Taking the floor, Noka declared that SHISH “has entered the protest,” describing this as an unacceptable act and outside the service’s competencies.

“Does the service have a role in the so-called non grata declarations of Albanians in Kosovo or North Macedonia? Are they being declared non grata to protect Edi Rama’s power, or for what?

The service’s duty is not to get involved and pursue Edi Rama’s opponents. It did it once with the opposition’s protests, and it is doing it now with citizens’ protests. The service is not meant to be a kamikaze in the service of Rama’s chair, but must be in the service of the country’s national security,” Noka said, as he requested answers from director Vlora Hyseni.

The committee chairman, Bledi Çuçi, clarified that after the approval of the first item on the agenda, the head of SHISH would be present and that the questions could be addressed in her presence, so that the answers would be given by the head of the institution.

For his part, Noka said he had noticed that with Ms. Hyseni’s arrival, it had been planned for the hearing to be held behind closed doors. According to him, citizens should be informed about the situation and the concerns they have, so that the role of the service, the issue of national security, and the contribution of this institution can be understood.

In response, Çuçi stated that, according to the law, the importance of the information is determined by the one who provides it, and that the same person decides whether the meeting will be held behind closed doors or not.

The post Noka levels accusations at SHISH in the Defense Committee, Çuçi: Address your questions to Director Hyseni appeared first on Albeu.com.

Teksa mori fjalën, Noka deklaroi se SHISH “është futur në protestë”, duke e cilësuar këtë si një veprim të papranueshëm dhe jashtë kompetencave të shërbimit.

“A ka rol shërbimi në të ashtuquajturat shpalljet non grata të shqiptarëve në Kosovë apo RMV? A po shpallen non grata për të mbrojtur pushtetin e Edi Ramës apo për çfarë?

Detyra e shërbimit nuk është të futet dhe të ndjekë kundërshtarët e Edi Ramës. E bëri me protesta e opozitës dikur, po e bën me protestat e qytetarëve tani. Shërbimi nuk është për të qenë kamikaz në shërbim të karriges së Ramës, por duhet të jetë në shërbim të sigurisë kombëtare të vendit”, u shpreh Noka, teksa kërkoi përgjigje nga drejtoresha Vlora Hyseni.

Kryetari i Komisionit, Bledi Çuçi, i sqaroi se pas miratimit të pikës së parë në mbledhje do të ishte e pranishme drejtuesja e SHISH dhe se pyetjet mund të adresoheshin në praninë e saj, në mënyrë që përgjigjet të jepeshin nga titullari i institucionit.

Nga ana e tij, Noka tha se kishte vënë re që me mbërritjen e zonjës Hyseni ishte planifikuar që seanca të zhvillohej me dyer të mbyllura. Sipas tij, qytetarët duhet të informohen për situatën dhe shqetësimet që kanë, në mënyrë që të kuptohet roli i shërbimit, çështja e sigurisë kombëtare dhe kontributi i këtij institucioni.

Në përgjigje, Çuçi deklaroi se, sipas ligjit, rëndësinë e informacionit e përcakton ai që e jep atë dhe se është po ai që vendos nëse mbledhja do të zhvillohet me dyer të mbyllura apo jo.

The post Noka ngre akuza ndaj SHISH në Komisionin e Mbrojtjes, Çuçi: Pyetjet shtrojani drejtoreshës Hyseni appeared first on Albeu.com.

I ftuar në studion e ‘QUO VADIS’, Klosi u shpreh se, ndryshe nga e kaluara, sot grupet kriminale janë më të sofistikuara dhe me më shumë burime financiare.

Ai u ndal edhe tek vrasja e Azem Hajdarit, duke nënvizuar se e përdori më shumë PD, që ishte partia e tij, se sa pala tjetër.

