Ushtarët mbajtën urnën me hirin e tij, që e solli e veja e Abes, teksa gjatë ceremonisë u çmua lart kontributi i tij gjatë shërbimit të tij si kryeministër për nëntë vjet.

Kryeministri i Japonisë, Fumio Kishida, tha se ceremonia e varrimit e financuar nga shteti, u bë për të nderuar liderin që ka shërbyer më së gjati në historinë moderne politike të Japonisë, por organizimi i ceremonisë shtetërore ka ndarë publikun, teksa janë organizuar edhe protesta.

Në ceremoninë e varrimit morën pjesë nënpresidentja e Shteteve të Bashkuara, Kamala Harris, Princi i Kurorës së Japonisë, Akishino, dhe udhëheqës të tjerë.

E veja e Abes, Akie Abe, kishte të veshur një kimono të zezë dhe hyri në qendrën ku u mbajt varrimi, duke mbajtur në duar urnën me hirin e burrit të saj.

Gjatë ceremonisë u shfaqën edhe fjalime të Shinzo Abes në kohën kur ishte kryeministër dhe vizitat që kishte zhvilluar në pjesën veriore të Japonisë më 2011, kur vendi u përball me cunami.

Gjatë fjalimit 12-minutësh, Kishida çmoi kontributin e Abes, duke e cilësuar si politikan me vizion të qartë për rritjen ekonomike dhe zhvillimin e Japonisë dhe botës. Sipas Kishidas, ai promovoi konceptin e “një Indo-Paqësori të hapur dhe të lirë”, teksa sfidoi ndikimin e Kinës.

“Ju ishit një person që do të duhej të jetonte shumë më gjatë”, tha Kishida duke shikuar fotografinë e Shinzo Abes.

“Kam besim se ju keni kontribuar si busull për të treguar drejtimin që Japonia dhe bota duhet të marrë në 10 apo 20 vjetët e ardhshëm”.

Trupi i Abes është djegur në korrik, disa ditë pasi ai u vra teksa po mbante një fjalim gjatë fushatës zgjedhore në Nara, në perëndim të Japonisë.

Gjatë ceremonisë shtetërore të varrimit, në Tokio kishte masa të rrepta sigurie, veçmas afër qendrës Budokan, ku u mbajt ceremonia.

Në rrugët e Tokios, qindra persona protestuan për të kundërshtuar varrimin shtetëror.

“Shinzo Abe nuk ka bërë asgjë për njerëzit e zakonshëm”, tha Karou Mano, që doli të protestonte.

Qeveria japoneze ka thënë se ceremonia nuk ka pasur qëllim që ta detyrojë askënd që ta nderojë Aben. Por, financimi i ceremonisë shtetërore të varrimit, kundërthëniet për lidhjet midis partisë në pushtet dhe Kishës së Unifikuar, kanë thelluar ndarjet rreth varrimit shtetëror.

Partitë kryesore opozitare të Japonisë kanë bojkotuar funeralin.

Kishida është kritikuar se shtyu përpara mbajtjen e ceremonisë shtetërore të varrimit mes akuzave për lidhjet e partisë së tij me Kishën. Vrasësi i Abes, raportohet se i ka thënë policisë se e ka kryer vrasjen për shkak të lidhjeve të ish-kryeministrit me Kishën.

Gjyshi i Abes, ish-kryeministri Nobusuke Kishi, kishte ndihmuar në ngritjen e Kishës në Japoni. Kundërshtarët thanë se mbajtja e varrimit shtetëror për Aben është e barasvlershme me mbështetjen e lidhjeve të partisë në pushtet me Kishën e Unifikuar.

Kjo Kishë është akuzuar për praktika të papërshtatshme të rekrutimit dhe të të bërit biznes, por i ka mohuar këto akuza./rel

The post Japonia nderon Aben, teksa varrimi shtetëror nxit protesta appeared first on Albeu.com.

Me mijëra japonezë janë duke i dhënë sot nderimet e tyre të fundit ish-kryeministrit Shinzo Abe. Ceremonia mortore, e cila po mbahet në tempullin Zojoji në Tokio, është private dhe do të jetë e hapur vetëm për miq dhe familjen.

Brenda tempullit Zojoji po kryhen ritet budiste. Pas funeralit, automjeti që do të mbajë trupin e Abe do të kalojë përmes qendrës së Tokios.

Kujtojmë se ish-kryeministri 67-vjeçar u qëllua për vdekje të premten e kaluar teksa mbante një fjalim për fushatën në Nara në Japoninë jugore.

Në të gjithë Tokio, flamujt janë valëvitur në gjysmështizë dhe jashtë tempullit, një varg i gjatë qytetarësh, shumë prej të cilëve mbajnë tufa me lule, shtrihet në dy blloqe. Shumë prej tyre thonë për BBC se Abe u dha atyre një ndjenjë sigurie, një grua tha se gjatë ditëve të para të Covid, kur Abe ishte kryeministër, ajo ndjeu se ai e kishte trajtuar krizën në mënyrë efektive.

