Gjatë fjalës së tij në Kuvend, në interpelancën me ministrin e Brendshëm, Bledi Çuçi, Salianji tha se Nano u shkarkua për shkak të lidhjeve që kishte me amerikanët.

“Policia e Shtetit matet me objektiva konkretë. Të ka thënë ish-Drejtori jot i Përgjithshëm që për operacionin “Plumbi i Artë” ka konfirmuar se është dekonspiruar dhe nga 32 persona ju arritët të kapë 18 persona. Ju kanë ikur personat me rekordet më të tmerrshme.

Di sot gjë ku e ke Talo Çelën? Nuk mund të të themi dot gjë që kur Daily Mail pavarësisht se e kemi ruajtur etikën se është rrjedhje nbga hakerimi, por kur Daily Mail di që ai qarkullon në mes të qytetit policia ka informacion dhe nuk ka asnjë veprim. I nxirrni policët nga dy turne për t’i mbajtur kot nëpër postoblloqe, kjo duket që nuk ka vullnet.

Ku e keni Suel Çelën? Di gjë ku ndodhet sot? Po Fatos Gosa, Florenc Çapja, Kamer Meja, Ervis Martinaj që nuk jepni dot përgjigje sot gjallë a vdekur lëre më ta kërkoni?! Ndërkohë që ju e dini dhe po ua them këtu atë që qarkullon nën zë në të gjithë drejtuesit e policisë.

5 minuta para se të shkonte në hotel Policia e Shtetit e keni lajmëruar për t’u larguar sepse keni pasur tjetër plan. Eljo Birti, Festim Qoli, Alket Xhixha, Aleks Çela? Vetëm në një operacion i ke këta. Ish-Drejtori i Përgjithshëm i Policisë thotë më ka rrjedhur informacioni. Ka njeri përgjegjësi këtu?

E ka ai tjetri. E kuptoj unë këtë që Drejtori i Përgjithshëm i Policisë se të kam marrë shifrat dhe prandaj të kam pyetur cili është objektivi. Ju e keni hequr vetëm se ka pasur lidhje me SHBA. Këto të tjerat janë përralla”, u shpreh Salianji./albeu.com/

The post “Kishte lidhje me…”, rrëfehet Salianji: Ky është shkaku i shkarkimimit të Gledis Nanos appeared first on Albeu.com.

Ai është Muhamet Rrumbullaku. Lajmin e ka bërë të dirut Ministri i Brendshëm Bledi Çuçi, përmes një konference për mediat.

Kujtojmë se Nano u shkarkua me arsyetimin e mospërmbushjes së objektivave në pozicionin që mbante./albeu.com/

The post Emërohet drejtori i ri i Policisë së Shtetit appeared first on Albeu.com.

Mes këtyre ndryshimeve ishte edhe vendimi për shkarkimin nga detyra e drejtorit të Përgjithshëm të Policisë së Shtetit, Gledis Nano dhe të dy zëndësministrave, Ardi Veliu dhe Dallëndyshe Bicit.

Gjithashtu nga detyra u lirua dhe drejtoresha e Përgjithshme e Pastrimit të Parave, Iris Ago.

VENDIMET

VENDIM PËR LIRIM NGA DETYRA

Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave

VENDOSI:

1. Ardi Veliu, zëvendësministër i Infrastrukturës dhe Energjisë, lirohet nga kjo detyrë.

Ky vendim hyn në fuqi menjëherë dhe botohet në “Fletoren zyrtare”.

VENDIM PËR LIRIM NGA DETYRA

Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave

VENDOSI:

Znj. Dallëndyshe Bici, zëvendësministër i Mbrojtjes, lirohet nga kjo detyrë.

Ky vendim hyn në fuqi menjëherë dhe botohet në “Fletoren zyrtare”.

VENDIM PËR SHKARKIMIN NGA DETYRA TË DREJTORIT TË PËRGJITHSHËM TË POLICISË SË SHTETIT

Në mbështetje të nenit 100 të Kushtetutës, dhe të pikave 2, shkronja “b”, e 3, të nenit 15, të ligjit nr.108/2014, “Për Policinë e Shtetit”, të ndryshuar, me propozimin e ministrit të Brendshëm, Këshilli i Ministrave

VENDOSI:

1. Gledis Nano, drejtor i Përgjithshëm i Policisë së Shtetit, shkarkohet nga kjo detyrë.

Ky vendim hyn në fuqi menjëherë dhe botohet në “Fletoren zyrtare”.

