Kreu i qeverisë thotë se “lirimi nga detyra i drejtoreshës së SHISH është i menjëhershëm”.

Gjithashtu, kryeministri shprehet se drejtësia duhet të hetojë këdo, pavarësisht funksionit publik apo statusit.

Rama, i cili ndodhet në Shtetet e Bashkuara të Amerikës, thotë se sapo të kthehet në Shqipëri do të zgjedhë edhe drejtuesin e ri të SHISH.

Reagimi i kryeministrit Rama:

Për shkak të orareve të ndryshme ky reagim nga Nju Jorku, ku jam për Asamblenë e Përgjithshme të OKB-së, mund të duket i vonuar dhe ndjesë për këtë.

Jam informuar lidhur me masën e arrestit shtëpiak që SPAK-u ka nxjerrë për drejtoren e Shërbimit Informativ të Shtetit, e pres që çdo dyshim i organit të akuzës të hetohet dhe zbardhet deri në fund përmes procesit të pavarur gjyqësor.

Përtej respektit për punën dhe për personin e Vlora Hysenit, si edhe po ashtu përtej vlerësimeve të vazhdueshme, që ajo ka marrë nga agjencitë partnere si drejtuese e shërbimit inteligjent shqiptar, rruga pa kthim që kemi zgjedhur është rruga e pavarësisë së organeve të drejtësisë për të hetuar e gjykuar këdoqoftë, pavarësisht statusit social apo funksionit publik.

Por po ashtu, është e pashmangashme mesa duket, që çdo hetim apo masë e marrë nga drejtësia në adresë të personave publikë, të kthehet në një motivim për të grirë mish njeriu në mexhelisin politik e mediatik dhe për të thirrur “litarin” si në sheshet e ekzekutimit mesjetar, kohë përpara sesa gjykata të thotë fjalën e saj.

E megjithatë, kurrësesi nuk mund të jetë e vërtetë që veprimet e pavarura të drejtësisë dhe afirmimi i vijueshëm i barazisë para ligjit, të jenë njëkohësisht akt-akuza kundër pikërisht një shumice qeverisëse e cila me kurajo e me vendosmëri, ia ka çelur rrugën drejtësisë së pavarur, në një vend ku deri para shumë pak vitesh kjo pavarësi ishte e paimagjinueshme prej shekujsh.

As mund të jenë këto zhvillime me drejtësinë baltë kundër Shqipërisë, e cila po bën në rrugën e saj të bashkimit me Europën shumëçka që as nuk mund të imagjinohet akoma në vendet e tjera të rajonit dhe që koha do ta çmojë më mirë se sa kushdo.

Çdokush është i pafajshëm deri në gjykimin përfundimtar po askush nuk është mbi ligjin në asnjë rast e për asnjë arsye, kështu që unë i jam falenderues Vlora Hysenit për çdo gjë që ka bërë si duhet në shërbim të Shqipërisë, ndërsa për gjithçka tjetër që ka të bëjë me çështjen e sapohapur nga organet e drejtësisë, qëndrimi im mbetet po ai i ditës së parë të Reformës në Drejtësi:

Pafajësia ose fajësia e një bashkëpunëtori të vendosur nën akuzë është një çështje individuale përballë prokurorisë e gjykatës dhe kjo shumicë qeverisëse me mua në krye, i mbetet besnike këtij qëndrimi duke mos hyrë në meritën e asnjë çështjeje të drejtësisë dhe duke mos bërë avokatinë e askujt që përballet me drejtësinë.

Lirimi nga detyra i drejtores së shërbimit është i menjëhershëm, e sapo të kthehem në Tiranë dhe në konsultim me Presidentin e Republikës, do të zgjedhim drejtuesin e ri të Shërbimit Informativ të Shtetit.

The post Edi Rama shkarkon nga detyra e kreut të SHISH Vlora Hysenin appeared first on Albeu.com.

Shkarkimi i tij vjen pak ditë pasi Veliaj mori vendimin për t’i tërhequr Anuela Ristanit delegimin e kompetencave për drejtimin e Bashkisë së Tiranës.

Blendi Sulaj, ishte emëruar nënkryetar i Bashkisë së Tiranës në vitin 2025, së bashku me disa zyrtarë të tjerë në drejtimin e administratës vendore.

The post Të tjera lëvizje në Bashkinë e Tiranës/ Erion Veliaj shkarkon nga burgu nënkryetarin Blendi Sulaj appeared first on Albeu.com.

Në një deklaratë, Manchester United thotë se vendimi është marrë ‘me ngurrim’ dhe ‘është koha e duhur për të bërë një ndryshim’.