Ish-kreu i SHISH, Fatos Klosi: Shërbimi atëherë ishte i hapur, dilte policia, dilte shtypi. Sot është më e vështirë nëse ka gjëra të tilla. Shohim sulmet kibernetike. Ata që marrin për detyrë për të eliminuar një njeri të rëndësishëm apo për skup për bomba, në Shqipëri nuk kanë ekzistuar ndonjëherë. Dy herë është përmendur për atentat ndaj Azem Hajdarit, një herë në Parlament dhe një herë ai që e mori. Në të dyja rastet kanë qenë probleme personale, një herë me deputetin e Kukësit dhe një herë me Haklajt. Por nuk është se u përfitua diçka në politikë me eliminimin e tij ose për jetën e vendit. Praktikisht vrasjen e Azem Hajdarit e përdori më shumë PD, që ishte partia e tij, nuk e përdori pala tjetër. Pala tjetër, ku isha edhe unë, humbëm. Ishte detyra jonë për ta mbrojtur dhe nuk e mbrojtëm dot. Shqipëria është vend i vogël, pa shumë probleme. Sot, praktikisht, nuk ka interes për akte terroriste bota në Shqipëri. Aktet terroriste duan të bëjnë efekt te publiku. Terrorizmi në Shqipëri ka qenë i infiltruar nga jashtë, jo për të bërë akte terroriste, por për t’u fshehur.

Krimi i organizuar sot është më i avancuar. Është me më shumë para, ikin nga Shqipëria që të mos ekstradohen. Mundësitë e krimit të organizuar sot janë më të zhvilluara. Policia ka qenë e vëmendshme. Përballë nuk ke budallenj që gabojnë. Mjetet që përdorin janë më të sofistikuara dhe vështirë t’i zbulosh. Krimi është i favorizuar sepse i zgjedh ai mjetet që përdor. Policia duhet t’u shkojë nga mbrapa të zbulojë se çfarë kanë në mendje ata. Krimi është në avancë, kualifikohen më parë ata. Shqipëria është më e hapur sot. Problem në Shqipëri nuk është terrorizmi, por krimi i organizuar.

Ish-kreu i SHISH, Fatos Klosi, ka bërë deklarata të forta lidhur me ngjarjet e 21 Janarit, duke pretenduar se dhuna dhe viktimat e asaj dite nuk ishin të rastësishme.

I ftuar në QUO VADIS ai u shpreh se ngjarja u zhvillua para syve të kamerave, ndërsa sipas tij pati përpjekje të qëllimshme për të zhdukur provat.

Klosi deklaroi se, pas protestës, u ndërmorën veprime për të fshirë gjurmët, duke përmendur fshirjen e serverit të Kryeministrisë dhe izolimin e Gardës për disa ditë.

Ai shtoi se edhe prokuroria u pengua në hetime, ndërsa prokurorja u sulmua publikisht pas lëshimit të urdhrave të arrestit.

Klosi akuzoi ish-kryeministrin Sali Berisha, duke pretenduar se situata ishte e parashikuar dhe se përdorimi i dhunës kishte si qëllim demonstrimin e kontrollit mbi sigurinë në vend.

Klosi: Për 21 Janarin, u zhvillua para kamerave. Unë kam qenë në shesh para Kryeministrisë. Nga Berisha u punua që të mos kishte prova për ngjarjen. U fshi serveri i Kryeministrisë. Garda u mbajt 3 ditë brenda. Pati të lënduar dhe u kuruan në Kryeministri. U quajt prokurorja me epitete nga më skandalozet vetëm pse lëshoi urdhër arreste. Është luftuar nga ata që shkaktuan ngjarjen që provat të fshiheshin.

Asnjë urdhër i prokurores nuk u miratua dhe u tallën me të. Ishte një pushtet absolut atëherë, jo si sot. Rama thotë që e mbështet prokurorinë. Nuk thotë që prokuroria përbëhet nga horra. Edhe Gërdeci, gjyq pas gjyqi. Është më kollaj që SPAK të merret me ngjarje të freskëta, sepse e ka më kollaj, sesa të merret me ngjarjet që populli është i interesuar. Çfarë ndodhi me Gërdecin, që u vranë 26 veta, me 21 Janarin, që u vranë 4 burra që ishin me duar në xhepa. Në fund të protestës, kur nuk kishte rrezik, u qëllua.

Atë ditë ishte e planifikuar të vriteshin. I shërbenin Berishës. Tek ndërkombëtarët kishte diskutime që çfarë është më e rëndësishme në Shqipëri, siguria apo demokracia? Demokracia është e ardhmja që do të futet në BE, që do të kërkojë një kohë të gjatë. Siguria është fenomen më delikat. Ne na ka ndodhur në zgjedhjet e 1997. U bënë me ndihmën e autoblindave italiane. Vrasja e tyre është humbje e sigurisë. Ky ka qenë një mesazh që na kanë dhënë dhe unë jam dëshmitar. Për partnerët, siguria është e rëndësishme, pastaj demokracia. Siguria bëhet me organizim. Berisha këtë gjë e dinte. Mua më kanë thënë që jemi me atë qeveri që garanton sigurinë. Berisha e dinte dhe donte të tregonte që unë siguroj sigurinë në vend edhe nëse duhen vrarë njerëz.

