Ministrja e Shëndetësisë dhe Mbrojtjes Sociale, Albana Koçiu së bashku me drejtoreshën e ISHP-së, Eugena Tomoni, si dhe nënprefekti i Qarkut Tiranë, Parid Xhihani inspektuan nga afër procesin e dezinsektimit, i cili po kryhet në zonën bregdetare dhe urbane, sipas të gjitha standardeve për të minimizuar efektin negativ në natyrë dhe për të mbrojtur biodiversitetin e natyrës.

Ministrja Koçiu nënvizoi se ky program kombëtar i dedikohet tërësisht pastrimit nga mushkonjat në territoret me pushues.

Ajo theksoi rëndësinë e bashkëpunimit me pushtetin vendor për dezinsektimin edhe të sipërfaqeve që kanë bizneset private, sikundër edhe territori që mbulohet nga bashkitë e qarkut që të garantohet një mjedis sa më i sigurt dhe i shëndetshëm për pushuesit dhe turistët.

“Duhet fort që të respektohen masat higjieno-sanitare për të gjithë bizneset, gjithë operatorët privatë, që veprojnë. Jo pa qëllim kemi edhe Inspektoratin Shtetërore Shëndetësor, i cili gjithashtu kryen rol për të mbikëqyrur gjithë operatorët, bizneset private, gjithë strukturat akomoduese hoteliere të respektojnë masat higjieno-sanitare”, deklaroi Koçiu.

Ministrja e Shëndetësisë ka nënvizuar se dezinsektimit do të shtrihet në të gjithë vijën bregdetare, laguna dhe parqe, një proces i cili do të vijojë deri në tetor në varësi të kushteve meteorologjike. Monitorimi i vazhdueshëm do të kryhet çdo dy-tre javë, në varësi edhe të situatës.

Në Malin e Robit janë rreth 13 hektarësh kanale, pellgje, parqe, puseta, të cilat janë vlerësuar nga Njësitë Vendore të Kujdesit Shëndetësor në bashkëpunim me bashkitë, për sa i përket territoreve ku janë evidentuar larvat apo habitatet të cilat janë të rriskuara për prezencën e tyre.

The post Pas Shirokës, vijon procesi i dezinsektimit në Kavajë, ministrja: Do vijojmë në gjithë vijën bregdetare appeared first on Albeu.com.

Gjatë fjalës së tij, Rama tha se e kanë gati projektin e ujësjellësit për Shirokën dhe Zogajn, por i pengon Bashkia që nuk i jep lejen.

“E kemi bërë projektin për ujësjellës, e kemi lidhur kontratën për të nisur punën. Bashkia Shkodër nuk na jep lejen. Nuk jep lejen të të vijë uji dhe me sa më rezulton jo vetëm që shkon në çezmat e të gjithëve, nuk më rezulton që kur duan ujë, e duan blu, por e duan të pastër. Kurse ata duan që demokratë e socialistë të kenë etjen blu. Kjo është mesjeta e thellë në mendjen e atyre që drejton sot bashkinë. Kurdo që kemi pasur mundësi të bëjmë punë për Shkodrën, e kemi bërë.

Nuk e di si funksionon në mendjen e ndonjë të djathti por s’më ha mendja të jetë llogaria e saktë që do njeri të shkojë në Velipojë duke u futur nëpër gropa. Dhe e bëmë rrugën Shkodër-Velipojë. Edhe atë të Thethit ne e bëmë.

Në Belsh ka më shumë turistë se në Shkodër, është turp. në Belsh punon bashkia kurse këtu nuk pastrohen as rrugët, as koshat e plehrave”, tha Rama.

The post Rama: Projektin për ujësjellësin e Shkodrës e kemi gati, por bashkia nuk na jep lejen appeared first on Albeu.com.

Njësiti për hetimin e narkotikëve në Prizren kishte marrë informacione se në një objekt disakatësh që funksiononte si mulli po zhvillohej veprimtari ilegale kryesisht i rritjes së bimëve narkotike dhe përgatitjes së drogës për treg.

Prokuroria e Prizrenit kishte udhëzuar hetuesit policorë që të ndërmerrnin të gjitha veprimet e nevojshme për të hetuar rastin dhe informacionin e marrë.

Në hetimin e rastit u vunë në dispozicion edhe masa të fshehta për të siguruar prova në lidhje me personat e dyshuar që po kultivonin narkotikë.

