Do të ishte naive po qe se Gledis Nano do të pretendonte rikthimin në detyrë. Por nuk besojmë se është ky objektivi i tij. Ai vetëm sa kërkon të zhbëjë juridikisht vendimin e beftë të qeverisë për ta shkarkuar. Pikërisht cilësimi si “shkarkim nga detyra” në vendim është pjesa që atij i prishë punë. Rrëzimi i si i paligjshëm i këtij vendimi të qeverisë do t’i hapë rrugë më pas edhe ngritjes së pretendimeve të tjera nga Nano pse jo për dëmshpërblim financiar.

Gjyqtari i çështjes tregon burimi për Lapsi.al ka administruar pothuajse një pjesë të madhe të dokumentacionit që i duhet për këtë proces. Jo vetëm vendimin e shkarkimit i cili është i aksesueshëm publikisht, por edhe relacionin shoqërues të përgatitur enkas për të kopsitur ligjërisht shkarkimin e Gledis Nanos. Burimi ynë shton më tej se janë zhvilluar dhe seancat e para të procesit fundi i të cilit nuk dihet si do të rrjedhë.

Qoftë edhe formalisht për vijimin e karrierës së tij, mbase jo më kurrë në Policinë e Shtetit, por në një drejtim tjetër, një vendim qeverie me “shkarkim nga detyra” duket se nuk e ndihmon Gledis Nanon për t’u rikthyer ndonjëherë në strukturat shtetërore. Për këtë ai ka nisur në gjykatë një betejë me Edi Ramën ndërkohë që vijon edhe studimet Master në Fakultetin e Drejtësisë në një program të posaçëm të mbështetur nga OSBE.

Shkarkimi i Gledis Nanos erdhi asokohe pasi ai kishte refuzuar largimin e negociuar me dorëheqje nga Policia e Shtetit. i orientuar edhe nga ambasada amerikane në Tiranë, e cila e kishte mbështetur vijimësisht Gledis Nanon, ai bëri rezistencë përballë Kryeministrit dhe Ministrit të Brendshëm. Rama pranoi më vonë se ia kishte kërkuar dorëheqjen Nanos, por sipas tij ai ia drodhi fjalën.

Më pas erdhi shkarkimi që la pas shumë pikëpyetje dhe enigma. Gjerësisht u përhap narrativa se Gledis Nano u shkarkua sepse ishte një drejtor i Policisë së Shtetit që pëshpëriste më shumë se ç’duhej në veshët e ambasadave dhe kjo i prishte punë regjimit të Tiranës. Pikërisht për këtë arsye ai u shkarkua dhe do të mbahet mend si drejtori më jetëshkurtër në krye të Policisë së Shtetit. Drejtori më jetëshkurtër dhe pa ndonjë shkëlqim të madh në detyrë, si në fakt të gjithë drejtorët e tjerë që Rama ka çuar në Policinë e Shtetit përgjatë këtyre 10 viteve./LAPSI

The post Vazhdon përplasja Rama-Nano, ish-drejtori i Policisë së Shtetit padit qeverinë për shkarkimin nga detyra appeared first on Albeu.com.

Bledi Çuçi njoftoi se Nano u shkarkua pasi nuk kishte përmbushur objektivat e vendosur në luftën kundër krimit.

Ndërkohë, në media gjatë këtyre ditëve pas dorëheqjes, është thënë se Gledis Nano u shkarkuar nga detyra e kryepolicit pasi nuk pranoi të bëhej palë me politikën dhe kishte kërkuar arrestimin e disa personazheve të krimit.

Por, cila do të jetë rruga e ish-kreut të AntiTerrorit dhe ish-drejtorit të Policisë në vazhdim. Gazetarja Anduena Llabani është shprehur në emisionin “Noë”, se Gledis Nano do të largohet nga Shqipëria.