The post Rrëfimi i ish kreut të SHISH – “Berisha i kishte planifikuar viktimat e 21 Janarit”, Klosi: Ja pse u vra Azem Hajdari appeared first on Albeu.com.

Nga detajet e siguruara ekskluzivisht nga gazetarja e Top Channel Anila Hoxha, mësohet se në një USB, ish drejtori i SHISH Aleksandër Shulla kishte kopjuar të dhëna mbi automjetet, dhe sistemin e gjendjes civile të vitit 2008.

Kjo USB, u zbulua gjatë kontrollit për lojërat e fatit të të birit, ku përmbante edhe të dhëna të kategorizuara si të dhëna për policinë kriminale të tetorit 2008 dhe departamentit të hetimit kundër krimeve të rënda dhe database për automjetet.

Në dosjen që ka në dorë prokuroria, janë zbardhur edhe bisedat e djalit të drejtorit të SHISH, Pandeli Shulla, i cili në një komunikim me një person tjetër për lojërat e fatit, thotë “Ka lëvizje nga bixhozi”, “për bizhozi shqiptarët”-ia kthen personi tjetër, ndërsa Shulla i thotë “bixhoz dhe drogë”.

Në një bisedë tjetër, Paneli Shulla thotë “punon plaku në SHIK, është drejtor jo në terren”-referuar të atit të tij.

Bashkëbiseduesi i thotë, prandaj mban lokal me lojëra fati ti, dhe Paneli Shulla ia kthen “Po pse ça e di ti duhet një çik korrupsion brenda familjes”.

Aleksandër Shulla akuzohet gjithashtu për mbajtjen pa leje të municioneve luftarake, ndërsa djali i tij, Pandeli Shulla akuzohet për organizimin dhe ushtrimin e lojërave të fatit në kundërshtim me ligjin.

The post Zbulohen bisedat, si e ‘fundosën’ ish drejtorin e SHISH lojërat e fatit të të birit appeared first on Albeu.com.

PROKURORIA PRANË GJYKATËS SË SHKALLËS SË PARË TË JURIDIKSIONIT TË PËRGJITHSHËM BERAT

Ish-drejtori i Shërbimit Informativ të Shtetit në Berat, shtetasi A.Sh dhe djali i tij, P.Sh. janë marrë në hetim nga Prokuroria pranë Gjykatës së Shkallës së Parë të Juridiksionit të Përgjithshëm Berat për veprat penale ‘Organizimi ose ushtrimi i veprimtarive të lojrave të fatit në kundërshtim me ligjin’, ‘Mbajtja pa leje dhe prodhimi i armëve, armëve shpërthyese dhe i municionit’ dhe ‘Tregimi i sekretit shtetëror nga personi që i është besuar’ parashikuar nga nenet 197/1, 273/3 dhe 294/1 të Kodit Penal.

Sipas Prokurorisë pranë Gjykatës së Shkallës së Parë të Juridiksionit të Përgjithshëm, Berat, nga hetimet mbi procedimin penal nr.370 të vitit 2023, pas informacioneve se në një ambient në lagjen ’30 Vjetori’ në një lokal që drejtohej nga shtetasi P.Sh., po zhvilloheshin lojëra fati, u konstatuan kompjuterat e markave të ndryshme, të ndezura dhe në ekrane shfaqen lojërat online të ngjashme me ato të Adex Casino.

Nga verifikimi teknik, u provua se nëpërmjet një aplikacioni apo software të instaluar në këto paisje elektronike, duke u lidhur në internet, realizoheshin lojëra fati online.

Gjatë hetimeve, u ushtrua kontroll i banesës së shtetasit A.Sh., babait të tij, ku u konstatuan një krëhër metalik ngjyrë bronxi me 5 fishekë, të paplasur të kalibrit 7.62 mm, një çantë dore ngjyrë të zezë brenda të cilës u gjetën 3 krehër, të mbushur secili me nga 7 fishekë të kalibrit 7.62 mm dhe dy USB me mbishkrimet “Turbox” dhe “Kingston”.