The post U vra ndërsa mbante një fjalim, japonezët përcjellin sot për në banesën e fundit ish-kryeministrin Shinzo Abe appeared first on Albeu.com.

Numërimi paraprak i votave tregoi se Partia Liberale Demokratike qeverisëse është në rrugën e duhur për të siguruar një koalicion prej të paktën 143 vendeve në dhomën e sipërme prej 248 anëtarësh.

Partia Liberal Demokratike gjatë fushatës zgjedhore ofroi një platformë për mbrojtjen e vendit si dhe përmirësimin e perspektivës  ekonomike me dy shtyllat kryesore në platformën e saj partiake që ishin “Mbrojtja e Japonisë” dhe “Ndërtimi i së Ardhmes”.

Vrasja e Shinzo Abe tronditi botën, ndërsa liderët e vendeve të ndryshme e dënuan si sulm ndaj demokracisë.

Ndërkohë Policia japoneze pranoi se në tubimin e elektoral në qytetin jugor të Naras ka pasur probleme me sigurinë.

Kishida, në selinë e partisë për kokadën tradicionale që do t’i bashkëngjitet panelit të vendeve të fituara, tha se ishte “me rëndësi të madhe” të sigurohet që zgjedhjet të mbahen vetëm dy ditë pas vrasjes së Abe. “Është dëshmi se ne nuk do të përkulemi para terrorizmit”, tha ai pasi mbajti një minutë heshtje në kujtim të kryeministrit më jetëgjatë të periudhës së pasluftës./albeu.com

The post Rezultat historik, partia e ish-kryeministrit të vrarë Shinzo Abe, fiton zgjedhjet në Japoni appeared first on Albeu.com.

Shefi i policisë së prefekturës Nara, Tomoaki Onizuka tha në një konferencë për shtyp të shtunën se personeli i sigurisë së Abe ndoqi planin e miratuar nga ai.

“Pasi erdhi raportimi i parë mbi incidentin, në orën 11:30 dhe situata u zbulua. Ishte kulmi më i madh i fajit dhe keqardhjes që kam ndjerë në 27 vitet e mia në kuadër të zbatimit të ligjit”, tha ai.

“E ndjej peshën e përgjegjësisë sime”, shtoi Onizuka, ndërsa nuk e fshehu ngarkesën e tij emocionale.

The post Vrasja e ish-kryeministrit japonez, përgjegjësinë e merr shefi i policisë appeared first on Albeu.com.

Ngjarja ka tronditur jo vetëm Japoninë, por të gjithë botën, dhe Daily Mail ka publikuar pamjet tronditëse të momentit të vrasjes.

Pamjet gjithashtu tregojnë momentet dëshpëruese të truprojave që tentuan ta mbronin ish-kryeministrin, por ishte shumë vonë.

Abe gjithashtu kthehet dhe mund ta ketë parë sulmuesin e tij për një pjesë të sekondës përpara goditjes së dytë fatale.

Politikani japonez nuk humbi menjëherë ndjenjat dhe ra në gjunjë përpara se të rrëzohej në trotuar. Rojet e godasin në panik dhe tentojnë ndihmën e parë në një përpjekje të kotë për ta ringjallur. Abe vdiq disa orë më vonë në spital nga humbja masive e gjakut./albeu.com

The post Dalin pamjet, momenti kur vritet me armë ish-kryeministri japonez (VIDEO) appeared first on Albeu.com.

“Kryeministri japonez më jetëgjatë, vizioni i tij për një Indo-Paqësor të lirë dhe të hapur do të qëndrojë. Mbi të gjitha, ai kujdesej shumë për popullin japonez dhe ia kushtoi jetën shërbimit të tyre. Edhe në momentin që është sulmuar ka qenë i angazhuar në punën e demokracisë.

Ndërsa ka shumë detaje që ne ende nuk i dimë, ne e dimë se sulmet e dhunshme nuk janë kurrë të pranueshme dhe se dhuna me armë gjithmonë lë një shenjë të thellë në komunitetet që janë prekur prej saj. Shtetet e Bashkuara qëndrojnë me Japoninë në këtë moment pikëllimi. I dërgoj ngushëllimet më të thella familjes së tij”, tha Biden./albeu.com

The post Vrasja e ish-kryeministrit japonez, Biden: Dhuna me armë gjithmonë lë një shenjë të thellë appeared first on Albeu.com.

Autori shikon dhe kërkon mundësinë e duhur për të tërhequr këmbëzën.

Pelaku penembakan SHINZO ABE#RIP #AbeShinzo #ShinzoAbeShot #Shinzo_Abe #shinzouAbe #PMAbe pic.twitter.com/dxw1jYVyQv

— moose_cheese (@hpramodhiann) July 8, 2022

Për gjashtë orë, 20 mjekë u përpoqën të ndalonin gjakderdhjen për të shpëtuar ish-kryeministrin japonez, por nuk ia dolën. Në orën 15:03 me orën lokale u njoftua për vdekjen e tij.

