shevcenko Archives - Albeu.com

Shevchenko nga Londra: Falënderoj ata që mbrojnë vendin tim

admin — Sun, 27 Feb 2022 14:10:35 +0000

Andrei Shevchenko foli për situatën tragjike në Ukrainë në ditët e fundit, duke shprehur shqetësimin e tij të madh për njerëzit e tij në Kiev.

Përveç kësaj, ai falënderoi ushtrinë ukrainase dhe njerëzit që po mbrojnë vendin e tyre në këto kohë të vështira.

Deklarata e Shevchenkos:

“Unë jam në Londër, por nëna ime, familja ime dhe të dashurit e mi janë në Ukrainë dhe jam shumë i shqetësuar. Prindërit dhe motra ime janë në Kiev. Deri tani është mirë, por gjithçka që ndodh është tragjike. Dua të shpreh mbështetjen dhe mirënjohjen time për ushtrinë ukrainase, presidentin tonë dhe njerëzit që po mbrojnë vendin tonë. Ju jeni heronjtë e mi, unë jam krenar për vendin tim dhe njerëzit e tij. Shumë mitingje në mbështetje të Ukrainës po zhvillohen në Londër. Nga këtu po bëjmë më të mirën dhe jemi në komunikim të vazhdueshëm me qeverinë, që të organizohet ndihma që duhet”. /albeu.com/

The post Shevchenko nga Londra: Falënderoj ata që mbrojnë vendin tim appeared first on Albeu.com.

Shevcenko pranë shkarkimit, ky është super trajneri që pritet të ulet në stolin e Genoa

admin — Wed, 12 Jan 2022 17:59:49 +0000

Lajmi për largimin e Andriy Shevchenkos nga stoli i Genoas është në rritje dhe klubi italian tashmë ka përgatitur një zëvendësues.

Rudi Garcia (ish-trajner i Lyon), bashkon karakteristikat që ata kërkojnë.

Sipas Tuttomercatoweb, shanset e Shevchenkos për të vazhduar janë të vogla, edhe pse ai ka qenë në ekip vetëm për dy muajt e fundit, por ai ka vetëm një fitore, tre barazime dhe gjashtë humbje. Shkarkimi do të bëhet në ditët në vijim

Për vendin e tij, objektivi tashmë do të përzgjidhet dhe është Rudi Garcia, i cili është i lirë pas periudhës së tij në Lyon dhe që e njeh mirë Serinë A, pasi ka drejtuar Romën (2013-2016). /albeu.com/

The post Shevcenko pranë shkarkimit, ky është super trajneri që pritet të ulet në stolin e Genoa appeared first on Albeu.com.

ZYRTARE/ Shevceko merr drejtimin e klubit të njohur (FOTO LAJM)

admin — Sun, 07 Nov 2021 12:56:16 +0000

Ish-trajneri i Ukrainës, Andriy Shevchenko ezyrtarisht ka marrë drejtimin e Genoa.

Kjo është zyrtarizuar edhe nga vet klubi italian, që zgjodhi një formë interesante duke e postuar flamurin ukrainas në Twitter.

Ndërkohë, Shevchenko do të jetë pjesë e Genoas deri në vitin 2024. /albeu.com/

The post ZYRTARE/ Shevceko merr drejtimin e klubit të njohur (FOTO LAJM) appeared first on Albeu.com.

Prag ndeshja me Anglinë, Shevchenko: Në futboll gjithçka mund të ndodhë

E S — Sat, 03 Jul 2021 14:41:17 +0000

Trajneri i Ukrainës, Andriy Shevchenko ka folur para ndeshjes me Anglinë.

Shevchenko theksoi se Ukraina në fakt e ka arritur objektivin e saj, megjithatë ata duan të shkojnë më lartë ndonëse për ta presioni është më i vogël dhe Anglia ka presion të lartë për ta fituar ndeshjen.

“Ne e kemi arritur objektivin tonë tashmë dhe gjithçka tjetër do të jetë një bonus”, tha ai.

“Ndoshta do të jetë një presion i ndryshëm ndaj Anglisë sepse ata shihen si favoritë dhe çdokush e di që në futboll gjithçka mund të ndodhë”, shtoi ai.

“Ne jemi duke iu qasur në mënyrë serioze këtij takimi dhe duam ta befasojmë Anglinë”, tha Shevchenko.