Ky shtetas i cili ka ushtruar detyrën si Drejtor i Shërbimit Informativ Berat, shpjegoi se, në nëntor të vitit 2023 është larguar nga detyra dhe ka dorëzuar armatimin por ka harruar të dorëzojë municionin e gjetur në banesë nga shërbimet e policisë. Ai sqaroi se, fishekët e kalibrit 7.62 janë fishek të armëve të vjetra që i ka gjetur të godina e vjetër e ShIK-ut dhe i ka marrë si suvenir dhe i ka harruar në banesë.

Por nga verifikimet e kryera nga prokuroria rezultoi se armatimet ishin kthyer dhe kjo provohej edhe nga fletëhyrja që ndodhet në institucion. Ndërkohë që nga verifikimet e kryera rezultoi se, dy nga materialet e ndodhura në Usb-në me emërtimin “Usb drive” janë të klasifikuara në nivelin “sekret” dhe administrohen në SHISH në kopje të vetme. Kopjimi ose shumëfishimi i tyre është i ndaluar dhe në kundërshtim me aktet që normojnë punën e SHISH.

Marrja e këtyre materialeve në kundërshtim me rregullat e sigurisë së informacionit të klasifikuar, që ka rezultuar me ekspozimin e pjesshëm ose tërësor, në mënyrë të paautorizuar, përbën shkelje të sigurisë së informacionit të klasifikuar.

Në përfundim të hetimeve paraprake, pas analizës në tërësi të të dhënave dhe provave të marra, vijmë në përfundimin se, ka të prova të mjaftueshme se të pandehurit P.Sh dhe A.Sh. kanë kryer veprat penale për të cilat akuzohen.

Rezulton përfundimisht e provuar se i pandehuri A. Sh. ka qenë me detyrë punonjës i Shërbimit Informativ të Shtetit dhe ka kopjuar materiale që, sipas ligjit të njohur publikisht, përbëjnë sekret shtetëror, dhe i janë besuar për shkak të detyrës.

Marrja e këtyre materialeve në kundërshtim me rregullat e sigurisë së informacionit të klasifikuar, dhe përhapja e tyre në dy Usb brenda në banesën e të pandehurit, kur ai nuk ushtronte më as detyrën e punonjësit të shërbimit informativ të shtetit, që ka rezultuar me ekspozimin e pjesshëm ose tërësor, në mënyrë të paautorizuar, përbën shkelje të sigurisë së informacionit të klasifikuar.

The post SKANDAL NË BERAT/ Ish-kreu i SHISH dhe djali i tij nën akuzë për 3 vepra penale, nga nxjerrja e sekretit shtetëror tek… appeared first on Albeu.com.

Majko kërkon një konfirmim zyrtar nga SHISH për pretendimet e Berishës, i cili ka deklaruar se Majko është përgjuar në kuadër të pazareve elektorale.

Letra e Majkos, është dërguar zyrtarisht nga Kuvendi dhe është përcjellë me shkresë përcjellëse për në SHISH.

Majko kërkon sqarime dhe një përgjigje zyrtare, për akuzat që kanë ngritur dyshime mbi veprimet e tij në politikë.

Në shkresën drejtuar SHISH, Majko kërkon informacion nga ky institucion nëse është vënë në përgjim nga ky organ apo jo.

Më tej, kërkon çdo informacion që ka të bëjë me emrin e tij.

Ndërkohë që bashkangjitur i ka dorëzuar SHISH edhe deklaratën e 6 janarit të Berishës.

Në konferencën për shtyp më datë 6 janar, Berisha akuzoi deputetin socialist Pandeli Majko si kriminel elektoral.

Ai aludoi edhe për një përgjim të SHISH ndaj Majkos në Kukës, ku flitej për pazare elektorale.

Këto deklarata erdhën pasi Majko kaloi nga drejtues politik qarku i PS-së në Kukës, në një nga zonat e Tiranës.

Më pas, Majko reagoi duke thënë se Berisha servir vetëm gënjeshtra ndaj publikut, ndërsa një ditë më pas u takua me kryeparlamentaren Spiropali, teksa i kërkoi Kuvendit të sqarojë pretendimet e Berishës si i përgjuar nga SHISH.

The post Akuzat e Berishës për “pazare elektorale”, Majko shkresë SHISH-it: Më keni përgjuar, apo jo? appeared first on Albeu.com.

