Burimet bëjnë të ditur se kreu i qeverisë ka dhënë një intervistë për mediat e huaja, ndërsa ka qëndruar aty deri rreth orës 13:00.

Më pas, në Vilën 30 ka shkuar edhe Albana Koçiu, e cila është propozuar nga kryeministri Rama për të marrë postin e zëvendëskryeministres, pas shkarkimit të Belinda Ballukut.

Ndryshimet ne qeveri

Kujtojmë që një ditë më parë, pas mbledhjes maratonë të Grupit Parlamentar të PS, kreu i qeverisë njoftoi ndryshimet në kabinet.

Krahas shkarkimit të Belinda Ballukut, kryeministri Edi Rama, ka bërë edhe disa ndryshime të tjera në kabinetin qeveritar.

Lëvizjet prekin ministrinë e Infrastrukturës dhe Energjisë, atë të Brendshme, të Drejtësisë, Mbrojtjen e deri te ajo e Jashtme.

Belinda Balluku, e vënë nën akuzë nga SPAK, do të zëvendësohet në postin e numrit dy të qeverisë nga Albana Koçiu, e cila mbante postin e ministres së Brendshme.

Ndërsa postin e Ballukut si ministre e Infrastrukturës dhe Energjisë, do ta marrë Enea Karakaçi, i cili është administrator i OSHEE-së.

Besfort Lamallari ikën nga ministria e Drejtësisë dhe shkon në krye të Ministrisë së Brendshme, duke zëvendësuar Albana Koçiun.

Besort Lamallari, zëvendësohet nga Toni Gogu, ky i fundit do të jetë ministri i ri i Drejtësisë. Në postin e ministrit për Marrëdhëniet me Parlamentin, që mbante deri më Toni Gogu, do të emërohet deputetja e Vlorës, Erjona Ismaili.

Kreu i Qeverisë ka shkarkuar edhe Pirro Vëngun nga posti i Ministrit të Mbrojtjes. Në vendin e tij në krye të Mbrojtjes është emëruar Ermal Nufi.

Po ashtu,  nga kabineti qeveritar ka larguar edhe Elisa Spiropalin si ministre e Punëve të Jashtme, duke e zëvendësuar këtë të fundit me Ferit Hoxhën, ambasadorin e Shqipërisë në OKB.

The post Shkarkimi i Ballukut dhe ndryshimet në qeveri, pas mbledhjes së kabinetit, Rama disa orë në “Vilën 30”, i bashkohet edhe Albana Koçiu appeared first on Albeu.com.

Agjencia e lajmeve “Reuters” shkruan se; “Balluku u shkarkua, ndërsa ajo përballet me akuzat për abuzime me tenderat publik”, ndërsa theksohet se këto akuza kanë nxitur edhe protestat e opozitës.

“Struktura e Posaçme kundër Korrupsionit dhe Krimit të Organizuar, e njohur si SPAK, ngriti aktakuzë ndaj Ballukut në dhjetor, nën dyshimin se ka ndërhyrë në dhënien e dy kontratave ndërtimi në vitin 2021, me vlerë mbi 200 milionë euro”, thuhet më tej në shkrimin e “Reuters”.

Ndërkohë, Parlamenti pritet të vendosë më 5 mars nëse do të votojë apo jo për heqjen e imunitetit të Belinda Ballukut, duke i hapur rrugë SPAK për ta arrestuar atë.

Kryeministri, i cili drejton vendin që prej vitit 2013, nuk dha arsye konkrete për shkarkimin e saj, që erdhi në kuadër të një riorganizimi më të gjerë të qeverisë, ku u prekën shtatë poste, përfshirë ministrat e Mbrojtjes dhe të Jashtëm.

Zëdhënësja e qeverisë, Manjola Hasa, deklaroi për Reuters se; “Rama kishte paralajmëruar që në fillim të mandatit se riorganizimet mund të ishin më të shpeshta, ndërsa gjatë katër muajve të fundit kishte refuzuar tre herë dorëheqjen e Ballukut”.

“Që prej marrjes së saj të pandehur, forca më e madhe opozitare, ka organizuar protesta duke kërkuar dorëheqjen e Ramës. Gjatë tubimeve janë regjistruar përplasje, ku protestuesit kanë hedhur bomba molotov, ndërsa ka pasur të lënduar si nga radhët e policisë ashtu edhe të demonstruesve”, shkruan Reuters.

Shqipëria, e cila synon anëtarësimin në deri në vitin 2030, përballet me presion nga Brukseli për të intensifikuar luftën kundër korrupsionit dhe krimit të organizuar.

Zyrtarë të BE-së, kanë deklaruar se po ndjekin nga afër mënyrën se si qeveria po i trajton çështjet e korrupsionit, duke theksuar se progresi në këtë drejtim është kyç për integrimin evropian të vendit.

The post Shkarkimi i Ballukut jehonë në mediat ndërkombëtare/ “Reuters”: SPAK e akuzon për abuzime me tenderat, BE ndjek qeverinë shqiptare si po trajton çështjet e korrupsionit appeared first on Albeu.com.