“Gledis Nano nuk do të kthehet në policinë shqiptare. Ai nuk do të qëndrojë më në Shqipëri. Ai do të shkojë në SHBA për të vazhduar një projekt të tijin”, tha ajo.

Ish-kreu i Policisë së Shtetit ishte një propozim i Ambasadës Amerikane për këtë post, pas një operacioni të suksesshëm 5 ditor në Siri, ku u kthyen nga kampi Al Haël pesë shqiptarë. Gjithashtu, Gledis Nano është trajnuar në bazën e FBI në Quantico, Virxhinia.

Kujtojmë se ditën e djeshme u prezantua drejtori i ri i Policisë së Shtetit, Muhamet Rrumbullaku./albeu.com/

The post E shkarkuan nga detyra, gazetarja tregon shtetin ku do “arratiset” Gledis Nano appeared first on Albeu.com.

Sipas burimeve në këtë takim pritet të prezantohet dhe emri i ri i drejtorit të Përgjithshëm të Policisë së Shtetit pas shkarkimit të Gledis Nanos.

Gjithashtu sipas informacioneve bëhet me dije Muhamet Rrumbullaku pritet të emërohet në krye të uniformave blu.

Kush është Muhamet Rrumbullaku?

Rrumbullaku është ndër emrat më të lakuar për të marrë drejtimin e Policisë së Shtetit, pas dorëheqjes së Gledis Nanos pak ditë më parë.

Ai shtë diplomuar “Specialist i Lartë Policie” në vitin 1988 pranë Akademisë së Policisë, në Fakuletin e Drejtësisë Tiranë dhe ka marrë titullin Jurist në vitin 2010.

Rrumullaku ka ndjekur disa trajnime, çertifikuar në Shqipëri, Shtetet e Bashkuara të Amerikës dhe Hungari.

Nga viti 2019 deri më 2022 ka mbajtur postin e Drejtorit të Përgjithshëm të Shërbimit për Çështjet e Brendshme dhe Ankesat në Ministrinë e Brendshme.

Prej 24 marsit të këtij viti, ai mbante postin e Drejtorit të Mbikëqyrjes Policore, të cilin e dorëzoi disa ditë më parë dhe aktualisht mbahet nga Ardi Veliu.

The post Çuçi mbledh drejtorët, kush pritet të emërohet në krye të Policisë së Shtetit appeared first on Albeu.com.

Lajmin e dha ministri Çuçi, pas mbledhjes së qeverisë.

Gazetarja Klodiana Lala ka komentuar këtë lëvozje në Policinë e Shtetit në Neës 24, duke u shprehur se dyshon se Nano ka shkelur dikë në kallo përderisa nuk iu dha kohë që të përfundonte reformën që kishte nisur në polici, për të pastruar institucionin nga efektivët e korruptuar dhe të lidhur me krimin.

“Zoti Nano ka shkelur diku, në një pikë nevralgjike që i erdhi shkarkimi. Nëse Nano nuk i kishte përmbushur objektivat, a nuk i ka përmbushur edhe ministri i Brendshëm, objektivat?. Nëse nuk pastrohet policia nga kriminelët dhe militantët, problemi do të mbetet i njëjtë për policinë pavarësisht emrit të drejtorit të ri.

Për zotin Nano kam menduar se mund të sillte një frymë të re në policinë e shtetit. Kam menduar se nga mbështetja që vinte nga ndërkombëtarët ai mund të sillte një ndryshim. Por kam gabuar, se nuk kam marrë në konsideratë politikën shqiptare, që ia pret kokën atyre që tentojnë të ngrihen mbi palët. Pavarësisht se kishte një lloj sigurie nga ndërkombëtarët, kam harruar se politika për interesat e veta, e nxjerr jashtë loje politikën ndërkombëtare”, tha Lala./albeu.com

The post Shkarkimi i Gledis Nanos, Lala: Ka shkelur diku në kallo, kishte mbështetje ndërkombëtare appeared first on Albeu.com.