Përveç kësaj, pasuria totale e banorëve të Nju Jorkut kalon 3 trilionë dollarë, një shumë që është më e madhe se ajo e shumë vendeve të G20-ës.

Nju Jork ka një numër të madh milionerësh, me rreth 349,500 individë që kanë pasuri të larta, dhe kjo shifër ka pësuar një rritje prej 48% gjatë dekadës së fundit. Po ashtu, qyteti është shtëpia e 744 centi-milionerëve dhe 60 miliarderëve, duke e konsoliduar edhe më tej pozitat e tij si një qendër globale financiare dhe ekonomike.

The post Shifra marramendëse! Njihuni me qytetin më të pasur në botë appeared first on Albeu.com.

Ministria e Punëve të Brendshme Home Office, thotë se gjatë periudhës Janar-24 Mars 2024, janë 700 qytetarë shqiptarë të deportuar.

Ata thotë se u riatdhesuan përmes 15 fluturimeve charter nga aeroporter Birminghamit dhe Luton në drejtim të Rinasit.

Të dëbuarit sipas Home Office janë të tre kategorive.

Ata të cilët përfundojnë dënimet në burgjet angleze, ata që kapen dhe rezultojnë se nuk kanë leje qëndrimi si dhe ata të cilëve u refuzohet azili.

Ministria e Punëve të Brendshme Home Office ka marrëveshje ripranimi të emigrantëve, vetëm me dy vende në Europë: Shqipërinë dhe Rumaninë.

Gjatë 2023 nga Britania e Madhe u dëbuan në total 2,501 shqiptarë ndërkohë pritshmëria e Home Office është për ta dyfishuar këtë numër deri në Dhjetor 2024.

Shqiptarët e dëbuar nga Anglia futen në sistemin TIMS ku shënohet edhe arsyeja e dëbimit përfshi veprat penale për ata që kanë qenë të dënuar.

Atyre u ndalohet futja në zonën Shengen për tre vjet pasi e kanë përdorur zonën Shengen për tu futur ilegalisht në Angli.

Statistikat tregojnë se vitin e shkuar kërkuan azil në Britaninë e Madhe 3,898 shqiptarë krahasuar me 17,340 gjatë 2022 prej të cilëve rreth 13,000 mbërritën me gomone. /tch

The post Publikohet shifrat, shqiptarët e deportuar nga Anglia gjatë periudhës Janar-Mars 2024 appeared first on Albeu.com.

Numri i dhomave ishte 41 mijë në vitin 2021 dhe ai i shtretërve 98 mijë me një rritje 3% në raport me numrin e shtretërve në vitin 2020.

“Gjatë vitit 2021, industria e turizmit ka ofruar mesatarisht:  rreth 35 shtretër në dispozicion të 1.000 banorëve; 64 % e shtretërve janë shfrytëzuar (netë qëndrime) nga jo-rezidentët;  kapacitetet maksimale janë vënë në dispozicion gjatë muajit Gusht (rreth 34 mijë dhoma dhe 83 mijë shtretër); tremujori i tretë ka patur normën e shfrytëzimit më të lartë të shtretërve, rreth 36,6 %” thuhet në dokument.

Ndërkohë i njëjti publikim ndalet tek lejet e ndërtimit për hotele të cilat në vitin 2021 ishin në total 33 të tilla duke u rritur në raport me vitin 2020.

“Sipërfaqja e lejeve të ndërtimit miratuar për ndërtim hotelesh, në vitin 2021, është rreth 144.000 m2, duke shënuar një rritje prej 87,0 % krahasuar me vitin 2020.

Vlera e përafërt e lejeve të ndërtimit e miratuar për ndërtim hotelesh, në vitin 2021, është rreth 5,1 miliardë lekë, duke shënuar një rritje prej 77,8 %, krahasuar me vitin 2020.

Gjatë vitit 2021, qarku Korçë shënoi numrin më të lartë në lejet e miratuara për “Hotele dhe të ngjashme” me rreth 27,2 % të lejeve gjithsej në nivel vendi” thuhet në publikimin e INSTAT.

Një tjetër aspekt që merr në përllogaritje publikimi është ai i ndikimit të turizmit tek industritë mbështetëse.

Sipas INSTAT vlera e shtuar e industrive të turizmit është rritur me 36,9 %, krahasuar me vitin 2020. Pesha që zënë industritë e lidhura drejtpërdrejt me turizmin në Produktin e Brendshëm Bruto (PBB) për vitin 2021 është 3,1 %./Monitor

The post Turizmi në shifra, në 2021 ra numri i strukturave akomoduese, por u rritën shtretërit appeared first on Albeu.com.

