sheshi skenderbej Archives - Albeu.com

Komunitetit Mysliman njofton besimtarët: Namazi i Fitër Bajramit do falet në Sheshin ‘Skënderbej’

D Marku — Mon, 08 Apr 2024 20:56:37 +0000

Namazi i Fiter Bajramit do të falet në sheshin ”Skënderbej” me datë 10 prill në orën 06:55.

Ky është njoftimi i Komunitetit Mysliman të Shqipërisë për të gjithë besimtarët.

Njoftimi i KMSH:

Komuniteti Mysliman i Shqipërisë njofton të gjithë besimtarët se namazi i Fitër Bajramit do të falet në Sheshin “Skënderbej”, më datë 10 Prill 2024, ora 06:55.

Programi i plotë i Fitër Bajramit:

06:25 – Hapja e programit

06:30 – Lexim Kur’ani nga imami i xhamisë “Et’hem Bej”, z. Elton Karaj

06:35 – Fjala përshëndetëse e Kryetarit të KMSH-së, H. Bujar Spahiu

06:45 – Ligjëratë nga Nënkryetari i KMSH-së, z. Lauren Luli

06:55 – Falja e namazit të Bajramit, prin faljen kryetari i KMSH-së, H. Bujar Spahiu

07:00 – Hutbeja e Bajramit nga Myftiu i Tiranës, z. Gazment Teqja

The post Komunitetit Mysliman njofton besimtarët: Namazi i Fitër Bajramit do falet në Sheshin ‘Skënderbej’ appeared first on Albeu.com.

Jo vetëm kullat, Fusha merr me koncension mirëmbajtjen e Sheshit “Skënderbej”

E S — Tue, 06 Jun 2023 12:46:23 +0000

Bashkia e Tiranës ka shpallur kompaninë Fusha shpk si fituese në tenderin për mirëmbajtjen e sheshit Skënderbej për një periudhë 3 vjeçare.

“Duke iu referuar procedurës së mësipërme, ju informojmë se operatori ekonomik FUSHA shpk është identifikuar si fitues të procedurës së prokurimit me me vlerë të ofruar prej 106,9 milionë lekë pa TVSH,“ thuhet në njoftimin e Bashkisë shpalljes së fituesit.

Tenderi për të kaluar mirëmbatjen e sheshit Skënderbej tek privati u shpall në 18 prill. Fondi limit i përcaktuar në këtë procedurë ishte 119 milionë ose rreth 1.06 milionë euro.

Sipas Oligarkia.al, në gare u paraqiten 3 oferta ku me uleta ishte ajo e nje bashkimi operatoresh qe ofroi vleren 83.4 milione leke ose gati 200 mije euro me pak se Fusha e shpallur fituese. Por oferta e ulet eshte skualifikuar per mospermbushje te kritereve te tenderit.

Objekti

Sipas procedurës së shpallur privati do të bëjë pastrimin ditor të pllakave të sheshit në një sipërfaqe që llogaritet rreth 26 mijë metra katrorë.

“Pastrimi gjeneral që do ti bëhet sheshit është pastrimi i cili do të bëhet çdo ditë. Ky pastrim nuk është i një teknike të veçantë por thjesht është një pastrim me fshesë nga punëtoret e përcaktuar i cili përfshin të gjitha hapësirat e sheshit Skenderbej dhe do të ndodhë një herë në ditë me qellim të heqjes së pjesës më të madhe të papastërtive që krijohen nga përdoruesit dhe kalimtarët e sheshit” thuhet në dokument.

Po kështu kontrata parashikon edhe pastrimin i elementeve rrethues, pastrimin e fugave dhe gurëve natyrorë një herë në 6 muaj, mirëmbajtjen e ndriçimit si dhe zëvendësimin e pllakave kur ato dëmtohen.

Kompania Fusha do të bëjë menaxhimin dhe mirëmbajtjen për një periudhë 36 mujore në këmbim të pagesës 1 milionë euro, ndërkohë që Bashkia e Tiranës ka nën vete armata punonjësish dhe ndërmarrje që merren me pastrimin, gjelbërimin apo ndriçimin.

The post Jo vetëm kullat, Fusha merr me koncension mirëmbajtjen e Sheshit “Skënderbej” appeared first on Albeu.com.

