Në Itali, sot katër qytete janë në alarm të kuq për temperaturat e larta, ndërsa 11 të tjera në alarm portokalli. Nesër situata pritet të rëndohet më tej, me shtatë qytete në nivelin maksimal të alarmit: Torino, Brescia, Bolonja, Firence, Perugia, Roma dhe Frosinone, ndërsa tetë të tjera do të jenë në alarm portokalli.

Masa e ajrit përvëlues me origjinë afrikane do të sjellë gjatë kësaj jave temperaturat më të larta të valës së tretë të nxehtësisë së sezonit.

Meteorologët parashikojnë se në zonat e brendshme të Sardenjës temperaturat mund të arrijnë deri në 45 gradë Celsius mes të enjtes dhe të premtes. Një ditë më parë, në Orani, në provincën e Nuoros, termometri shënoi 41.9°C.

Situatën do ta ndikojë edhe një re pluhuri sahariane që po afrohet. Ajo mund të zbusë disi rrezet e diellit gjatë ditës dhe të sjellë një ulje të lehtë të temperaturave, por gjatë natës do të pengojë shpërndarjen e nxehtësisë nga toka drejt atmosferës, duke mbajtur temperaturat më të larta.

Temperaturat ekstreme dhe thatësira e zgjatur, që ka tharë tokën dhe bimësinë në shumë zona, kanë krijuar kushtet ideale për përhapjen e zjarreve.

Në Aglientu, në veri të Sardenjës, ku temperaturat arritën 37 gradë Celsius, zjarrfikësit u detyruan të evakuonin me shpejtësi turistët për shkak të një zjarri që përfshiu një pyll me pisha aty pranë.

Në operacion u angazhuan edhe dy avionë Canadair dhe helikopterë të shërbimit rajonal kundër zjarreve.

Në Kampania, një zjarr shpërtheu në një zonë me shkurre pranë Akademisë Italiane të Forcave Ajrore në Pozzuoli. Flakët prekën dy pika shitjeje automjetesh dhe dëmtuan më shumë se 40 makina. Si masë paraprake u evakuuan edhe disa banesa në zonën përreth.

Në Siçili u regjistrua edhe një viktimë. Një 78-vjeçar humbi jetën në një zjarr që shpërtheu në tokën e tij, teksa po digjte shkurre dhe era e fortë përhapi flakët. Në zonën e Katanias, zjarrfikësit kryen 22 ndërhyrje për zjarre në shkurre dhe bimësi.

Ndërkohë, në Friuli-Venezia Giulia, zjarret janë intensifikuar sërish në zonat Carnia dhe Valcellina. Korpusi rajonal i Pyjeve po monitoron situatën edhe me dronë të pajisur me kamera termike.

Në Piemonte vijojnë të jenë aktive vetëm disa vatra nga zjarret e javës së kaluar, të cilat dogjën rreth 700 mijë pemë. Sipas Lorenzo Elia, zëvendësdrejtor i Departamentit Qendror për Emergjencat dhe Ndihmën Teknike të Zjarrfikësve italianë, sipërfaqja pyjore e djegur në të gjithë vendin gjatë vitit 2026 është rritur me 10-15% krahasuar me të njëjtën periudhë të vitit të kaluar.

Edhe Franca është përballur me zjarre të mëdha. Një zjarr i favorizuar nga era përfshiu të dielën pyllin e Fontainebleau, rreth 60 kilometra në juglindje të Parisit.

Në operacion morën pjesë rreth 800 zjarrfikës dhe dy avionë Canadair, të cilët për herë të parë morën ujë nga lumi Sena. Rreth 1000 hektarë pyll u dogjën.

Dy persona të dyshuar për zjarrvënie janë arrestuar. Ministri i Brendshëm francez, Laurent Nuñez, bëri të ditur se, “janë gjetur rreth një duzinë pikash ndezjeje brenda një rrezeje prej një kilometri”. Deri në pasditen e djeshme, zjarri dukej se ishte vënë nën kontroll.

Valët e njëpasnjëshme të të nxehtit që kanë goditur Europën Perëndimore kanë sjellë pasoja të rënda edhe në shëndetin e njerëzve, veçanërisht te të moshuarit dhe personat më të rrezikuar.

Sipas EuroMOMO, institucionit europian që monitoron vdekshmërinë, janë regjistruar rreth 10 mijë vdekje më shumë se mesatarja gjatë javës së fundit të qershorit, ku rreth 9 mijë prej tyre kanë qenë persona mbi 65 vjeç.