Sipas të dhënave të sapopublikuara të Eurostat, në vitin 2021 vendi ynë kishte Prodhimin e Brendshëm Bruto (PBB) për frymë, të shprehur në bazazinë e fuqisë blerëse, sa 32% e mesatares së Bashkimit Europian.

Ndonëse ka një përmirësim të lehtë me 1 pikë përqindje në raport me vitin e mëparshëm, shtetet e tjera të rajonit kanë ecur më shpejt në të ashtuquajturin proces të konvergjencës që nënkupton rritjen me ritme më të shpejta se BE, me synim për të kapur mesataren europane brenda një periudhe të caktuar.

Psh, për Maqedoninë e Veriut treguesi u përmirësua nga 38% e mesatares së BE-së në 42% për të njëjtën periudhë. Për Serbinë treguesi është 44%, për Malin e Zi 48% (nga 45% në 2020-n). Edhe Bosnjë Hercegovina renditet përpara Shqipërisë me 33% të mesatares së BE-së. Të dhënat për Kosovën nuk janë të disponueshme.

Në treguesin tjetër, atë të Konsumit Individual për frymë (AIC) që mat konsumin sipas barazisë së fuqisë blerëse dhe nivelit të çmimeve, Shqipëria renditet po e fundit, me 39% të mesatares së Bashkimit Europian, njësoj me vitin e kaluar dhe shumë më e ulët se mesatarja prej 48% e vendeve kandidate (përjashtuar Turqinë).

Ndërsa për treguesin e të ardhurave për frymë, diferenca me shtetet e rajonit nuk është shumë e lartë, në treguesin e konsumit individual ajo thellohet, duke reflektuar aftësinë e ulët të fuqisë blerëse të shtetasve shqiptarë për të ardhurat që kanë, e lidhur me çmimet relativisht të larta në vend (shënim i Monitor).

Pas Shqipërisë është Bosnjë Hercegovina me 41%, Maqedonia e Veriut 51%, Serbia 53%, Mali i Zi 60%.

Europa
Sipas Eurostat, në vitin 2021, ashtu si në vitin 2020, Luksemburgu dhe Irlanda shënuan nivelin më të lartë të PBB-së për frymë të shprehur në barazinë e fuqisë blerëse në BE, me 168% dhe 119% mbi mesataren e BE-së.

Të dhënat tregojnë dallime thelbësore midis shteteve anëtare të BE-së për sa i përket PBB-së për frymë, e përdorur për të matur aktivitetin ekonomik. Pas Luksemburgut dhe Irlandës, Danimarka (33% mbi mesataren e BE-së), Holanda (30% më lart), dhe Austria dhe Suedia (të dyja 23% më lart) vijnë në krye të listës me një GDP për frymë, që është mbi 20% mbi mesataren.

Në të kundërt, Bullgaria (43% nën mesataren e BE-së), Greqia (36% më pak) dhe Sllovakia (31% më pak) shënuan PBB-në më të ulët për frymë.

Në vitin 2021, nivelet e konsumit aktual individual (AIC) në BE treguan dallime të konsiderueshme. AIC mat mirëqenien materiale të familjeve, AIC për frymë e shprehur në standardet e fuqisë blerëse (PPS) dhe varionte nga 65% në 144% të mesatares së BE-së në të gjithë Shtetet Anëtare në vitin 2021.

Luksemburgu regjistroi nivelin më të lartë të AIC për frymë në BE me 44% mbi mesataren e BE-së, i ndjekur nga Gjermania (20% më lart), Danimarka (19% më lart), Austria (17% më lart) dhe Belgjika (16% më lart). Në vitin 2021, nëntë shtete anëtare regjistruan AIC për frymë mbi mesataren e BE-së.

Nivelet më të ulëta të AIC për frymë u regjistruan në Bullgari (35% nën mesataren e BE-së), Hungari (30% më pak), Sllovaki (29% më pak), Kroaci (28% më pak) dhe Greqi (25% më pak)./Monitor

The post Shifrat e Eurostat, Shqipëria mbetet më e varfra dhe e fundit në Europë për të ardhurat për frymë dhe konsumin appeared first on Albeu.com.