Sulmi vrastar i  Shinzo Abe gjatë fushatës për zgjedhjet parlamentare ka tronditur një vend ku dhuna politike është e rrallë dhe kontrolli i armëve është i rreptë.

Personi i armatosur hapi zjarr ndaj Abe, ka përdorur një armë të bërë vetë. Kjo është vrasja parë e një ish-kryeministri në Japoni që nga vitet 1930./albeu.com

The post Dalin pamjet, momenti kur autori përgatitet të qëllojë ish-kryeministrin e Japonisë (VIDEO) appeared first on Albeu.com.

Kryeministri i Mbretërisë së Bashkuar dhe Presidenti i Francëz Emmanuele Macron ka reaguar duke u shprehur se qëndrojnë pranë popullit japonez.

Abe shërbeu si kryeministër i Japonisë nga dhjetori 2012 deri në shtator 2020, duke e bërë atë kryeministrin më jetëgjatë të vendit./albeu.com

Incredibly sad news about Shinzo Abe.

His global leadership through unchartered times will be remembered by many. My thoughts are with his family, friends and the Japanese people.

The UK stands with you at this dark and sad time.

— Boris Johnson (@BorisJohnson) July 8, 2022

Profondément choqué par l’attaque odieuse dont Shinzo Abe a été victime. Pensées à la famille et aux proches d’un grand Premier ministre. La France se tient aux côtés du peuple japonais.

— Emmanuel Macron (@EmmanuelMacron) July 8, 2022

The post Vrasja e ish-kryeministrit Abe, Jonhson e Macron: Jemi pranë popullit japonez appeared first on Albeu.com.

Nëpërmjet një postimi në Facebook, Meta shprehet i tronditur për ndarjen nga jeta në mënyrë tragjike të ish-Kryeministrit të Japonisë, Shinzo Abe, teksa dënon me forcë aktin e rëndë kriminal .

Thellësisht i tronditur nga lajmi për ndarjen nga jeta në mënyrë tragjike të ish-Kryeministrit të Japonisë, Shinzo Abe.

“Dënoj me forcë aktin e rëndë kriminal dhe jam i bindur se autori do të marrë dënimin e merituar!

Duke ruajtur kujtimet e një takimi mbresëlënës gjatë vizitës në Japoni dhe vlerësuar përkushtimin e pandërprerë për forcimin e marrëdhënieve dypalëshe, ish-Kryeministri Abe do të mbahet mend si një mik i çmuar i Shqipërisë dhe popullit shqiptar.

Ngushëllimet më të ndjera për familjen dhe popullin mik japonez, të cilëve u gjendemi pranë në këto momente të vështira!”, shkruan Rama ne Facebook.

The post Vdekja e ish-kryeministrit japonez Abe, reagon Meta: Do të mbahet mend si një mik i çmuar i popullit shqiptar appeared first on Albeu.com.

Sekretari kryesor i kabinetit Hirokazu Matsuno u tha gazetarëve të Premten se ai nuk e dinte gjendjen e Abe, por transmetuesi publik NHK, duke cituar departamentin lokal të zjarrfikësve, tha se 67-vjeçari “nuk po tregon shenja jetike”.

Matsuno tha se Abe ishte qëlluar rreth orës 11:30 të mëngjesit (02:30 GMT) dhe tha se “një akt i tillë barbarie nuk mund të tolerohet”.

NHK, duke cituar policinë japoneze, tha se Abe dukej se ishte qëlluar nga pas me një armë gjahu dhe tha se reporteri i tij në vendngjarje dëgjoi “atë që dukej si një armë që u shkreh dy herë”.

Transmetuesi publikoi pamjet që tregonin Abe të rrëzuar në rrugë, dhe disa roje sigurie vraponin drejt tij. Abe po mbante gjoksin kur u rrëzua, me këmishën e lyer me gjak.

Agjencia tha se ish-kryeministri, i cili ishte në Nara për fushatën përpara zgjedhjeve të së dielës për dhomën e lartë të parlamentit, u sulmua në një rrugë pranë stacionit Yamatosaidaiji në Nara.

Një i dyshuar 41-vjeçar është ndaluar nën dyshimin për tentativë vrasje, tha NHK. I dyshuari, i cili u identifikua si Yamagami Tetsuya, mbante një armë, të cilën policia e konfiskoi, shtoi ajo, shkruan Al Jazeera.

Abe shërbeu si kryeministër i Japonisë nga dhjetori 2012 deri në shtator 2020, duke e bërë atë kryeministrin më jetëgjatë të vendit./

The post Ish-kryeministrit japonez i bëhet atentat, në gjendje të rëndë shëndetësore appeared first on Albeu.com.