“Kjo që po kërkoj unë ka të bëjë me dinjitetin e institucionit. Drejtorja e SHISH pothuajse e ka anashkaluar Kuvendin që prej momentit kur është emëruar. Komisioni për Sigurinë Kombëtare është i vetmi institucion që mbikëqyr SHISH-in dhe ky institucion duhet të japë llogari përballë Kuvendit, pra këtij komisioni.

Shërbimet kudo në botë, janë të ndërtuara në mënyrë të atillë, që lëvizin në një kufi të hollë mes legjitimitetit dhe ilegjitimitetit, dhe duke qenë se ky është i vetmi komisioni që mbikëqyr punën e SHISH, duhet pra që të raportohet para këtij komisioni.

Prandaj unë kërkoj shtyrjen e seancës dhe njoftimin e Drejtores së SHISH të vijë të raportojë para Komisionit të Sigurisë Kombëtare”, tha Xhaferaj, kërkesë e cila u mbështet edhe nga deputetët e maxhorancës, si edhe kreu i Komisionit të Sigurisë Kombëtare, Nasip Naço.

The post DEBATET/ Pse u shty diskutimi i buxhetit të SHISH në Kuvend, Xhaferaj: Drejtorja të vijë të raportojë, Naço miraton kërkesën e demokratit appeared first on Albeu.com.

Prej sot e në vijim, Suela Bedeni nuk do të mbajë më këtë detyrë.

Në mbledhjen e qeverisë drejtuar nga zëvendëskryeministrja Belinda Balluku, është emëruar Blend Çobani si inspektor i Përgjithshëm i Shërbimit Informativ të Shtetit dhe se vendimi hyn në fuqi menjëherë.

The post Lëvizje në Shërbimin Informativ Shtetëror, kush ikën dhe kush vjen appeared first on Albeu.com.

I pyetur në lidhje me këto akuza në emisionin “Opinion”, Rama tha se kjo është si të hedhë një budalla një gur në lumë, duke hedhur kategorikisht poshtë deklarata e ish-kreminsitrit.

Sipas Ramës Berisha mendon se mund të përfitojë nga situata në Kosovë.

Pjesë nga intervista:

Fevziu: Shefja e Shrbimit Sekret Shqiptar a ndodhet në Beograd, dhe a ka qenë për një mision të gjatë në Beograd, është e vërtetë apo jo?

Rama: Hedh një budalla një gur në lumë dhe 100 të mençur nuk e nxjerrin dot. në këtë rast budallai është edhe i ligë, hedh një gur në lumë se do dhe ai të përfitojë nga kjo situatë sipas mendjes së tij dhë ne emisionin më të rëndësishëm të javës më bëhet pyetje mua, k7y ëhstë dhe qëllimi i budallait.

Fevziu: A është e vërteë apo jo?

Rama: Sigurisht që jo.

Një ditë më parë ish-kryeministri Berisha akuzoi shefen e SHISH se ka udhëtuar drejt Beogradit në mënyrë të fhshetë, në një moment që situata ëhstë mjaft kritike.

Ja çfarë shkruante Berisha:

Vizita e fshehtë e Vlora Hysenit në Beograd, kërcënim për sigurinë e Kosovës, Shqiperisë, rajonit dhe NATO-s. Miq, mediat informojnë se Vlora Hyseni, drejtore e Shërbimit Inteligjent të Shqipërisë nisi punën me vizitën e saj të parë sekrete në Beograd dhe ky lajm deri sot nuk është përgënjeshtruar nga SHISH. Kjo vizitë e saj në Beograd për kohën që zhvillohet, por dhe background-in e shkarkimit të saj nga autoritetet e Kosovës, dëshmon se ajo u emërua në atë post si një urë lidhëse konfidenciale midis Ramës dhe sivllaut të tij Vuçiç, në bashkërendimin e veprimtarive të tyre kundër Kosovës dhe jo vetëm.

Në këtë kontekst kjo vizitë në kulmin e krizës së marrëdhënieve Kosovë-Serbi flet për një bashkërendim të përpjekjeve të Ramës dhe padronit të tij kundër Kosovës, gjë që i intereson shumë ketij të fundit për shkak të krizës të rëndë politike të brendshme të Beogradit.

