Shkaterrohet Banda Archives - Albeu.com

U shpërndanë “miell” të rinjve në Parma, shkatërrohet banda italo-shqiptare, 6 persona të arrestuar

E S — Mon, 28 Nov 2022 09:55:53 +0000

Ata shpërndanin kokainë tek të rinjtë në qendrën historike të Parmës, duke përdorur disa fëmijë për të shpërndarë drogën, ndoshta për t’iu afruar më mirë konsumatorëve potencialë bashkëmoshatarët e tyre. Por nuk i shpëtuan dot Policisë. 6 persona kanë rënë në prangat e Policisë italiane, mes tyre italianë dhe shqiptarë.

Nga 6 të arrestuarit, 3 u mbajtën në burg, ndërsa 3 të tjerë u dëbuan nga provinca e Parmës. Sipas mediave të huaja, në burg kanë përfunduar shqiptarët: M.A. 45 vjeç; 32-vjeçari N. E. dhe 20-vjeçari B. R. Hetimet pë rgrupin nisën që në mars të 2020 përmes përgjimeve telefonike dhe u mësua se dorëzimi do të bëhej në çdo kohë të ditës, duke përfituar nga prania e lokaleve të shumta në zonë, të cilat i lejonin të dyshuarit të rekrutonin me lehtësi blerësit e tyre. Njëri prej të arrestuarve kishte përdorur edhe të mitur që ta shiste drogën tek bashkëmoshatarët e tij.

The post U shpërndanë “miell” të rinjve në Parma, shkatërrohet banda italo-shqiptare, 6 persona të arrestuar appeared first on Albeu.com.

I “tradhtoi” era, zbulohet laboratori i drogës brenda anijes, shkatërrohet banda e shqiptarëve në Spanjë

E S — Fri, 24 Jun 2022 21:01:29 +0000

Ka qenë një agjent policie, që ka zbuluar shqiptarët, nga era e fortë e marijuanës, në një magazinë në zonën industriale të qytetit.

Më pas, ka mbërritur policia spanjolle, ku ka gjetur plantacionin e drogës në një anije e modifikuar sikur shiste divanë nën mbishkrimin ‘Divanë në masën tuaj’.

Agjentët kanë kontrolluar anijen në prani të pronarit të saj, ku kanë zbuluar 3 shqiptarët, që kalonin natën brenda anijes dhe prej disa ditësh nuk kishin dalë prej saj, shkruajnë mediat spanjolle.

Ato kishte 4 dhoma të mëdha, ku mbante 1900 bimë marijuanë, përveç materialeve të ndryshme të nevojshme për kultivim: 247 llamba, 132 ventilatorë, 269 çakëll, 9 filtra ajri, 9 radiatorë termikë, 10 kohëmatës dhe 7 rezervuarë uji.

Të tre shqiptarët nga 24 deri në 50 vjeç u arrestuan për krimet për ngritje të grupit kriminal dhe trafikut të drogës./albeu.com

The post I “tradhtoi” era, zbulohet laboratori i drogës brenda anijes, shkatërrohet banda e shqiptarëve në Spanjë appeared first on Albeu.com.

DETAJE/ Shkatërrohet banda shqiptare në Greqi, 5 të arrestuar, mes tyre dhe gra

E S — Mon, 14 Mar 2022 07:53:27 +0000

5 persona janë arrestuar në Greqi, pasi dyshohet se kanë organizuar një sërë vjedhjesh. Sipas mediave greke të arrestuarit shqiptar, dyshohet se kanë kryer 97 vjedhje në dyqane të ndryshme në zonën e Atikës.

Sipas policisë greke, gjatë operacionit u arrestuan dy shqiptarë të moshës 33 dhe 39 vjeç, si dhe tre gra, 25, 33 dhe 41 vjeçe.

Njëkohësisht në kërkim janë shpallur dy persona të tjerë. Ndaj personave është ngritur akuza “për krijim të organizatës kriminale”, “vjedhje”, “pastrim parash”.

Të pandehurit fillimisht kanë studiuar lëvizjet e rojeve private, të dyqaneve të synuara dhe kanë përzgjedhur kohën e duhur për të kryer vjedhjen.

Pas i merrnin produktet, hajdutët i vendosnin në çanta të projektuara posaçërisht, në mënyrë që të mos aktivizoheshin sistemet kundër vjedhjes në hyrje të dyqaneve.

Vihet re se për të minimizuar mundësinë e lokalizimit të tyre, ata janë kujdesur të ndryshojnë zonat ku janë aktive dhe kanë shmangur “goditjen” për herë të dytë të të njëjtit dyqan.

Sipas Policisë greke, produktet e vjedhura fillimisht ruheshin në banesat e anëtarëve dhe më pas transportoheshin dhe ruheshin në një zonë që e përdornin ekskluzivisht për këtë qëllim.

Një pjesë të mallrave të vjedhura, të pandehurit ua shisnin drejtpërdrejt palëve të treta, ndërsa sasitë e tjera transportoheshin në Shqipëri ku rishiteshin, nëpërmjet një dyqani me pakicë, në pronësi të një anëtari të organizatës. Mësohet se përftimi financiar i kalonte 400 mijë euro.

The post DETAJE/ Shkatërrohet banda shqiptare në Greqi, 5 të arrestuar, mes tyre dhe gra appeared first on Albeu.com.