Pikëpamjet jo-shkencore vijnë nga Dr. Alexander Kudryavtsev, kreu i Institutit të Gjenetikës së Përgjithshme të Akademisë Ruse të Shkencave.

60-vjeçari bëri një sërë deklaratash të çuditshme marsin e kaluar gjatë Konferencës së Tretë Shkencore dhe Teologjike Ndërkombëtare.

Qeveria ruse nuk dha një arsye për shkarkimin e tij, por Fyodor Lukyanov, kreu i komisionit të kishës ruse për çështjet familjare, tha se shkarkimi ndodhi për shkak ‘të besimeve dhe deklaratave fetare’ në përputhje me besimin që kjo ‘shkel etikën e komunitetit shkencor. ‘.

Dr. Kudryavtsev pretendon se universi ishte krijuar nga Zoti, por “u kalb” për shkak të “mëkatit të lashtë, të paraardhësve dhe personal” të njerëzve dhe se para përmbytjes biblike, njerëzit jetonin deri në 900 vjet.

Kur u pyet nga mediat, ai u shpreh: “Doja të theksoja ndikimin e dëmshëm të të ashtuquajturave zakone të këqija, atë që teologët e quajnë mëkat. Ato ndikojnë edhe në gjenomë. Këto janë mutacione që mjekët e gjenetikës gjejnë çdo ditë kur punojnë me pacientët”, tha Dr. Kudryavtsev.

“Shkencëtarët ateistë do t’ju thonë se në fakt, është rrezatim, është ndotje, të gjitha janë efekte mutacioni. Megjithatë, bindja ime personale është se një shkatërrim i tillë nis nga mëkati fillestar, i rënduar nga mëkati i paraardhësve si dhe mëkati personal gjithashtu”.

Mes të tjerash, shkencëtari beson se këto mëkate mund të shtrihen deri në 7 breza.

Pas reagimeve të ashpra, Dr Kudryavtsev u detyrua të lëshonte një deklaratë ku thoshte se pretendimet e tij janë vetëm besimi i tij personal dhe se ato nuk duhet të lidhen me departamentin e gjenetikës që ai drejton.

The post Deklaronte se mëkatet kanë shkurtuar jetën e njeriut, shkarkohet shkencëtari rus appeared first on Albeu.com.

Sipas “Moskovsky Komsomolets”, por edhe mediave ndërkombëtare, ka ndërruar jetë në moshën 77-vjeçare eksperti rus me famë botërore për lëshimin e raketave, Vitaly Melnikov.

Rrethanat e sakta të vdekjes së tij janë ende të paqarta, por hetimi “paraprak” tregoi se “burimi i helmimit ishin kërpudhat e pangrënshme”, shkruan gazeta ruse.

“Megjithë kujdesin intensiv mjekësor, mjekët nuk ishin në gjendje të shpëtonin Melnikovin, i cili ishte shtruar në spital pas nisjes së anijes kozmike më 11 gusht”, shkruante Moskovsky Komsomolets.

Melnikov ishte kreu i departamentit të raketave dhe sistemeve hapësinore në RSC Energia, një nga kompanitë kryesore hapësinore në Moskë. Ai ishte gjithashtu një studiues kryesor në një divizion të agjencisë ruse të hapësirës Roskosmos. Me gjithsej 291 artikuj shkencorë, Melnikov gëzoi një reputacion të madh në mbarë botën dhe bashkëpunoi ngushtë me kolegët e tij të huaj.

Misioni i parë hënor i Moskës në gjysmë shekulli, i quajtur Luna-25, përfundoi në katastrofë: sonda u rrëzua në sipërfaqen hënore më 19 gusht. NASA, në fakt, publikoi video nga vendi i përplasjes.

Anija kozmike pa pilot dështoi të ulej në Hënë, megjithëse u rrotullua rreth Hënës dhe dërgoi fotografi të satelitit të Tokës.

“Ndoshta ka pasur një problem me elektronikën dhe sistemet e kontrollit të orientimit. Ne e dimë se datat e nisjes së Luna-25 janë shtyrë përpara dhe me radhë për disa vjet, ndoshta pesë vjet. Kjo është bërë vetëm për shkak të problemeve me elektronikën, për shkak të Sanksionet e vendosura ndaj Rusisë pas aneksimit të Krimesë”, thekson analisti rus i hapësirës Vitaly Yegorov.

Kreu i Roscosmos, Yuri Borisov, e kishte cilësuar që në fillim projektin si “të rrezikshëm”. Ai madje thuhet se i tha presidentit Putin në qershor se shanset e suksesit të projektit ishin “rreth 70%.

The post Vdes papritur shkencëtari rus, roli që kishte në përpjekjen e dështuar të Moskës për të ulur anijen kozmike në Hënë appeared first on Albeu.com.