Referuar të dhënave të INSTAT gjatë vitit 2021 në Shqipëri rezultojnë 740.669 mjete, nga 676.811 të tilla në vitin 2020, duke u rritur me 9.4 %.

Afro 64 mijë automjete janë regjistruar për herë të parë në Shqipëri gjatë një viti.

Përqindjen më të madhe të automjeteve në rrugë e zënë autoveturat me 80 %, e ndjekur nga mjetet për transport me 6.7 % dhe motorët me 5.1 %.

35% e automjeteve qarkullojnë në Tiranë. Kryeqyteti regjistron 259 mijë mjete rrugore.

Shqiptarët vijojnë të preferojnë më shumë automjetet me naftë. Deri në Dhjetor të vitit 2021 në 73,6 % të rasteve mjetet në qarkullim kanë qene me lëndë djegëse “Naftë”, e ndjekur nga autoveturat që përdorin lëndë djegëse “Benzinë” me 17,3 %.

E ndërsa mania e shqiptarëve për të blerë automjete nuk ndalet, po ashtu edhe zhurmat e shkaktuara nga përdorimi i borisë dhe jo vetëm vijon të krijojnë ndotje akustike. Edhe pse Kodi Rrugor e përcakton qartë ndalimin e përdorimit të borisë në zonat urbane, në Shqipëri ndodh krejt e kundërta.

The post INSTAT: Në Shqipëri, mbi 740 mijë automjete appeared first on Albeu.com.

Eurostat publikoi së fundmi progresin që vendet e Europës kanë bërë në objektivat globale të zhvillimit të qëndrueshëm, në të cilin rezultoi mbi 46 % e popullsisë së Shqipërisë ishte e rriskuar nga varfëria dhe përjashtimi social në vitin 2020 ( të dhënat për Shqipërinë i takojmë vitit 2019).

Siç shihet nga grafiku bashkëngjitur ky është niveli më i lartë në Europë dhe me një diferencë të dukshme edhe nga vendet e tjera të Rajonit si Maqedonia dhe Mali i zi që e kanë popullsinë të rrezikuar nga varfëria në nivele të larta.

Të ardhurat e një familje janë përcaktues kyç i standardit të saj të jetesës, por aspekte të tjera mund t’i pengojnë njerëzit në disa vende të marrin pjesë plotësisht në aktivitetet shoqërore, si p.sh. pengesa për tu përfshirë në tregjet e punes ose privimi material.

Për të pasqyruar këto dimensione të ndryshme të varfërisë ose përjashtimit social, treguesi i gjerë “Të rrezikuar nga varfëria ose përjashtimi social” mat numrin e njerëzve të prekur të paktën në një nga tre format e mëposhtme të varfërisë ose përjashtimit social:

– Varfëria e të ardhurave;

-Varfëria e rëndë materiale dhe privimi social;

-Intensiteti shumë i ulët i punës

Të dhënat për tre komponentët rrjedhin nga Statistikat e BE-së për të ardhurat dhe kushtet e jetesës (EU-SILC). Për te tre komponentët sëbashku Shqipëria është vlerësuar me gati gjysmën e popullsisë të rrezikuar nga varfëria.

Sipas matjeve të brendshme nga INSTAT, kufiri i rrezikut për të qenë i varfër për një person në vitin 2020 është vlerësuar me 186.242 lekë, në krahasim me 170.785 lekë që ishte në vitin 2019 dhe 160.742 lekë që ishte në vitin 2018. Në vitin 2020 janë vlerësuar 621.504 individë që jetojnë nën kufirin e rrezikut për të qenë të varfër, kundrejt 659.138 individë të vlerësuar në vitin 2019.

Rreziku për të qenë i varfër ose përjashtimi social i në vitin 2020 sipas INSTAT ishte 43,4 %, kundrejt 46,2 % vlerësuar në vitin 2019.

Shkalla e thelluar e privimit material që tregon përqindjen e individëve që jetojnë në familje të cilët nuk përballojnë të paktën 4 nga 9 kategoritë e privimit material është vlerësuar 34,7 % në vitin 2020, kundrejt 37,1% vlerësuar në vitin 2019, duke shënuar një rënie prej 2,4 pikë përqindje./MOnitor

The post Eurostat: Shqipëria, me përqindjen më të lartë të popullsisë së rrezikuar nga varfëria dhe përjashtimi social në Europë appeared first on Albeu.com.

Blaugranët po planifikojnë të investojnë 200 milionë euro në blerje të reja me shitjen e 15% të tyre të të drejtave televizive.