Por vizita e fshehtë e Vlora Hysenit në Beograd, po të kemi parasysh se ajo drejton Sherbimin Inteligjent të një vendi antarë të NATO-s është një ogur i keq për të gjithë informacionin e klasifikuar të NATO-s, i cili nëpërmjet konfidentes Hyseni mund të përfundojë në duart e padronit të Edi Ramës, Putinit të Vogël dhe nga ai, në duart e Putinit te Madh. Kjo vizitë është një goditje e rëndë për bashkëpunimin tonë me shërbimet e vendeve mike të rajonit të cilat pas saj nuk do shkëmbejnë më informocione të ndjeshme me shërbimin shqiptar duke ditur se konfidentja e Ramës mund t’i dërgojë ato në Beograd.

Dënoj këtë vizitë si një kërcënim serioz për sigurinë e Kosovës, të Shqiperisë, rajonit dhe NATO-s dhe kërkoj largimin e saj të menjëhershëm nga detyra. #sb

The post “Shefja e SHISH ka udhëtuar në Beograd”, Rama i përgjigjet Berishës: Kërkon dhe budallai të përfitojë nga situata appeared first on Albeu.com.

Deputeti demokrat Flamur Noka ka reaguar pas propozimit të emrit. Përmes një postimi në rrjete sociale, Noka tha se se Vlora Hyseni, e cila më parë ishte pjesë e Shërbimit të Inteligjencës së Kosovës (AKI), u shkarkua nga detyra për dyshime për lidhjen e tij me serbët.

Sipas tij, kaq ka mjaftuar që Rama të konsideronte që emri i i saj të plotësonte kriterin numër 1.

Postimi i plotë:

Kosova e shkarkon për lidhje serbe, Rama e propozon në krye të SHISH.

Rama propozon në krye të SHISH bashkëkombasen Vlora Hyseni, por kjo e fundit është shkarkuar në mbështetje të nenit 6 (paragrafi 4) i Ligjit për Agjencinë e Kosovës për Inteligjencë, ku thuhet shprehimisht se: “Zbulimi ose mosruajtja e informacioneve të klasifikuara paraqet vepër penale të dënueshme sipas Kodit nr.06/074 Penal të Republikës së Kosovës, Ligjit Nr.03/L-178 për Klasifikimin e Informacioneve dhe Verifikimin e Sigurisë dhe legjislacionin tjetër përkatës në fuqi që ka të bëjë me informacionin e klasifikuar.”
Vlora Hyseni dyshohej për lidhje serbe dhe mesa duket kaq i ka mjaftuar Ramës për të plotësuar kriterin nr.1 të tij.

Kush është Vlora Hyseni

Më herët Vlora Hyseni ka qenë zëvendësdrejtoreshë e Agjencisë së Kosovës për Inteligjencë ku qëndroi në detyrë për 4 muaj.

Ajo u shkarkua nga Albin Kurti e më tej me firmën e Vjosa Osmanit në 30 qershor 2021, duke sjellë edhe debate politike në Prishtinë.

“Vendimi për shkarkim e obligon Vlora Hysenin të bëjë dorëzimin e të gjitha mjeteve dhe materialeve me të cilat ka qenë e ngarkuar. Gjithashtu, Hyseni, sipas vendimit, obligohet që të ruaj të gjitha informacionet që ka marrë gjatë ushtrimit të detyrës, pavarësisht sesi i është dhënë qasja në to apo si i ka pranuar ato, apo në çfarëdo forme tjetër ka arritur të posedoj informacione të klasifikuara”, thuhet në komunikatë.

Nuk bëhen të ditura më shumë arsye të shkarkimit të zyrtares së lartë të Agjencisë së Kosovës për Inteligjencë, mirëpo në komunikatë përmendet fakti se “zbulimi ose mosruajtja e informacioneve të klasifikuara paraqet vepër penale të dënueshme sipas Kodit Penal të Kosovës dhe legjislacionin tjetër përkatës në fuqi që ka të bëjë me informacionin e klasifikuar” thuhej në njoftimin për media nga zyra e Kurtit asokohe.

Pas kësaj Hyseni ka shërbyer si këshilltare pranë kryeministrit të Shqipërisë.

Prej disa muajsh SHISH funksionon pa një drejtues.

Helidon Bendo në dhjetor të vitit të shkuar paraqiti zyrtarisht dorëheqjen pranë Presidentit, ndërsa në detyrë u komandua Oljan Kanushi.

Ky i fundit u emërua në detyrën e zëvendësdrejtorit pranë Shërbimit Informativ Shtetëror në muajin gusht të vitit 2022.

/Albeu.com/

The post Noka reagon pas propozimit të Ramës për kreun e SHISH: Kosova e shkarkoi për lidhje serbe appeared first on Albeu.com.