Ruben u emërua në nëntor të vitit 2024 dhe e udhëhoqi ekipin drejt finales së UEFA Europa League në Bilbao në maj.

Me Manchester Unitedin që renditet në vendin e gjashtë në Premier League, udhëheqja e klubit ka marrë me ngurrim vendimin se është koha e duhur për të bërë një ndryshim.

Kjo do t’i japë ekipit mundësinë më të mirë për një përfundim sa më të lartë në Premier League.

Klubi dëshiron ta falënderojë Rubenin për kontributin e tij në klub dhe i uron gjithë të mirat në të ardhmen.

Darren Fletcher do të marrë drejtimin e ekipit kundër Burnley të mërkurën.

Si arriti skuadra deri këtu?

Sipas BBC, Ruben Amorim kishte mbetur i lidhur me formacionin e tij të preferuar mbrojtës me tre lojtarë dhe mbrojtës krahu që nga mbërritja e tij te Manchester United.

Por trajneri portugez ndryshoi sistemin në mbrojtje me katër lojtarë për fitoren ndaj Newcastle në ditën e Krishtlindjeve, përpara se të kthehej në sistemin me tre mbrojtës për ndeshjet pasuese.

Raportet kishin pohuar se Christopher Vivell, kreu i rekrutimeve të United, i bëri thirrje Amorimit të përshtaste sistemin e tij pas një shpjegimi të detajuar nga trajneri i Fulhamit, Marco Silva, të planit të tij për ta kundërshtuar atë pas barazimit midis palëve në Craven Cottage në gusht.

Amorim, i cili u emërua si ‘trajner kryesor’ kur klubi njoftoi mbërritjen e tij, tha se kishte pasur mosmarrëveshje me klubin mbi objektivat e transferimeve.

Dhe aludimet e tij për tensionet në rritje me drejtorin e futbollit Jason Wilcox po bëheshin vetëm më të forta me fillimin e afatit kalimtar të janarit.

The post Manchester United shkarkon nga posti i trajnerit Ruben Amorim: Koha për të bërë ndyshim! appeared first on Albeu.com.

Shoqata Kombëtare e Gjyqtarëve të Imigracionit (NAIJ), e cila konfirmoi lajmin për shtypin, tha se të tetë gjyqtarët ishin të gjithë të vendosur në ndërtesën në 26 Federal Plaza në Manhattan, ku ndodhet një gjykatë që dëgjon rastet e emigrantëve që kërkojnë qëndrim të përhershëm.

Për muaj të tërë, oficerë të policisë federale me fytyra të mbuluara kanë lëvizur nëpër korridoret e kësaj ndërtese dhe kanë arrestuar emigrantë që largohen nga seancat dëgjimore, zakonisht para mediave, të cilat janë të pranishme pothuajse çdo ditë.

Skenat e përleshjeve me policinë dhe familjet që ndahen, janë transmetuar në të gjithë botën dhe e kanë shndërruar këtë vend në një emblemë të politikës së ashpër të administratës Trump ndaj emigrantëve të paligjshëm në Shtetet e Bashkuara.

Ende nuk është e qartë pse u shkarkuan tetë gjyqtarët. Sidoqoftë, ata janë përveç rreth 90 të tjerëve, sipas vlerësimeve të New York Times, të cilët janë liruar nga detyrat e tyre që nga fillimi i vitit (nga një total prej rreth 600).

Për grupet e të drejtave të emigrantëve, administrata e miliarderit republikan dëshiron t’i zëvendësojë ata me gjyqtarë të përafruar me politikat e saj.

Ky zhvillim vjen pas një mobilizimi fundjave, kur dhjetëra njerëz u mblodhën në Manhattan për të bllokuar një operacion të mundshëm nga policia e imigracionit (ICE) kundër qytetarëve shëtitës. Departamenti i Policisë së Nju Jorkut njoftoi arrestime.

Në fund të tetorit, një operacion i ngjashëm nga policia federale në Canal Street turistike kishte shkaktuar gjithashtu tubime të qytetarëve që e kundërshtuan atë.

Si një “qytet strehë” për emigrantët, Nju Jorku kufizon qëllimisht bashkëpunimin e autoriteteve lokale me agjencitë federale në operacionet kundër emigrantëve. Por kjo nuk i pengon ato.

The post Donald Trump shkarkon 8 gjyqtarë të imigracionit në Nju Jork appeared first on Albeu.com.

Sipas raportimeve, klubi ka vendosur menjëherë ta zgjidhë situatën me një zgjidhje të brendshme. Një zëvendësim do të vendoset më vonë. S’dihet ende se kush do ta marrë detyrën e trajnerit.