“Ne e shohim punën e madhe të Southgate, padyshim që ata janë njëra ndër skuadrat më të mira për momentin. Ne e dimë dhe e kuptojmë sa të fortë janë dhe e dimë që do jetë një ndeshje e vështirë për ne”, përfundoi Andriy Shevchenko.

The post Prag ndeshja me Anglinë, Shevchenko: Në futboll gjithçka mund të ndodhë appeared first on Albeu.com.

Shevchenko, ish-ylli i Ukrainës që po kërkon suksesin në “Euro 2020” si trajner

admin — Mon, 28 Jun 2021 15:59:01 +0000

Ukraina e Andriy Shevchenkos mund të zhgënjehet nga fakti që arriti për herë të parë në fazën e nokautit të Kampionatit Evropian, dhe atë falë fatit të mirë. Por përpara ndeshjes së 1/8 së finales kundër Suedisë, trajneri 44-vjeçar mund të marrë frymëzim nga një takim i së shkuarës kundër të njëjtit kundërshtar gjatë karrierës së tij të shkëlqyeshme si lojtar.

Ukraina humbi 3:2 ndaj Holandës për të filluar Evropianin në Grupin C, pastaj arriti një fitore të rëndësishme 2:1 ndaj Maqedonisë së Veriut, por u mund për vendin e dytë nga Austria pas humbjes 1:0 në ndeshjen e fundit të fazës së grupeve. Pas një pritjeje të shqetësuar dyditore për të parë nëse do të kualifikoheshin si një nga katër skuadrat më të mira të vendit të tretë, Ukraina i detyrohej Spanjës, e cila e shkatërroi Sllovakinë në Grupin E dhe njëkohësisht e dërgoi ekipin e Shevchenkos në raundin tjetër. Pesë vjet pasi mori përsipër detyrën e përzgjedhësit pas dështimit të Ukrainës për të shënuar një gol të vetëm në “Euro 2016”, Shevchenko ka rinovuar ekipin, duke e forcuar atë në skenën e madhe. Por ai e përshkroi lodhjen e lojtarëve të tij si arsyen kryesore për humbjen ndaj Austrisë.

“Ndeshja ishte fizikisht e vështirë, dhe në çaluam në këtë aspekt për shkak të lodhjes”, tha Shevchenko, pas ndeshjes në të cilën një barazim do të kishte mjaftuar që Ukraina të përfundonte e dyta në grup. “Unë pashë që ekipit thjesht i mungonte forca. Ne u përpoqëm të forcoheshim me zëvendësime, por ishte pothuajse e pamundur të bëhej”.

Vërejtjet ngritën dyshimet në shtëpi, ndërsa ekipi i Ukrainës ka gëzuar kushte të preferuara për përgatitjet për “Euro 2020”, të cilat disa i shpjegojnë me një lidhje të veçantë midis Shevchenkos dhe shefit të Federatës së Futbollit të Ukrainës. Mediat lokale thonë se Shevchenko është kumbari i vajzës së presidentit të federatës, Andriy Pavelkos. Federata në muajin prill ndriçoi vendimin për të tkurrur kampionatin e brendshëm të këtij sezoni për një javë, në mënyrë që ekipit kombëtar t’i jepej kohë shtesë për stërvitje përpara Evropianit, një lëvizje kjo e pazakontë për një ligë evropiane. Federata ukrainase ishte gjithashtu nën kritika të mëdha në vitin 2016 kur Shevchenko, ish-ylli i Dinamo Kievit dhe Milanit, mori detyrën e përzgjedhësit të Ukrainës nga Mykhaylo Fomenko. Për Shevchenkon, ky ishte roli i parë si trajner.

Kritikët theksuan mungesën e përvojës së Shevchenkos dhe argumentuan se si ndihmës i Fomenkos, edhe ai ishte pjesërisht përgjegjës për Ukrainën që doli nga “Euro 2016” në Francë, pasi humbi të tri ndeshjet në fazën e grupeve. Por në grupin e saj kualifikues për “Euro 2020”, Ukraina çuditërisht përfundoi e pamposhtur në pozitën e parë, duke mposhtur kampionen në fuqi të Evropës, Portugalinë 2:1 në një ndeshje kryesore në Kiev. Përpara ndeshjes të së martës në Glasgow, suksesi i ekipit që mundi Suedinë e Zlatan Ibrahimoviqit 2:1 në Kiev në vitin 2012, dhe që ai ishte kapiten, mund të frymëzojë Shevchenkon dhe futbollistët e tij për të arritur suksese të reja. Sulmuesi më i mirë i Ukrainës ishte në muzg të karrierës së tij kur shkoi në “Euro 2012” , por ishin dy golat e tij në ndeshjen hapëse që dërguan mijëra tifozë vendas të pranishëm në “Olympic Stadium” në eufori.

