Si pasojë konfliktit, njëri prej tyre ka përfunduar në spital pasi është goditur me thikë, ndërsa tjetri është arrestuar dhe marrë në pyetje.

Raportohet se autori ka dëshmuar se shkak për sherrin, është bërë një debat mes të rinjve për një postim në rrjetin social Snapchat mbrëmjen e djeshme.

Ata janë konfliktuar sapo kanë hyrë në oborrin e shkollës.

Raportohet se shkolla është e pajisur me roje dhe oficerë sigurie, ndërsa mësimi ka vijuar normalisht, dhe situata është mbajtur nën kontroll.

The post Zbardhen detaje të reja nga sherri mes të rinjve në Fier, shkak i konfliktit u bë një postim në Snapchat appeared first on Albeu.com.

Për periudhën janar-gusht 2023, sipas të dhënave të raportit të monitorimit të Ministrisë së Shëndetësisë, rritja natyrale e sëmundshmërisë është 5,9 % krahasuar me 2022.

Ekspertë të shumtë të shëndetësisë, kanë ngritur shqetësimin se rritja e sëmundjeve kronike në vend, do të vijojë e ndikuar nga dy faktorë, pandemia e Covid-19 dhe nga mplakja e popullsisë.

Numri i lindjeve në vend gjithashtu, është me rënie të vazhdueshme. Në 2019 sipas të dhënave të INSTAT ishin 28,5 mijë lindje.

Në vitin 2020 ishin 28 mijë lindje. Në 2021 numri i tyre arriti 27,2 mijë lindje dhe për 2022 kishte 24,6 mijë lindje (9,2% më pak se 2021).

Rritja natyrale e sëmundshmërive kronike, sipas raportit të Ministrisë së Shëndetësisë, është ndikuar nga rastet e reja dhe rastet me ndryshim të skemës së mjekimit.

Konkretisht rastet e reja për janar-gusht 2023, janë 74,331 raste me vlerë shpenzimesh 270,020,711 lek ose 3,3 %.

Ndërsa raste me ndryshim terapie janë 46,800 raste me vlerë shpenzimesh 212,802,460 ose 2,3%.

Numri mesatar i diagnozave për pacient për 8 mujorin 2022 ishte 1,83 diagnoza. Ndërsa numri mesatar i diagnozave për pacient për 8 mujorin 2023 është 1,96 diagnoza.

Sipas Ministrisë së Shëndetësisë rritja e numrit të diagnozave për të cilin rimbursohet një pacient është 6,9%.

Shtimi i numrit të sëmurëve kronike dhe i diagnozave, ka rritur shpenzimet vjetore të rimbursimit të barnave.

Nenit 5 i Ligjit 84/2022 “Për buxhetin e Shtetit të vitit 2023”, i ndryshuar, përcaktonte se buxheti vjetor i Fondit të Sigurimit të Detyrueshëm të Kujdesit Shëndetësor, është tavani prej 11,400 milionë lekë për rimbursimin e medikamenteve.

“Vlera e mësipërme rezulton e pamjaftueshme për përballimin e shpenzimeve vjetore të rimbursimit të barnave (në PBA 2023-2025 ishte parashikuar që vlera e rimbursimit të barnave të listës, bazuar në faktorët që ndikojnë në këtë produkt, të arrinte në 12 500 milionë lekë për vitin 2023).

Nga ecuria e deritanishme e shpenzimeve të rimbursimit të barnave, rezulton: Rimbursimi i pranuar i vitit 2022, është 11,496 milionë lekë, shifër kjo më e lartë nga tavani buxhetor i përcaktuar për vitin 2023; Rimbursimi i pranuar i barnave për 8 mujorin 2023 rezulton 8,150 milionë lekë, ose 71.5% e tavanit buxhetor të lejuar, ose 5.61 % më shumë nga e njëjta periudhë e vitit të kaluar”, thuhet në raportin e Ministrisë së shëndetësisë.

Pas kërkesës së saj për rritje të fondit me qëllim të likuidimit të detyrimeve për 2023, në buxhetin e shtetit të vitit të kaluar me aktin normativ të muajit dhjetor u miratua rritja e tavanit të fondit për rimbursimin e medikamenteve në 12 miliardë lekë nga 11,4 miliardë lekë që ishte më parë.

The post Sëmundshmëria kronike për vitin 2023 u rrit 5,9%, shkak plakja e popullsisë dhe pasojat e Covid appeared first on Albeu.com.

Ndryshimet atmosferike në një pjesë të popullatës, përveçse janë shkas për ftohjet, përkeqësojnë dhimbjet e kyçeve dhe kockave. Mjekët ende nuk janë plotësisht të qartë pse ndodh kjo.

Ekziston mundësia që ndryshimet e temperaturës të lidhura me reshjet të gjenerojnë ndryshime në mbështjellësin e indit lidhës të quajtur shtylla kurrizore.

Sipas këshilltarit mjekësor Lynn Poston, “kur muskujt dhe nyjat ftohen, lëngu rreth kyçeve dhe tendinave trashet, duke na bërë të ndihemi të ngurtësuar”.

Një tjetër teori është se dhimbja është pasojë e rënies së presionit atmosferik që ndodh kur rritet lagështia në ajër.

Vitet e fundit, disa studime kanë vënë në dukje se faktorët nga mjedisi i jashtëm ndikojnë në shfaqjen e dhimbjeve të kyçeve, por studiuesit nga Harvardi e përjashtuan atë lidhje.

Gjithsesi, mbetet një temë që zgjon interesin e shkencëtarëve deri në atë masë sa ekziston një shkencë e veçantë që merret me të, e quajtur biometeorologjia mjekësore.

The post Pse dhembin nyjat dhe kockat kur bie shi? appeared first on Albeu.com.

Alkooli

Megjithëse kjo tingëllon e çuditshme, alkooli shkakton puçrra dhe akne. Birra, vera dhe kokteilet dehidratojnë lëkurën dhe shkaktojnë shqetësime të tilla, përfshirë dhe rrudhat.

Kripa

Konsumimi i tepruar i kripës çon në dehidratim të thellë të lëkurës. Kështu, lëkura nuk ka forcën e nevojshme për të luftuar dehidratimin, duke çuar kështu në shfaqjen e puçrrave dhe akneve.

Buka

Buka rrit insulinën dhe shkakton shumë probleme shëndetësore, duke përfshirë shfaqjen e akneve
Prandaj, dermatologët sugjerojnë shpesh që ta shmangni atë.

Produktet e qumështit

Produktet e qumështit janë të pasura me hormone. Dhe mosbalancimi i akneve është pikërisht shkaku i akneve. Duhet ta shmangni përdorimin e tij në një masë të madhe.

The post Keni akne dhe puçra? Këto janë ushqimet që mund të jua shkaktojnë appeared first on Albeu.com.