Për biznesmenin Kristian Boçi dhe familjen e tij, këto ditë nuk janë aspak të lehta. Pas aksidentit të rëndë që biznesmeni së bashku me dy fëmijët u përfshinë ditë më parë, Boçi njoftoi se fatkeqësisht kishte humbur shikimin në syrin e majtë.

“Faleminderit për mesazhet. Vërtetë kam humbur shikimin në syrin e majtë, por gjithmonë me shpresën që do më vijë. Faleminderit Zotit që i kam mirë fëmijët”, njoftoi biznesmeni ditë më parë.

Teksa sot ka publikuar një tjetër foto, ku shihet pranë nënës së tij.

Kristiani i cili njihet për besimin e tij dhe në çdo hap falenderon Zotin, përmes këtij postimi s’ka nguruar të falenderojë edhe të gjithë ata që i kanë uruar shërim të shpejtë dhe janë shqetësuar për shëndetin e tij.

Gjithashtu, një falenderim të veçantë biznesmeni ka shprehur edhe për bluzat e bardha në Spitalin Ushtarak, të cilët e kanë asistuar dhe kujdesur për të, në çdo moment pas aksidentit.

“Qenka e rëndë të zgjohesh pas 47 viteve me një sy. Faleminderit o Zot për çdo të mirë e të keqe që më dhuron. Ta duam dhe ta vlerësojmë Zotin në çdo hap. Zoti ua bekoftë dorën për çdo sms. Faleminderit Spitali Ushtarak”, shkruan Kristian Boçi.

Kujtojmë që më 13 shtator policia njoftoi se në aksin Rrogozhinë-Lushnje, automjeti me tre anëtarët e një familje u përfshi në një aksident. Biznesmeni Kristian Boçi, u aksidentua teksa udhëtonte nga Tirana në drejtim të jugut të vendit. Në makinë me të kanë qenë dhe dy fëmijët e mitur.

Aksidenti ka ndodhur rreth orës 06:30, në aksin rrugor Rrogozhinë-Lushnje dhe shkaqet e daljes së mjetit Mercedes Benz GLE nga autostrada nuk dihen ende.

“Si pasojë e daljes së automjetit nga rruga, janë dëmtuar lehtë shtetasi Kristian Boçi dhe 2 fëmijët e tij të mitur, të cilët ndodhen në spital për ndihmë mjekësore, jashtë rrezikut për jetën. Grupi hetimor po punon për sqarimin e plotë të rrethanave të aksidentit”, njoftoi Policia.

The post U akidentua bashkë me fëmijët/ Kristian Boçi humb shikimin, mesazhi i fortë: Sa e rëndë të zgjohesh pas 47 viteve me një sy (FOTO) appeared first on Albeu.com.

Sipas mediave britanike, 28-vjeçarja ka përfunduar me dëmtime të rënda në sy, pas një shoku alergjik.

Danielle Hubbard, shkoi të bënte një trajtim estetik para se të nisej me pushime në Maltë, por gjërat duket se nuk shkuan aspak sipas planit, pasi rezultoi se ajo ishte alergjike ndaj substancave që estetistja kishte përdorur.

Ajo u kthye në sallon për t’u ankuar dhe për të marrë një rimbursim, por thotë se estetistja refuzoi dhe u tregua indiferente edhe pse vajza kishte përfunduar në atë gjendje.

Danielle më pas mori një avokat, i cili zbuloi se salloni estetik në fakt funksiononte në mënyrë të jashtëligjshme.

The post E rëndë, shkoi për të rregulluar vetullat, 28-vjeçarja rrezikon të humbasë shikimin (FOTO) appeared first on Albeu.com.

Një ekip nga Universiteti Kombëtar i Singaporit studioi 34 të rritur që hëngrën ose një gotë e gjysmë rrush në ditë ose një placebo për 16 javë. Njerëzit që hanin rrush treguan rritje të konsiderueshme në treguesit e shëndetit të syve të densitetit optik të pigmentit makular, antioksiduesve të plazmës dhe përmbajtjes së fenolit në krahasim me ato në placebo.

Ata që nuk hëngrën rrush vunë re një rritje të ndjeshme të glikacionit – një pjesë e dëmshme e procesit të plakjes.

“Studimi ynë është i pari që tregon se konsumi i rrushit ka efekte të dobishme në shëndetin e syve tek njerëzit, gjë që është shumë emocionuese, veçanërisht me një popullsi në rritje”, tha Jung Eun Kim, PhD, bashkautori i studimit.

Rrushi është një frutë e lehtë dhe e arritshme që studimet kanë treguar se mund të ketë efekte të dobishme në sasi normale prej 1½ filxhani në ditë.

The post Ky është fruti që përmirëson shikimin appeared first on Albeu.com.