Sipas “MARCA”, kjo marrëveshje pritet të ndodhë përpara se skuadra të udhëtojë në Shtetet e Bashkuara në gjysmën e dytë të korrikut dhe duhet t’i sigurojë Barcelonës 400 milionë euro, të cilat do t’i lejojnë ata të përkulin muskujt në merkato./ h.ll/albeu.com

The post Barcelona planifikon të shpenzojë 200 milionë euro në merkato appeared first on Albeu.com.

Sot janë shënuar 101.762 raste të reja me koronavirus nga 612.821 tamponë që janë bërë. Pozitiviteti ishte 16.6%.

Në 24 orët e fundit janë regjistruar 227 vdekje të tjera (krahasuar me 157 të dielën) në total, që nga fillimi i pandemisë, numri i fataliteteve ka arritur në 139,265.

Në terapi intensive janë shtruar 1606 pacientë ndërsa janë shëruar 56560.

The post Varianti i ri godet Italinë, mbi 100 mijë të infektuar dhe 227 viktima appeared first on Albeu.com.

E gjithë kjo situatë, ka nxjerrë në pah edhe njëherë përqindjen e lojtarëve të vaksinuar dhe atyre të pavaksinuar. Përqindja e këtyre të fundit është ndjeshëm inferiore teksa ata që ende nuk kanë marrë të paktën një dozë të vaksinës është në masën e 16%.

Nga ana tjetër, të vaksinuarit me të paktën një dozë janë në masën e 84%, por nëse në këtë statistikë shtohen edhe pjesëtarët e stafeve, atëherë përqindja e të vaksinuarëve të paktën me një dozë mbërrin në 92%. Gjithsesi, kjo shifër e Premier League është inferiore kur vjen puna në krahasimin me Gjermaninë apo Italinë.

Kështu, në Gjermani janë të vaksinuar të paktën me një dozë 94% e lojtarëve dhe pjesëtarëve të stafeve, ndërsa në këtë aspekt rekordin e mban Italia me 98% të lojtarëve dhe stafeve të cilët kanë marrë të paktën një dozë të vaksinës dhe kanë nisur kështu procesin e imunizimit.

Ndërkaq, pavarësisht gjithë situatës alarmante, klubet e Premier League kanë vendosur në një mbledhje ditën e hënë që të mos shtyjnë më ndeshjet e radhës dhe të zbresin normalisht në fushë në datat 26, 28, 30 dhjetor, si dhe më 1 e 2 janar të vitit 2022.

The post Pas Gjermanisë dhe Italisë, Premier League zbulon përqindje e të pavaksinuarve appeared first on Albeu.com.

Producenti tregoi se Elvana nuk vendosi asnjë kusht për t’u bërë pjesë e serialit, por theksoi se ajo është aktorja më e paguar ndonjëherë në historinë e filmave shqiptarë.

“Unë mendoj se ‘Dy gisht mjaltë 2’ do ketë më shumë sukses se i pari. ‘Dy gisht mjaltë’ është një nga dashuritë e mia të para në botën e prodhimeve të filmave sepse më mësoi si vërtet bëhet një film, një prodhim kinematografik. Elvana gjithashtu është një nga njerëzit e mi të dashur, e cila më ka ndihmuar të bëj hapa të mëdhenj në jetë dhe besoj kjo duket në prodhimin e filmit dhe atë që do vijë më vonë”.

I pyetur se çfarë kushtesh ka Elvana për t’u bërë pjesë e filmave të Ermalit, përpos shoqërisë që kanë, producenti u shpreh se ajo nuk ka vendosur asnjë kusht.

“Ne kemi hyrë pa kushte, por padyshim që Elvana është një nga artistet më të shtrenjta në historinë e muzikës dhe filmave shqiptar. Kështu që të marrësh Elvana Gjatën në një prodhim të çfarëdolloji duhet të jesh shumë i përgatitur financiarisht. Unë e di si janë pagesat e aktorëve, këngëtarëve etj dhe me shumë siguri dhe garanci të them që është aktorja më e paguar ndonjëherë në historinë e filmave shqiptarë”, tha Ermali.

“Sa zero?”, e pyeti gazetari. “6”, ishte përgjigja e producentit.

The post “Me 6 zero”, Ermali zbulon se Elvana Gjata është aktorja më e paguar e filmave shqiptarë (FOTO LAJM) appeared first on Albeu.com.