit nr. 5/1, datë 17 janar 2022, i Kontrollit të Lartë të Shtetit për Ujësjellës-Kanalizime Shkodër, ku evidentohen shkelje dhe problematika financiare për periudhën 1 korrik 2017 – 31 dhjetor 2021, kohë kur Molla ka mbajtur detyrën e administratorit.

Sipas këtij raporti, janë konstatuar parregullsi në disa procedura tenderuese, në administrimin e furnizimit me ujë në zonën e Velipojës, si dhe në kontrata për automjete, pajisje hidraulike dhe investime në rrjetin e ujësjellësit. Në material theksohet gjithashtu se një nga rekomandimet e KLSH për Bashkinë Shkodër ka qenë largimi i tij nga detyra.

Ndërkohë disa vite më vonë, pikërisht në vitin 2026, Bordi i Administrimit të Universitetit “Luigj Gurakuqi”- Shkodër ka emëruar Mark Mollën si administrator ekonomiko-financiar i unversitetit të Shkodrës, një person që ka qenë i dënuar me burg për përvetësim të pasurisë publike, shpërdorim detyre e falsifikim dokumantesh zyrtare. /albeu.com/

The post Rilind edhe Universiteti “Luigj Gurakuqi”, 65 vjeçari i dënuar me 8 vite burg për vjedhje, emërohet administrator i universitetit appeared first on Albeu.com.

Sipas burimeve, rreth 1500 qytetarë nga Shkodra pritet të jenë të pranishëm në këtë manifestim, duke kontribuar në pjesëmarrjen masive që po organizohet në kryeqytet.

Protestuesit po udhëtojnë kryesisht me makina private, por gjithashtu ka një organizim të plotë nga Ardit Çylybyli, kreu i Partisë Demokratike Shkodër, për të siguruar që protesta të jetë sa më e organizuar dhe me pjesëmarrje të gjerë.

Burimet theksojnë se ka pasur një angazhim maksimal dhe vullnet të madh nga qytetarët shkodranë për të marrë pjesë në këtë protestë, e cila ka si qëllim të shprehi pakënaqësinë e qytetarëve ndaj qeverisjes aktuale.

The post FOTO+VIDEO/ Protestuesit nga Shkodra nisen drejt Tiranës appeared first on Albeu.com.