“Është e vështirë të shpjegohen këto shifra me diçka tjetër përveç nxehtësisë ekstreme”, u shpreh Lasse Vestergaard, drejtues i Institutit Statens Serum, që administron EuroMOMO.

Një studim i publikuar nga studiues të Imperial College, Met Office dhe London School of Hygiene and Tropical Medicine, vlerëson se rreth 2700 persona kanë humbur jetën nga valët e të nxehtit në Angli dhe Uells gjatë muajve maj dhe qershor.

The post I nxehti ekstrem shkakton mbi 10 mijë vdekje në Europë, alarm i kuq në disa vende appeared first on Albeu.com.

Një palmë është thyer në mes dhe ka rënë mbi trotuar, duke dëmtuar tryezat dhe çadrat e një prej lokaleve buzë rrugës.

Fatmirësisht, nga ngjarja nuk ka njerëz të lënduar, por vetëm dëme materiale.

Për momentin, po punohet për të siguruar hapësirën dhe për të parandaluar ndonjë incident tjetër të mundshëm.

The post Stuhia e fortë shkakton dëme në Durrës, palma bie në mes të trotuarit (VIDEO) appeared first on Albeu.com.

Mësohet se punonjësja e policisë me iniciale L.L, ka qenë në gjendje të dehur në timon, kur ka dalë nga rruga dhe është përplasur me një shtyllë.

Pasi policia mbërriti në vendin e aksidentit për kryerjen e proçedurave, rezultoi se punonjësja e policisë (jashtë shërbimit me mjetin në pronësi të saj), ka qenë në gjendje të dehur mbi normat e lejuara.

The post Drejtonte makinën në gjendje të dehur, arrestohet efektivja e policisë në Korçë appeared first on Albeu.com.

Humbjet krijohen në dy drejtime. Së pari, studimi llogarit si humbje investimet në arsimin e personave që emigrojnë, të cilët shkollohen me shpenzime buxhetore vendase dhe më pas kontribuojnë në vendet pritëse.

Së dyti, për çdo person që emigron PBB-ja vendit humbet në 14 mijë euro në vitin pasardhës. Studimi mori në konsideratë fluksin vjetor dalës prej 41,700 personash, nga të cilët 37,540 ishin në moshe pune.

Duke supozuar se të gjithë e arritën qëllimin e tyre, punësimin në vendin pritës, studimi gjeti një kosto të mundshme prej 456 milionë eurosh humbje në vlerën e shtuar bruto.

Duke shtuar efektet indirekte për shkak të pamundësisë për të parandaluar emigracionin përmes punësimit, humbja vjetore e vlerës së shtuar bruto në Shqipëri përllogaritet 559 milionë euro në një vit, referon studimi.

Kjo do të thotë se çdo person i aftë për punë që largohet nga Shqipëria merr me vete rreth 14,900 euro nga një GDP potenciale vjetore e ardhshme.

Kanali tjetër i dëmit konsiderohen investimet e humbura në arsim. Arsimi i një shqiptari që ka përfunduar studimet në vitin 2018, në varësi të kryerjes së nivelit arsimor, kushton rreth 6,000 euro për shkollën fillore, 9,300 euro për shkollën e mesme dhe rreth 18,300 euro për studimet e përfunduara akademike.

Kostoja mesatare e përfunduar studimet pasuniversitare (PhD) në Shqipëri, ishin rreth 32,000 euro.

Kostot totale të arsimit të personave që largohen nga Shqipëria brenda një viti variojnë nga 201 milionë euro në 504 milionë euro. Sipas studimit Shqipëria humb mesatarisht në një vit 800 milionë deri në1 miliardë euro nga emigracioni.

Në krahun tjetër përfitimi i drejtpërdrejtë më i rëndësishëm i flukseve migratore janë remitancat. Shqipëria është një nga vendet kryesore në Evropë, me një peshë prej shtatë për qind në PBB të prurjeve nga emigrantët.

Nëse shtohen burime të tjera që vijnë nga jashtë (transfertat sociale dhe të ardhurat nga puna e banorëve shqiptarë jashtë vendit), kontributi në PBB arrin në 10 për qind.

Megjithatë, pavarësisht peshës së tyre të konsiderueshme në PBB, remitancat nuk ndikojnë në rritjen e përgjithshme ekonomike dhe nuk janë gjenerues i zhvillimit të ardhshëm pasi komponenti i investimit nuk është mjaft i fortë. Remitancat përdoren për konsum personal në familje, ndërsa vetëm një sasi e vogël përdoret për investime./Monitor

The post Studimi: Emigracioni i shkakton vendit së paku 800 mln euro humbje në një vit appeared first on Albeu.com.

