Në fjalën e tij, kryedemokrati theksoi se përulen me respekt para veprës së Arben Brocit, Bujar Bishanakut, Nazmir Kryeziut dhe Besnik Cekës, të cilët u vranë në protestën e 35 viteve më parë kundër Partisë Komuniste.

“Të dashur miq, 35 vite më parë, vetëm dy ditë pas përfundimit të farsës elektorale, gjimnazistët e Shkodrës ndërprenë mësimin dhe u ulën mbi çantat e tyre në një formë proteste ndër më të qytetëruara, ndër më paqësoret. Ata protestuan në dëshpërim të thellë sepse diktatori i fundit komunist në Europë, partia e tij dhe zgjedhjet pluraliste pas pothuajse gjysmë shekulli, i shndërroi në një farsë zgjedhore. Zhgënjimi i tyre ishte i jashtëzakonshëm dhe po kështu zemërimi dhe dëshpërimi. Ndaj dhe ata dolën në një protestë, u ulën përballë pallatit të krimit, u ulën përballë selisë së partisë së krimit dhe mbi ta u shkrehën breshëri të shumta kallashnikovësh dhe mitrolozësh. Ranë në këtë shesh për të mbetur përjetë të gjallë në zemrat tona, për t’u nderuar gjithmonë nga ata që nderojnë votën e lirë dhe lirinë”, u shpreh Berisha.

Berisha u ndal edhe te situata politike aktuale në vend, teks a e cilësoi kryeministrn Edi Rama si pasardhës të “bllokmenëve hoxhistë”, i cili, sipas tij, ka përdorur pushtetin për të vjedhur dhe plaçkitur shqiptarët dhe për ta shndërruar votën në një farsë elektorale.

“Edi Rama, i cili në shembullin më të zi të baballarëve të vet, ka përqendruar çdo pushtet në duart e tij. Përdor pushtetin për t’u pasuruar, për të legjitimuar vjedhjen dh plaçkitjen e shqiptarëve dhe shndërruar votën në një farsë të shëmtuar. Në këtë kuadër, kurrë më shumë se sot, nuk është aktuale, më frymëzuese sakrifica e martirëve të 2 prillit, të votës së lirë, ndaj edhe ne jemi të betuar. PD është e betuar se misioni i saj kryesor ëshë rikthimi i votës së lirë të shqiptarët. Kam besim të madh se Shkodra do të përmbushë këtë mision se çdo qytet tjetër“, tha ai.

The post Përkujtohet 35-vjetori i masakrës së 2 Prillit/ Berisha në Shkodër: Përulemi para 4 martirëve appeared first on Albeu.com.

Flakët kanë shkaktuar panik tek banorët e zonës, ndërsa forcat zjarrfikëse dhe policia ndodhen në terren.

Tre mjete zjarrfikëse punuan për shuarjen e flakëve, ndërsa policia ka rrethuar zonën për të garantuar sigurinë e banorëve.

Sipas informacioneve paraprake, fatmirësisht nuk raportohet për persona të lënduar, por dëmet materiale janë të konsiderueshme.

Shkaqet e rënies së zjarrit mbeten ende të paqarta, ndërkohë që autoritetet pritet të zbardhin rrethanat e ngjarjes në orët në vijim.

Njoftimi i policisë:

Një zjarr i madh ka përfshirë lagjen “Dudas” në qytetin e Shkodrës, duke shkrumbuar 1 banesë.

3 mjete zjarrfikëse po punojnë për shuarjen e flakëve, ndërsa policia ka rrethuar zonën.

Deri tani nuk raportohet për persona të lënduar, por vetëm dëme të shumta materiale.

Shkaqet e zjarrit mbeten ende të paqarta.

The post Zjarr i madh në Shkodër/ Përfshihet nga flakët një banesë në lagjen “Dudas” (VIDEO) appeared first on Albeu.com.

Njoftimi:

Rreth orës 19:20, në aksin rrugor Shkodër-Lezhë, automjeti me drejtues shtetasin M. M., 28 vjeç, është përplasur me motomjetin me drejtues shtetasin M. Q., rreth 51 vjeç.

Si pasojë është dëmtuar lehtë 51-vjeçari, i cili është në spitalin rajonal të Shkodrës, jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave të aksidentit.

The post Aksident i rëndë/ Makina përplas motorin në aksin Shkodër-Lezhë appeared first on Albeu.com.

Njoftimi i policisë:

Vijojnë operacionet e njëpasnjëshme për lokalizimin dhe kapjen e shtetasve të shpallur në kërkim ndërkombëtar, me qëllim ekstradimin e tyre.

Finalizohet nga Drejtoria Vendore e Policisë Shkodër, në bashkëpunim me Interpol Tirana, operacioni policor i koduar “Xhabija”.

Kapet në Shkodër dhe vihet në pranga, me qëllim ekstradimin drejt Italisë, një shtetas i shpallur në kërkim ndërkombëtar për grabitje me armë dhe plagosje.

Në vijim të punës për kapjen e shtetasve të shpallur në kërkim ndërkombëtar, si rezultat i bashkëpunimit dhe shkëmbimit të informacionit mes DVP Shkodër dhe Interpol Tirana, u organizua operacioni policor i koduar “Xhabija”, për kapjen e shtetasi të shpallur në kërkim ndërkombëtar.

Gjatë operacionit, shërbimet e Forcës së Posaçme “Shqiponja” të Drejtorisë Vendore të Policisë Shkodër, në lagjen ‘’Xhabije’’, Shkodër, kapën dhe arrestuan me qëllim ekstradimin drejt Italisë, shtetasin:

–  A. N., 38 vjeç, banues në Velipojë, Shkodër.

Ky shtetas ishte shpallur në kërkim ndërkombëtar, pasi Gjykata e Triestes, Itali, më datë 08.05.2023, ka lëshuar urdhrin e arrestit për veprat penale “Grabitja me armë” dhe “Plagosja”, parashikuar nga Kodi Penal i Italisë.

Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë./albeu.com

The post EMRI/ Kërkohej nga Italia për grabitje dhe plagosje, kapet në Shkodër 38-vjeçari appeared first on Albeu.com.