Pavarësisht nga goli i tij i 47-të dhe 48-të, i fundit për Shevchenkon para pensionimit, Ukraina dështoi të përparojë nga faza e grupeve si bashkënikoqire e Evropianit me Poloninë, duke humbur dy ndeshjet e tjera në grup, Franca dhe Anglia. Tani liderët aktualë të Ukrainës në fushë, mbrojtësi i Manchester Cityt, Oleksandr Zinchenko dhe anësori i ringjallur i West Ham Unitedit, Andriy Yarmolenko, duhet të japin më të mirën nga vetja për të vazhduar aventurën e ekipit në këtë turne.

“Pajtohem me disa kritika. Por unë dua të kërkoj nga të gjithë të sjellin pak më shumë pozitivitet në ekip, sepse ende asgjë nuk kemi arritur”, tha Yarmolenko, i cili shënoi dy nga katër golat e Ukrainës në fazën e grupeve. “Ne do të përpiqemi të luajmë futbollin tonë, të japim maksimumin ndaj Suedisë”.

Në kulmin e tij si lojtar, Shevchenko ishte i njohur për kundërsulmet e tij të rrufeshme dhe përfundimin klinik. Ai ishte po aq i frytshëm me Dinamo Kievin dhe Milanin ashtu siç ishte për Ukrainën, për të cilën shënoi 48 herë në 111 ndeshje të luajtura. Me Milanin, ai fitoi Ligën e Kampionëve në vitin 2003, si dhe titullin e kampionit në Serie A në vitin 2004, kur edhe e siguroi “Topin e Artë”.

The post Shevchenko, ish-ylli i Ukrainës që po kërkon suksesin në “Euro 2020” si trajner appeared first on Albeu.com.

Rrëfehet Shevchenko: Tre muaj pas finales së Stambollit zgjohesha duke bërtitur

admin — Thu, 29 Apr 2021 18:15:24 +0000

Një nga futbollistët që ka shkruar emrin me gërma të arta te Milan është Andriy Shevchenko, i cili është rikthyer të flasë për aventurën te djalli.

Padiskutim që përveç kujtimeve tejet mbreslënëse gjendet dhe ajo natë e tmerrshme në Stamboll ku Milan u mposht me penallti nga Liverpool-i në finalen e Champions League, pasi 120 minutat e u mbyllën me shifrat 3-3.

Kjo në një kohë kur pjesa e parë kishte përfunduar 3-0 në favor të Milanit të udhëhequr nga Anchelotti.

“Plaga është akoma në gjak. Mediat shkruan se midis pjesës së parë dhe asaj të dytë ne festuam para kohe. Janë të gjitha gënjeshtra. Përkundrazi Paolo Maldini ishte i pari që tha të bënim kujdes, se Liverpuli nuk do të dorëzohej edhe pse po humbiste 3-0.

Në tre muajt e parë pas asaj disfate të hidhur, unë zgjohesha duke bërtitur natën dhe filloja të mendoja për të. Unë ende mendoj për këtë sot që kanë kaluar gjashtëmbëdhjetë vjet. Shumë nga shokët e mi të skuadrës nuk dëshironin kurrë ta shihnin më atë ndeshje. Unë e di përmendësh.

Ne ishim ekipi më i mirë madje dhe po luanim shumë mirë. Ata kishin vetëm një shans nga 100, dhe shfrytëzuan në maksimum rastet e tyre. Tani që jam trajner, mendoj se mbase duhet të kishim thyer ato gjashtë minuta të mallkuara në të cilat shënuam tre gola. Të ndalohej loja ose të bëheshin zëvendësime, por kjo nuk është një kritikë ndaj Karlo Ançelotit, i cili e kishte përgatitur ndeshjen shumë mirë’,-u shpreh Andriy Shevchenko.

The post Rrëfehet Shevchenko: Tre muaj pas finales së Stambollit zgjohesha duke bërtitur appeared first on Albeu.com.