Sipas TGCOM, e vetmja siguri është se Thiago Motta, aktualisht nën kontratë me Juventusin deri në vitin 2027, nuk do të thirret sërish për të marrë përsipër detyrën.

Për më tepër, kontrata aktuale e italo-brazilianit është një nga faktorët që menaxhmenti do të duhet domosdoshmërisht të vlerësojë përpara se të marrë përsipër koston e sjelljes së atij që do të ishte trajneri i tretë në listën e pagave.

Vendimi përfundimtar për stolin do të varet nga orët e ardhshme dhe, në fund të fundit, nga performanca kundër Udineses.

The post Juventusi shkarkon nga detyra trajnerin Igor Tudor appeared first on Albeu.com.

Mirela Zavalani, u konfirmua në detyrë më 15 qershor nga KPK, pas një seance dëgjimore ku u evidentuan më së shumti gjetjet për pasurinë e vjehrrit të saj.

Po ashtu, u trajtua edhe e ardhura e përfituar nga dhënia me qira kunatit, të një objekti në pronësi të bashkëshortit dhe babait të tij, deklaruar si një ndër burimet për një apartament në Tiranë.

Bashkëshorti i subjektit ka pasqyruar në deklaratën e vetingut pasurinë supermarket, tregtim pjesë këmbimi + servis auto + godinë banimi, me sipërfaqe totale 634 m2, me vendndodhje Patos, Fier, në bashkëpronësi me babanë e tij, me pjesë takuese 50% secili.

Si burim krijimi janë deklaruar të ardhurat nga puna e prindërve dhe nga shitja e një apartamenti të mëparshëm.

Komisioni konstatoi kontradikta mes dy deklaratave të prindërve të bashkëshortit lidhur me këtë pasuri, por konkludoi se kjo situatë nuk sillte ndonjë pasojë, pasi mbeteshin në një nivel deklarativ.

Ndërsa pamjaftueshmëria financiare e konstatuar për vitet 2004-2006 në shumën rreth 1.3 milionë u çmua si fakt i pamjaftueshëm për penalizim.

Vendimi i KPK u gjet i pabazuar nga Komisionerja Irena Nino, e cila kërkoi verifikimin e përfundimeve të arritura në shkallën e parë të vetingut, si dhe që të vendoset në mënyrë alternative, lënia në fuqi e konfirmimit, ose ndryshimi dhe shkarkimi i subjektit.

Shkarkimin nga detyra të Zavalanit, e ka kërkuar Prokuroria e Posaçme Antikorrupsion për mosdeklarim të mjaftueshëm të pasurisë si dhe cenim të integritetit.

The post KPA shkarkon nga detyra prokuroren e Tiranës Mirela Zavalani appeared first on Albeu.com.

Igli Hasani, është largimi i parë nga qeveria Rama, ministri i jashtëm u zëvendësua nga Elisa Spiropali.

Ervin Hoxha, po ashtu u shkarkua nga Ministria e Brendshme për t’u zëvendësuar nga Albana Koçiu.

Ulsi Manja, gjithashtu u largua nga posti i ministrit të Drejtësisë, duke u zëvëndësuar nga zv.ministri i Brendshëm, Besfort Ramallari.

Ogerta Manastirliu, u largua nga kabineti qeveritar, por asaj iu besua gara për të drejtuar Bashkinë e Tiranës.

Anila Denaj, u largua nga qeveria Rama 4. Ministria e Bujqësisë që u drejtua nga Anila Denaj, iu besua një socialisti të ri, i cili është kryetari i Bashkisë së Cërrikut, Andis Salla.

Ndërkohë që Taulant Balla u largua nga ministria për Marrëdhënien me Parlamentit, duke u zëvendësuar nga Toni Gogu.

Po ashtu dhe Arbian Mazniku, nuk do të jetë më pjesë e kabinetit Rama 4, por atij do t’i jepet vetëm një komision për Reformën Territoriale.

Ndërkohë që një tjetër emër që u soll me bujë në qeverinë e “Rama 3” , Bora Muzhaqi, ka mbetur jashtë kabinetit qeveritar.

Ministria e saj për Rininë dhe Fëmijët është shkrirë totalisht, madje edhe nga Rama nuk u përmend fare gjatë Asamblesë së PS-së.

Po ashtu, rikthehet sërish Ministria e Mjedisit, e cila u shkri qëkur drejtohej nga Lefter Koka. Ky dikaster do të drejtohet nga Sofjan Jaupaj.