VENDIM PËR LIRIMIN DHE EMËRIMIN NË DETYRË TË DREJTORIT TË PËRGJITHSHËM TË DREJTORISË SË PËRGJITHSHME TË PARANDALIMIT TË PASTRIMIT TË PARAVE

Në mbështetje të nenit 100 të Kushtetutës dhe të pikës 3, të nenit 21, të ligjit nr.9917, datë 19.5.2008, “Për parandalimin e pastrimit të parave dhe financimit të terrorizmit”, të ndryshuar, me propozimin e ministrit të Financave dhe Ekonomisë, Këshilli i Ministrave

VENDOSI:

1. Znj. Iris Ago, drejtor i Përgjithshëm i Drejtorisë së Përgjithshme të Parandalimit të Pastrimit të Parave, lirohet nga kjo detyrë.
2. Z. Ervin Koçi emërohet drejtor i Përgjithshëm i Drejtorisë së Përgjithshme të Parandalimit të Pastrimit të Parave.

Ky vendim hyn në fuqi menjëherë dhe botohet në “Fletoren zyrtare”./albeu.com/

The post EMRAT/ Shkarkimi i Gledis Nanos, zbardhen vendimet e qeverisë: Kush janë 3 zyrtarët që e ndoqën pas appeared first on Albeu.com.

Largimi i tij nga detyra erdhi në një moment ku brenda pak javëve janë rreth 30 të vrarë, aksidente të shumta dhe zhdukja e të shumëkërkuarit Ervis Martinaj.

Gjithashtu shkarkimi i tij i paraprin luftës së ashpër politike të paralajmëruar nga opozita dhe zgjedhjeve lokale që pritet të mbahen vitin e ardhshëm.

Edhe pse Nano ishte një person që u sponsorizua shumë nga amerikanët në këtë detyrë, ministri i Brendshëm Bledi Çuçi nuk e ka dashur asnjëherë atë në krye të Policisë së Shtetit.

Reagimi i menjëhershëm i ambasadës amerikane në lidhje me largimin e Nanos nga detyra ishte mesazhi i drejtpërdrejt i tyre në lidhje me këtë vendim të qeverisë për të zgjedhur dikë tjetër, pjesë të kastës, në krye të Policisë së Shtetit.

Gazetarja Klodiana Lala tha sot në News24 se Nano shkeli “në kallo”  dhe prandaj u largua nga drejtimi i policisë pa përfunduar reformën në këtë strukturë, ndërsa nuk la pa përmendur edhe faktin se ishte arrestimi i Jeton Lamit, policit të Operacionales që bëntë badigardin e Ervis Martinajt që u vuri “vulën” vendimit për shkarkimin e tij.

Fakti që as Policia e Shtetit dhe as Ministria e Brendshme nuk reagojnë prej tre javësh mbi misterin që ka rrethuar fatin e Ervis Martinajt konfirmon se brenda këtyre institucioneve ka një “siklet” mbi emrin e Martinajt, një “siklet” që përmblidhet edhe me mbrojtjen që ai kishte nga struktura të caktuara të policisë, të cilats shkojnë deri në nivele të larta. Deklaratat e gazetarit Artan Hoxha në ABC pak ditë më parë duket se e konfirmojnë një fakt të tillë.

Ndërkohë, Shqipëria është duke u futur në një periudhë zgjedhore, ndërsa dy aktorë të fuqishëm si Sali Berisha dhe Ilir Meta kanë “shpallur luftë” që nga shtatori. Duket të jetë një luftë për “jetë a vdekje” mes këtyre dy liderëve dhe drejtuesve të maxhorancës, gjë që ka bërë që radhët të shtrëngohen dhe në to të ketë vetëm pjestarë të “unazës”.

Kujtojmë se Nano kishte nisur një hetim të thelluar në radhët e policisë për të zbuluar ata drejtues policie që ishin të lidhur me krimin e organizuar, por duket se kjo reformë mbeti vetëm në letër, pasi shkarkimi i tij ishte i papritur./albeu.com/

The post Ervis Martinaj apo “beteja” e vjeshtës, kush e “kafshoi” Gledis Nanon appeared first on Albeu.com.