Sipas Nokës, pasi nuk likuidoi dot PD-në, Edi Rama ka vendosur që të likujdojë Partinë e Lirisë.

Noka shprehet se arrestimi i Ilir Metës, ishte një shfaqje e turpshme e policisë.

“Jo vetëm arrestimi, por ndalimi në rrugë i automjetit në formën e aksionit blic, është një shfaqje e turpshme për Policinë e Shtetit, që zbaton me përpikmëri urdhërat politikë të kryeministrit-prokuror.
E turpshme për Shqipërinë dhe qytetarët #shqiptarë që ish Presidenti dhe ish Kryeministri i vendit të tyre të tërhiqet me forcë nga maskat e narkoshtetit.

Edi Rama, pasi nuk ia doli të likuidojë PD-në, synon eliminimin politik të Partisë së Lirisë. Zgjedhjet po afrojnë dhe Rama kërkon që shqiptarët të mos kenë alternativa e ai vetë të mos ketë kundërshtarë.

Të gjitha do t’i kthehen mbrapsht.

Populli opozitar do të qëndrojë i bashkuar përballë diktaturës së mafias. Narkoshteti i Ramës do shembet para syve tanë.

Dy drejtuesit kryesorë të opozitës janë arrestuar me urdhër të Ramës. Të përballemi me të gjitha forcat! Mosbindje civile deri në fund!”,– shprehet Noka.

The post Arrestimi i Metës/ Flamur Noka: Rama kërkon të likujdojë PL-në, aksioni një shfaqje e turpshme e policisë appeared first on Albeu.com.