FOTO/ Fitër Bajrami anemban botës, falja në Sheshin Skënderbej përzgjidhet nga BBC ndër 12 fotot më të veçanta

Xh — Fri, 21 Apr 2023 11:12:40 +0000

I mbushur plot me besimtarë që falen për festën e Bajramit, sheshi Skënderbej tërhoqi edhe vëmendjen e medias britanike BBC, e cila ndër 12 fotografitë më të veçanta në këtë ditë festë shumë të rëndësishme për myslimanët.

“Sheshi Skënderbej në Tiranë, Shqipëri tërhoqi mijëra besimtarë”, shkruan BBC krah fotos së publikuar.

Foto të tjera BBC ka përzgjedhur nga vende të ndryshme të botës, duke filluar nga Afganistani, Palestina e deri në Serbi dhe Australi.

Sheshi Skënderbej në Tiranë, Shqipëri tërhoqi mijëra adhurues.

Në Kabul, kryeqyteti i Afganistanit, dy burra përshëndesin njëri-tjetrin para lutjeve.

Një grua palestineze bën një selfie në xhaminë al-Aksa në Jerusalemin Lindor të pushtuar

Lutjet u mbajtën në Xhaminë Bajrakli në Beogradin qendror, Serbi.

Jashtë xhamisë El-Seddik në Kajro, balonat u lëshuan pas lutjeve.

Adhuruesit luten në xhaminë Lakemba në Sydney, Australi.

Njerëzit luten në stadiumin Education City në Katar, i cili priti ndeshje gjatë Kupës së Botës FIFA vitin e kaluar.

Një familje pozon përpara Xhamisë së Madhe Hagia Sophia në Stamboll, Turqi.

Kirgizët falen gjatë festës së Fitër Bajramit në Bishkek, Kirgistan.

Palestinezët kryejnë lutjet e mëngjesit për të festuar Fitër Bajramin në Khan Younis, në Rripin jugor të Gazës.

/Albeu.com/

The post FOTO/ Fitër Bajrami anemban botës, falja në Sheshin Skënderbej përzgjidhet nga BBC ndër 12 fotot më të veçanta appeared first on Albeu.com.

Fitër Bajrami, mijëra besimtarë myslimanë falin Namazin në sheshin Skënderbej (FOTO)

Xh — Fri, 21 Apr 2023 05:26:44 +0000

Mijëra besimtarë myslimanë mbushën mëngjesin e sotëm sheshin Skënberbej, ku u organizua ceremonia e faljes së namazit të Fitër Bajramit në Tiranë.

Ceremonia nisi rreth orës 06:00, ndërsa Namazi u fal në orën 06:40. Ajo nis me leximin e kuranit, vazhdon me një ligjeratë, faljen e namazit dhe Hytbe.

Fitër Bajrami shënon për myslimanët fundin e muajit të shenjtë të Ramazanit.

Albeu.com uron të gjithë besimtarët Gëzuar Fitër Bajramin!

Prej kur daton Bajrami?

Bajrami i parë i Muhammedit a. s. ka qenë në vitin e dytë hixhri, në çka tregon hadithi në të cilin Enesi transmeton se “Pejgamberi i Allahut erdhi në Medinë, kurse banorët e saj kishin dy festa nga koha e injorancës, gjatë së cilave ditë ata argëtoheshin. Pejgamberi a. s. i pyeti: “Cilat janë këto dy ditë?’, kurse ata u përgjigjen: ‘Dy ditë në të cilat ditë jemi argëtuar gjatë kohës së injorancës.” Në këtë Pejgamberi i Zotit tha: “Allahu ua ka zëvendësuar ato festa me dy festa më të mira: atë të Kurbanit dhe të Ramazanit.’” (Ebu Davudi, hadithi është sahih.)

Besimtarët myslimanë, përkatësisht shënojnë edhe disa data të tjera, si: Bedrin, Çlirimin e Mekës, Kadrin, Mi’raxhin, Mevludin etj. Në këto ditë agjërohet, lexohet Kur’an, bëhet namaz nafile e veprime tjera të pëlqyera. Disa grupe minore thonë se këto nuk janë festa dhe se janë haram (bid’ate) të festohen. Përgjigjja është se këto data nuk janë detyrime fetare, por data që muslimanët i kujtojnë për të mirë dhe në këtë emër këndojnë Kur’an, agjërojnë, bëjnë ibadete të ndryshme, ndajnë sadakë, jo si festa por si ditë që duhet ta mbajnë gjallë kujtesën e myslimanëve. Me këtë veprim ata nuk kryejnë asnjë shkelje të dispozitave, përkundrazi, shtojnë intensitetin e ibadeteve dhe zbusin zemrat para egoizmit.