The post Kabineti i ri “Rama 4”/ Kryeministri shkarkon 8 ministra, shkrihet dikasteri i Bora Muzhaqit, Ulsi Manjës dhe Ervin Hoxhës i “hiqen gradat”, Mazniku mbetet pa post appeared first on Albeu.com.

Vendimi është marrë dy ditë më parë, në mënyrë të njëanshme, vetëm me votat e shoqërisë Mabco Construction sa e Pacollit, ndërkohë që aksioneri i minorancës, 2A Group, nuk ka qenë i pranishëm fare në mbledhje.

Shkarkimi i administratorit te shoqerise VIA

Aeroporti i Vlorës është përfshirë nga një skandal i madh publik, teksa dy aksionerët po përplasen publikisht për aksionet.

Kompania 2A Group, e cila zotëron 2 për qind të aksioneve në këtë koncesion pretendon se asaj i takojnë 47 për qind të aksioneve, sipas një marrëveshje të fshehtë që palët kanë firmosur në vitin 2022, që u bë publike nga gazetari Mero Baze.

Por ky variant nuk pranohet nga Mabco Construction, e cila sot zotëron 98 për qind të aksioneve të aeroportit.

Skandali i Aeroportit të Vlorës shpërtheu pas një investigimi të Kapitalit. Fillimisht biznesmeni kosovar, Behgjet Pacolli, u mundua ta përgënjeshtrojë investigimin e Kapitalit, por vetëm një orë më vonë çështja shpërtheu publikisht, teksa aksioneri i minorancës, Valon Ademi e akuzoi Pacollin për mashtrues.

Nuk dihet nëse shkarkimi i Valon Llukës nga posti i administratorit të Aeroportit, ka lidhje me luftën e ashpër mes dy aksionerëve.

Por sherri mes Pacollit dhe Valon Ademit, duket se ka krijuar një problem shumë të madh në aeroportin e Vlorës, të cilin kryeministri Rama kishte premtuar se do ta hapte për sezonin turistik të këtij viti./Kapitali.al

The post Behgjet Pacolli shkarkon administratorin e Aeroportit të Vlorës appeared first on Albeu.com.

Sipas kryesueses të trupit gjykues të KPA, Natasha Mulaj, është çmuar i drejtë pretendimi i Komisionerit Publik dhe drejtuesit të Prokurorisë së Posaçme, SPAK, se prokurori Llaho nuk rezulton i besueshëm në kriterin e pasurisë, pasi është në kushtet e deklarimit kontradiktor, të paskatë e të pamjafueshëm, duke i çuar institucionet e rivlerësimit në pamundësi për të verifikuar se cilat deklarime të subjektit pasqyrojnë të vërtetën faktike lidhur me burimin e pasurisë së tij.

Shkaqet lidhur me figurën u vlerësuan prej KPA-së se, nuk kanë lidhje të drejtpërdrejtë me këtë kriter, por lidhen me nevojën e kontrolit dhe veprimtarisë së subjektit në funksionin e prokurorit.

Sipas Kolegjit, ato përbëjnë indicie të rëndësishme, se integriteti i subjektit është cënuar.

Në verifikimin e çështjeve profesionale u konkludua se subjekti ka dështuar të ndërmarrë hetime logjike, të mbledhë gjithë provat dhe në mënyrë efektive.

Mulaj konstatoi se subjekti ka treguar mangësi në efikasitetin hetimor për ndërmarrjen e veprimeve hetimore logjike dhe ka tejzgjatur hetimet, ku në një rast deri në katër vjet.

Shkaqet lidhur me etikën për shkak të konstatimit të një situate të mundshme të konfliktit të interest, u vlerësua se ishin të parëndësishme për zgjidhjen e çështjes.

Kledian Llaho, u konfirmua më 22 dhjetor 2022 me shumicë votash, pasi KPK i konsideroi bindëse shpjegimet dhe provat e dorëzuara prej tij në kundërshtim të barrës së provës për balancën negative në kriterin e pasurisë, si dhe për konstatimet për figurën dhe profesionalizmin.

Vendimmarrja u ankimua nga Komisioneri Publik, Florian Ballhysa, i cili e cilësoi vlerësimin e shumicës të pabazuar në aktet e dosjes.

Ballhysa kërkoi që çështja t`i nënshtrohej shqyrtimit në Kolegj dhe në përfundim të vendosej shkarkimi i Llahos për cënimin e besimit të publikut te drejtësia.

Më 31 janar 2024, KLP i dha Llahos një “vërejtje publike”, ndërsa më 10 prill vendosi uljen e pagës së tij me 20% për tre muaj dhe shkarkimin nga detyra e kryetarit të prokurorisë.