Një padi e ngritur kundër kompanisë në Mbretërinë e Bashkuar, e cila kërkoi dëme afro 100 milionë funte për rreth 50 viktima, ka pohuar se Covishield çoi në vdekje dhe lëndime të rënda.

“Pranohet se vaksina AstraZeneca, në raste shumë të rralla, mund të shkaktojë TTS. Mekanizmi shkaktar nuk dihet”, tha kompania në dokumentet gjyqësore në shkurt.

Tromboza me sindromën e trombocitopenisë, është një gjendje e karakterizuar nga formimi i mpiksjes së gjakut dhe një numër i ulët i trombociteve të gjakut në qarkullimin e gjakut.

“Më tej, TTS mund të ndodhë edhe në mungesë të vaksinës AstraZeneca (ose ndonjë vaksine). Shkaktësia në çdo rast individual do të jetë çështje e provës së ekspertizës”, shtoi kompania.

Një nga viktimat pretendoi se ai zhvilloi një mpiksje gjaku për shkak të vaksinës, e cila çoi në dëmtim të përhershëm të trurit dhe e pengoi atë të vazhdonte të punonte.

Vaksina u administrua për të parandaluar COVID-19 në më shumë se 150 vende, përfshirë Indinë dhe Britaninë e Madhe.

Covishield u zhvillua nga AstraZeneca, në bashkëpunim me Universitetin e Oksfordit në MB dhe u prodhua nga Instituti i Serumit të Indisë.

Organizata Botërore e Shëndetësisë, gjithashtu tha më parë se Covishield mund të ketë efekte të tilla anësore .

“Një ngjarje negative shumë e rrallë e quajtur tromboza me sindromën e trombocitopenisë, që përfshin ngjarje të pazakonta dhe të rënda të koagulimit të gjakut të shoqëruara me numërim të ulët të trombociteve , është raportuar pas vaksinimit me këtë vaksinë”, raportoi Independent.

Megjithatë, OBSH kishte shtuar se përfitimi i vaksinimit në parandalimin e infeksioneve COVID-19 “i tejkalon shumë rreziqet”.

The post AstraZeneca pranon se vaksina e saj kundër COVID-19 shkakton efekte anësore appeared first on Albeu.com.

Një studim ka mbërritur në konkluzionin se nëse ka një lidhje mes sulmeve të migrenës dhe faktorëve të tillë si cilësia e gjumit, nivelet e energjisë dhe cilësia e humorit.

Shkencëtarët pranuan se studimet e mëparshme treguan tashmë një lidhje midis gjumit të dobët dhe rritjes së rrezikut të një sulmi të migrenës.

Pjesëmarrësit e studimit regjistruan shënime të shumta elektronike ditore në lidhje me disponimin e tyre dhe nivelet e energjisë, si dhe regjistrimin e gjumit dhe cilësinë e perceptuar të gjumit.

Njerëzit që mendonin se cilësia e tyre e gjumit ishte më e ulët, përjetuan një shans 22 për qind më të lartë për të pasur migrenë mëngjesin tjetër. Megjithatë, kjo nuk ndikoi në shanset për dhimbje koke në pasdite dhe në mbrëmje.

The post Studimi: Gjumi jo i rregullt mund të shkaktojë migrenë appeared first on Albeu.com.

Dielli lëshon rrezatime që depërtojnë në lëkurë. Të domosdoshme për një shëndet të mirë, këto rrezatime mund të kenë pasoja të dëmshme për organizmin.
Ekspertët e Institutit të Shëndetit Publik na njohin me dëmet që shkakton dielli në lëkurë.

Rrezet e diellit në stinën e verës ju bëjnë të ndiheni mirë por ato janë të dëmshme për lëkurën tuaj. Megjithëse nuk ndjehen menjëherë, ato krijojnë rrudha dhe janë ndër shkaqet kryesore të kancerit të lëkurës.

Me kalimin e kohës, rrezet ultraviolet (UV) dëmtojmë fibrat në lëkurë. Kur këto fibra prishen, lëkura nis të varët dhe të tërhiqet, mavijoset dhe plasaritet më me lehtësi, duke kërkuar më shumë kohë për t’u shëruar”, njoftoi ISHP.

Sipas ekspertëve, sa më shumë gjatë të rrimë në diell, aq më shumë lëkurë mund të shfaqen quka, njolla të bardha si dhe mund të zgjerohen enët e vogla të gjakut nën lëkurë./albeu.com

The post Po shkoni në plazh? Bëni kujdes! Ja dëmet që shkakton dielli në lëkurë appeared first on Albeu.com.