Pastrimi i ambientit brenda dhe jashtë shtëpisë, oborrit dhe rrugës

Islami i kushton rëndësi të madhe pastërtisë individuale, kolektive, por edhe pastërtisë shpirtërore, ekologjike etj., nisur nga kjo, dikur por edhe sot është detyrë parësore e familjeve myslimane pastrimi i shtëpisë, i dekorit shtëpiak etj. Pastrohet edhe oborri i shtëpisë, stërpiket me ujë rruga dhe hiqen mbeturinat si kurrë më parë. Ditët e fundit para Bajramit tërë familja janë në shërbim të pastrimit të shtëpisë, brenda dhe jashtë, që ditët e Bajramit të duken sa më të këndshme.

Pastrimi i besimtarëve para namazit të Bajramit

Para se të nisen në xhami për namaz të Bajramit, besimtarët pastrohen. Këtë e kanë praktikuar as’habët më të mëdhenj: Ibn Umeri r.a., Aliu r.a., Hasan Basriu e të tjerë nga dy brezat e parë. Koha e pastrimit duhet të jetë sa më afër Bajramit, por për shkak të rrethanave të ndryshuara, largësisë së xhamive e tjera, pastrimi mund të bëhet kurdo qoftë para Bajramit.

Veshmbathja e mirë

Gjatë Bajramit myslimanët duhet të vishen mirë, me rrobat më të mira që kanë. Edhe Muhammedi a.s., edhe Omeri r.a. edhe as’habë të tjerë janë veshur bukur. Veshmbathja nuk vlen vetëm për ata që shkojnë në xhami por për të gjithë. Edhe ambienti në shtëpi, oborr e rrugë duhet të dallohet nga ditët tjera, si shenjë e Bajramit dhe edukatës myslimane. Zbukurimi nuk nënkupton veshjen ekstravagante, parfumosjet e pavend, zbulimin e trupit etj.

Ngrënia diçka para Bajramit të Ramazanit

Dijetarët myslimanë pajtohen se myslimanët para se të shkojnë në namaz të Bajramit duhet të hanë diçka. Ishte praktikë e Muhammedit a.s. t’i hajë disa kokrra hurme, zakonisht tek, para namazit. Kjo është shenjë që po përfundon agjërimi. E kundërta veprohet gjatë bajramit të Kurbanit. Në atë rast, nuk hamë asgjë derisa kthehemi prej namazit të Bajramit.

Shpërndarja e sadakat’ul-fitrit (dhe zekatit) për Fitër Bajram

Koha e fundit për ta dhënë sadakt’ul-fitritn në institucionet e Bashkësisë Islame është namazi i Bajramit. Në rrethanat e atëhershme, Muhammedi a.s. ka urdhëruar që sadaka të ndahet para namazit. Për shkak të rrethanave të tjera të banimit, të urbanizimit të qyteteve etj., kohëve të fundit sadakat’ul-fitri organizohet ndryshe, tubohet më herët nga institucioni i Bashkësisë Islame, me triska, sipas kategorive të ndryshme, që i përgjigjet standardit të besimtarëve. Këto mjete duhet të shpërndahen institucionalisht në pajtim me ajetin kur’anor Et-Tewbe, 60, ose disa prej pikave të ajetit:

“Zeqati u takon vetëm të varfërve dhe të mjerëve, edhe atyre që e tubojnë, edhe atyre zemrat e të cilëve duhet përfituar, edhe për lirimin e robërve, dhe të ngarkuarve me borxhe, edhe për hir të rrugës së Allahu, edhe udhëtarëve – mysafirë, si obligim nga All-llahu. Kurse All-llahu i di të tëra dhe është i urtë.” (Et-Tewbe, 60)./Albeu.com/.

The post Fitër Bajrami, mijëra besimtarë myslimanë falin Namazin në sheshin Skënderbej (FOTO) appeared first on Albeu.com.

“Një grup po sulmon dhunshëm”, eksperti i kriminalistikës apel qytetarëve: Kujdes në Sheshin Skëndërbej

E S — Thu, 29 Dec 2022 18:18:32 +0000

Eksperti i kriminalistikës, Ervin Karamuço i ka bërë apel qytetarëve që të tregojnë kujdes në Sheshin Skëndërbej, që mos të bien pre e vjedhjeve.