Posa kishin marrë urdhrin për ndërhyrje Policia kishte zënë në flagrancë gjashtë persona, disa nga ta shtetas të Maqedonisë së Veriut.

Pamje të mbjelljes së kanabisit janë transmetuan në emisionin “Kallxo Përnime”.

Në vazo me ndriçim artificial bimët e kanabisit ishin rritur deri në 2 metra.

Ndriçimi që u përdor për të rritur kanabisin brenda objektit ishte artificial. Poçët po kryenin punën e diellit në rritjen e këtyre bimëve të cilat ishin hiç më pak se 2 mijë e 59 fije të gjatësive të ndryshme.

Brenda objektit ishin vendosur të gjitha pajisjet të cilat nevojiten për të kultivuar narkotik dhe për ta bërë atë të gatshëm për tregun.

Të arrestuarit ishin zënë në flagrancë duke punuar me bimët narkotike. Me doreza të plastikës, me rroba pune, të dyshuarit ishin arrestuar dhe ishin dërguar në stacionin policor në Prizren.

Katër nga të dyshuarit ishin nga Maqedonia e Veriut, njëri nga të arrestuarit ishte pronar i objektit ku u zbulua laboratori i drogës.

Prokurorja e rastit Ariana Shajkovci kishte arritur në vendin e ngjarjes ndërsa kishte urdhëruar Policinë që të dyshuarit t’i dërgonin në ndalim për 48 orë.

Në vendin e ngjarjes u konfiskuan një mori provash. Duke nisur nga narkotikët, prokurorja kishte udhëzuar Policinë që të konfiskoheshin edhe telefonat e të dyshuarve dhe dokumente të tjera që lidhin të dyshuarit me rastin.

“Bëhej fjalë për një objekt shtatëkatësh, ku në katin e fundit bëhej kultivimi i narkotikut kanabis sativa. Në vendin e ngjarjes janë 2 mijë 59 vazo të mbjella me kanabis sativa me gjatësi nga 80 centimetra deri në 2 metra. Në një pjesë të lokacionit është konfirmuar që ishin 32 kilogram marihuanë që ishte në procesin e tharjes”, shpjegoi prokurorja gjetjet në vendin e ngjarjes.

Ajo tregoi edhe se në ndërtimin e këtij laboratori janë përdorur edhe pajisje për të rritur në mënyrë artificiale bimën kanabis sativa.

“Duke u nisur nga sasia shumë madhe e bimës që është gjetur dhe marihuanës që ishte në procesin e tharjes, medoemos mund të themi se bëhet fjalë për shitjen dhe shpërndarjen e tij. Deri tani nuk mund ta di tregun por në ditët apo muajt në vijim do të vazhdojmë hetimet edhe se ku ka qenë e destinuar kjo sasi e narkotikut”, tha prokurorja Shajkovci.

“Duhet të ndërmarrim veprimet se kush është pronari i vërtetë i lokacionit”, shtoi ajo.

Ajo foli edhe për shtetasit e Maqedonisë së Veriut të arrestuar në rast.

“Të gjithë të arrestuarit janë hasur në flagrancë duke përpunuar bimët kanabis sativa. Tani për tani na mbetet të hetojmë dhe vërtetojmë saktësisht rolin e të gjithëve që janë arrestuar sot”, tregon tutje prokurorja e rastit.

Sipas prokurores, për grupin e arrestuar për narkotik do të kërkohej edhe masa e paraburgimit për 30 ditë, kërkesë kjo e cila do t’i drejtohej Gjykatës në Prizren.

Prokurorja potencoi se janë plotësuar të gjitha kriteret që ndaj të njëjtëve të caktohej masa e paraburgimit për shkak të hetimit të mëtejme.

“Prokuroria vetëm para disa jave ka fillu hetimet, ne jemi ende duke hetuar rastin për të parë nëse ka persona të tjerë të involvuar në këtë rast”, shtoi ajo.

Prokurorja Shajkovci apeloi që për raste të dyshimta të tilla qytetarët të bashkëpunojnë me organet e rendit.

“Ne duhet të kemi mundësi që sa më parë të intervenojmë në atë rast, është obligim i çdo qytetari që të raportoj veprimtari të kundërligjshme”, tha prokurorja Ariana Shajkovci.

The post Brenda laboratorit të drogës në mullirin e Shirokës (VIDEO) appeared first on Albeu.com.