Ndërkohë, prej 14 janarit Llaho është pezulluar nga detyra me vendim të Gjykatës së Posaçme, pasi dyshohet se ka kryer veprime me natyrë korruptive.

Vendimmarrja e Kolegjit për shkarkimin e Llahos nga detyra është përfundimtare dhe ka efekt të menjëhershëm./BIRN

The post KPA shkarkon nga detyra prokurorin Kledian Llaho appeared first on Albeu.com.

Siç shihet edhe në dokumentet e mëposhtme, shkresat mbajnë datën 20 Mars dhe janë firmosur nga Anuela Ristani.

Në vend të Alban Dokushit, në postin e Sekretarit të Përgjithshëm është emëruar Jonida Halili. Këto ndryshime u raportuan që një ditë më parë nga mediat, të cilat ishin urdhëruar nga Edi Rama, pas përplasjeve që pati në Bashkinë e Tiranës me Dokushin dhe Goxhaj.

Alban Dokushi, është një nga njerëzit më të afërt të Erion Veliajt, pasi kujtojmë se ka qenë i pari që e ka vizituar atë në qelitë e paraburgimit tek Blloku i Sigurisë tek Mine Peza, pas arrestimit të tij më 10 Shkurt.

Gjithashtu, Dokushi e ka shoqëruar Veliajn në SPAK edhe kur dëshmoi herën e parë.

Pas arrestimit të Erion Veliajt në media, u raportua se ai ishte caktuar administrator për punët e Bashkisë, teksa tre ditë më parë (18 Mars) ai dëshmoi edhe në SPAK në lidhje me takimet në qeli që ka bërë me kryebashkiakun.

Alban Dokushi, është një nga njerëzit më të afërt të Erion Veliajt, pasi kujtojmë se ka qenë i pari që e ka vizituar atë në qelitë e paraburgimit tek Blloku i Sigurisë tek Mine Peza, pas arrestimit të tij më 10 Shkurt.

Gjithashtu, Dokushi e ka shoqëruar Veliajn në SPAK edhe kur dëshmoi herën e parë.

Pas arrestimit të Erion Veliajt në media, u raportua se ai ishte caktuar administrator për punët e Bashkisë, teksa tre ditë më parë (18 Mars) ai dëshmoi edhe në SPAK në lidhje me takimet në qeli që ka bërë me kryebashkiakun.

Në një reagim ditën e djeshme, Anuela Ristani, e mohonte se ishte e besuara e Edi Ramës në Bashki, madje mohonte dhe sherrin, por me vendim e sotëm konfirmoi të kundërtën dhe nxorri veten mashtruese.

“Vërej se po përgojohem me të pavërteta që do ishte shumë e lehtë të mësonit se sa të pavërteta janë. Unë nuk jam e besuara e Ramës siç më quajtën aty sepse me kryeministrin nuk kisha komunikuar asnjëherë përpara se të merrja delegimin nga kryetari Veliaj. Dhe në Bashkinë e Tiranës nuk është zënë askush me “gishta në vesh”, ndërsa keqkuptimi i krijuar nga pamundësia e komunikimit normal nuk ka asnjë lidhje nga fishekzjarrët mediatikë të ditës së sotme. Do të vlerësojë leximin e mesazhit tim për të korrigjuar sadopak shtrembërimin e emrit tim në publik, Anuela Ristani”, thuhej në mesazhin e Anueal Ristanit.

Kujtojmë se gjatë kësaj periudhë që Erion Veliaj ka qenë në qeli, Edi Rama ka shkuar disa herë në Bashkinë e Tiranës, ku ka zhvilluar takime me stafin, teksa ka bërë një miting në sheshin “Skënderbej” dhe me të gjithë punonjësit e Bashkisë dhe institucioneve në varësi të saj.

Gjatë fjalës në Asamblenë e Partisë Socialiste për Tiranën, pas arrestimit të Erion Veliajt, Edi Rama, deklaroi se do jetë vetë kryetar bashkie në distancë, edhe pse kjo cënon hapur pavarësinë e institucioneve vendore.

“Po na godasin për arsye elektorale. Kjo është një goditje e madhe për PS. Unë do të jem edhe kryetar bashkie. Do të takoj të gjithë drejtorët e përgjithshëm për të garantuar funksionimin normal të institucioneve”, – ka deklaruar Rama.

Pas vendimeve të sotme, konfirmohet edhe një herë se Edi Rama është “de facto” edhe kryetar i bashkisë së Tiranës, ndërsa Veliajt nuk i ka mbetur më asnjë pushtet politik.

The post Përplasjet në Bashki/ Anuela Ristani shkarkon të besuarit e Veliajt appeared first on Albeu.com.