Përmes një reagimi në Facebook, Karamuço theksoi se qytetarët vidhen me armë.

Reagimi i Karamuços
Meqenëse nuk njofton Policia e Shtetit, kam detyrim moral dhe qytetar ta bëj unë. Lutem kini kujdes në Sheshin Skënderbej, sepse vijon vjedhja e qytetarëve me anë të kanosjes me armë. Megjithëse u arrestuan dy persona para 4 ditësh, një tjetër grup vijon të sulmojë qytetarët dhunshëm, duke ju marrë portofolat dhe celularët. 2 raste të reja kanë ndodhur para 1 ore.

The post “Një grup po sulmon dhunshëm”, eksperti i kriminalistikës apel qytetarëve: Kujdes në Sheshin Skëndërbej appeared first on Albeu.com.

Nis magjia e festave, në sheshin “Skëndërbej” ndizen dritat

E S — Mon, 05 Dec 2022 18:27:10 +0000

Pas disa ditësh për ta instaluar, këtë mbrëmje janë ndezur dritat e pemës në qendër të sheshit “Skënderbej”.

Në praninë e dhjetëra qytetarëve, kryebashkiaku Erion Veliaj ndezi dritat shumëngjyrëshe.

Në sheshin “Skënderbej” është ndërtuar fshati i festave që shpërndan magjinë e festave të fundvitit.

Krahas Fan Zonës ku ndiqen ndeshjet e botërorit, po vendosen shtëpizat e drurit si dhe lodrat në shesh, ku fëmijë e të rinj do kenë mundësi të argëtohen në këtë periudhë festash.

Zbukurimet janë vendosur në të gjitha rrugët e kryeqytetit. Zbukurimi i qytetit për festat e fundvitit është një traditë që ndiqet prej vitesh tashmë.

The post Nis magjia e festave, në sheshin “Skëndërbej” ndizen dritat appeared first on Albeu.com.

110 vjetori i Pavarësisë/ Koncerti madhështor në sheshin “Skendërbej” , Dua Lipa uron shqiptarët (FOTO LAJM)

E S — Mon, 28 Nov 2022 21:09:26 +0000

Këngëtarja shqiptare me famë ndërkombëtare, Dua Lipa ka uruar të gjithë shqiptarët për 110-vjetorin e Pavarësisë së Shqipërisë.

Gjatë koncertit madhështor në sheshin “Skënderbej” në Tiranë, Dua ftoi të gjithë të pranishmit të festojnë së bashku festën e Pavarësisë, ndërsa i falenderoi të gjithë për mbështetjen që i kanë dhënë.

“Dua t’ju them faleminderit, ju dua shumë. Dhe ajo që dua t’ju them është të kaloni sa më bukur, kështu që të festojmë së bashku. Gëzua Ditën e Pavarësisë!”, tha Dua Lipa.

Dua Lipa po mban një koncert madhështor në sheshin “Skënderbej” në Tiranë me rastin e 110-vjetorit të Pavarësisë.

Koncerti ka nisur me Elvana Gjatën dhe këngën ‘Kuqezi’, ndërsa qindra qytetarë kanë sfiduar temperaturat e ulëta për të ndjekur spektaklin në këtë mbrëmje.

Dua Lipa mbyll sonte turneun e saj botëror, për nder 110- vjetorit të Pavarësisë së vendit tonë.

Para nisjes së koncertit Dua Lipa ka dhënë një mesazh të fortë nga Tirana, për të gjithë shqiptarët që jetojnë jashtë vendit. Në një konferencë për mediat, këngëtarja tha se duhet të ndryshohet stigma ndaj shqiptarëve, që jetojnë nëpër shtetet europiane./

The post 110 vjetori i Pavarësisë/ Koncerti madhështor në sheshin “Skendërbej” , Dua Lipa uron shqiptarët (FOTO LAJM) appeared first on Albeu.com.

Samiti i BE-BP më 6 dhjetor, Bashkia e Tiranës-PD-së: Protestën bëjeni në sheshin “Skënderbej”

E S — Sun, 27 Nov 2022 11:55:20 +0000

Pasi Policia e Shtetit refuzoi kërkesën e kryetarit të Partisë Demokratike, Sali Berishës për mbajtjen e protestës në Bulevardin “Dëshmorët e Kombit” më 6 dhjetor, ditën kur do të mbahet Samiti BE- Ballkani Perëndimor, Bashkia e Tiranës i ka propozuar PD-së që protestën ta zhvillojë në sheshin “Skëndërbej”.

Në përgjigjen e saj, Bashkia e Tiranës thotë se “për shkak të zhvillimit të samitit të BE, pjesa më e madhe e rrugëve në qytet do jenë në funksion të mbarëvajtjes së këtij samiti”. Për të mos cënuar të drejtën për tubime, ajo i ka propozuar PD-së që ta zhvillojë protestën pranë Sheshit Skënderbej.

Përgjigja nga Bashkia e Tiranës:

“Në përgjigje të kërkesës suaj protokolluar pranë Bashkisë Tiranë me nr. prot. 41516, dt. 23.11.2022, nëpërmjet së cilës kërkoni leje për vendosjen e një foltoreje në kuadrin e organizimit të një tubimi protestë në bulevardin Dëshmorët e Kombit, nga ora 12:00 deri në orën 16:00, si dhe bazuar në shkresën e bërë publike të Drejtorisë Vendore të Policisë Tiranë me nr. E-431prot., dt. 24.11.2022, ku shprehet ndalimi organizimit të ketij tubimi për shkak se bie në kundërshtim me perimetrin e sigurisë të cituar në shkresën përkatëse, ju bëjmë me dije se kërkesa juaj nuk mund të miratohet.

Bashkia Tiranë, si njësi e vetëqeverisjes vendore, në territorin e së cilës do organizohet samiti Bashkimit Evropian për Ballkanin Perëndimor është e angazhuar me organizimin e këtij Samiti, sipas fushës së funksioneve që ajo mbulon.

Për sa më sipër, Bashkia Tiranë e ka të pamundur t’iu pajisë me një leje për zënien e hapësirës publike për zhvillimin e tubimit që ju kërkoni të zhvilloni në Bulevardin “Dëshmorët e Kombit”. Duke qenë se për shkak të zhvillimit të samitit të Bashkimit Evropian në qytetin e Tiranës, pjesa më e madhe e rrugëve në qytet do jenë në funksion të mbarëvajtjes së këtij samiti, duke mos cënuar të drejtën tuaj për tubime, ju propozojmë zhvillimin e tij pranë Sheshit Skënderbej.

Për sa me sipër, nëse jeni dakord me këtë propozim, na bëni sa me shpejt me dije, që Bashkia Tiranë të vijoj me lëshimin e lejes përkatëse për zhvillimin e këtij tubimi.” /

The post Samiti i BE-BP më 6 dhjetor, Bashkia e Tiranës-PD-së: Protestën bëjeni në sheshin “Skënderbej” appeared first on Albeu.com.

Rita Ora “çon në peshë” të pranishmit në “Sheshin Skendërbej”, kërcen vallen e Tropojës (VIDEO)

E S — Tue, 06 Sep 2022 21:11:54 +0000

Këngëtarja shqiptare me famë botërore, Rita Ora ka krijuar një atmosferë elektrizuese në sheshin “Skënderbej”, ku ka performuar disa këngë shumë të njohura nga repertori i saj. Këngëtarja kishte zgjedhur një body të zi, e cila ishte kombinuar me balerinët që ishin veshur me të kuqe.

Ashtu sikurse disa vite më parë, Rita ka kërcyer sërish vallen e Rugovës. Teksa ka kërcyer nën ritmet e valles popullore në sfond, këngëtarja ka kënduar më pas këngën hit “Black Widow”.

The post Rita Ora “çon në peshë” të pranishmit në “Sheshin Skendërbej”, kërcen vallen e Tropojës (VIDEO) appeared first on Albeu.com.

“Zotët” e qiejve mbi Sheshin Skënderbej, dalin pamjet nga fluturimi i B52 amerikan (VIDEO)

admin — Mon, 22 Aug 2022 13:01:32 +0000

Dy avionë amerikanë, B52, kanë fluturuar mbi Sheshin Skënderbej në Tiranë.

Ky patrullim i tyre u bë me rastin e 100 vjetorit të marrëdhënieve diplomatike Shqipëri-SHBA.

Në Sheshin Skënderbej janë mbledhur me dhjetëra qytetarë, për të parë spektaklin e ofruar prej tyre./albeu.com/

The post “Zotët” e qiejve mbi Sheshin Skënderbej, dalin pamjet nga fluturimi i B52 amerikan (VIDEO) appeared first on Albeu.com.